2003 年 1 月 14 日 星期二 【晴】

今日所考既科真係差到連自己都唔敢想像 份卷既深度俾我諗差好遠 之前補課張野又唔見左 想睇下都唔得 只可以睇下K.K.Lee D死人notes...真係....保守估計我淨係錯最後o個題已經令到我冇二十至三十分 仲有其他野錯 叫我諗都唔敢諗 另外有樣野又係勁唔好彩既係今日既oral listening竟然唔記得帶機喎 其實我個班就有一半人冇機 因為其餘o個一半人係Mrs Ho班 D機Ho姐keep哂 其餘班都係 不過之後個個考完phy就去5T借機 我同o個班D人都唔熟既 所以冇囉...好彩啊"腸胃"肯同我隔成條河咁一齊聽咋 雖然我同佢唔算好熟 不過覺得佢其實算係好好人(都係怪人) 不過我見到何芬鈴條死野見到我咁做好似唔多like ke...塊面黑過舊炭 可能見到我同look儒D咁既怪異行為頂唔順掛....

好耐都冇寫過日記喇 估唔到一寫就咁多野 睇黎今個月又積埋好多唔開心既野....特別係fellowship 不知不覺都番左幾年 番教會更加係由出世就番 不過越番就越黎越冇o個種番教會既感覺 情形更加覺得同胡"偉"瑜既情形好相似 佢因為成日都出去工幹 唔可以成日番 結果感覺到冇咩人理佢 其實教會只係淨番D老弱殘兵自組一角 冇錯 教會到左咁上下就會出現呢D頻危既情況 呢個時候係牧師同會友都要自己做番起個氣氛 如果牧師都仲未睇到呢個情況既話 結果只係會導致更多人既流失 有番到但心不在此又如何...而家去意已決 問題只係幾時放低既姐

心灰又意冷 Danny已經唔再係過往既活潑好動既Danny...淨番既... 只有冷冷既心

>>January 15, 2003 at 10:37:49 AM GMT+8

2002 年 12 月 29 日 星期日 【晴】

其實昨天是有很多東西想寫的 但是又開不到這個網頁....現在寫番吧...
嗯 仍然係起身就半日啦 點知原來今日就係拿隱形眼鏡的日子 故點幾就出左去旺角o個邊啦
點知佢話要好晚才有得拿 所以我就周圍行啦 之後又同啊媽去行街啦 又買衫衫褲褲啦~~~條褲真係正~~~

之後搞到四點幾五點先再去問啦 點知都仲係未黎喎 得隻右眼 咁就不斷o係度試啦 講真要適應真係唔易 不過戴多左就好DD 隻眼冇咁抗拒lu.....

俾人話我好"G整" 真係唔知點答佢 如果稍為著得FashionD"蕉"下個頭都叫"G整" 咁我真係D好"G整"既人囉...唔同既人有唔同既生活環境 既然大家既並唔一樣 咁你要用自己既方法黎對比我都冇辦法...

就黎要考試喇 仲未溫得哂D書 死得啦~~~

個網而家又唔update...點知又搵到好多野可以update.......真係

Friday要預備遊戲 上網搵下有咩玩先 ! ! !

因為啊ma birthday 所以冇得去sunday school...連一面見Joana都冇lu...可能又要新年喇(不過新年都冇得見架啦)

我諗D人唔好成日都再逼我喇下...如果我變左個冇心既人 真係咩都做得出

>>December 31, 2002 at 8:51:54 AM GMT+8

2002 年 12 月 24 日 星期二 【陰】

只可以講一句 聖誕節又如何 朝早差唔多12點先起身(尋晚玩到成5點) 跟著出去食D野之後就溫書啦 聽o個四首歌黎溫書確實唔錯 想update個網 但係又驚冇時間溫書 好多野想做 不過更多野未做 仍然係冇咩點出過街...我諗下次出街都應該係大除夕架喇 算啦算啦....
由炸彈人學識左幾樣野 一.自己仲未夠班 非常之唔得 二.水準好漂忽 時好時唔好 好多時都係因為唔小心 三.對可用既道具並唔熟識 以上所有同我而家既生活以至其他野都好相似 或者我真係要玩到6萬分個腦先識得轉 而而家可以做既 就只有不斷咁玩落去.........因為相信 只要肯努力 冇野係做唔到既

同有睇到呢篇野既人講聲Merry X' mas~~~~~~

>>December 25, 2002 at 2:14:09 PM GMT+8

2002 年 12 月 23 日 星期一 【晴】

今日對於我來說總算是開始放假了 心情是幾好的 是有長假沒負擔的心情 可惜 有個考試在假期後 多少是可惜的.....
平安夜...真的是平安 整天都沒有出過街 但是個心卻是極希望到外面和朋友一起 可惜 和朋友的友好度不算太高 只見他們都去了...而友好度高的則只會在家中對著電腦 當然 若然一起的是另一半的話 相信會更好的吧 何況沒有下雨....
明天...真不敢去奢望...心越來越重 自己該向那個方向走也不知道 兩極的路...沒有正邪之分 看不到盡頭 努力去做 卻是做不該做的事 努力去愛 卻是愛上不該愛的人 我不愛的人 卻來愛我 不想傷別人 也不想被人傷 結果 還是一個人去受 如果我能好運一點 兩條路也走 或許會更好吧......
在此刻...誰會和我有相同的感受呢.....

>>December 24, 2002 at 4:31:05 PM GMT+8

2002 年 12 月 21 日 星期六 【晴】

每一日都應該係晴天 但係每一日既心情都多少有D陰天......
人 係大個左 但係思想唔成熟.....算把啦 要熟就自然會熟
今日又走左去打機 不過有D唔想既係今日有個伴咁
唔知人地點睇我 因為我都睇唔明人地
唔想理咁多野 不過又有好多野我一定要理
繼續努力啦 .....
Merry X'Mas.......又如何 放假之後要考試
如果25號有人陪我去睇貓之報恩就好喇
瑣瑣碎碎既野有好多....
整小說已經難 要打埋就更加.........
不過無所謂啦
請捧場
http://jipjip.groups.com.tw

>>December 21, 2002 at 6:56:33 PM GMT+8

2002 年 12 月 15 日 星期日 【晴】

曬到死既一日 好明顯係冇冬天架今年

唔想俾人見到自己差既一面 努力去改變自己 我相信我會做得更好 而家我只能夠不斷提醒自己 成熟D啦~

嘩 買左Gundam G...怒煲 正
有錢就會買埋W同X 都係正

Gundam Seed睇到第十話...真係越睇越傷心 不過又好想睇落去 感動啊

仲...仲有7本雜誌睇 好多書溫 一日唔應該得24小時 人唔應該需要訓咁多個鐘....唉

只有努力 先會有進步

>>December 16, 2002 at 1:23:19 PM GMT+8

2002 年 12 月 9 日 星期一 【晴】

唉~~~突然番風....又病倒了...連瀉數次.....微苦
半日休息 半日上學 上了兩課 精神充足
回到家後 開著電腦 網上遊戲 炸彈超人
炸了半天 技藝純熟 分數五千 奪得新衣
連對電腦 眼精疲累 近視加深 精神減弱
功課未做 剪報五遍 每遍二百 總共一千
英文默書 要默一段 生字一堆 倍咁煩惱
坐在腦前 打著日記 精神恍忽 要收筆了

給兩位在這留言的朋友的回覆:
新仔:你係咪要o個首倉木麻衣既mp3?要既請在online時叫我
魚:我由出世就係信教既 係啊 係基督教...我有得考RS既話都應該會唔低分

>>December 10, 2002 at 1:19:15 PM GMT+8

2002 年 12 月 8 日 星期日 【晴】

好凍啊~~~~~~~~~就黎凍到死喇........
咁凍既天氣最好就係一路飲杯熱野一路優閒咁睇下報紙咁
不過香港人都係無辦法有D咁既生活架喇 算把啦
仲有功課未做 仲有好多書未睇 仲有好多遊戲未玩
買左都未玩..可惜一日只係得24個小時......
又或者我已經冇心情去玩喇
儲錢中 努力既話 2月就夠錢買GameCube不過我覺得其實可以再早D就買
連睇佢湯老鼠 真係得意 不過最後o個場反而因為太多人 無咩心情睇
冬天突然降臨......
噫~原來仲有6日 Joana就番喇.....

>>December 9, 2002 at 8:15:11 AM GMT+8

2002 年 12 月 5 日 星期四 【晴】

好耐都冇寫過日記喇 其實好多時都想寫 不過到落筆既時候.....

聽日就係正日open day 第一日打頭陣既我會做chem既實驗.....一定會盡力做到最好
之後星期日 要做bio 會做酵母菌既實驗 焗麵包 不過為免被人問到口啞啞 所以帶左本bio番去睇 點知唔係下冊講既......

Gundam Seed 好好睇.....第九話....實在係慘 不過個女主角唱o個首歌好好聽 尋找mp3中........

好疏啊 識到新既朋友係開心既事 而且仲好熟 不過...同某D舊既同學就越黎越疏 唯有既溝通方法...唔通係AOE???不過都見過佢地好認真既時候 相比自己...實在係 ....而同另一D既同學 睇黎係勁唔夾...唔知點解呢?!
至於一D分左班既同學 就更加唔駛講啦 唔知係俾人睇唔起定係真係唔得閒 總之係疏到就黎冇野講 大家見到面都冇咩講 小丑?我唔做好耐架喇

有緣睇到棋魂之後既幾集 真係幾開心.........

當發現自己同人越黎越疏.........知道個問題係o係自己度 不過又無可奈何........或者間唔鐘 打下波 出街打下街機 見識多D 會好D掛 唯一勁熟既 只有 近年既遊戲情佈.....眼見俾人拋離好遠 仲唔郁下隻腳去追 又點可以縮滅差距

放棄 或者係消極既做法 不過再鞏固自己既實力 升多一個level 或者係更好既方法

每次寫日記都越寫越灰同越唔開心 自己都唔知點解 或者 有太多既唔開心o係個心度............

P.S 無意中搵到天空之城中文版主題曲 好開心 都好好聽 係繼Miriam Music Box之後另一首歌會怒聽 另外首Tales of Destiny既opening都好好聽 聽落幾舒服 由倉木麻衣唱

>>December 6, 2002 at 7:54:22 AM GMT+8

2002 年 11 月 24 日 星期日 【晴】

天氣繼續凍 心亦開始冷了....算吧

今天聽的都是不好的....
不過讓自己知道自己的能力所在還是好的 最少都讓我知道該發力了 若還是停在這裡 很快就會讓人淘汰...

若不是大意和溫習不足maths會考得這樣"樣"嗎?

web site大更新後 感覺不錯吧~~

打算買番隻鼠番黎養~~~~好想影相啊~~

屋企部scanner廢到嘔 想死

GBA既mario...同學打得快我幾倍....+_+"

仲...仲有六本雜誌一本大小說未看

要o係今個禮拜完成網頁第一階段更新~~~

請支持^ ^"

http://jipjip.groups.com.tw

>>November 25, 2002 at 3:31:58 PM GMT+8