2004 年 5 月 18 日 星期二 【炎熱】

今日原本係冇野做既一日﹐諗住會番屋企坐下既﹐點知真係坐下囉﹐因為大o今日gm﹐我又好有興趣去八下喎﹐所以又番黎坐下喇...
我覺得今年呢班oc好可愛（！！）﹐因為佢地諗到咩都會講﹐係個會到throw左好多idea出黎﹐有d好inspiring﹐第一次開會就可以做到一次幾有建設性既brainstrom。之但係﹐真係要小心哦~~我明白各人有立場﹑取向﹐但我真係好期待你地搞到一個有heart﹑有你地既理想係入面既camp出黎比d freshman呢...
慢慢黎啦﹐你地得既！^^

>>May 21, 2004 at 3:59:57 AM GMT+8

2004 年 5 月 17 日 星期一 【炎熱】

今日又到anna早起喇﹐佢竟然掉低兩個可愛既同房去左唱k~~嘿﹐所以我同fion起左身就去左staff can飲茶﹐我真係好鍾意食點心呢~~
跟住hae左一陣又係時候去上堂喇﹐上fyp個multimedia course﹐真係估唔到係johnny教呢﹐佢前兩日同我講果下真係嚇一嚇﹐估唔到係一個識既人教~~哈！join埋billy就入去天機啦﹐又要check cu link﹐唔怪得之唔走得堂啦...但我真係想落去睇下輔聯個會喎...唉...冇辦法﹐唯有同阿姿﹑剛同飯子一齊上埋堂先（估唔到撞到咁多人）...一路上堂﹐一路掛住同billy係度玩d multimedia﹐卒之﹐我都唔係好記得教左d咩﹐都係遲d再問番人啦﹐哈哈！
落左堂就趕呀趕咁落fulton﹐點知坐左兩個字就散會喇﹐激死！早知唔落去啦~~跟住同george八左一陣又同阿paul﹑g@ry番uc﹐然後同fion落百佳買今晚層聚諗住煮既野喇。我地落到去行左一陣「裝修緊」既百佳都諗唔到煮乜﹐最後都係決定我試炒公仔麵﹑fion整雜果賓治﹐anna就由佢自己係出面百佳買lu~~我未炒過公仔麵架﹐今次有好多人做我既白老鼠呢﹐哈！
番到宿﹐都係hae﹐因為要等anna幫手係出面買d材料番黎。佢番左黎之後我地間房就開始忙起黎喇（除左某人...）﹐我同anna就係度整食物啦﹐佢買左d肉同豆呀﹑蘿蔔比我﹐於是我又整整整...佢就整蒜蓉西蘭花金菇囉。我d公仔麵﹐嘿...我真係完全控制唔到咁多既份量囉﹐所以﹐都係整得好差﹐哈！到各人整得差唔多﹐d野飲又雪得差唔多夠凍既時候﹐fion就睇完謝君豪（！！）出番黎整野喇。最後各位係差唔多九點有得食（差唔多啦﹐唔記得喇）﹐有我啦﹑fion﹑anna﹑trinky（冇整野食﹑一陣準備洗碗）﹑蜜﹑josephine﹑家茵﹑敏﹑wendy啦﹐開開心心咁食野吹水﹐仲有相睇~~食完野﹐一行人又落左com玩遊戲﹐開頭係玩pictionary。
當各人完全唔知fion係度畫乜既時候﹐trinky竟然答到「果樣野」係「萍姐」！！唔知萍姐見到果幅「畫」會有咩反應﹐於是我地玩完都仲留住幅野係個白板度﹐哈！（中途有唔少人行過湯com﹐但似乎都被我地呢班三樓美女既「大堆頭」嚇親﹐唔敢行過...包括令時同阿森﹐哈哈！xp）玩完呢個之後﹐我地又玩mc killer﹐估唔到有人覺得我做killer夠冷靜﹐但我唔可以做都到最後喎﹐都唔夠其他人咁勁﹐估極都唔中﹐嘿...不過﹐mary實在太搞笑﹐唔可以唔係度講...佢做killer﹐未比人估到已經講左句「我後悔殺左佢」﹐從未聽過咁差既自白﹐而做angel既時候又可以gap到講「我後面有對翼﹐你要信我」﹐佢講到咁﹐又真係唔可以唔信佢既﹐佢都去到咁盡咯...哈~~~
玩到成點﹐我地先走﹐並離奇發現d碗已經有人洗哂﹐trinky實在太好彩喇~~

>>May 19, 2004 at 6:52:04 AM GMT+8

2004 年 5 月 16 日 星期日 【炎熱】

我記得番學果時我多數係最好起身果個﹐但宜家放假﹐我就梗係訓耐d啦~~今朝係fion要見老細先早起身咋﹐我同anna就訓晏d~~
下晝果餐都係flora﹑剛同fion佢地打電話黎叫anna起身先要落coffee corn食咋﹐我寧願留番係uc...食完野﹐佢地話要去u lib﹐因為anna要整份cv﹐諗住順便交埋apply intern﹐我都有報police force果個research post架﹐但其他要寫cv又趕住dead既﹐我就冇乜興趣lu﹐都係玩埋呢個暑假先算啦！我都跟埋去u lib﹐不過超悶﹐因為冇野好做﹐所以坐左一陣就同flora一齊番宿喇。番到宿都係hae﹐但有機打﹐開心d﹐雖然我都有係u lib玩「扑傻瓜」...
下晝同阿怛johnny落左湯com吹水...sorry...我唔係吹水囉﹐係餵蚊就真...終於搞完一大輪﹐個組聚都係冇乜結論﹐但好期待組聚喎~~~
跟住又番左上房繼續hae﹐到左夜晚﹐為左唔使煮又唔使行﹐我地就叫左壽司速遞﹐亦由於岩岩洗完衫﹐咩位都冇﹐所以佢地就去左我張床度食﹐不過佢兩個好無良﹐都唔知係咪夾埋架﹐一人跌一樣野落我張床度...想我比野咬死咩...一.一"
食完野﹐我地就開始今晚既大計﹑滿足anna既慾望---「行山」！路線就係恆行後面行落環迴再係cc搭車番宿﹐由fion帶路。我地準備好哂之後仲影左幅相先出發添！我地由湯宿後門出發﹐行落恆生樓﹐中途受到該處濃烈既異味襲擊﹐anna仲問唔知係咪死左人﹐但我地最後一致認為應該係死左好多青蛙...(-_-") 跟住就行車路落到十二苑做中途補給---飲水﹑吹水同玩韆鞦！（我好耐冇玩過喇﹐因為屋企附近果d都用「危險」為原因一早拆哂lu﹐小學已經冇得玩~~）玩完之後就繼續行﹐行到落u gym再追校巴番uc﹐一落車仲撞到阿森添！
咁就完成我地既「行山之旅」喇﹐唔知anna滿唔滿足呢？


---------------------------------------------------------------------------

夜晚既中大﹐除左有少少陰森之外﹐其實都好舒服架。
靜‧夜
最少﹐係夜既中大漫步﹐可以暫時忘記煩惱。

>>May 18, 2004 at 10:46:08 AM GMT+8

2004 年 5 月 15 日 星期六 【酷熱】

今日一起身﹐就同阿媽去左delifrance食早餐﹐好開心呀﹐同阿媽兩個人去食野﹐個地方既感覺又舒服﹐只不過係買野食既時候企後面既臭男人對waitess既態度太差﹐令到呢個地方有少少唔舒服之嘛~~哼！等下使死咩！
食完野又番屋企﹐開始同阿哥係度打機﹐部新既ps2呢~~不過宜家唔係好多game﹐各位有ps2既人﹐識做啦~~之但係﹐我地部機唔改架喎﹐要貢獻game既人士要注意喇~~屋企宜家得四隻game﹐不過都夠啦﹐多數都係阿哥玩﹐我都唔太鍾意玩日文game﹐做咩囉﹐都睇唔明佢做咩﹐下下都要睇攻略﹐都唔好玩既...我又記番起我隻蒼之濤喇﹐雖然佢d動畫太長太麻煩﹐不過我都要快d打爆佢﹐費事佢阻住我d位...
打到咁上下﹐高芬既電話就黎喇﹐今日我地要去佢度整野食丫嘛﹐所以約埋買完野之後就出發番華蓮。一行七個人：我﹑高芬﹑華仔﹑仙﹑b﹐仲有佢兩個宿友phillus（有冇串錯？）同怡芳姐姐﹐我地就係咁係佢地個大pantry煮野食喇﹐之前仲比怡芳姐姐把過脈添！佢話我宜家冇咩事喎﹐梗係啦﹐幾個煩都搞掂得七七八八喇﹐唔煩咪冇事囉~~
到八點幾﹐我地就整好哂所有野食﹐有三種唔同既意粉﹑有菜有雞翼﹑仲有蛋糕同沙律﹐超豐富~~所以我地咁多個人都食唔哂...好可惜呢﹐我d意粉又失敗左lu~~真係唔可以好好咁控制到咁大盆意粉...xp
一路食一路睇american next top model﹐估唔到成班人都有睇﹐好好笑﹐今集好warm呢~~我又諗起乘風航喇~~都係一齊努力既活動﹐不過我地唔使foul人咁慘囉~~唔知...幾時組聚？真係我約呀...？><
飲飽食醉（其實有個芒果布丁因為唔夠凍既關係仲未整好）之後﹐就同仙姐一齊番宿lu。估唔到番宿之後又一個奇景﹐因為我地315竟然到齊？！完全唔知發生咩事...竟然原約而同地都番宿訓呀今晚﹐實在太好喇~~
今日雖然個人都係浮下浮下呆呆地﹐唔係好舒服咁﹐不過節目豐富﹐好開心喎玩得~~

>>May 17, 2004 at 3:19:11 AM GMT+8

2004 年 5 月 14 日 星期五 【炎熱】

又係休息既一日...
起左身食完飯﹐就係屋企玩icq玩到成四點（無聊！）﹐跟住坐得實在太悶﹐就落左街行下。好似好耐冇係屋企附近既地方行﹐所以就去睇下有冇咩變化﹐順便買下野。
星期六﹐成條街都係人﹐只有我一個人係度閒逛﹐呢度睇下﹑果度睇下﹐漫無目的。好悠閒...只可惜自己既體力仲未恢復﹐行左個零鐘就番屋企lu﹐但都可以買到好多野﹐傻的！

>>May 17, 2004 at 2:59:47 AM GMT+8

2004 年 5 月 13 日 星期四 【晴】

尋晚係咁訓﹐但今日訓醒都好似未夠咁。比billy個電話嘈醒....冇辦法﹐要起身﹐去聽pedro個talk之餘﹐都要搵人食飯架嘛﹐所以點幾就去左cc can同電芯﹑april﹑billy﹑彩蚊佢地食飯﹐再跟手去埋聽pedro個talk。之但係﹐個talk我都係坐左1個鐘咋﹐聽完cv點寫我就頂唔順走左﹐費事比pedro見到我訓覺。之後就番左宿﹐諗住執下野﹐再執完野就走﹐點知都係頂唔順﹐係度訓左陣先走。番到上水﹐同阿爸d friend食飯﹐去左睇佢地跳d七十年代既舞﹐當然﹐我都唔會甩難﹐比阿媽捉左出去同佢玩...一.一" 所以﹐我食完野﹐早走...
咁又一日﹐好支力呀仲﹐個人仲浮下浮下添﹐好似唔慣落左船咁...

>>May 15, 2004 at 3:44:14 PM GMT+8

2004 年 5 月 12 日 星期三 【炎熱】

我去完三日兩夜既乘風航番黎喇~~好支力好支力呀﹐簡直係體力透支﹐d手手腳腳好似唔係好既咁囉！至於呢幾日既內容...比d時間我啦﹐我又唔係好記得﹐又咁支力﹐遲d補番啦~~宜家只可以講﹐我呢三日游水游到飽喇﹐仲跳海跳到冇哂感覺﹐曬到變左黑人﹐好彩﹐都冇乜曬傷到﹐但就搞到成身傷哂﹐由頸傷到落腳﹐哈哈！我都算厲害lu~~xp
呢幾日都唔算係好夠訓﹐但體力就用盡哂﹐搞到我都好似有d呆滯咁...但d活動﹐初時我都覺得唔敢﹐又覺得做唔黎﹐又可能會體力不支﹐但估唔到我都撐得哂﹐仲做得完呢~~講起黎真係多得一班好玩又互相扶持既組員呢~~龍仔﹑肥波﹑大細ivy﹑阿蘇﹑bernard﹑candice﹑阿姿﹑阿恆﹑阿森﹑johnny﹐真係多謝你地呢~~呢幾日玩得開開心心﹐好大原因都係一班咁好玩既組員呀~~乘風航﹐令我畢生難忘﹐yeah~~
之但係﹐真係好支力呀...唔知仲有冇幾會再玩d領訓活動呢？
最搞笑係我一番到屋企門口﹐billy既電話就到﹐問我聽日去唔去聽pedro既cv talk﹐但我咁支力﹐都唔知聽日幾點先起身啦﹐哈~~pedro﹐可能你又見到我呢個死都唔肯交功課既學生lu~~
番到屋企就訓﹐訓醒先沖涼食飯﹐搞掂又再大昏迷。yeah~~咁就一日~~

>>May 15, 2004 at 2:22:29 PM GMT+8

2004 年 5 月 9 日 星期日 【炎熱】

做contemp做到死左﹐無無聊聊換左首background﹐小心load爆...
XDDDDDDD

>>May 10, 2004 at 11:38:30 PM GMT+8

2004 年 5 月 9 日 星期日 【晴】

尋日開始做contemp喇﹐雖然係開始做﹐但唔到夜晚都落唔到筆...
我真係好唔熟habermas呀﹐都唔知佢想點﹐完全link唔到d points﹐寫唔到野呀...淨係個intro都搞左我成晚...我唔係唔問呀﹐係我唔知點問﹐唔通問「你可唔可以幫我做左佢？」咩...
有一小段時間我以為我會有幹勁做落去﹐但越寫越灰﹐唔知佢講乜既同時﹐亦都唔知自己講乜...
冇時間喇﹐想寫份好d既paper﹐但時間所限﹐我諗我都係要交份垃圾比陳公...希望佢唔好嘔血就好喇...

其實係﹐我直情唔想寫﹐唔交仲好...但我又唔想retake...
好煩呀...份野已經十個煩﹐仲要加多十個煩...加埋咖啡﹐都唔頭痛算好彩...
完全通左頂囉...
唉...都唔知自己想講咩喇...我篇final﹐就好似咁既情況...

出面天氣好好呀﹐可唔可以唔理份野出去行下呀...我宜家屈係宿舍屈到想死呀...一係咳死﹑一係煩死﹑一係屈死...仲有冇得揀？真係十個唔想做...
好唔開心呀！點解做份paper會做得咁唔開心架！我真係好辛苦呀...

我d精神緊張又黎喇...開始神經質...好想喊...好掛住媽媽...

>>May 10, 2004 at 12:48:03 AM GMT+8

2004 年 5 月 8 日 星期六 【晴】

母親節快樂~~

冇送禮物﹐真係唔係幾好呢﹐不過我都冇時間去買/揀喇...
雖然只係食左餐飯﹐好短時間﹐但同屋企人聚聚﹐已經好開心喇...唔使做paper就好喇...

>>May 10, 2004 at 12:46:26 AM GMT+8