2002 年 11 月 17 日 星期日 【晴】

我的心很不安 , 每次看到你的名字 , 總是很不知所措...我知道你曾經在我的生命中佔了很多的空間很高的地位 , 而我亦嘗試很努力的把你忘記...我知道自己並不算是很成功 , 因為有些時候你依舊出現在我的生命裡...但我會繼續努力擺脫你的 , 我知道我一定會成功....你將會永遠活在我的回憶中 ^^

>>November 17, 2002 at 7:05:46 PM GMT+8

2002 年 11 月 16 日 星期六 【晴】

嘩...今日去左曉曉個崇拜呀 , 本來打俾曉曉話我要訓多陣唔返架 , 之後我訓左係度諗住祈禱希望耶穌賜一個勤奮既心俾我 , 令我可以有恆心 , 成日Keep住返崇拜 , 之後我唔知講左D咩 , 話咩佢阿媽雖然口中講住道教 , 但我知佢個心都係信主架 ^^ 之後我就覺得自己祈既禱好好笑 , 就咁笑醒左 ^^ 真係好白痴 , 祈埋D咁既禱 , 今晚要悔改先得喇 >.< 崇拜完之後同媽媽去左行街街 , 買左好多 xx , kaka^^ 總之就好開心啦... 又買左冬季校服喎 , 勁咩呀 , 唔想換呀 >.< eeeeeee......
聽日要打投球呀 , 差D忘記左...唔係 , 又俾 Miss 鬧架喇 ^^
禱告事項: ( 將會係星期日 & 有急事時加插 )
希望文仔快D好返 , 唔好成日病 , 同埋可以同佢個傻妹一齊開開心心快快樂樂......
希望華華同XX有情人終成眷屬
希望同曉曉友誼永固
希望卓卓平安無事快D返黎
再為美美識既人祈禱
奉主耶誕基督的名而求
阿門 ~

>>November 17, 2002 at 3:27:23 PM GMT+8

2002 年 11 月 16 日 星期六 【晴】

Yesterday 因為打波波既關係好累累呀 , 好早就訓左喇 kaka^^ ,小哥讚美美打波gd呀 , 佢從未讚過美美架 , 好開心呀 , 開心到飛起 ^^ 其實美美覺得小哥仲勁 , 射波又叻喎 , 又準 , 係美美心目中既偶像呀 ....
今日出去補習呀 , 搵番D衫衫出黎著 , 好似唔多夠咁既...要買番D先得喇 .. 搵袋袋又係 , 總好似少左幾個咁 , 咦咦咦..美美最鐘意就係買袋袋架喇 , 買袋袋就係美美既嗜好 ^^ 我見到個袋袋好可愛架 , 要快D儲$$先得喇...唔好以為美美用好多$$$呀 , 其實美美買袋袋既$$ , 係我自己好努力唔食飯飯儲番黎架 , 不過美美好少買衫衫就真 , 今日仲同一齊影相相呀, ^^ 聽日又約左曉曉返教會 ^^ 匡匡你就好啦 , 有個新男朋友 , 你點都要多謝美美呀 , 不過你男朋友好鹹濕架 , 你要小心D呀...kaka^^

>>November 16, 2002 at 5:22:01 PM GMT+8

2002 年 11 月 14 日 星期四 【晴】

yesterday好夜先訓呀 ^^ 今日上堂勁訓覺 , 訓到就黎死咁制呀..kaka... 但係又冇俾人話喎 , 真係吹漲呀 ~好似渾渾噩噩咁過左一日呀...咦...放學果陣同阿曉兩個人呀 , 你無睇錯 , 係兩個人呀 , 好幸福咁行新達呀^^ 咦咦咦...目前我最想達到既目標就係買一條好可愛既連身裙 ^^ 近期同多左女仔行街街 , 發現原來自己有好多野都同其他女仔唔同 , 我鐘意拎可愛黎形容自己鐘意既野 , 我鐘意既衫褲鞋襪同好多女仔都唔同既 , 我鐘意果D好Cute既 , 唉 ...希望快D有$$$$去買條連身裙就好喇 ^^ 聽日有明星黎我地學校呀 , 但係學生會又要開會喎 , 希望快D開完快D放我落去睇啦....^^

>>November 14, 2002 at 5:45:57 PM GMT+8

2002 年 11 月 12 日 星期二 【晴】

我部機用得番喇...好開心呀...係一個新既開始呀^^ 係好定壞呢? 今日一上網就見到卓卓喇...好掛住你呀^^ 我一定會做到你伴娘架...你話就話唔結姐 , 最快結果個一定係你呀 ^^ 我唔結最多咪同我鐘意既人同居..哼哼哼!!! 我一定會做到你伴娘架 ^^
文仔 ^^ 唔..有時D野諗清楚先好做...幸福唔係必然架 , 將來既路係點冇人會答到你...靠就靠你自己喇...^^但係點都好喎 , 美美會係你身邊支持你架...有咩唔開心 , 搵我就得架喇...仲有 , 我會幫你祈禱架 ^^ 俾D信心自己同佢啦 ^^
曉曉...唔好為左佢bear你而唔開心啦...雖然佢隻眼好大呀..但係我同你加埋有6隻眼喎...我就唔信bear唔贏佢 ^^ 我地一齊bear死佢...
Econ :29/50 ===>好死Cheap呀...好想死呀...>.<

>>November 13, 2002 at 2:52:42 PM GMT+8

2002 年 11 月 12 日 星期二 【晴】

呀呀呀...屋企部機終於都宣佈左死亡喇 >.< 俾細佬整壞左...上唔到網網喇...快D到星期四啦...輝輝快D黎救我啦....我就黎悶死喇...Yesterday同媽咪出左成日街街..去搵爸爸食飯飯呀...食左好多野...仲買左勁多野呀..我地入到SaSa 狂掃呀..埋單都要六百幾呀...真係好昂貴呀....>.< 去到沙田本來係諗住買衫衫..睇褲褲架...點知最後我地竟然買左好多好多生果返黎呀...kaka^^ 去沙田買生果...之後返到屋企我就整沙律呀...勁正呀...沙律做左我既晚餐....連平時唔食沙律既匡堅都食呀...可想而知係幾好食丫...^^ 正正正...!!!!!!!!!!
今日派左好多卷喇
Geography : 15/50 ======> 讀都未讀過....
English : 48/100 ===> 仲諗住會唔合格架
成績麻麻 , 有待改善呀 ^^
明天會更好丫ma ....
美美

>>November 13, 2002 at 4:54:24 AM GMT+8

2002 年 11 月 11 日 星期一 【晴】

我今日去左打波呀...嘩...o.u.t又射贏人喇 ~ 好叻女呀美美 !!!! 不過都有好多射唔入呀...要練番先得喇..去籃波界發展呀 , 唔會再沈迷打機架喇 ^^ 傷身子丫ma ......神射手呢D咁Cheap既野 , 留番俾你地啦...kaka^^
信左基督之後 , 個人雖然依然都係咁悲觀呀 , 但係真係好似多左好多好朋友咁..阿曉啦 , 天兒 , Sammi啦 , 文仔......^^ 日日都有佢地陪住我就好喇......今日約左輝輝星期四黎幫我整電腦..希望整到啦.......^^

>>November 11, 2002 at 7:41:16 PM GMT+8

2002 年 11 月 9 日 星期六 【晴】

不要在此時觸動我那脆弱的小心靈...

>>November 10, 2002 at 3:48:58 PM GMT+8

2002 年 11 月 9 日 星期六 【晴】

今日返...阿曉個教會..D人都幾好玩既..不過係悶左少少囉..個教會...可能係太靜同yesterday幫文仔畫地圖既關係..所以有D累呀...總覺得呢兩間教會..都唔太係我理想中鐘意既教會..一個又太熱情 , 一個又太悶喎...熱情果個唱聖詩既時候真係好正 , 但係悶果間D人又好似真D...真係難揀呀...>.< 之後去左油麻地補習 , 同Crystral行左陣旺角 , 見到好多靚衫 , 去左好多以前未去過既鋪頭...正 ~!~!~!~ 之後帶左狗狗去打針針..初初佢狂吠我架...但係我最後都同佢做左好朋友喇...佢一落街就狂吠架喇..之後就好好多喇..返黎果陣已經唔吠喇..都係個獸醫勁 ^^ 突然好想做獸醫呀..可以對住咁多寵物...kaka^^

>>November 10, 2002 at 2:46:42 PM GMT+8

2002 年 11 月 9 日 星期六 【晴】

....我終於明白有D野係唔可以盡信...竟然有口話文仔卻冇口話自己...笨蛋.......
人不竟是不可信的....

>>November 9, 2002 at 5:04:14 PM GMT+8