2002 年 9 月 14 日 星期六 【雨】

今日要一早起身啦 , 好眼訓呀!!!!!但一返到東涌網吧 , 開始做野就精神好多 , 加上可能是星期日的關係 , 全日都好多客 , 生意不錯......
ICQ仍長期ONLINE , 打MUD真係好難!!!!!放工又搭遲一班車省錢 .......有人話青衣IVE仲有我讀個科既學位剩 , 攪到我好開心 , 但我自己上網check就發覺一個位都無.....好擔心轉唔到返青衣呀!!!!!
搭車回家時和黃國滔 , B子 , TOE同車......終於可以去B子屋企攞返gas爐 和相簿啦 , 哈哈 , 我知道B子屋企key放係邊度 , 可以隨時去爆格!!!!!!!
返到屋企我就立即打MUD , 成晚各人都好忙 , 我唯有自己行 , 自己做JOB , 但成日比毒蛇蛟死 , 差唔多死佐十次 , 激死!!!!!玩到成三點先訓 , 好crazy ar!!!!!

>>September 16, 2002 at 12:26:11 PM GMT+8

2002 年 9 月 13 日 星期五 【雨】

仍不用返工 , 我又睡至十二時才起床吃飯 , 下午再睡 , 我想我已差不多成了一條大懶蟲.....很懶....
整天也下雨 , 唉 , 攪到無乜心機做野 , 點算 , 下星期就係報 alevel 既deadline , 我要盡快決定呀!!!!很煩......又不敢去問以前的先生......加上 , 考試費真是很貴呀!!!!!
同時亦很擔心18號轉不到校 , 天呀! 唔好再玩我啦 , 我只想在青衣讀HD , 成全我吧!!!!! 雖然灣仔有一樣好處 , 就是近 .......但.......太可笑了!!!!!
晚上 , 我開始學打mud , 阿彰教我打 , 好攪笑 , 真係無事搵野攪, mud都打......一玩就比人KILL佐兩次 , 激死!!!!!
明天終於要返工了 , 不用呆在家中.....

>>September 15, 2002 at 7:18:20 AM GMT+8

2002 年 9 月 12 日 星期四 【陰】

今天一早我便要起床 , 趕及在9:30AM回到MH IVE聽講座 , 我搭船又訓著 , 去到MH , 講座由9:30AM至11:00AM , 但我最大目的是拿GRANT LOAD FORM及問轉校的手續 , 最慘係是參觀CAMPUS , 唉!間學校鬼咁細 , 又裝修緊 , 有乜咁好睇喎!
參觀完我拿拿走人 , 都費事久留......
我趕及搭11:50AM船返海窩 , 唉!居然和老豆同船 , 激死 , 我當睇唔到佢 , 比佢影衰晒.....係船上不停講粗口 , 仲要好大聲咁講 .
回家後我又由下午一時睡至六時 , 很累呀! 晚上JOIN了高雪2 , 嘉鈿去CAMP , 但他們去行夜山 , 我們當然不去 , 和呂SIR吹了一會水便回家 , 原來嘉鈿考警察是很攪笑的 , 失業率居然答百分之三十幾 , 嚇死人!!!!
THEN十二時多 , 我們去了銀城食宵夜 , 全部叫炸醬撈麵 , 好攪笑......

>>September 14, 2002 at 12:18:41 PM GMT+8

2002 年 9 月 11 日 星期三 【雨】

八號風球終於除了 , 中六迎新營應該可以在今天舉行!!!!但我要返工 , 去不到 , 很可惜!!!!
傷風仍未好 , 不停流nose水 , 好辛苦!!! 其實我唔返都得啦 , 因為佢地新請佐阿芳 , 要我返只是怕她不夠熟 ......阿芳比我早到公司 , 而我又被kwong激死 , 次次他也有新花款 , 做錯事又唔認 , 又串 , 若我是老細一定不請他.
為何我每次返青衣都要執好多手尾 , 乜都無 , 好多野又無早些通知我 , 攪到我乜都唔知......唉!!!!
其實全日我都不用做甚麼事 , 阿芳一個都OK , 我只是在忙時幫她. 今天又有貨 , 機箱送來 , 唉 , 搬死我們了!!!!
現在有CS大賽 , 學生$6/hr , 放學客人很多 , 差不多全場爆滿 , 但可憐的是全日生意比之前減價還差 !一到九時 , 我和芳便立即走 , 很累呀 , 重傷風.....因沒有吃飯 , 一回家便吃了一大碟飯 , 很利害.....

>>September 14, 2002 at 11:51:54 AM GMT+8

2002 年 9 月 10 日 星期二 【雨】

唉 ! 今天一起身便立即回學校 , 但之前聽新聞已說會在兩小時內掛八號風球 , 但我仍回校.
但一回到學校 , 學校已宣報停課 , 真無奈 , 中六迎新營要延遲了!!!很失望呀!!!
天文台在下午一時左右宣報掛八號風球 , 唉 , 我們舊生在學校吃過午飯得便回家!
可惡的是電話總是打不通 , 無論手提 , 固網電話也打不到 , 激死 , 不能通知我姐姐 , 叫她立即收工回家.....幸好她們也趕及乘尾班船回梅窩 , 不然就慘了!!!
我 , 聰 , 彰 , BGO , 大 , KAKA , MIC SIR , 等人便決定去B子屋企打邊爐 , 今次我們不買粉絲 , 唔係B子一定唔比錢 , ......哈哈......唉 , B子有豬月南肉啦 , 中年發福啦 , 小心小環唔要你呀!!!!
晚上我JOIN了嘉鈿一同去打邊爐 , THEN再看<千與千尋>才回家 , 唉!!!我和嘉鈿明天均要返工 , 去不到OCAMP了......很可惜 , 我們只好在夜晚 , 很夜才入CAMP........

PS:被我阿媽激死 , 八號風球仍由大陸回港 , 差點要露宿街頭 , 幸好有A35救她......

>>September 12, 2002 at 9:06:07 AM GMT+8

2002 年 9 月 9 日 星期一 【雨】

嘩!今天睡至下午二時才起床, 睡飽了 , 睡了差不多十二小時 , 補返之前幾天只睡得幾小時.....但我的傷風仍末好呀!!!阿大一時多PHONE ME問我返不返學傾中六迎新營的事, 但我實在太累了!最終也沒去!
我還要等我細佬放學買M記給我食 , 媽媽回了鄉下沒有飯食呀!好慘!
明天就是中六迎新營了 , 我一定會去的!希望不要掛風球了!不然活動可能要被取消 , 不要好像上年的情況一樣 , 又要投票決定....上年是下大雨....

>>September 10, 2002 at 4:43:20 PM GMT+8

2002 年 9 月 8 日 星期日 【晴】

今天勁累 , 搭車都是在睡, 連KAKA叫我都差點不知道.....我真是有點傷風有發燒呀!!!很不舒服 , 放工一定要回家大睡一覺 , 好好休息!
可以今天是星期一 , 學生要上學 , 要等到下午四時後才多客 , 所以我抺完全部枱 , 點完貨 , 掃完地再拖完地就呆坐 , 最可惡是PATRICK飛綫來舖頭 , 害我接了他一整天的電話!!!!!
晚上LEMON的弟弟來了打機 , 我立即在ICQ告訴給LEMON知!!!!so funny!!!
放工 , 我和展,黃國滔約佐阿花出來 , 我們的目的當然是阿花女朋友的相 , 睇過得都覺得她OK , 幾斯文 , 阿花幾開心呀!!!!展和滔勁羨慕呀!!!
搭車回梅窩時和嘉鈿同車 , 她勁想睇阿花女朋友張相呀!!!哈哈 , 她錯失良機啦!!!!嘉鈿著裙呀!!!!
這晚沉睡 , 很累呀!!!

>>September 10, 2002 at 3:45:37 PM GMT+8

2002 年 9 月 7 日 星期六 【晴】

今天要往東涌返工 , 因由青衣出發 , 我要早上七時半起床......
我由東涌地鐵站行去馬灣村 , 行了十五分鐘就到達 , 是不是行得很快呢?最好笑是PATRICK的家姐不知我今天返工 , 唉!PATRICK都唔知做乜既.....激死!!!!

點貨又點死我 , 我共點了一小時 , 夜更上了貨 , 但又不改電腦的倉存 , 害我每次也要全部貨也點一次!!!!
嚇死 , 當我坐在COUNTER位時 , 突然見到有一條類似蜈蚣的虫仔 '冷' 過 , 我即刻掃佢出門口.

晚上八時左右 , 黃國滔和TOE來了網吧 , 我們又吹了一陣水 , 跟著我收工 , 我們一同去了黃國滔的家參觀 , 等到十時我和TOE才乘車回梅窩.TOE現在在東涌的博愛工作 , 都不錯.....他也打算回學校玩中六迎生營 , 但今年的中六迎新營十分奇怪 , 安排在要上學的星期三至五舉行 , 放學去玩完後第二天又要一早返學 , 怎玩呀!!!真好笑 , 就算回到學校都是訓覺 ......

好慘呀 , 我傷風 , 還有點發燒 , 明天還要返工 , 怎辦????

PS:居然和關兆康玩ICQ , 中五後已經沒有再見到他了!他現在在澳洲讀大學先修班!!!!

>>September 9, 2002 at 5:17:53 AM GMT+8

2002 年 9 月 6 日 星期五 【晴】

今天早上真的不想起床 , 很眼訓呀!
幸好我能準時上班 , 又幸好夜更的男仔有做野 , 不然又會做死我 , 可能今天是星期六的關係 , 人意比昨天星期五好好多 , 最多有31人!!!
唉!慘啦!鳯說她下星期四和五 , 即12-13號唔得閑 , 我要返工 , 又無得去OCAMP了 , 但13號我真的不能返工 , 因為要回IVE呀!
三天的中六迎新營 , 我只能去第一天 , 算吧!!

中午 , ELEPHANT打電話比我 , 他說他轉不到HD , 今年仍會在MH讀書 , 但我仍想轉到青衣呀!他說BA系的學生每星期均有一天要著SUITS和化妝返學 , 要我著裙 , 化妝 , 真的拿了我的命 , 我不想行出街做一個影響市容的罪人 , 打擊香港的旅遊業!!!
下午 , 黑虫也說每間IVE分校的BA學生每星期有一天要著SUITS返學 , 慘慘慘!!!!點解一早沒有人告訴我要這樣 , 早知不讀BA , 讀旅遊or藥劑好過.
PATRICK的CS大賽不知能否成功呢?
晚上我在青衣過夜 , 在青怡楝記買外賣時見到賣魚東和KATHY拍拖行過 , 有點驚訝他們仍未散 ; 見他們這麼開心 , 我都有點羨慕 , 為何我仍是孤獨一人......
這晚寫日記寫到我手軟 , 寫至凌晨二時我才完成 , 五日的日記一晚內完成 , 利害!!!!

PS:很慘 , 發夢比鬼攬腰 , 立即嚇醒!!!!很黑仔呀!!!

>>September 8, 2002 at 9:53:16 AM GMT+8

2002 年 9 月 5 日 星期四 【晴】

今天要在青衣返工 , 因為在又淢人工 , 又沒有車費津貼 , 又加上我要連續兩天在青衣返工 , 再接著連續兩天在東涌返工 , 為了省錢 , 唯有在青衣住兩天吧!
乘車往東涌時和嘉鈿同車 , 我們又吹吹水.
PATRICK請了一個肥仔返夜 , 但個肥仔乜都無做 , 連埋數都沒有做 , PATRICK又只顧著打機 , 激死!我忙了一朝早才完成所有工作 , 點貨 , 上貨 , 抺枱 , 洗煙灰釭 , 吸塵......
現在生意真的少很多, 整天也很靜 , 真頭痛!!!我由四月尾工作至現在也從未試過生意是這麼少的.
當我完成所有工作後 , 我又寫網上日記了 , 共寫回四天去OCAMP的日記 , 花了一個下午的時間呀!
晚上 , PATRICK又請了另一個男仔返夜 , 但這個男仔有點串 , 唔識又唔問 , 攪到做錯野 , 比佢激死!但又抵佢既!希望他真的會勤力工作就好了 , 不然又是害我們日更執他手尾!
叫PATRICK出糧後 , 我在放工後立即往銀行入錢 , 終於可以還清借我媽媽的錢了!
晚上回宿舍睡 , 很累 , 寫完真正的日記便睡了 , 但很慘 , 清晨四時多被鳯和黑虫他們嘈醒 , 害我等很久才能再入睡......

>>September 7, 2002 at 4:11:36 AM GMT+8