2003 年 2 月 11 日 星期二 【晴】

一早起身﹐七點幾﹐猶豫左一陣﹐都係決定唔番強哥既research﹐一黎冇乜mood上早堂﹐二黎想有d時間睇reading﹐可惜﹐我都係睇左一頁咁大把...番到cu就洗core﹐雖然有d白痴﹐不過幾好玩丫~~洗完core就上japan soc﹐呀淑英又講到欲罷不能﹐點解佢可以堂堂都咁多野講？上完堂﹐冇食飯﹐因為要搵yannie prospone份literature review﹐聽日要交但未做﹐唔prospone點得？等到我寫完mail都差唔多一點﹐點半要上pe﹐我都費事食喇﹐橫豎都比人甩底...xp
上完pe就去上stat tuto﹐都未見過tuto可以咁頹﹐成堂都冇乜人講野﹐係得個history同余綸一唱一和﹐成班soc人都冇乜出過聲﹐我仲一邊上堂一邊怒send SMS﹐完全唔知佢講過咩囉﹐搞到佢都決定提早完tuto比我地早d走﹐真係頹到呢...
上完一日既堂﹐好乖﹐食完tea就同阿俊去左cc lib收mail順便做stat同睇reading﹐好開心yannie比我prospone到下星期一﹐希望我到時真係做得完啦！好快做完stat兩份功課﹐之但係一開始睇reading就頂唔順﹐太悶喇﹐一路係度講個research點做﹐真係好唔想睇﹐卒之訓左差唔多一粒鐘就番屋企食飯lu~~
聽日又要走堂喇﹐因為聽朝要交grant loan d野﹐就要走沛良既stat﹐跟住捉埋billy走兩堂law傾present﹐即係聽日淨上普通話...

>>February 12, 2003 at 5:23:27 PM GMT+8

2003 年 2 月 10 日 星期一 【晴】

好開心﹐今朝知醒番去做研討會既student helper。要830番到上uc﹐對我黎講係一個挑戰﹐我預早好多時間﹐番到cu都仲有時間買早餐食﹐之但係我又搭錯轉堂巴唔識落車...好彩預早左時間﹐行到上到uc都未夠830~~
由830做到1300﹐企左好耐﹐隻腳好"支力"﹐個talk對我黎講又頗悶﹐差d做做下遞咪果時訓著...不過有錢搵﹐算~~仲有下次~~tracy話我個笑容好「招牌」喎﹐哈...
因為做到咁晏﹐走左堂幸福論tuto...lecture都已經好耐冇上﹐宜家連tuto都走埋﹐真係...我已經send左mail比prof.﹐希望佢星期五比我上番make up啦﹐咁我星期五就上1236789﹐第4堂仲要開會﹐真係灰到呢...
走左堂就有多d時間﹐諗住搵人食飯﹐點知fion﹑anna同呀烽佢地組聚都唔搵我﹐我又唔知同邊個食飯﹐索性唔食﹐上左去fion個宿度﹐又訓﹐仲要訓到發哂夢咁...訓到差唔多四點先比anna個電話嘈醒﹐要同佢去食tea﹐食完tea﹐佢又唔上law﹐得我去。開頭都好比心機聽﹐但聽左半堂真係頂唔順﹐唔可以對住個咁悶既prof集中精神囉...上完堂就即刻行番落去elb做「研究生」。我話我又走堂﹐死billy竟然話我全職搞活動﹑玩sports﹑搵錢﹐兼職讀書...@@"
好耐冇試過咁早番屋企喇﹐七點幾﹐好開心﹐可以番屋企「hae」﹐仲可以睇電視﹐不過其實有好多功課等住我做...好唔想做功課呀...仲要搞份present...><

原來我屋企係同一時間曾經出現過百粒金莎﹐嘩~~全部都係我既就好喇~~

>>February 11, 2003 at 4:37:35 PM GMT+8

2003 年 2 月 9 日 星期日 【晴】

今朝915要考IT test﹐之但係我個鐘唔知發咩神經﹐完全唔響﹐真係多得佢唔少﹐搞到我750先至彈起身﹐但約左billy 830...死趕爛趕都係遲﹐好彩冇遲IT test﹐因為我差d唔夠時間做﹐開頭做得太慢喇﹐仲要send左兩封mail﹐唔知會唔會肥我呢？最慘既係﹐我唔小心開email既時候開左pop3﹐搞到我扯哂mail server果300幾封mail落黎﹐我d mail呀！好彩billy諗辦法幫我搞掂（雖然唔係最好既辦法...）﹐宜家果幾百封mail就係我屋企部電腦喇...又多7mb野...
食完飯就上左fion個宿訓﹐我真係完全訓著左﹐乜我真係咁"支力"？訓醒就去上pe堂﹐之後落dept見到呀苗﹐佢話要搵中文系既人幫佢填問卷﹐我即刻諗到fion﹐咁岩佢又有friend係佢宿訓緊﹐咁就KO左兩份﹐留低一份比fion﹐咁聽日就可以交貨﹐又賺多個tea喇~~
頻頻撲撲左一輪又落番夏鼎基練習﹐好明顯係因為較剪腳過唔到之後嚇窒左﹐我一路都跳得唔係好好﹐原來我好細膽...直到miss韓落到黎﹐情況有d好轉﹐之但係跳左幾jump之後隻左腳又痛番﹐又跳唔到﹐究竟發生咩事？好灰...又係咁﹐我唔係冇力呀﹐但就因為呢度傷﹑果度痛搞到跳唔到﹐近呢幾次都比唔到成績miss韓睇﹐都唔知點算﹐好似又落番低潮...我d狀態幾時先番黎？

>>February 10, 2003 at 4:49:37 PM GMT+8

2003 年 2 月 8 日 星期六 【晴】

好灰...一早起身就比人鬧﹐話我尋晚夜番﹐又話我懶﹐做野唔到最後一刻都唔去做...真係好無奈﹐去開會既一路上都好唔開心﹐勁想打人囉﹐但卒之係打電話比人﹐唔係打人...一定一定一定要有宿﹐等我出街夜左都唔使比人鬧﹐最重要係夜晚做功課又唔會比人話我嘈住佢訓...
我一見到d friend就會開心番﹐我都唔知點解﹐可能同朋友一齊係最開心啦宜家﹐所以﹐雖然個會度我真係冇乜點講過野﹐但我覺得自己真係開心番﹐都可能係因為個會既內容太搞笑喇﹐個表演節目都叫做有左個開頭﹐但要finish佢真係有d難度﹐都係要等下次開會先得。個會由十二點半開到成六點﹐又黎一次「馬拉松」﹐真係始料不及﹐開頭仲諗緊中間個time gap有咩做﹐點知我要勁遲先去到食我既「免費大餐」...今日街節慶功﹐又見番一班戰友﹐真係好開心﹐成班人傻下傻下﹐咩都玩/笑得一大餐﹐尤其係sara啦﹐卒之可以笑得咁開心喇﹐做野果排真係好少見佢笑架﹐之不過﹐佢笑起上黎又真係幾癲...食完野﹐sara又比左d energy既coupon我地﹐加上去carnival既人又唔多﹐所以fion﹑anna﹑flora﹑vanessa就決定去唱k喇﹐我都比佢地拉埋去﹐仲搵埋albert添！好耐冇唱k喇﹐差唔多半年﹐如果唔係免費﹐我都唔會去﹐因為我一定唱得好少﹐始終把聲未好番都唔好玩到咁盡...我唱左冇幾耐就走左﹐同阿俊食完糖水先番屋企...番到屋企又十二點﹐唔知聽日又會唔會比人鬧呢？...

聽朝要IT test呀﹐乜都冇準備過﹐希望一take合格啦！

>>February 9, 2003 at 5:30:20 PM GMT+8

2003 年 2 月 7 日 星期五 【晴】

今日諗住可以好好地係屋企做功課﹐點知又有人黎我地屋企﹐搞到我冇哂mood做野﹐所以係乜都冇做過。一路到夜晚﹐高芬搵左我一齊去肥黨屋企拜年﹐估唔到個死肥佬都肯派利是喎﹐之不過﹐我好不幸﹐因為我竟然唔記得拎走...激死我喇！><實冇得拎番啦﹐咁又蝕左廿蚊﹐好無奈...
去完拜年﹐唔算夜﹐大家都唔想番屋企﹐咁高芬就以借廁所既名義挾彭彭番屋企。我未去過佢屋企架﹐原來彭彭屋企有隻狗架﹐一見到我地就係咁吠﹐嚇到高華死~~之後入左彭彭房就係咁傾﹐傾傾下﹐都成兩點幾先番屋企﹐番到屋企仲要搞掂哂所有野再傾多個電話先訓﹐哈！

>>February 9, 2003 at 5:08:06 PM GMT+8

2003 年 2 月 6 日 星期四 【晴】

今日好開心﹐因為我覺得今日好輕鬆~~
一朝早起身已經七點九喇﹐但我要番845 reading soc喎﹐嚇死我呀﹐我仲要未份summary出黎﹐要print埋蔡仔果份﹐因為佢printer壞左﹐尋晚send左比我。好彩﹐都趕得切﹐仲買左個菠蘿包做早餐添！今日堂reading soc我覺得我d表現都啦﹐因為狀況算做唔錯﹐好過上幾次﹐雖然我都仲係唔夠訓﹐有d頭痛﹐不過﹐我有出過聲架~~哈~~之但係﹐ceci佢病左﹐上上下堂Dr. Wong就叫左車送佢去clinic﹐唔知佢點呢？希望佢早日康復啦~~
上完堂reading soc就番左dept開會﹐個會唔算長既﹐都係開左個幾鐘﹐跟住就上左本部搵fion﹐諗住一齊食lunch﹐點知上到去個個can都咁多人﹐fion話佢唔餓﹐自己又冇乜胃口﹐所以買左包蜜瓜奶當lunch就算﹐個頭又痛﹐又冇乜mood上堂﹐所以連幸福論都走埋﹐上左fion個宿度喇﹐sara仲打電話問我係咪走堂﹐真係唔係幾好意思...xp
上到宿就係咁同fion吹水﹐又打機﹐佢就係度做功課﹐到四點幾就去左uc can食tea﹐食完野番宿﹐好眼訓﹐咁就係度訓左喇﹐fion就係度做功課﹐好乖呢~~訓差唔多八點﹐屋企打電話黎話冇飯食﹐咁就同fion去左na can食dinner﹐果度d豬扒真係可以掟死人架~~XDDDDDDDD食完野我又想飲蜜瓜奶﹐就同fion一齊行落mmw個汽水機買啦﹐因為周圍都冇~~~一路行落去﹐我覺得好舒服﹐因為平時一定冇機會係食完飯之後咁悠閒咁行﹐好開心呀﹐一黎好似乜都唔使做咁﹐冇咩要趕住做﹐二黎同fion吹左咁耐水﹐講左好多野﹐開始清楚自己點諗﹐成個人鬆哂~~夜晚既中大都幾靚丫~~
番到宿﹐諗住坐多一陣就走﹐但我地諗起班su人同院長食野飯﹐就去左思源館諗住搵佢地﹐點知入面個氣氛好似好嚴肅﹐我地就冇衝入去﹐反而係出面﹐一路食一路等佢地。之後十點幾佢地出黎﹐我就同flora﹑anna佢地一班人一齊走lu~~

yeah~~星期日去食野再去world carnival玩~~好期待~~

>>February 8, 2003 at 10:31:02 AM GMT+8

2003 年 2 月 5 日 星期三 【晴】

今日竟然可以準時起身番學﹐真係可喜可賀！
不過﹐早知唔番啦...堂stat悶到喊﹐我成堂係度發夢﹐之後同﹑小彩﹑肥豪同壽星阿roy一齊食lunch﹑吹水﹐吹到差唔多夠鐘上law就同billy一齊行上本部。堂law﹐真係...早知走埋佢﹐因為我係lecture hall度又係訓...上完呢堂悶得濟﹐冇乜mood繼續上堂﹐就走左普通話﹐雖然佢take attendence﹐不過得果一個credit﹐豪比佢啦！同billy走左去食tea~~呵~~^^
搞完一輪﹐六點幾又去練習...我發覺呢排都真係幾黑﹐成日都令miss韓失望﹐我今日又跳唔起喇﹐仲整親隻腳﹐真麻煩...我諗聽日冇事喇掛...
番到屋企﹐好"支力"﹐不過仲有排都未有得訓﹐因為聽日要交reading soc﹐我仲未做﹐又要開夜喇...今次冇掛住icq﹐係煲電話囉...唉...好眼訓呀﹐希望聽晚可以訓餐飽啦...

>>February 6, 2003 at 7:27:50 PM GMT+8

2003 年 2 月 4 日 星期二 【晴】

都算係早起身既一日﹐十點幾﹐都算係咁啦﹐不過諗起聽日要八點幾起身真係有d唔開心呀><
屋企冇人﹐好開心﹐睇左幾集劇集之後又再「hea」一陣就開始做功課。好似好耐冇上呀沛良既堂﹐睇番d notes都真係唔係好知佢果度d terms既definition﹐不過唔緊要﹐好彩之前billy幫我影印左本書﹐都叫睇得明既~~睇睇下就走左出去食tea﹐食左成三個鐘...^^"番到屋企唔想煮飯﹐叫呀哥番黎既時候買飯就算﹐等我有多d時間做功課。
諗諗下先記得原來我除左stat同research有功課之外﹐仲有每個禮拜一份既reading soc summary呀﹐真係灰...

聽日就要番學喇﹐點解個假期咁短？我仲未玩夠...至少﹐比我訓多幾日都好丫...
一番學又開始忙過﹐又要過番d番屋企食「宵夜」既日子﹐真係...唉...

今日睇電視先知﹐文化中心出面果個激光表演原來唔係淨係年初一先有得做﹐係做到初七架~~好想睇呀...

>>February 6, 2003 at 1:43:10 AM GMT+8

2003 年 2 月 4 日 星期二 【晴】

神像跌踤了 仍然是碎石吧
人魚著陸後 大概得泡沫吧
那陣時 還沒有戀愛過
才無知到真的信吧
誰亦不吻我 回頭又再睡吧
原型未敗露 就再等午夜吧
要是誰還是說不愛我
誰求魔鏡解答嗎

演出一場一人的童話
不必一路一直等候他
沒戀愛出現不用生活嗎
無緣騎上白馬會自行歸家

苦戀不一定是浪漫 不必欺騙人
孤單不一定是寂寞 掛少一個人
花一生追逐動地驚天 真的太苦心
從沒王子愛惜都要做人

一開始總是幸運地 識到這個人
到結尾總是順利地 安穩過一生
但其實真實命運 很少寫得這麼吸引
如若童話永不變真 給趕出糖果屋
擠不上南瓜車 揭開了紅帽子
沉睡了等誰熱吻

還未到我試 球鞋亦著住吧
仍然沒艷遇 木偶都抱住吧
我暫時還沒有急切到
求其找隻青蛙吻吧
無論龜與兔 能全部到達吧
巫婆日夜煉 煉製出快樂吧
要夢遊無論置身那裡
隨時可以出發嗎

演出一場一人的童話
不必一路一直等候他
沒戀愛出現不用生活嗎
無緣騎上白馬會自行歸家

苦戀不一定是浪漫 不必欺騙人
孤單不一定是寂寞 掛少一個人
聽得多穿鑿附會真的不該太天真
從沒王子愛惜都要做人

一開始總是幸運地 識到這個人
到結尾總是順利地 安穩過一生
但其實真實命運很少寫得這麼吸引
如若童話永不變真 給趕出糖果屋
擠不上南瓜車 揭開了紅帽子
還未算輸別激憤

>>February 5, 2003 at 6:32:17 PM GMT+8

2003 年 2 月 3 日 星期一 【晴】

好野！今日又冇做功課~~^^"
成十一點先起身啦又﹐跟住屋企人話番深圳飲茶喎﹐我見冇咩做﹐佢地又話應該唔多人﹐咪去囉~~去果時真係好快架﹐20分鐘就過左關﹐係文錦渡﹐好快就去到間茶樓喇。我知點解屋企人想去果度喇﹐d野真係幾好食架﹐最重要既係﹐好抵呀﹐三個人食到飽飽﹐都只不過係150咋~~好開心呀~~食完野行左一陣先番去﹐經羅湖﹐冇幾耐就發覺呢個唔係一個好既決定﹐因為果度係超級多人﹐係果度搞左成個半鐘先番到上水﹐仲搞到我冇tea食﹐激死！做乜咁鬼多人架﹐最憎d多人既地方喇！@@"
番到屋企想打機﹐執下執下執左d位出黎入隻死人《龍狼傳》﹐點知入完之後先發覺得根本冇3D card﹐完全玩唔到！比佢玩死喇﹐搞咁耐得個桔...灰囉...

聽日無論如何都要死份stat出黎...哼！仲要睇埋reading soc呀....唯一一個course可以令我個個禮拜既reading都睇哂...都係淑英好...XDDD

今日又買左支川貝枇杷膏喇﹐希望今次唔好又食上癮啦...^^"

>>February 4, 2003 at 5:14:09 PM GMT+8