2004 年 3 月 11 日 星期四 【酷熱】

今朝一起身，見到今日係１２號，就＜形＞住今日有人生日，但諗左好耐都諗唔起．．．．到底係邊個呢．．．唔理啦＜＿生日快樂ｔｏ？＿＞！～

跟住同ｍｕｋｏ番學，落左車之後，陳柏謙就ｏ係後面拍我地啦，ｍｕｋｏ話：我見唔到你既．．．跟住我就串咀，因為佢．．．．．ｈａｈａ，串得勁應呀，我ｗｉｎ左啦今次！！
ａｓｓｅｍｂｌｙ冇ｆｒｅｅ　ｔａｌｋ，咁文學，ｇｅｏｇ都有ｔｅｓｔ，ｄ人就好努力溫書，我就好無聊，冇野好做，之後派左張小冊子咁既野，我就畫下ｄ人樣啦．．．點知畫到勁似ｍｉｓｓ　ｙｕ，最後ｍｕｋｏ見我畫得咁開心，就一齊畫花張野～！超好笑！

兩堂ｃａ堂，教ＳＱＬ都真係幾難，我就成堂冇聽ｏ係度上網，ｏ係ｂｉｄ場見到我想買既龍珠公仔喎．．．．正呀，就係咁過左兩堂！！文化就梗係唔駛講，冇聽過！
小息又係一個睇報紙既小息，差唔多個個都睇緊，好似成間酒樓咁！
中史堂今日終於開始教＜清＞啦，諗起打後ｏ個ｄ＜ｘｘ運動＞＜ｘｘ革命＞＜ｘｘ戰爭＞都怕怕啦．．．．ｌｕｎｃｈ去左陶苑！

之後兩堂ｐａ，ｍｉｓｓ　ｌｏ又係冇番咁又空堂．．．嘩，ｌｉｂｒａｒｙ嘈到呀，我就一路玩，一路做ｃａ，間唔中訓下覺，聽下歌，同陳柏謙玩下咁啦！！跟住，佢同豆奶勁狗，禁住我對手，用原子筆畫我隻腳，玩過３關喎．．．．小呀！！兩堂特別快過，跟住班主任堂又自己做野，搞到我地又要番ｌｉｂｒａｒｙ，我好努力咁做ｎｅｗｓｐａｐｅｒ　ｒｅｐｏｒｔ又同陳柏謙玩紙版ｉｃｑ．．．咁就放學ｌｕ！

今個星期ｄ功課勁多，中史都４條ｅｓｓａｙ囉．．．其他科科都有功課！唉！書包太重啦，同豆奶ｏ係ｎｔｐ行左一陣就返屋企，訓左陣覺！原來我老豆放假，不過應承左陳柏謙同佢食飯，就冇陪我亞爸，但我幫佢收埋ｏ個ｄ冬天衫，用吸塵機抽哂ｄ空氣出黎，好好玩呀！

８點幾陳生終於返黎，話ｏ係樓下食野．．．．．咁食完９點幾就返屋企ｌｕ，佢唔舒服呀！～番到屋企飲湯，睇陀槍４，好好睇呀，之後大口同沛林打黎話聽日出去，真係要考一考慮，因為太多功課啦實左．．．．

>>March 13, 2004 at 2:12:06 AM GMT+8

2004 年 3 月 10 日 星期三 【晴】

唉，講真！！真係仲未想寫番日記．．．．．唔知點解～！
呢排ｍｉｓｓ　ｌｏ又整親佢條腰冇番學，咁我地差唔多日日都有空堂，而我既功課都好多，可說是冇休止．．．．但係最近好懶，返到屋企都唔想做功課，已經ｋｅｅｐ左一個禮拜都係咁架啦．．．希望可以快ｄ勤力番啦～！

唔打咁多啦，遲ｄ再交代啦～！

>>March 11, 2004 at 2:31:12 PM GMT+8

2004 年 2 月 20 日 星期五 【炎熱】

電腦終於整番好啦，我又可以打番日記啦～！不過呢期真係好多野做，特別係ｄ英文功課，唉！日日放學就一定有功課做，都唔知點解，做極都唔完～！

今日本來做左＜三陪小姐＞，最後變左＜二陪＞！！

今朝１０點就比英壽哥（陳柏謙）既奪命電話嘈醒，原因係前日本來佢去剪頭髮，叫我陪佢，點知佢又冇去到，去左打波，咁話星期六我陪佢去剪！佢又話驚多人，所以晨早去剪，我真係勁唔想，因為要早起身，我又唔係剪喎，但佢就勁狗，話如果我唔陪佢，佢就唔還錢比我（佢欠我＄９０）！唉，就係咁，１０點幾比佢嘈醒，真係好辛苦咁起身啦，又話１１點出門口，但之後係佢遲到囉．．．頂！
去到剪完都１２點幾ｌｕ，不過又真係幾好睇喎！跟住ｊｏｉｎ埋濕濕，行左陣去左鴻運食飯，之後我叫埋亞燕黎，點知佢黎到我地都走ｌｕ！！之後去左陪英壽哥買鞋，唉，點知冇佢ｓｉｚｅ，佢勁失望呀下，有錢都買唔到！！由於我約左豆奶要走先，咁就撇啦，留番亞燕一個力抗英壽哥．．．．ｓｏ　ｓｏｒ　ａｒ！！

第二陪就陪豆奶去買電腦啦，咁就約埋張鈞啦，因為佢幫豆奶砌機！！我地都遲左ｄ先到深水步，２點幾ｌｕ！！入到高登又係勁多人啦，張鈞周圍行格下價，但我地就ｏｎｌｙ跟住佢，唔知做咩好，佢睇緊ｏ個陣，我地兩個就扮哂識咁一齊睇．．．．ｈａｈａ！嘩，我睇到ｄ　ｍｐ３好似好抵咁呀，真係好想買呀！！
行左勁耐勁ｔｒｉｅｄ，買左２５００度，跟住就走ｌｕ，上豆奶屋企砌機啦！！真係好緊張呀，因為識左豆奶５年幾，第一次上去佢秘密既屋企呀，好高興呀！！
入到去就梗係周圍睇啦，同我想像中差唔多，不過就亂左少少！咁玩完一輪，張鈞就砌啦，我地就睇ｖｃｄ，一路睇就一路玩食腳囉．．．ｈａ！

本來夜晚要陪人食飯，但收唔到佢ｃａｌｌ喎，應該未放工，故變左＜二陪＞！

整到７點幾，個ｍｏｕｓｅ唔得，咁就落街買，順便食埋飯！！食完上番去，張鈞就好努力咁幫佢ｓｅｔｕｐ　ｄ野啦，我地兩個就狂玩，咩都拎出黎玩．．．．ｈａｈａ，笑到個人勁辛苦呀！！
整到１０點幾走ｌｕ，我選擇搭８７Ｄ返屋企，一程成個鐘，訓死左～

>>February 22, 2004 at 5:52:40 AM GMT+8

2004 年 2 月 10 日 星期二 【晴】

又收到ｅ－ｍａｉｌ，想ｄｅｌｅｔｅ我個ｄｉａｒｙ！！！！

被迫要打番．．．．！！！

>>February 11, 2004 at 5:43:23 AM GMT+8

2004 年 1 月 23 日 星期五 【晴】

電腦壞左，冇得打日記～！

焗住要打，唔係會比人ｄｅｌｅｔｅ，冇計！！遲ｄ一次過補番．．．．

>>January 24, 2004 at 4:27:25 PM GMT+8

2003 年 12 月 30 日 星期二 【炎熱】

今日除夕，我地下晝既大食會都會進行！１０點幾起左身，本來話約早ｄ去新港城買野先，但都係冇左回事～～
之後陳伯話去食ｍ記早餐，咁換哂衫，帶好哂野去啦！唔知點解，本來好想食精選架．．．．但去到又冇食到，ｏｎｌｙ食左個包～！食完之後，本來話去匯豐銀行，陳伯入錢，點知勁多人，冇入到～！
去左天利行ｓｈｏｐｐｉｎｇ，哈哈，因為佢有＄１５０既ｃｏｕｐｏｎ，買野唔使錢．．．．嘩，即刻揀啦～！雖然我冇份架本來，點知我揀揀下，我就愈揀愈多，但我地兩個ｏ係天利行揀得勁辛苦，＄１５０既文具，揀到嘔呀，我地又唔鍾意用ｈｉ－ｔｅｃｈＣ喎！！ｆｉｌｅ又買一餐，釘又買，紙又買，總之咩都揀下，好辛苦先計到差唔多價錢啦，點知去到ｃｏｕｎｔｅｒ竟然超左＄１５０，冇理由貼錢架，咁就唔要枝支筆囉．．．．．．．最後分番開，哈哈，我揀既野係多過陳伯好多架～！

揀到成１２點幾，沛林，呂方，大口，筠婷，亞燕都黎哂，咁就去埋街市買野，ｊｏｉｎ埋豆奶同雞亦，就上沛林度～！但其實佢屋企都好唔方便，因為有人裝修，都唔係幾好意思，就決定唔食野住，２點過後去到我度先食～！咁我地又玩下ｕｎｏ先啦，筠婷唔知咩事，狂出錯牌，佢自己都唔知咩事，呂方又唔係好識玩，ｃｕｔ得勁慢．．．．ｋａ又黎埋，一邊打麻雀，筠婷，亞燕同豆奶玩９９，勁嘈～！～！到２點幾出發去我度，但沛林好唔開心，炆炆地唔去呀，好驚呀．．．．ｓｏ　ｓｏｒｒｙ　ｔｏ　ｕ　ａｒ！！！

搭的士上到我度，本來話大口煎雞亦既，點知變左呂方同筠婷煎囉，豆奶整ｄ蟹柳．．．．好ｘｘｘ！！未有得食，佢地玩唔賭錢既麻雀，ｗｉｎ左可以打亞燕．．．．唔知咩事，勁好笑，我就教陳伯打，食左輔勁大既，又去打亞燕囉，好好笑！！！整到４點先有得食！！
有我既冷麵啦，ｋａ既金姑牛肉捲，亞燕既炒飯，筠婷既壽司，呂方煎既雞亦，雞亦既菠蘿腸，同埋豆奶有氣既ｏ者喱！！！！！好多野食呀～！樣樣都唔錯唔錯～！
食完就打牌啦，我同陳伯一組啦，佢唔係好識，要人教囉，一人一圈咁打，我ｗｉｎ番黎既，佢就同我輸哂．．．唉，是但啦～！！
打到１０點幾度，亞燕同筠婷就去左沙田倒數，我同大口同豆奶就冇出，ｏ係我樓下食野，食完野去左公園傾計，３個人玩ｕｎｏ，唉，連輸３局！！之後又傾下計，講番０３年好多野，大事回顧，大口就ｓｅｎｄ　ｍｓｇ啦，我同佢咁近都ｓｅｎｄ唔到囉．．．．差唔多１２點，諗住３個自己倒數啦，傾傾下計，聽到車響按，原來已經到左．．．．好無奈！
就係咁，３條友傾到１點幾先走，都覺得好開心，仲比差佬ｃｈｅｃｋ過一次身分證～！返到屋企成３點先訓唷～！
－－－－－－－－－－－－－－－－－－－－－－－－－－－－－－－－－－－－
咁快又一年啦，今年最開心除左升到ｆ．６之外，仲有就係識到ＲＣ既所有朋友仔啦，我地之間都唔係識左好耐，但真係好似經歷左好多野咁，成日笑，真係開心左好多！！上到中六又識左好多新朋友，都唔錯呀！！仲有返工呀，又識左好多新朋友，好～！
希望大家．．．．．．．．．．ＸＸＸＸＸＸ零四好玩啦～！永遠開心～！

>>January 4, 2004 at 3:33:07 PM GMT+8

2003 年 12 月 29 日 星期一 【陰晴不定】

今朝一起身，開電視睇，同亞媽睇到話原來梅艷芳尋晚死左．．．．嘩，我同亞媽眼都突，唔係呀，仲有２日就新年啦，咁都過唔到，跟住睇佢好多朋友尋晚好多朋友去探佢，見佢最後一面．．．．睇完之後，我同亞媽都喊唷～！＞＿＜”！２００３年真係好恐怖，快ｄ過啦希望，下年會更好～！

之後下晝就出左又一城睇＞魔戒３＜啦，之前大口已經買左飛！！唉，去到等左佢２個一陣，行去戲院ｏ個陣，心情好差，完全唔想講野，ｓｏ一路行我都冇講過野（我都唔知點解，諗番起都驚）！去到睇啦，睇完又冇事啦喎，好番哂，睇完都６點幾ｌｕ！原來睇第二次係好睇ｄ架，好多ｄｅｔａｉｌ既位都睇番哂．．．．好睇過第一次～！

跟住去左公園坐左陣，諗下聽日點，坐下傾下就返屋企ｌｕ，因為要返去整冷麵唷～！
返到屋企，又睇番關於梅艷芳既野．．．．唉，又喊～！

－－－－－－－－－－－－－－－－－－－－－－－－－－－－－－－－－－－－－－
突然，發覺，原來我同你．．．．都有心靈相通架喎！！真令人高興～！

>>January 4, 2004 at 2:43:34 PM GMT+8

2003 年 12 月 28 日 星期日 【炎熱】

今日ｄａｄ＆ｍｕｍ放假，不過冇陪佢地去飲茶，因為＜海港＞ａｇａｉｎ＆ａｇａｉｎ囉，ｓｏ唔想去～！
筠婷同沛林同大口補完課，ｏ係新港城溫莎食野，咁我就落左去啦，因為之後又上沛林度～去到溫莎，ｏｎｌｙ得筠婷食野，好無奈，我又唔想食ｏ個度ｄ野喎，咁就一個人食野，就坐左勁耐傾計啦，諗下３１號去邊度玩！！我地又唔係太想出去迫喎，又想去番石澳ｂｂｑ，但好似遠左ｄ喎，又唔想ｏ係沙田喎，勁煩啦．．．．點知冇啦啦諗下，就提議左下晝開個＜大食會ｐａｒｔｙ＞，去既每人整一樣野食，我就梗係整番冷麵啦，筠婷整壽司等等．．．好多，諗起都開心呀，暫定ｏ係沛林屋企，我仲話去度玩踩波ｔｉｍ　ａｒ！！！哈哈哈！！

言歸正傳，我地坐到２點幾就走，因為我同沛林話去第二間食．．．ｈａ，勁玩野！！食完就叫埋雞亦上去沛林度，我同筠婷夾，因為我帶左ｐａ上去溫！！！咁當然我呢ｄ就梗係溫唔到啦，最後又ｗｉｎ左５０幾蚊呀！！打打下，沛林媽返左黎，而佢細路＜＜呂方＞＞就學打啦，勁慢囉．．．．．！！
打到８點幾，亞爸就話去＜海港＞食晚飯（ａｇａｉｎ＆ａｇａｉｎ＆ａｇａｉｎ）！亞哥放假，咁一家四口啦，喪叫野食～！我亞哥冇啦啦叫左個＜例湯＞囉，勁洩卓呀，又少湯又咸，仲要成＄６８囉，唔抵～！我叫左＜糯米蒸羔蟹＞嘩，超好食呀真係，跟住又叫左條星班啦，蒸象拔蚌啦，燒鵝啦．．．．好多好多！！食完又有生果同糖水送，因為識人．．．．！！埋單ｏ個陣，我問我亞爸，你估下幾錢，我亞爸話＜３５０度啦＞，我亞媽就話＜痴線，一定過４００呀＞．．．．之後ｗａｉｔｅｒ黎度＜多謝你５９８蚊呀＞＞！！
哈哈，我同亞哥勁笑呀，我亞爸雖然無奈，但佢話好少４個出黎食晚飯，冇所謂啦．．．好豪呀！！食完餐貴野之後１０點度，冇啦啦話去百佳行下啦，好耐冇試過４個行超級市場啦，又破費啦我亞爸！！
去度，又係行得勁慢，行下又同亞爸玩，我地兩個揀雪糕咩味都揀左勁耐，又同亞媽玩ｄ好平既眼鏡，勁好笑，行到１１點，因為要ｃｌｏｓｅ．．．．點知，又買左２００幾蚊野！！之後就搭ｔａｘｉ返屋企ｌｕ～！～！

今晚，勁開心～！

>>January 4, 2004 at 10:42:39 AM GMT+8

2003 年 12 月 27 日 星期六 【炎熱】

今日．．．．．．下晝同亞媽去左飲茶，飲完佢返工，咁我就一條友ｏ係新港城行啦！！幾難得自己一個，梗係行超級市場啦．．．．我最鐘意！！自己一個行左成個鐘，冇啦啦買左＄５０幾蚊既野，唔係ｆｏｒ屋企喎，係ｆｏｒ自己．．．ｈａｈａ！錢，對我黎講，真係用得好快～！
之後租左隻＜大隻佬＞返屋企睇啦，整下野呀，玩下呀，傾下電話咁就７點幾ｌｕ！自己就煮左粟米湯．．．．好飲！！
睇完＜大隻佬＞都唔係話特別好呀，不過就真係好難明，好用腦諗下，都唔差既～！

夜晚就一路聽新城頒獎禮，一路玩ｇｂａ啦，實在太多豬肉獎啦，多到都唔知係咩，連ｅｄｉｓｏｎ同余文樂都有喎！！８０幾個獎．．．．唉！！之後ｏｎ左陣ｌｉｎｅ，１２點幾就上左床，睇電視轉播，睇睇下訓著左！！冇啦啦１點幾鐘電話響，陳柏謙ｓｅｎｄ左個無聊ｍｓｇ黎，咁ｒｅｐｌｙ佢啦，之後佢就打黎，就係咁醒左囉．．．．好無奈！！傾左陣真係好眼訓，收線訓覺ｌｕ！！～

>>January 4, 2004 at 10:19:06 AM GMT+8