2003 年 1 月 14 日 星期二 【晴】

今日諗起d野﹐好唔開心﹐因為意識到自己既脆弱...

>>January 15, 2003 at 6:13:47 PM GMT+8

2003 年 1 月 13 日 星期一 【晴】

完全係為左街頭文化節而番學既一日﹐因為我冇上過堂﹐走左唯一一堂Law...
十點幾番到中大就開始文化廣場既節目預備﹐11至2都係果度﹐今日有stakeboard﹑古典結他同魔術小丑。skateboard果班人都ok既﹐最好既地方係佢地有得試玩in-line skate﹐我都試玩左一陣﹐好似玩溜冰咁﹐好耐冇踩冰呀！但可能我尋日好tired﹐搞到今日都tired﹐玩左一陣就冇乜力喇...跟住古典結他果度﹐好有街頭feel架﹐開頭好似即場夾歌咁架~~另外真係要多謝Michael﹐走堂都黎幫手唱﹐真係唔話得﹐雖然因為時間關係cut左一首歌...個魔術小丑就真係估唔到佢有咁大吸引力﹐咁多人圍觀﹐最抵死係佢耍到頹輝同梓清團團轉﹐哈！
完左個show time就落三人籃球﹐嘩...簡直就係險象環生﹐竟然冇球證囉！開頭果幾個球證都吹得好好架﹐但最後果個...算啦﹐都叫有驚無險又完成一個function。
之後個Graffiti班﹐好明顯有部與部間溝通不足而引起既問題出現...都叫搞掂左﹐個班都ok﹐不過有學員甩底囉﹐有又話怕比人影而走左﹐都算數啦﹐唔緊啦﹐自己OC玩囉~~果塊graffiti真係幾靚架~~
咁就搞掂一日﹐仲有兩日﹐要記得星期五交功課﹑睇readings﹐個莊仲有好多莊務﹐星期六比賽又要練習...忙呀！

>>January 14, 2003 at 6:54:23 PM GMT+8

2003 年 1 月 12 日 星期日 【晴】

街頭文化節第一日﹐"支力"到呢...
中午十一點開始就係文化廣場standby﹐雖然冇乜野做﹐但唔食野就去上兩點半pe堂的確唔好受﹐不過miss韓冇黎上堂﹐搵左miss chan代﹐冇教新野﹐有d悶...上完pe就去食tea﹐又有西多士食﹐yeah~~食完野﹐六點又落番夏鼎基練習﹐練左兩個鐘﹐其實都唔算耐﹐不過可能冇乜點食野﹐好快就冇力﹐又眼訓...練完就落番dept幫個莊做「庇護」﹐做左一陣﹐到九點幾又再上番UC開今日既e﹐上到去岩岩睇唔到hip-hop班既盛況﹐有係有d飲恨﹐因為聽佢地講個course幾好玩架﹐雖然報左名既人差唔多全部甩底...@@"到開完e﹐已經十一點﹐為左趕最後一班校巴落火車站﹐我又乜都冇食就走...
就算中午食左幾多免費餐﹑食左年西多士﹐到呢個時候都應該胃痛喇...練完隻腳又痛過...開會果陣仲要發哂冷咁囉...再咁體力透支落去﹐真係捱唔得幾耐...但好明顯同我本身體質有關﹐原來我都唔係咁捱得咋...

>>January 14, 2003 at 6:24:08 PM GMT+8

2003 年 1 月 11 日 星期六 【晴】

今日又訓到十一點幾﹐一起身就同屋企人去左飲茶﹐食完飯就番左CU開街節個會。個會由三點幾開到五點幾﹐雖然時間唔係好長﹐但由於聽日就開始正日﹐所以少不免有多d野要記。不過好不幸﹐我負責既表演嘉賓仲未firm到我幾時到﹐搞到其他表演既時間都未firm到﹐真麻煩！我今個禮拜又要狂走堂喇﹐呢個禮拜既LAW係完全上唔到﹐都唔知我take黎做咩﹐遲又要撞個月會﹐傻架~~好彩都叫有識人上﹐notes又係webCT﹐係冇class participation之嘛﹐算啦﹐就算我有上堂都唔會有~~我比較擔心reading睇唔哂囉﹐要做功課架﹐真係唔頹得﹐唯有盡睇啦！
開完會之後就出左沙田﹐話就話食tea﹐其實我係唔想咁快番屋企囉﹐點都食左個雪糕先！好好食架﹐係McTreat買架﹐不過要15蚊﹐我都係鍾意食西多士多d喇~~

夜晚睇番星期五影果d相﹐原來d相好好笑﹐完全係白癡相囉~~ ^^"

>>January 12, 2003 at 7:26:03 PM GMT+8

2003 年 1 月 10 日 星期五 【晴】

開左sem一個禮拜﹐又番到我最鍾意既校園﹐見番班soci同學仔同d部員就梗係開心啦﹐不過一開學頭果個月原來都忙死﹐我都唔覺添！13-16就係街頭文化節﹐之前既準備工作﹑開會就梗係唔少得啦﹐果幾日就更加係忙啦。跟住就到細系喇﹐月中就開始宣傳﹐之前又要做「庇護」整宣傳品﹐又要勁開會定pre諮同AGM。唔好唔記得﹐18就係兩大﹐逢一﹑四都要練習。更加不幸既係﹐我今個sem take左6個course都要睇reading﹐尤其係reading soc啦﹐一個禮拜一至兩篇喎﹐仲要寫summary添﹐點頂？不過我都知﹐唔係淨係得我一個咁忙。見sara﹑billy忙到乜咁﹐好辛苦耶﹐睇番自己﹐都唔算係好忙丫~~希望兩個p唔好咁灰﹑唔好忙到病啦...><

估唔到我今個sem又再一次好似上個sem咁﹐走左第一堂GEE...我將我既幸福論奉獻左比三人籃球﹐我個tuto時間呀...究竟會搞成點？唔知會唔會以後都要走第一堂GEE呢？希望唔好啦...

出左上個sem既result喇﹐算係咁啦﹐比我想像中好﹐估唔到最差唔係individual而係chin soc﹐呀小珊好似好手緊喎﹐但電芯竟然係佢手上拎A？難以置信...更加離譜既係﹐我既gpa同credit成反比...勁無奈...有幾多咁既A都拉唔得高分啦...

死啦﹐我仲未reg到普通話呀﹐唔通我今個sem冇得讀？其實我唔係冇得讀既﹐不過我唔想番M3-4囉。唔計tuto﹐宜家我星期一﹑二都係番下晝架咋﹐仲淨係得一堂添﹐灰囉！特登番去淨係上得果一堂...唔得﹐我強烈要求開會要係星期二囉﹐鬼叫我番4點半呀！

呢排鍾意左食西多士﹐我都唔知點解﹐呢個禮拜食左三日~~一定要係CC食﹐因為med can貴過CC一毫子...死未！其他can我未食過呀﹐不過應該平唔過CC喇掛！再者﹐CC就腳嘛﹐dept又係果度﹐行多兩步就有tea食﹐幾好！唔食lunch都要食tea呀~~宜家一餐絕對唔可以用多過20蚊﹐窮丫嘛~~

尋日同kenny﹑fion﹑flora﹑anna﹑edwina出左去部聚打邊爐﹐冇錯﹐係六個人既部聚﹐人雖然少﹐不過都好開心呀。但係我頗cheap囉﹐都可能係tired啦﹐我飲左少少咋嘛﹐上到火車就已經勁眼訓﹐自己訓著左都唔覺﹐好彩有電話打黎﹐仲同我吹水﹐如果唔係肯定番到上水要比人叫落車...

今個sem...我希望做個好學生﹐最起碼都睇哂d應該睇既reading啦...呢個係最基本要求。要搞掂個街頭文化節﹐做得好好睇睇。仲要搞好個莊﹐唔可以咁頹喇﹐但首要任務係要同d莊員熟d囉﹐12個人的確好難聚首一堂耶。跟住就係要係兩大有好表現﹐去到大專賽...希望啦...要努力d練習同跟miss韓&俊學野先得喇...佢真係好勁呢~~

keep住自己忙忙地﹐唔太忙﹐等自己唔使諗其他野之餘又唔太辛苦﹐咁就perfect喇！我理想既生活喔...都係要等grant loan出先啦...@@"

>>January 11, 2003 at 6:28:56 PM GMT+8

2002 年 12 月 31 日 星期二 【晴】

Happy New Year to you ALL~~
新年新開始~~

>>January 1, 2003 at 6:12:00 PM GMT+8

2002 年 12 月 27 日 星期五 【晴】

今日又好凍...我諗我有「冬眠症」﹐一凍就好想訓...

好開心呀！我負責聯絡果個表演嘉賓既經理人﹐佢地應承左黎表演呀！總算係做好一個Job﹐但唔應該咁快滿足﹐一定要搞好埋個街節佢~~但真係開心死﹐話哂都第一次同有名氣既人講野~~
XDDD

下晝果時呀哥播左套Mr. Children既concert﹐聽番好多佢地既舊歌﹐真係好好聽呀~~所以夜晚就問左呀哥拎左幾隻佢地以前既CD整mp3﹐等我可以用電腦果時聽﹐又可以send比人﹐我最鍾意send歌仔~~yeah~~

夜晚我突然間搵番以前唔知F.2定F.3既時候勾冷帽既notes﹐就心血來潮想勾番頂比我隻熊仔﹐佢宜家得條頸巾咋﹐又冇人買衫比佢著﹐好凍架嘛！不過屋企冇咩冷可以用﹐暫時都係得隻藍色既﹐頂住先啦﹐鬼叫我冇錢買冷咩﹐有都買左比自己先啦...加上我既手工﹐都係唔好有咩期望喇...但我一晚已經搞掂左一半喇﹐係咁怒織﹐佢個頭細嘛~~^^"

>>December 28, 2002 at 5:55:07 PM GMT+8

2002 年 12 月 26 日 星期四 【雨】

今日真係好凍好凍﹐凍死我喇！我好怕凍﹐天氣一凍我隻手就好似冰一樣﹐仲凍到冇哂知覺咁﹐又搞到我好眼訓﹐所以今日成日都矇下矇下...可憐既係我今日要開三個會﹐三個會都好似未訓醒咁﹐冇乜貢獻...@@

今日又見到又一城既聖誕樹﹐我真係覺得佢好靚架﹐起碼靚過灣仔冬日節果棵...^^"

>>December 28, 2002 at 5:55:15 PM GMT+8

2002 年 12 月 25 日 星期三 【雨】

今日去左嘉年華喇~~今年個嘉年華多左好多機動遊戲同攤位﹐不過我都冇玩﹐淨係坐左個摩天輪。雖然落雨﹐寒風刺骨﹐不過係上面望落去成個嘉年華都幾好feel架﹐因為好多燈﹐好光﹑好靚~~不過真係好凍﹐手都冇哂感覺...鬼咩﹐今日得果差唔多十度﹐高處不勝寒...
之後好不幸﹐大O組聚轉左9點幾﹐搞到我仲多左兩個幾鐘出黎唔知做咩好﹐好彩Michael超好人﹐陪我「hae」﹐不過我地好無聊﹐搭車番旺角諗住睇戲點知冇時間岩﹐之後就行去奧海城﹐都係冇戲岩時間﹐所以行左一陣﹐又無聊到搭車去左又一城﹐睇聖誕樹~~原來聖誕老人26/12就已經番左北極？？哈~~
大O組聚就去左食巴西燒烤﹐野食嘛﹐ok啦~~不過唔會推薦囉...之後佢地話去睇戲or落bar﹐我要番屋企﹐所以冇同佢地去玩lu~~
聽日要開三個會﹐我驚唔記得要講咩﹑做咩呀...簡直係記憶力大挑戰！

>>December 28, 2002 at 5:55:23 PM GMT+8

2002 年 12 月 24 日 星期二 【晴】

屋企好似越黎越困難...

>>December 25, 2002 at 5:33:36 PM GMT+8