2004 年 3 月 12 日 星期五 【晴】

好支力...呢期都係咁﹐乜都冇做過都係成日都咁支力﹐搞到我乜都唔想做...
上晝做完野﹐食完免費飯就同阿偉出左科大睇波。我覺得...似玩搏擊多過似打波...
跟住又趕番屋企食飯﹐同哥哥玩電話﹐食完飯又番宿...
今日有d心機做功課既﹐不過﹐真係好支力﹐又有d頭痛﹐進度緩慢﹐又未收到reply...唔知點...

好似我既近日至愛都未同大家見面...


>>March 13, 2004 at 5:43:15 PM GMT+8

2004 年 3 月 11 日 星期四 【晴】

又係uc photo day呀！今日又忙死左...
走左contem﹐計下計下﹐今個禮拜根本冇上過major﹐不過﹐who cares？
十一點做helper﹐差d同fion一齊遲到﹐好彩﹐有人仲遲...
做完野﹐諗住話oc影相﹐點知等極都唔齊人﹐改下改下﹐仲改到三點先集合﹐但我要去覆診﹐冇得影﹐算...
番上黎﹐同房們卒之去食野﹐又聽到flora話語文計劃要成兩皮野﹐即刻決定唔去聽briefing而去食野。食完番去訓左陣就落番cc﹐拎相機兼睇社會盾開幕。開頭真係想睇﹐但落到去又好冇心情﹐所以拎左相機就走番上去。番到上去阿偉又話打波﹐醫生話做下運動好d﹐所以有d支力支力地都係去左打波﹐我又好想打羽毛球嘛。玩到八點幾﹐好支力﹐番宿lu﹐咁就一日﹐仲係未想做功課...都係唔好迫自己喇﹐聽日先算啦...

相：
　　

>>March 12, 2004 at 3:35:53 PM GMT+8

2004 年 3 月 10 日 星期三 【晴】

今日day off﹐名正言順唔使上堂。不過唔記得左做過咩...
夜晚同阿偉出左沙田食飯﹐回程時係火車站撞到陳文濠﹐見佢拎住d好得意既花﹐忍唔住同佢買左三枝﹐諗住聽日送比獸父﹐點知番到去同fion講完﹐都係決定一人一枝分左佢...

花：


>>March 12, 2004 at 2:50:24 PM GMT+8

2004 年 3 月 8 日 星期一 【晴】

如我所料…我知我終有一日會咁...


What my herat really made of


>>March 10, 2004 at 1:51:44 AM GMT+8

2004 年 3 月 7 日 星期日 【微冷】

Today, I lost a friend. I lost myself...

>>March 10, 2004 at 1:49:12 AM GMT+8

2004 年 3 月 5 日 星期五 【颳風】

中大五人手球公開賽呀~~睇落好似同我冇乜關係﹐但實際上﹐我join左電芯參加左呢個比賽喎！
到左比賽前大半個鐘﹐我先知我地果隊有咩人。我地有六個人﹐其中四個上年玩過﹐佢地係april﹑阿ling﹑林子（唔知係咪咁,,,）同陸電金﹐佢地上年仲拎左個冠軍呢﹐好大壓力喎！而另外果兩個就係我同阿pril﹐我地仲未係唔識打既添！
唔知好彩定真係「實力」啦﹐我地都打到入決賽﹐仲覺得好好玩添﹐希望再下一城﹐但係﹐對手係spe yr 1234﹑實力強勁既同學仔喎﹐仲有出名氣勢迫人既嬌姐（^^"）添！我地最後梗係眾望所歸得到亞軍啦~~我已經好開心架喇﹐話哂都係第一次玩咋嘛~~都話我學野學得快架啦~~
係uc gym見到好多識既人呀﹐除左uc人同手球人﹐仲有兩個師妹﹐好開心呢~~點解？唔知呢~~

個獎：

真係似排球既獎多d...

P.S. 不過好可惜﹐冇帶相機﹐冇得影低各位瘋狂既一面﹐哈！

>>March 7, 2004 at 5:49:09 PM GMT+8

2004 年 3 月 4 日 星期四 【微冷】

今日係uc photo day﹐好多人呀﹐都有好多我地識既人grad呢﹐真係有d唔捨得佢地﹐話哂都一齊玩過丫嘛~~
講番今﹐一朝早就要上contem﹐今次真係頂唔順﹐訓左半堂﹐加上之前因為同billy一齊拎花﹐遲左半堂﹐即係整整有一堂唔知佢講咩﹐好彩呢part未到我要pre果度﹐唔係都唔知點算。到左十點三﹐涉海文哥都未想放人﹐但我十一點要開工﹐所以都早走lu~~我係胡拉出面做student helper﹐幫下手維持秩序﹐都ok簡單﹐不過唔可以早d同畢業生影相呢~~
一放工就即刻番到soci大本營﹐岩岩切緊蛋糕﹐之後仲玩拉炮﹑噴香檳添！原本約左自己果組點幾就同阿may影相﹐可惜有d仔女要上堂﹐未黎到﹐我就同anna﹑fion﹑阿烽﹑肥ken佢地周圍去---拜年（anna話既...）！遊過mse搵叉仔同阿杰﹑要去搵東哥同大隻堅﹑期間又番soci搵sara同yumeji影﹑最後就去搵winnie。我地送左好靚既珍寶珠花比阿杰同東哥呢﹐阿杰應該開心至係﹐唔應該羨慕我地送比winnie果張﹑寫滿哂野既靚靚大口仔咭架~~呵呵~~~winnie仲有一隻大大隻﹑靚到佢都唔信既熊仔做禮物呢~~~希望佢地真係開開心心啦~~~

靚相速遞：
　　　　　

由上至下﹑由左至右：細O組相(may)﹑西杰﹑sara﹑東哥﹑fion與東哥﹑大O局部組聚

>>March 7, 2004 at 1:08:16 PM GMT+8

2004 年 3 月 3 日 星期三 【微冷】

今朝要上contem tuto﹐但我都係一如以往﹐未睇reading就去左上tuto。我覺得小麗真係好勁呢﹐點解d咁難睇既文佢可以睇到咁多野出黎﹐而我就睇黎睇去﹐連佢表面上想講咩都唔知？每次上小麗既堂﹐我都覺得學到好多野﹐好可惜﹐我既記憶力唔容許我記得d咁正既野多過兩日...
上完tuto﹐先發覺唔記得拎前日做起果份research writing既功課落黎交﹐真係蝕左﹐又要上多次去﹑落多次黎﹐之但係﹐都係食飯緊要d﹐所以我都係食完飯先上去拎功課交﹐交完功課就同同房們去左驗血﹐睇下使唔使打肝炎針。打完針﹐番宿之後又掛住打機﹐差d連練波都唔想去...一.一" 但我卒之都係去左練波﹐第一次玩手球呢（應該...）﹐都好似唔係好難學咁（難唔到我呢個天才﹐呵呵~~）﹐之但係﹐唔可以預計落到場係咩一番景象呢...練左差唔多一個鐘﹐就去左打羽毛球﹑乒乓波同做gym﹐今日幾時變左運動日？！跟住就去左級社傾莊﹐都係冇乜野傾到出黎...咁就一日lu~~

>>March 7, 2004 at 11:51:25 AM GMT+8

2004 年 3 月 2 日 星期二 【颳風】

今朝上gender﹐好悶﹐開始有d無聊﹐兼覺得上呢堂有d哂時間﹐唔知想點...早知係房訓多陣好過。卒之落左堂都係番宿訓過﹐訓醒耍食飯上堂。
上完堂﹐約左臭thy出旺角﹐佢話要買headphone喎﹐就同佢出去行下﹐順便當休息...行行下﹐佢先發現原來我地漏左叫一個人﹐就係死肥b﹐完全忘記左。但係急忙之下叫佢﹐佢都係出左黎同我地食飯（兼受剝削及虐待...^^"）。我地係trendyland一人買左一樣野呀（正確d黎講﹐係阿b買既...）﹐好開心！跟住又去左易牙妙手﹐我真係覺得佢d野幾好食丫嘛﹐仲迫左阿b食麻辣麵﹐辣到佢死~~~呵！咁就玩左一日﹐開開心心﹐幾好！

P.S. 得閒又玩玩html﹐轉左bgm喇﹐記得開大個喇叭聽~~~


我既戰利品~~~多謝bb~~~

>>March 4, 2004 at 1:24:04 AM GMT+8

2004 年 3 月 1 日 星期一 【暴雨】

好煩悶﹐係咪天氣影響？...
見到個景咁靚﹐真係幾開心﹐不過硬係某d時候都係唔開心...

我所foresee到既結局非常無奈﹐但似乎都係向呢個方向發展﹐只係希望唔好去到咁盡...


應某人所求：
　　
霧鎖uc

>>March 3, 2004 at 5:10:53 PM GMT+8