2003 年 3 月 25 日 星期二 【晴】

人的感覺會改變嗎????????

真令人費解.

>>March 26, 2003 at 8:19:50 AM GMT+8

2003 年 3 月 24 日 星期一 【晴】

昨晚, 做了一個夢....
夢見自己和大俠一齊返回永光,
( 以後便這樣稱呼他吧...費事他呀佢呀咁 )
我們很開心, 和大家一齊玩遊戲得很開心.....
佢地仲叫我多D返去添......
我仲同佢很有默契咁.......都唔知點講,,,
這是我咁耐以來, 發的一個最開心的夢...

從前間中會發夢見到自己返左去...
但每次想找佢的時候....總是找不著....
然後四圍咁跑..........尋找........最終總是踫不著他...

不過我都好攪笑......佢等埋我...但我心內郤奇怪...
因為佢上年搬了家..根本唔同我順路......
哈哈....
不過我無問佢, 但係我最開心的一個夢境.

返來現實講吧.
從前返永光(還是少年團時), 因為規矩....
想和他好好的談談也不可以,
我並不是埋怨, 對教會的規矩, 我仍然信服.
當然也看到這規例下的弱處.

但現在, 我最想的係可以同佢一齊敬拜神.讚美神.

>>March 29, 2003 at 12:38:05 AM GMT+8

2003 年 3 月 24 日 星期一 【晴】

有一位不大相熟的同事和一名前暑期工同事,
於上週末共諧連理,
每當我想起他倆, 都會感覺很感動.....
男的和我年齡相約, 而女的年方十九, 男的工作數年(該和我年資相約吧!)
預計今年年尾會赴英讀電腦, 也許這正是他倆決心共諧連理的原因.

很令人感動!! 也許大家都年輕, 總有著衝動的力量.
不枉青春,,
但我所看重的係他倆願意為愛去承擔的心志,
結婚可不是小事......
戀愛會是柔情似水, 細水長流.
也會是無比風浪, 甚至翻山越嶺,
不怕險阻, 不怕歲月,
怕的係人性的本我, 人的自私, 人的軟弱.
願意踏出這第一步, 需要一定的決心.
我感覺係好令我感動..............眼濕濕..

願主祝福這對青春小夫婦...願他倆不怕前路的險阻, 排除萬難.
常常持著當日的宣誓的誓言及當時的心志,
共同的向前邁進, 直至人生的盡頭.

說找到相愛的人不易, 找到自己深愛的人更難.


>>March 29, 2003 at 12:37:12 AM GMT+8

2003 年 3 月 23 日 星期日 【晴】

人算不如天算, 上週以為醫院才是中招高危地,
現下, 我身處之地反成高危地點.
就係咁樣, 醫療界與教育界扯上微妙的關連.


>>March 24, 2003 at 8:25:45 AM GMT+8

2003 年 3 月 19 日 星期三 【雨】

美軍開戰了...........也許係該說布殊開戰弓才對, 他正是這場戰爭的主導者.

願主記念伊國那些手無寸鐵的平民百姓. 尤其係那些小孩子.
上帝比任何人更愛惜生命.

願主的祝福與他們同在...

>>March 20, 2003 at 4:41:38 AM GMT+8

2003 年 3 月 19 日 星期三 【晴】

昨晚返完認罪, 人輕省了許多, 每次都向上帝禱告, 也許內容相近,
但越返越開心, 今次走時, 係對面馬路再遇leo, 今次我比佢先笑,
仲見到久違了的朱先生, 不過佢唔認得我,
但我真係好開心. 唔係因為見到任何人, 係發自內心的喜樂.
因為上帝聽禱告.

昨晚回到到家中讀報後, 知道港大醫科好似話暫停所有到醫院的課程,
課程作出更改, 一早就好改啦, 等我唔洗咁擔心ma!!!!!!!!
但昨晚找唔到佢, 想問問佢都唔得.

總之就好開心啦.
感謝, 感謝, 最世界每顆心也跳躍,
夜裡晚星歌唱, 共讚頌神, la la 大能, 天際也覺繽紛.............(忘記了d歌詞) :p



>>March 19, 2003 at 11:23:01 PM GMT+8

2003 年 3 月 18 日 星期二 【晴】

昨日報道又多2名醫科生患病了..............

日漸增多的數字, 全都是不利的消息.
雖然, 這邊廂沒有開戰, 但戰火已在醫療界洗禮, 也在我心底裡燃燒著... :(
甚至收到一些很可怕的傳言, 又有說瑪麗並沒有派正規口罩予醫護人員等等...........

從前只會意識到佢的辛勞, 沒有足夠時間休息, 溫唔完的課本, 食飯的時間也不足, 食無定時.........

曾閱一份採訪, 人的一隻手掌有五十多塊骨塊, 每一塊有不同的名字, 每塊骨與骨接駁之間也有不同的名字, 所有所有的都要記著, 因為考試會出, 何況係一個人全身的骨頭????
這是出自一名醫科二年級生的話....

當看過了這報道後, 該會明白我一直沒有向佢問個究竟的原因,
也許也正因我欠缺一份勇氣........

當你知道自己在暖洋洋的被窩中甜睡之時,
他三點幾還在努力中.

當你食飽飯在看電視劇集時, 也許會是十時正的笑傲江湖,
他才吃這晚的一頓晚餐--出前一丁公仔面及維他奶一盒.

當你正準備好睡覺, 在床上想著何處是明天週六的好去處時,
他正在醫院當夜班, 大約一時多才可下班.

當你品嚐著媽媽的靚湯時,
也許他還未下課.

等待也許很惱人, 也許會很傷感,
視乎你的感情, 對佢的盼望,
對自己和佢的了解,
當然, 我對佢的了解真不深.
付出是否值得, 視乎個人意願.
如果真的有愛, 等待便不可怕.

如果我有愛過佢,
但願我永遠也不改變.
當然, 這是我自己也未可悉透之事.

上帝作我的見證. :)

這一刻, 我只係很擔憂佢, 盼望佢會平安渡過這場可怕的病菌戰役.
以馬內利.


>>March 29, 2003 at 12:38:56 AM GMT+8

2003 年 3 月 17 日 星期一 【晴】

很令人擔憂, 昨天報道有十五名醫科生中招了...........
雖然佢並非於威院上課, 而且上週五佢告訴我佢現於婦產科工作, 並非er果邊,
但仍然很令人擔心.

面對這次病毒事件. 就好似佢要去上場打仗咁, 而我就乜都做唔到.........
只在私禱中去向上帝祈求祝福,
佢咁忙,我唔想成日致電佢, 否則我的來電一定會比這超級病菌更可怕. :)

我總叫自己要對佢, 對上帝有信心, 但仍然好擔心佢.....
以馬內利, 以馬內利, 神與我同在, 也與佢同在.

每一晚上, 我將會遠望, 無涯星海( 我房的天花板有夜光星星 :) ) 點點星光,
求萬里星際燃點你路, 叮囑風聲代呼喚你千趟.....................

我很想念佢, 我很想念佢. :)

>>March 18, 2003 at 8:26:28 AM GMT+8

2003 年 3 月 11 日 星期二 【晴】

Dear Richard,
我有想念你啊!! 哈哈, 你終於找我啦, 哈哈~~

____________________________________________________

今日仍有d頭痛, 唉, 今日好在有位靚女老師出手相助, 解決了我一個大難題.
但因為身體很倦, d 傷風總是好似唔會好番咁. 故人很倦,
今晚, 我返唔到認罪祈禱會了........


>>March 12, 2003 at 8:16:25 AM GMT+8

2003 年 3 月 9 日 星期日 【晴】

不知何故, 近來日子好像過得很快, 好似過了很久一樣, 近來只想多爭取時間去睡.
見到一個十字架燭台很美麗, 但因為買了另一樣東西,不可太花費,..........但好想買佢返屋企....

>>March 10, 2003 at 5:05:13 AM GMT+8