2004 年 5 月 7 日 星期五 【陰】

尋晚好好訓﹐一覺訓天光﹐可能係因為隻碟啦~~今日又訓到好晏先捨得起身﹐因為係我「暫時退休生活」既最後一日喇﹐又要番宿做功課...一.一" 不過都岩既﹐早d做完早d同大家去玩丫嘛~~
成晚就係咁hae下睇下reading﹐始終狀態都係番唔到黎﹐究竟係咪人越大就越冇心機做野？定係...只係我冇心機做？
到訓果一刻﹐都未開始落筆﹐因為想睇既野都未睇哂﹐雖然﹐只係想睇幾頁紙...
唉...

>>May 9, 2004 at 12:53:40 AM GMT+8

2004 年 5 月 6 日 星期四 【炎熱】

尋日心血來潮約左去睇《江湖》﹐於是下晝就出去食飯再去睇戲。我係上水站見到miss張同miss soon呀！！（仲有個睇唔清楚...）但果時都不過係十二點幾﹐佢地去邊呢？出到去大學站既時候見到阿賢﹐哈！佢個look...好特別...出到尖咀買完飛就去左食飯﹐跟住行街~~全部都係capitalism底下所製造既illusion（-_-"）...又到差唔多時候去睇戲lu~~
套戲嘛﹐都幾特別﹐不過﹐我到中後段又估到lu﹐yeah~~贏左！不過個結局...唔知想點...
睇完戲﹐又去行街。好想買表呀﹐又未去過lcx﹐於是又走過去囉~~yes！經過一輪掙扎﹐又買左隻表﹐實比阿媽鬧死囉...不過﹐買唔到其他野喇﹐睇唔岩﹐始終﹐都唔係好岩我...但westwood隻表真係好靚﹐睇下都好既~~又係時候去今日既另一個目的地--星光行喇~~經過一陣無聊既行行企企﹐完成左今次既任務--偷《中大四十年》！其實都唔係偷既﹐不過入去拎完野就即刻走﹐比大樂睇到就唔係幾好﹐所以係佢黎之前就完成左創舉﹐真係多得果位好人既哥哥仔讓左套比我地﹐如果唔係都冇走得咁快~~
跟住嘛...行開hmv﹐就順便買埋diana隻碟﹐睇過廣告真係幾好聽丫嘛~~（打緊呢段野既呢一刻都係聽緊架！）可能阿哥都會鍾意。跟住又行左去星光大道﹐果度竟然有...「sir run run shaw」！真係邊度都有阿邵生...一.一" 影左劉華同偉仔﹐又係時候肚餓去食飯~~麻布茶房萬歲~~食哂個飯仲食埋雪糕﹐超級滿足！仲超級飽~~食完玩完﹐又係時候歸家lu~~
夜晚﹐聽左陣隻新碟...好舒服~~好滿足~~

--------------------------

我會好快令4個煩消失...聽日就有一個煩...而一個煩就會係星期一消失（希望係我令佢消失﹐唔係時間令佢消失啦 xp）﹐仲有兩個嘛...
我會去學點樣唔care一d根本唔關我事既野...
anyway﹐really thx！

>>May 8, 2004 at 11:59:46 AM GMT+8

2004 年 5 月 5 日 星期三 【炎熱】

尋晚吹水既時候﹐兩位同房都認為我太體弱多病﹐極力勸我番屋企休息﹐所以﹐今日就番屋企喇﹐不過﹐由於夜晚約左阿洪既關係﹐都係要夜晚先走得。訓到日上三竿﹐我地間房先施施然起身﹐我就一直hae到下晝﹐到阿婷打電話比我果時先開始執野走﹐當然﹐fion都係﹐anna起身冇耐就走左lu~~
執好野﹐就同阿婷落去會合阿洪﹐吹水其間﹐仲見到阿杉岩岩游完水！！於是又捉埋佢一齊食飯﹐所以呢次食飯既combination...有d奇怪...
食完飯就番家lu~~阿婷又想借《情書》﹐於是同我一齊番去﹐又﹐由於唔知隻碟去左邊﹐全家就係屋企做運動﹐翻箱倒篋咁...哈！好好笑~~

夜晚...訓唔著...

>>May 9, 2004 at 12:36:59 AM GMT+8

2004 年 5 月 4 日 星期二 【微冷】

好眼訓...今日訓到十一點幾﹐到佢地考完試我都未醒﹐所以...我出到沙田既時候anna﹑fion同winnie佢地已經食完野喇﹐我又冇乜胃口﹐所以食左碗糖水就算﹐跟住就去左行街﹐買左件衫咋~~~行左一陣就係時候入場睇戲﹐睇《救命》呢~~~衫頭都有d驚架﹐驚係鬼片丫嘛﹐好彩﹐完全唔恐怖囉﹐只不過有d驚驚地only﹐好刺激呀~~難為我隔離既fion驚到唔敢睇...我都係覺得﹐片頭既鬼片trailer恐怖d﹐我一眼都冇睇呀！
睇完戲﹐行多一陣買左d野﹐就番宿lu﹐洗衫既時候訓左陣﹐因為個頭唔知點有d唔舒服﹐但再夜d都係同flora﹑anna去左思源唱左陣k﹐但﹐好多人﹐真係唱左一陣咋﹐唔舒服﹐我早左走lu~~
今日總括而言﹐都係：冇‧做‧過‧contemp！聽日開始啦唯有﹐係時候集中精神喇﹐唔得都要得！

>>May 5, 2004 at 4:34:27 PM GMT+8

2004 年 5 月 3 日 星期一 【微雨】

尋晚漏夜交左e-research﹐預左今朝會訓到不省人事﹐卒之係...差唔多十二點...一起身就見fion係度溫緊書﹐嚇死﹐因為太少見佢早起身過我...除左佢早堂呢d有「原因」既早起之外...
起哂身﹐315就一齊去staff can飲茶﹐好滿足﹐因為個感覺好似輕鬆左。原本諗住食完野就自己一個去睇《江湖》﹐但anna同fion話佢地聽日考完試﹐不如考完試先一齊去睇戲﹐所以﹐就咁就番左宿lu~~
番左宿都唔代表我係做野﹐我hae左成日﹐一d野都冇做過﹐除左睇左份題目。我真係好唔明﹐點解份題目可以寫一頁紙咁長？！睇題目都睇死左...睇完﹐hae完﹐又係食飯既時候喇﹐小電竟然約我去食飯﹐當然啦埋坐「宿監」既小彩啦﹐最後有五個人﹐因為仲有阿青同pril寶寶。五個人﹐由八點坐到九點半﹐不停地吹水﹐真係好開心﹐歡樂令我地係paper﹑考試同project中間稍稍恢復過來。各位真係要加油呢~~我地搞掂哂所有野﹐呢個暑假要一齊出街睇戲食飯去camp/行山/去短線（任擇其一或all﹐有時間&夾到時間的話）~~
今晚有月全食﹐難得一見﹐但同房們聽日又要考試﹐正努力地溫書﹐所以兩點鐘既時候得番我﹑小森﹑烽同amily去睇月食﹐好似中秋賞月囉...月食月食﹐各位都睇到今日既天氣啦...真係食哂架...比d雲...一.一'''比番個月亮我呀！~~~好無奈﹐但都吹水睇雲坐到四點幾...卒之五點先訓﹐好支力呀~~~

>>May 5, 2004 at 4:26:23 PM GMT+8

2004 年 5 月 2 日 星期日 【酷熱】

又係e-research...今日已經開始寫份report﹐雖然冇lit﹐但都要寫架嘛...寫到咁上下﹐又係時候出去同高芬慶祝牛一lu~~早左少少出去﹐同b會合﹐佢都幾醒﹐識得買左蛋糕先﹐之但係﹐搵地方食野就唔係好識喇...跟住就去周圍睇下﹐見到有個好搞笑既snoop加woodstock喎﹐真係好搞笑...之後仙姐黎埋﹐使左阿b去等位﹐再行多陣就上番去和民同高芬佢地會合。等左都唔係好耐﹐好彩叫左肥b去等位﹐呵呵~~
第二次去和民呢﹐感覺都係普普通通。我今次notice到喇﹐d waiter真係跪係度落單架~~serve我地果個仲好似娟娟加張敬軒加francis~~和民野食嘛﹐都係咁啦﹐其實﹐真係冇乜幾多款可以揀﹐但都算幾好味既~~叫左杯櫻酒cocktail試試...好似藥水囉﹐真係要搞混哂佢先飲得架...食埋蛋糕﹐送完禮物﹐再吹水﹐都差唔多走lu~~喂！個搵錢大計記得預我﹐呵呵~~
番到宿﹐又再趕趕趕趕e-research...終於三點幾﹐比我ko左佢喇！哈哈~~~又係用左兩個鐘就搞掂個hp﹐雖然呢個頹好多...
我要怒訓！我要玩！

>>May 4, 2004 at 5:36:37 AM GMT+8

2004 年 5 月 1 日 星期六 【酷熱】

尋日見唔到既人﹐今日就見到喇...ivy幾靚呢﹐真係架~~不過﹐阿彭生真係好似「自由人」...一.一" 想點...？點解會係一個咁既look？？今日好熱呢﹐影幾幅相﹐行兩行就成身汗﹐所以都唔落cc影喇﹐係本部就分手lu~~

番到uc﹐食完個飯﹐仲要打埋尋日未完既game先依依不捨咁做e-research...個sample好唔夠呢﹐不過最重要﹐搞左d lit先...結果搵左成日﹐都係冇份岩用...我真係冇哂心機做喇﹐雖然個topic好唔sociological﹐但都應該有d theory岩用掛...冇！係一份都冇囉！或者係我唔識搵啦...

到尋晚最後最後﹐雖然全日都冇乜戰意﹐但都整左個outline出黎﹐運用僅有既resources去堆砌一個好似講得通既report...shit！


---------------------------------------------------------------------------------------------------------------

聽晚會見到高芬佢地呢~~雖然唔係好耐冇見﹐不過都好掛住佢地...成班傻佬！呵~~

>>May 3, 2004 at 3:36:22 AM GMT+8

2004 年 4 月 30 日 星期五 【酷熱】

點解...點解d人可以咁早起身影畢業相...傻架...難為我尋晚咁「早」訓...我就梗係起唔到身啦...算啦﹐影唔到就影唔到啦﹐雖然...都有少少遺憾...但竟然﹐聽日又黎多次？！咁得閒既？！
唔好理d無聊人...

原本話去sit會﹐roy又唔得﹐我自己又做緊e-research所以冇去﹐oh~~太差喇~~~不過﹐我真係難得有興致去做喎...但係做完份問卷send埋出去﹐我就覺得...我問錯問題....死啦...又冇lit...想點呀究竟......唔通要老吹？所以﹐我決定...頹做~~~ xp

夜晚同媽媽出街街~~雖然行左唔係好耐﹐不過好開心﹐至少﹐乜都唔使諗﹐除左諗去邊度食飯...都好既﹐逃離電腦既魔爪﹐又陪下媽咪~~

好支力呢﹐做唔到野呀夜晚已經...真係只要一晚太夜訓﹐就訓幾日都補唔番﹐以後可免則免...不過﹐下個禮拜已經唔可以免...我個habermas呀！！

>>May 2, 2004 at 4:21:36 AM GMT+8

2004 年 4 月 30 日 星期五 【微冷】

夜遊中大

腳踏birkenstock
走過一遍中大校園

霧降
乍暖還寒
校園有點矇矓
然看清自己多點

走得太累
左腳打回原狀

累
終於可休息

要去擔心自己操心不了的
倒不如先整理好自己
解決當前堆積如山公務、功課最為要緊

畢竟
我依然是那個obligation為重的人




------------------------------------------

離開節目部
出外旅遊散心
事在必行

>>April 30, 2004 at 8:28:40 PM GMT+8

2004 年 4 月 28 日 星期三 【微冷】

今日比尋日既情況好d﹐起碼我冇訓咁多先...
今朝原本要去pw覆診睇聲帶﹐諗住落去交完份contemp先去啦﹐點知交完功課先記得冇帶覆診紙﹐擾攘一輪﹐最後都係決定唔睇喇﹐橫豎去到佢地係話「休息多d﹐唔好講咁多野﹐唔好咁大聲﹐把聲先會好」...咁即係以後都唔好啦...
番到去﹐都係訓...訓到食tea...食完番上去﹐又訓...救命...會唔會訓得太多左少少呢？？
跟住又去左食飯﹐番到宿突然同anna靈光一閃﹐就捉左flora同聽日要考試既小森森去思源唱左個零鐘k﹐好滿足~~交完一份paper卒之有得玩﹐即時個病都好左d（我話既！）~~
好想兩日ko個e-research﹐如果唔係就唔夠時間同habermas建立「深厚」既感情...但﹐我做唔做到呢？係我呢期咁「訓得」既時候...

>>April 29, 2004 at 3:52:35 PM GMT+8