2003 年 7 月 31 日 星期四 【晴】

中午出去...去左銀行la～跟住影印～買野....同媽咪食飯.......
之後就去屯門醫院領遺體.....見完daddy之後...殯儀館d人就送daddy番去.........
望住架車駛走.....感覺好奇怪......唉.......daddy～我好掛住你.........../.\"但係...都要....bye bye lu.....
番元朗行左一陣...去郵局寄野～跟住買埋野就走lu........
番到屋企抖下先....又陪下媽咪傾計......呢一星期都走黎走去...又要面對好多問題.....真係好辛苦～

＞＞＞＞＞＞＞＞＞＞＞＞＞＞＞＞＞＞＞＞＞＞＞＞＞＞＞＞＞＞＞＞＞＞＞＞＞＞＞＞＞＞＞
要好好保護自己！我要同媽咪好好堅持落去！！加油～～
願主保祐我們.....仲有希望daddy好好安息........

>>August 1, 2003 at 11:47:11 AM GMT+8

2003 年 7 月 30 日 星期三 【晴】

朝早去郵局交錢.....食左ｄ野再過屯門海翠果邊～去銀行傾野傾左好耐～又攪呢樣攪果樣.........
跟住就番屯門醫院拎火葬紙....唉～佢地話份報告要兩三個月後先出a.....唉..............
之後番元朗fax野～搭車去長抄灣登記火化爐......8月9日將會係我daddy gei葬禮............./.\"
攪完呢d野又過旺角果邊....順便攪取消手提果個台....同埋又係轉名果d野la........
終於都番得元朗lu.....今日搭車搭到我都暈暈地....好辛苦～又累又冇胃口.........唉～
番到黎去左買野～跟住食左少少野就番屋企.....今晚要整理下D野....要好好休息～同媽咪繼續涯落去！

>>July 31, 2003 at 12:53:39 PM GMT+8

2003 年 7 月 29 日 星期二 【晴】

好早起身....再次去到屯門醫院gei殮房....呢次係見法醫官～最後同媽咪都同意左解剖屍體.........
唉...希望冇決定錯la......跟住就見我阿爸一面.......但係好快就要走...想望多眼都唔得......唉～
之後番元朗食左dd野～就過上水果邊...上去警察福利部果度傾野～
傾完就同福利官,仲有個沙展一齊去殯儀館....傾掂左就走lu......番元朗買飯番屋企食～
夜晚有阿爸d同事黎拎番d警察制服～如果果d野可以比我keep番就好lu.......唉～
今日真係好累好累.....夜晚要好好抖下～聽日又要出去攪d野.....好辛苦...好累好累............/.\"

＞＞＞＞＞＞＞＞＞＞＞＞＞＞＞＞＞＞＞＞＞＞＞＞＞＞＞＞＞＞＞＞＞＞＞＞＞＞＞＞＞＞＞＞
容祖兒-最後一課
怎麼想像　要我重述溫馨的往事　便迫到我眼淚　不聽你意思
尤其是你　不喜歡哀傷沮喪　這一點我知　我知
多麼想念　你那瞭望天空的印象　幻想我有這份　頑強的漂亮
尤其是你　在臨別的豁達模樣　多少也為了我設想
＊曾經得你寵我　竟縱壞我　連哀傷都不可　忍受太多
　明白孤單一個　都要自強　苦楚試練　無論如何多
　都不算多（得到一些　領悟未怕高）
＃離開都要考我　怎麼去做我　誰都知分開　比相處更多（遲早都會枯竭　誰都清楚）
　明白戲夢人生苦短　也可得到最大　結果　何必這麼　教我
都只因為　你那來自心底的美麗　學懂笑看　世上難題的造詣
尤其面對著　惶惑驚怕亦無畏　得到了學會去放低
Repeat＊
這告別　要是忍得到　在未來任何事也可以
承受到　成熟到　不再問你　哪裡有我的去路
Repeat＃
從此只好　靠我

>>July 30, 2003 at 11:18:46 AM GMT+8

2003 年 7 月 28 日 星期一 【晴】

好累a～朝早起身陪媽咪又過去屯門醫院....阿輝已經等緊我地.........
一齊上番去B7房搵醫生.....傾番果日gei病情....開頭就問番d普通野la.......
但係當問起可唔可以拎病歷記錄果陣～個醫生開始就答得好小心.....最後..係答唔到我地想要gei野～
差唔多夠鐘....落番去報到～之後帶我地去殮房.......落口供～跟住入去認屍........
我見到我daddy.....我.....只可以望一望佢.....我好唔捨得.....我好...心痛～
唉.....之後就走lu.....果陣都成1點幾...番到元朗陪媽咪食少少野～
跟住又走黎走去...拎d野a...影印a～之類la...又買左d野就陪佢去搭車.....唔經唔覺都3點幾....好鬼累～
等媽咪上左車之後...我自己一個人行番去元朗廣場.....約左杰杰同琪琪....去食d野又傾下計～
或者呢幾日面對gei野真係太多....我本來真係唔想同人分享....不過講左出黎總算係舒服d～
大約5點番屋企la....早d番去繼續陪我媽咪～之後呢兩日都有好多野攪～我需要支持我媽咪.........

＞＞＞＞＞＞＞＞＞＞＞＞＞＞＞＞＞＞＞＞＞＞＞＞＞＞＞＞＞＞＞＞＞＞＞＞＞＞＞＞＞＞＞＞＞
心身都疲乏....我未試過有呢種感覺......
我真係好辛苦....我自己除左要學習去堅強～仲要安慰媽咪....我唔可以成為佢gei負擔～
佢而家真係好傷心....仲要面對好多好多gei問題....佢都好驚會唔夠能力....但係我一定要比信心佢～
如果冇我支持佢....可能佢會涯唔住.....我要陪住佢....陪佢一齊行呢條路～仲有分擔佢gei憂愁.......
點都好...希望而家唔會有人擔心我～我知道我一定得！我而家最應該做gei係睇住我阿媽！
我知道～daddy最大gei希望係我地開開心心生活落去.....我一定會堅持到最後.....

雖然daddy已經過左身....但係我知道佢曾經都帶比我同媽咪好多歡樂..........
佢係一個好老公,好爸爸.....或者我以前真係唔知道...以為係我gei野就一定係我........
所以唔明白自己其實已經好幸福.....有時幸福的確唔係必然.........
不過....我總算幸福過.....我daddy身前都好知足....佢好多野都唔介意.........
我要學習佢呢種精神～有咩事都好.....應該睇開d～
daddy好錫我.....佢真係好錫我同媽咪........我知道ga～我真係知道ga........
希望佢都知道我同媽咪都好愛佢......希望佢真係可以好好訓一覺...好好安息...唔洗再面對人生gei煩惱～
我會為我daddy好好生存落去......我會幫我daddy好好照顧我媽咪.........
我大個之後要做女警！！我要好似daddy以前咁威！！佢值得我驕傲～我要學似佢咁樣！
我要加油～仲有我會好好努力讀書......唔會令佢失望！！

人總需要勇敢生存........

>>July 29, 2003 at 12:31:56 PM GMT+8

2003 年 7 月 27 日 星期日 【晴】

起身之後同媽咪食左少少野～傾下計la又....唉.....我知媽咪都好大壓力～我應該同佢一齊分擔........
之後有福利官同埋主任黎左.....傾下有d咩可以幫到我地..........
攪掂完之後都差唔多時間出去lu....又要去屯門醫院.....唉～我呢兩日已經第4次入去........
阿嘛,大伯,堂哥阿輝都黎左....我地去左登記死亡証d野.........
之後去番之前個病房7樓B隔離病房～入到去....總會諗起...............果個情況...........
約左時間聽日見醫生.....好在有阿輝幫我地～其實有好多野都未攪清.....但係人就過左身.....
醫院究竟有冇做錯到d咩...我地都唔知....希望聽日會得到想要gei答覆.......
唉......落去食左d野....阿嘛同大伯就不斷講退休金,福利果d野.....總知答單d講句就係...佢地想分錢～
之後仲講番以前d野.....又問我媽咪好多野....唉.....已經夠大壓力...仲要咁樣對我阿媽.........
今日我終於忍唔住發嬲......我鬧我阿嘛～我真係好嬲好嬲.......
阿媽可能身份問題唔可以鬧我阿嘛.....不過我就冇所謂！如果可以鬧醒佢都好.....
我阿爸gei兄弟姊妹.....冇個係好人.....但係阿嘛仲要信晒佢地.....仲成日比人呃～都唔知衰........
好辛苦....都唔知點面對呢d人.....好煩a......可唔可以遲d先煩我地???
我同媽咪目前只想幫daddy攪掂好d身後事....之後再諗生活gei問題...........
幸好我地有福利官gei幫忙......我有朋友支持...但係我阿媽～可能淨係得番我支持......我一定要陪住佢！


番到元朗.....同媽咪行左陣諗住散散心舒服d......買左dd野就陪佢番屋企.......
我就入朗屏搵琪琪一齊過屯門......佢地一大班人攪燒野食......杰杰,張龍,迅,宏,bee,豬榮,棠,billy～
或者我都冇咩心情去玩.....但係諗住...有d fd應該想見見我～同埋當去散心算law........
去到都冇食野咁滯...食左琪琪燒比我gei芝士腸.....之....張龍買左d酒...我都有拎黎飲下～
開頭同琪琪落埋沙灘坐.....坐坐下我都自己坐開左.....o係度諗野又飲酒law.......唉～
望住個海同個天～都幾舒服.....諗起好多好多野.......之後都同琪琪傾計la......
原來杰杰佢地都搵緊我地.....太黑望唔到我地坐左o係邊.....之後我地就玩數字球～
=.="比人玩～所以輸左......玩完就走lu.....番元朗b仔食糖水～吹水吹得興高采烈～好攪笑ａ佢地.........
臨走又玩野拎d糖水溝黎溝去......差左3次～我輸左一次......飲左d唔知咩～不過冇事wo又.....ha～
番到黎都11點幾12點......沖個涼～又icq咁law......有朋友gei安慰我已經好滿足.....多謝佢地～

＞＞＞＞＞＞＞＞＞＞＞＞＞＞＞＞＞＞＞＞＞＞＞＞＞＞＞＞＞＞＞＞＞＞＞＞＞＞＞＞＞＞＞＞
應該用咩表情去面對人呢？我真係唔知道......
希望唔會有人再膽心我......我會學去面對,承擔痛苦...........
希望媽咪唔會咁大壓力～我要陪住佢.....我要同佢一齊面對呢d唔開心gei事.............
呢一次我學識左咩叫做珍惜.....有d野唔失去都唔知道果個樣gei價值.........
而家除左要以時間沖淡事情帶來gei憂傷.......仲要學去勇敢同埋堅強....我地要識點保護自己～
我要珍惜同媽咪以後gei日子....我要珍惜我gei朋友.....珍惜教會gei弟兄姊妹.......珍惜一切～

>>August 4, 2003 at 1:05:36 PM GMT+8

2003 年 7 月 26 日 星期六 【晴】

如果今日gei事冇發生......如果....一切都能夠番轉頭....事情就唔會攪成咁樣..................
我同媽咪一直處於擔憂之中....淚水有多少～代表著痛苦的心情有多少.............

今日朝早陪左阿媽....o係屋企都攪左好多野.....進有姨姨黎陪阿媽........
之後杰杰同琪琪又出黎陪左我...之後佢地陪我再番教會.....同斌仔,沛儀,堯斌傾計..........
唉～唔想再講落去.....很難的接受這個現實.........
我永遠都唔會忘記今日所發生gei事....當時gei情景～仍然歷歷在目..............

daddy....安息吧.....我會堅持落去.....我會照顧住媽咪.......你已經很疲乏....好好的睡吧.............

>>July 27, 2003 at 8:54:01 AM GMT+8

2003 年 7 月 25 日 星期五 【晴】

琴晚好夜先訓～今朝好晏先起身....訓左咁耐～好精神.......
本來想留o係屋企.....=.="不過比ting同ling勁叫我練波....唉.....最後迫住去la～
1點出黎同ting食飯～食完入朗屏.....發現冇帶波褲～呵=.=v唔洗練la而家...yeah～
ting同ling送生日禮物比我.....係snoopy gei "咕筍"～多謝佢地.......^^
之後我坐多陣la諗住...但係諗多陣又好想打wo.....所以就換波衫但係照著住長褲咁練lu～
好氣熱a...尤其對腳a...haha.....但係我今日gei狀況都算唔錯.....打得好順....頭果個鐘頭打唔停........
著長褲真係好唔方便....所以都係抖陣先.....見到何蚊wo～同佢傾左陣計........

本來又諗住等埋佢地打完就去飲野......但係就黎4點果陣......阿爸call我.......
佢話...佢而家o係屯門醫院....係白車送黎......佢嘔得好勁又唔知咩事........要留院觀察.........
我同阿媽攪到成7點幾先番到元朗....食埋飯先番屋企........
唉......呢d野都係唔講咁多la......而家只希望佢唔會有d咩事la........願主保守～

不要徬徨....不要哀傷沮喪..........

＞＞＞＞＞＞＞＞＞＞＞＞＞＞＞＞＞＞＞＞＞＞＞＞＞＞＞＞＞＞＞＞＞＞＞＞＞＞＞＞＞＞＞＞
盧巧音-天祐我們
末路太爛　或者未必太習慣　捱一捱為時未晚　趁魔戒尚未發難
命運太爛　甚麼亦不太順眼　隨他們如何害我　陪著你命便夠硬
＊贏了氣勢　又怕輸去甚麼東西
　路障不算甚麼東西　你我要心情美麗
　橫過了赤地天涯　仍能微笑發誓
＃天祐我們　全為我們還算鬥士　能在最壞時刻起義
　就算我不是先知　都有信心　天祐我們　全賴背後還有勇字
　誰亦會是誰的天使　自愛者都是摩西　只要夠堅持
活在世上　甚麼亦不怕遇上　隨他們如何混賬　我跟你獨自漂亮
月亮夠亮　綠燈亦總會遇上　紅海前悠然共你　遙望那六月飛霜
Repeat＊＃＃

>>July 26, 2003 at 2:03:28 PM GMT+8

2003 年 7 月 24 日 星期四 【晴】

今朝去左睇戲=.="有杰杰,迅,棠,kind bee,tommy～我地睇早場gei "海底奇兵"...........
之前真係冇諗過會睇呢套戲....因為係卡通片～好似得d細路仔先會睇咁......=.="
但係呢...唔知點解個個都想睇wo....套戲好收得～票房幾高下.....d人睇完都話好睇～
既然咁咪睇下law.....haha...我今個月仲打破左紀錄.....一個月睇第6次戲=.="唔知有冇機會睇第7次呢～
套戲原來都唔錯wo....雖然係卡通片....不過其實都幾值得睇......haha....
睇完戲就同杰杰,迅番元朗廣場食KFC～跟住傾下計又周圍行左陣.....之後同杰杰番朗屏～
我就番學校上"無煙火"～今堂last堂lu.....玩完d遊戲就圍埋一齊傾番開學之後要攪gei活動.........
丫...今日收左婷份禮物....係老鼠公仔gei擺設～仲可以用黎裝野.....多謝佢la........
完左個無煙火就番屋企......其實果陣已經好累lu......今晚一定要好好抖下.........

唉...............

>>July 25, 2003 at 12:53:58 PM GMT+8

2003 年 7 月 23 日 星期三 【陰】

起左身之後睇下電視,食下野,聽下歌....得閒又攤抖下....唉...無無聊聊咁唔知做乜...........
落左個8號風球,家下3號.....都唔知晨d番唔番去畫畫好～我緊係唔想ga la！
唔番～又比阿媽話.......番～出到屯門咁遠坐o係度兩粒鐘,又學唔到d乜番黎.......\"/晒時間～
唉.....好悶a...=.="丫～不過總好過日日出街....冇晒d休息時間.......
一條友留o係屋企或者自己周街行陣都幾好過丫....太多應酬可能仲辛苦......./.\"

3點出門口......過去屯門畫畫......唉...今堂真係好激氣ａ！頂佢個肺........\"/
有冇攪錯ａ？！雖然未學晒～但我都係決定唔鬼學ａ！唉！

又好想講粗口..............\"/我頂丫.....唉唉唉................
呢排都係唔太開心...........唉......希望去玩可以平服一下心情la......唉.................

>>July 24, 2003 at 2:17:34 PM GMT+8

2003 年 7 月 22 日 星期二 【雨】

起左身之後同阿媽阿爸出去飲茶......好耐都冇同過佢地飲茶=.="
食完野就同媽咪行左陣街.....之後1點就番屋企抖抖......買左龜靈膏食.../.\"...食到我想嘔～唉！
晏ｄ又要出屯門畫畫.....好似就黎打風wo......點算呢??我又唔想學a....不過阿媽實唔比........
果度呃人錢又晒人時間....呢次要設計10幅gei起稿.....唉...家下都未諗晒a....點畫a???
車....學校都係頂多5,6幅起稿夠ga la......唉...10幅咁多要黎把鬼咩...頂丫...\"/

3點出左門口...諗住去影印先....見天色已暗....諗諗下都係唔去學畫lu.....太好lu.....=.=v
影完英文就拎左3份野比張龍～之後佢比中文我...咁我又去影過lu....影晒之後就兜左陣........
發覺有d肚餓..飲茶果陣原來食左好少野....入間野食個tea先......^^好好味..........
食食下...丫...落大雨.....=.="坐多陣la惟有...阿媽果陣打比我問我有冇去學畫.........
haha...好彩佢都叫我唔好學ja.......佢叫我停雨之後好番屋企wo........
4點幾果陣就走人lu....好想快d番屋企可以抖下...我feel到自己已經....冷親lu.....haha.....陰公～/.\"
番到黎沖個涼之後食粒止痛丸訓陣先.......唉....早知出都唔出黎la...真係on居........

＞＞＞＞＞＞＞＞＞＞＞＞＞＞＞＞＞＞＞＞＞＞＞＞＞＞＞＞＞＞＞＞＞＞＞＞＞＞＞＞＞＞＞＞
好好利用餘下的四十日時間.........
希望作出最大的努力去改變自己...........
四十日的祈禱....四十日的更生..........

>>July 23, 2003 at 10:58:51 AM GMT+8