2006 年 6 月 25 日 星期日 【酷熱】

其實，我由六月廿二號開始有工返了，不過始終唔係最想做果份，之前都推左數份了。
好在廿三號就收到靈實醫院個電話，叫我下週四廿九號去驗身。
咁樣，始終因為未簽約，所以都要返住呢邊先。
現在係土瓜灣工聯會返工。
講真，中心主任對我好好，其他人都好好，佢地一邊教我工作，
但我又唸住走，所謂搵食艱難，都要做次負心人，
不過為了保障自己．．．

>>June 26, 2006 at 5:29:30 AM GMT+8

2006 年 5 月 29 日 星期一 【陰】

哈~乜曾小姐都知我無工返咁橙咁，咁咪連鄭校都知law???

不過，昨晚阿鄰居話我以前份工好喎...
好....人工阿碼!!!
如果唔係佢之前走兩件，趕住請人，阿老朽之前都係無人先請我之碼，佢都係不情不願咁，
人地想請d學歷高d~及人工低d碼~
做唔做得都無所謂，
呢d咁的工作實在非本小姐(勤力好同事)應該工作的地方，
就算呢個世界真係一個不公平的世界，
我都認為第二度都好過潮州。
尤其係我的朋友們都離開後，只不過朋友們走後，我有個老公係果度日日要返去。
第日我老公都會唔洗返去架啦，
只是我認我最放唔低的係佢。

我都係學歷低先係潮州做咁多年吧~
有錢唔係大晒架，
就我差到有日無飯開，就差要我拿綜援，
我都覺得好過返去果個人間地獄度比d嫁唔出的老女人虐待 :)
而且，遲d有工返可能d年假會少d，
現在休息了一段日子，咪當放放假，
不過係無薪假吧 :)
我仲覺得實在走得太遲，不過咁都好，
剛好我們四位做得的好女孩都走晒，
咪等佢地自己做飽佢law :)
好人工都不過是表面的東西，
肯做和努力，總會找到好工作。
只不過之前係因為感覺唔抵，自己實在太愚蠢，信埋晒d基督徒，先至要咁橙，
我又唔係無得揀，
下次咪要學精d law :)
我唔怕辛苦，只要環境開心和感覺上的舒服，
少些賤人會好些;)

今天下午去北角一間津小見工。
週四下午去廣東道關注婦女性暴力協會見工。
再無得做，孫大人的公司請下午會計文員、也可看看有否機會。
而且下週一都可以去孫大人的公司見果份，雖然辛苦、無工返都可以一試。
再唔係，樓下$8125，懷智中心都可以試試，反正佢都請唔到人。
不過梗係做office好d，又唔係等錢洗。

只要肯做，一定有機會，不過要可能要等o下。

朋友們，因為我的老腦上不到勞工處的站，所以沒有那些機會吧..
而且我又唔係好想投身商界。
謝謝你們常常的協助，近來因為要節省開支少了見你們..
我十分期待可和你們一同上上街玩玩 :)

>>May 30, 2006 at 2:52:42 AM GMT+8

2006 年 5 月 23 日 星期二 【晴】

其實真係想留係他身邊耐些，
但又唔可以成日同佢一齊，
又去唔到佢家，
我好唔開心。

每當想起上一份工，無去兩個interview，及give up油塘的second interview，
都不過為生計而已。
又想到自己根本沒有錯的時候，
我真係好唔開心。
加上近來又無乜好工寄，有得in的，就算願讓步，都沒有被揀上，一係就去到香港仔咁遠，連車都唔識點轉去。

都係我愚蠢，信乜鬼野基督徒，
johnny係第一個，老朽姐姐都第二個啦，仲果個姓何的賤男，
我以後都唔會信呢個教的人，
基督徒可以好賤，可以好cheap，可以比信其他教的人更下流，
自己都無返去，仲守埋晒d乜忠乜義咁，
結果，弄到自己咁，
如果我睇錢份上，我都唔會守當日簽果份約。
個賤男同我講承諾，
哈~如果佢盼重公司的運作及會計媽媽的辛勞，
就唔會咁樣要我走啦。
想來想去，在家又無所事事咁，
結果今日同老公談了數次電話，
都喊晒咁。
越講越想哭，
ms yim yim打過來，唔認得個號碼，
同邊個都無乜兩句。
雖然戶口有少少錢，仲夠捱下去。
但都要減少開支，直至搵到工為止。

講唔出口的，心中有份怨氣，
感覺不平，又行衰運，
誤入黑店工作............

>>May 25, 2006 at 4:31:03 AM GMT+8

2006 年 5 月 10 日 星期三 【晴】

新公司的工作量很多,
日日都係不停咁做, 不停咁做,
而且為了不想OT, 故每天都很努力的做,
好努力, 好努力咁.
但新公司的主任話呢度鼓勵人OT喎...
我有自己的家庭, 和愛人, 仲有和朋友聚聚,
仲要為白天的辛勞而休息,
我才不要OT,
結果, 返咁耐工, 我都係最早走果個,
佢鍾意又好, 唔鍾意又好,
總之我就唔會拖慢自己的進度,
特登留耐D.
因為我發現, 約五時半至四十五分走的話,
大約六時許到巴士站.
之後仲要等車,
如果放工想去買些東西, 或逛多兩逛,
咁可能要七點半至八時多才回家.
之後仲要食飯, 洗澡...
晚上可用的時間實在不多,
所以我一D都唔想留低.
就算佢地個個都鍾意留係公司.....
我希望開工時落力D,
做晒DO野就算.
就算佢問起, 都無理由要我留.

>>May 11, 2006 at 5:15:47 AM GMT+8

2006 年 4 月 23 日 星期日 【陰】

今日仲未好返,
仲差過昨天,
十一時許, 吃了些白包包才好了些.
精神也比今早的好,
放工後再去看多次醫生,
我覺得今回好似好耐都唔好番咁,
幸好買了好多河粉回家.....

>>April 24, 2006 at 5:35:34 AM GMT+8

2006 年 4 月 22 日 星期六 【晴】

今天在街上走走,
碰巧遇上一週後成親的的偉仔夫婦,
不知何故, 感覺上自己好似仲未離開潮州咁,
一個人在上走,
總是想起明天開學,
老公一個人返學的事宜.
對於明天, 自己個人有點失落感.....

>>April 24, 2006 at 5:39:53 AM GMT+8

2006 年 4 月 21 日 星期五 【晴】

他說著要我選擇,
我不要選擇,
因為起初已選擇了.

我希望他不要再有我走的念頭,
我不要再揀任何人.......

>>April 24, 2006 at 5:35:56 AM GMT+8

2006 年 4 月 20 日 星期四 【晴】

新工作地方很忙,
有好多voucher要入,
今日又有入錯東西,
因為唔熟所以,
有好多data的輸入要學習入,
因為會計是準媽媽,
和吳太差唔多大(寶寶)
所以我自己會有點緊張,
希望不要做錯太多東西令會計生氣...咁就唔好了

>>April 21, 2006 at 5:31:43 AM GMT+8

2006 年 4 月 19 日 星期三 【晴】

因為電話的問題,
而和老公鬧了半天不快...
其實咁樣, 我會好唔開心.

新公司地方細細,
成日行開行埋,
電話響...傾電話咁...
真係唔係咁好,
而且我見同事們都沒有呢方面的動靜,
又唔會成日行開個位,
加上我自己又好多voucher入...
如果有一格資料入錯就唔好了,
呢個係我主要的工作來的.

各個centre的細數,
及銀行過數,
出票找數等,
都係由我地centre負責,
所以會計的工作量很大.

可能呢度d同事好d,
加上, 沒有嫁唔出的怨女人存在,
沒有爭權的事和公利可言,
我們各人有自己的工作要做,
不過我主要係同會計媽媽合作的.

雖然量多, 但沒有突發事件,
也沒有突然要趕的文件,
工作主要集中在會計上,
所以, 無以前咁大壓力.

只是, 就無法像潮州咁,
自由進出教員室和後花園,
手機可自由響起, 和通電.
少了好多和你傾計的人,
以前學校每天人流過千.

呢度都有一個潮州沒有自由,
就係可以隨意放和老公的照片連大口仔相架係自己張枱度 :)
哈哈, 個相架好攪笑架,
大口仔著住套basketball衫,
有個basketball係隔離,
仲有個basketball架係右上角度,
好得意:)

>>April 21, 2006 at 5:42:55 AM GMT+8

2006 年 4 月 18 日 星期二 【陰】

今天請了無薪假,
因為胃抽筋, 食左d藥又好累,
為免自己入錯晒d數,
所以都係留在家中休息較.

不過, 人人都會以為我想轉工,
連阿媽都問 : 咁你明天仲返唔返工架??
我都不過生病了,
胃抽筋, 好鬼痛.

>>April 21, 2006 at 5:45:19 AM GMT+8