2004 年 5 月 29 日 星期六 【乍寒還暖】

今日去行山呀﹐係湯宿tutor gpa paul搞既。原本都係叫做「湯宿行山」既活動﹐點知變左「九華舊生聚會」...因為一行六人入面﹐除左我同anna之外﹐何b﹑johnny﹑gpa paul同佢個friend都係九華既﹐係我地既路程上面﹐仲有人爆出「赤腳人」都係九華﹐再加上阿杰﹐九華真係可想而知...
我地十點鐘聚集係粉嶺﹐先去食個早餐﹐身為何b既angel﹐我地就梗係會對佢好好啦﹐於是係佢出去買野食既時候就收埋左佢包煙同火機﹐等佢過一日無煙既健康生活﹐真係覺得我地超好人架！好可惜﹐佢一d都唔領情﹐一路上佢都不斷苦苦哀求我地比番d煙佢﹐仲話我地添！佢真係「不識好人心」呀...
食完野﹑買完乾糧就上路喇﹐路線係...我都唔記得左個detail﹐好似係鹿頸去到烏鮫騰﹐途中既路名就真係唔記得﹐淨係記得我地都經過左上兩個禮拜去乘風航果時去過既「印洲塘海岸公園」﹐仲有﹐去過一個地方地下全部都係紫色﹐開心死anna~~仲有仲有﹐沿途有好多個紅樹林﹐我又諗起f.6果年我地去大埔做fieldtrip研究紅樹林﹐果時真係好好玩﹐不過宜家我已經唔記得哂d樹名喇﹐淨係記得「礁潮蟹」同「彈塗魚」﹐行山果度d紅樹林係超多蟹囉﹐好得意架！仲真係見到彈塗魚添~~仲有d可以用黎打千秋既樹添！而沿路既風景...都ok啦﹐其實都冇乜點睇﹐一黎我地行得好快（呢樣係之後先知）﹐二黎係地上充滿住何b不停詛咒既牛所留低既肥料﹐不得不望住地下小心翼翼咁行（不過阿paul唔使﹐因為一開始行佢就踩左喇）...
今次既行程﹐我地行左成六個鐘﹐總共行左十八公里﹐我覺得自己好勁囉﹐因為我應該係第一次行山咋﹐咁都撐到喎~~不過都係何b勁d﹐全程都冇煙食﹐哈！

>>May 31, 2004 at 6:11:09 PM GMT+8

2004 年 5 月 28 日 星期五 【乍寒還暖】

又早起...今次就上學聯個internal training﹐開頭諗住thy都要去﹐就打比佢諗住約佢一齊﹐點知冇人聽﹐應該訓緊﹐等我以為佢唔去﹐點知之後問番原來佢係冇左件事...
十點準時去到﹐勁眼訓﹐仲要坐四個鐘﹐但坐左三個鐘﹑聽足三個鐘無心裝載既野之後﹐我都係決定--唔做喇！一黎﹐我覺得做遊學團領隊既壓力太大喇﹐又要照顧d我最冇耐性對付既細路﹐又要照顧呢樣﹑又要照顧果樣﹐仲衰過搞ocamp﹐二黎﹐佢講到明唔會夠訓﹐我覺得呢兩樣野已經可以對我有好不良既影響﹐我覺得宜家我既能力唔足以應付﹐所以我都係決定唔完成呢個training course﹑唔帶團喇！再者﹐我已經有份工係手﹐雖然只算係少少地做下﹐但我覺得一次過令我自己太多野做唔多好﹐加上﹐我強烈覺得我需要一個散心既機會﹐所以﹐我都係唔好令自己既schedule太緊迫好d...
可能﹐放棄完成呢個training會失去呢個暑假挑戰自己能力既機會﹐亦可能係斷左自己以後搵外快既機會﹐但係﹐who knows？
坐左三個鐘就走堂番宿舍執埋d野諗住完全quit左佢﹐點知我執野都執左勁耐﹐完全低估左我留係度既野數量...卒之﹐放左一個紅白藍入熨衫房都仲有兩個sisley袋同一堆廚具放左係d不為人知既地方準備留到下年﹐唔拎番屋企。我宜家勁驚我留低既袋過左呢個暑假之後會堆滿哂不知名既虫虫﹐我諗到時我會殺人囉...
三點幾執到成七點先走﹐最尾都係手挽住兩個袋再夾住條鯊魚咁走﹐好彩撞到娟姐同路﹐佢幫我拎一袋野拎到番上水呢﹐超好人呀！好彩有娟姐咋﹐如果唔係我一定更加狼狽。但﹐我點都唔夠青蛙公主狼狽﹐佢竟然留低左佢至愛既﹑我地送既b女﹐仲有幾本書等既雜物係房﹐要勞煩娟姐將佢地暫時保存係counter﹐而最離譜既﹐係當我例行公事咁check下間房既時候﹐竟然發現佢仲有兩件衫係個衣櫃度﹐當場呆左﹐唔使趕成咁﹐趕到乜都唔拎走呀？！(-_-")


----------------------------------------

P.S. 我又轉左background喇﹐又可以估下呢首係咩歌喇~~

>>May 30, 2004 at 3:43:51 PM GMT+8

2004 年 5 月 27 日 星期四 【晴】

又一早起身﹐因為今日又係乘風航組聚﹐雖然唔太齊人﹐有我﹑阿恆﹑johnny﹑阿姿﹑大ivy﹑龍仔同肥波﹐一行人去左唱k。一路唔知點解﹐都有打鬥既情況出現﹐唔通佢地真係打得少？？估唔到龍仔把聲都幾似譚詠麟﹐仲有﹐當幾個男仔都唱既時候﹐我真係覺得會有爆喇叭既情況出現架...佢地仲要唱"she bangs"...傻架...但唱lunch k﹐又咁多人﹐真係唔係好夠咁喎...
唱完k﹐差唔多個個都有野做﹐除左我﹐所以就一個人去左尖咀行﹐到達尖咀既時候仲見到獸父﹐我決定係呢度揭發佢既惡行﹐就係--佢‧去‧日‧本‧旅‧行‧呀！但佢一路都話冇錢組聚﹐但竟然有錢去旅行﹐所以我覺得﹐下次組聚應該佢萬歲﹐仲要係去iris媽最想去既海洋公園囉...一.一 行左一陣﹐都仲係冇野想買﹐又開始眼訓（因為太早起身）﹐所以就番屋企。之但係番到黎上水﹐都係去食左個tea囉﹐而唔係番屋企訓。番到屋企就怒煲舊漫畫﹐講都唔信﹐我就係咁睇到九點幾！真係廢寢忘食...^^"
聽日要番湯宿執野﹐朝早又要上堂﹐星期日又要行山﹐計下計下﹐呢幾日都要早起身﹐慘！

>>May 29, 2004 at 4:27:33 PM GMT+8

2004 年 5 月 26 日 星期三 【酷熱】

今日好早起身﹐不過起左身都係打機﹑打機﹑打機﹐打到自己都有d悶﹐玩到下晝就約埋媽咪去食tea。m記個新包都唔好食既﹐franklin既雞扒包仲好食﹑又抵﹐死未！坐低係呢間好耐冇去過既m記﹐見到好多著校服既學生﹐又諗起以前放左學黎呢度tea既日子...同媽咪吹左陣水就出發去旺角喇﹐因為約左soci寶寶韓燒呀！比原定時間早左好多﹐所以就係附近閒逛下先﹐漫無目的﹐冇特別野想買﹐亦都冇錢買﹐最後想買串水晶鍊既﹐不過又差唔多夠鐘﹐所以都冇乜睇到lu。我覺得﹐如果真係有需要的話﹐可能係﹐一條粉晶﹐哈！可惜﹐好似唔多襯我...
oh...五個人既聚會哦﹐人少少﹐不過都唔緊要啦﹐開開心心玩下食下飯咪得囉。雖然﹐我都好似有d心不在焉﹐只不過係有少少唔習慣之嘛...^^" 食完野﹐billy﹑彩蚊﹑ryry同april就去睇史力加2﹐我由於未睇第一集﹐唔多想睇第二集既關係﹐就先自己番屋企喇。
一個人黎一個人走﹐好瀟灑哦~~^^"

差d唔記得左﹐今晚出左成績喇﹐我掙扎左好耐先敢睇...好彩﹐個成績都ok﹐雖然拉唔番上個sem（妄想！）﹐但都算唔錯啦﹐冇乜期望丫嘛！竟然冇死到contemp﹐陳公真係幾鬆手喎...由於成績唔錯既關係﹐死b就爭我一餐飯喇（好似冇乜關係﹐不過唔理lu~）﹐好！又多一餐飯係手﹐心情再好d添！


-----------------------------------------------------------

自己真差勁﹐好友早開了另個網上日記﹐我竟在差不多半年後才發現。唉...我是否太不在意身邊的其他人呢...？

>>May 29, 2004 at 3:29:02 PM GMT+8

2004 年 5 月 25 日 星期二 【晴】

尋晚勁支力又冇得早訓﹐今朝又要早起身﹐為既就係搬宿囉﹐我‧今‧日‧搬‧喇！
等到阿媽入到黎﹐我就同佢兩個女流之輩一齊搬哂d野去個call車度﹐冇搵人幫手呀﹐d人都未起身啦﹐阿爸又番工﹐阿哥又唔得閒﹐真係慘！搬到番屋企（阿哥有幫手搬上樓呀！）﹐見到屋仔細細但成屋都係野﹐真係有d頭痛﹐放哂d野係度一d都唔想執﹐亦都唔知點執﹐食完野﹐就因為支力得滯又訓左喇。
成屋都係野﹐好煩呀﹐係阿媽既幫助之下先叫稍稍執好左d﹐等我遲d待閒d既時候又要做執屋工人喇﹐諗起都煩…唉…
有d唔捨得方便又好玩既湯宿添…三個月之後我就會番黎架喇﹐等我呀！（其實我仲有d野未搬走架…）

>>May 26, 2004 at 5:04:44 PM GMT+8

2004 年 5 月 24 日 星期一 【乍寒還暖】

今日天文台話可能會落雨呢﹐我真係有d驚個bbq要取消呀﹐因為我都冇諗過雨程xp
不過﹐都唔理得咁多﹐見出去買野既時間都未落雨﹐就同岩岩番到既fion一齊出沙田﹐連同其他人去買野﹐買左先算！出到沙田﹐我﹑fion同祺哥就負責去買濕貨﹐去左街市﹐買左三十人份既野食﹐我幾驚拎唔到呀﹐因為有個傻婆游蛙式都扭親手...呆左…好可惜﹐以青蛙公主既身份都係未能拎得個好價錢﹐睇錯左你…XDDDDDDDD
買左鬼咁多野﹐就join埋馬兒﹑阿鈞同阿偉一齊番na﹐其間仲要搖控肥chris去買其他野~~到左na﹐由於蚊實在太多﹐我同fion決定番宿拎埋其他野順便噴蚊怕水。係我好專心咁做緊呢d野既時候﹐阿宇就野電話黎喇﹐原來﹐我又唔記得約左fyp老細…我於是極速衝落汾陽﹐好彩﹐最後一分鐘都叫趕得切…
見完老細（仲係第一次見最後一位組員…）﹐就搭番車上na喇。好多人都到左呢﹐下莊嘛﹐都唔知數唔數到：paul﹑derek﹑g@ry﹑輝﹑馬兒﹑鈞﹑海膽﹑kathy﹑程﹑bet t﹑kitty﹑sophie﹑kelvin﹑b仔…仲有d都好似唔係好認得（死喇老喇…）﹐而我地就有我做行政代表﹑fion做市拓代表﹑何a做技管代表﹑祺哥做出版代表﹑阿賢做節目代表﹑東哥﹑阿濠﹑阿偉﹑阿杰同阿集就係輔導部代表喇﹐就係咁﹐十個上莊同十幾個現莊就係na度由六點半bbq到九點幾﹐至到有微雨先至走﹐都算係咁啦~~跟住就到下場喇﹐竟然係我﹑fion同阿賢水戰paul﹑derek﹑輝﹑鈞﹑海膽﹑肥chris同b仔…呆左…點解我地咁勢孤力弱…冇人性架佢地﹐搞到我做左「赤腳人」…我就係咁﹐玩到又傷左少少﹐再拖住疲累既身軀番去執房…好支力﹑好眼訓﹐好玩﹐但都唔夠開學果次咁過癮﹐fion講得岩﹐多人d﹑有共同目標係好玩d既~~

>>May 26, 2004 at 5:04:27 PM GMT+8

2004 年 5 月 22 日 星期六 【晴】

今日星期日﹐又係家庭日~~
一起身就同屋企人去飲茶。經過一輪考試同paper既洗禮﹐已經好耐冇同屋企人飲茶lu﹐雖然都算成日同315係staff can飲茶...飲完茶就周圍行下啦﹐同屋企人買下野咁﹐跟住就去我地既至愛--廣城冰室食tea喇﹐好多人呢﹐要等一陣位﹐呢度依然係咁受歡迎﹐果次阿媽話見佢好似執咁﹐真係嚇死我﹐我以為以後都冇得黎食呢~~我點左個紅豆冰only﹐不過都偷食左少少牛肉通﹐真係好好食！
食完野又番左屋企喇﹐我番到去就訓著左﹐訓到食飯先識起身﹐又唔知點解突然間好支力嘛...
咁樣就過左一日family day喇﹐我諗我搬番黎之後﹐要family day應該易d添啦﹐但唔知幾時搬好呢？

>>May 26, 2004 at 5:04:03 PM GMT+8

2004 年 5 月 21 日 星期五 【晴】

期待已久既乘風航組聚~~~（唔知點解咁講﹐是但啦...）
下晝一個人出左去行左陣﹐再join番阿恆買戲飛然後再join龍仔用左半個鐘時間就揀到心水禮物﹐勁！期間﹐搵左billy拎左隻kill bill(y)再轉身離去頭也不回。嘿﹐原來如此﹐唔怪得之有人吞吞吐吐﹐嚇到我呆左！@@" 喂！比d心理準備我好喎！再然後番到gh旺角集齊人數打鬥一輪（！！）再買齊野飲就入場睇《旺角黑夜》。一行人共有我恆龍森大細ivy加多個蘇。我覺待﹐套戲冇佢地講得咁好睇因為唔認同唔知道點解個結尾要咁安排﹐令我覺得係因為想有個咁既結尾先編排中段以至後段既戲﹐有d無謂既感覺﹐唔知亦都唔理﹐而呢個期間入面最令我驚訝既唔係結局而係點解阿蘇可以差唔多一個人食哂成盒爆谷？？又一個令人呆左既位...@@"
跟住再兵分兩路有去買蛋糕而我地就同龍仔去shopping等佢扮大豪客係咁洗錢﹐僅僅用左半個鐘就買左一隻dvd加一對鞋﹐然後就到達我地第二個目的地火鍋店食晚飯﹐今次再加入johnny﹑candice同肥波仲有遲黎既bernard﹐冇錯﹐今日既活動係阿姿全程唔得閒﹐不過唔緊要﹐據閒我地下個禮拜又會有k聚（聽住先...）﹐係火鍋店除左一班蝗虫打回原形之外﹐仲有蛋糕同肥波既小提琴獨奏與及小禮物一份賀女主角細ivy生日﹐期間仲爆出johnny女神疑雲﹐各人完全蒙在鼓裡因為好似得阿恆同johnny係度玩完全唔知佢兩個發生咩事...一.一"
食完野﹐阿蘇有下場先走﹐而其他人又因為bernard遲黎未食野既關係而去到石磨坊食甜品﹐唔食尤自可﹐坐低冇耐johnny就成為眾矢之的（其實只係我同candice...鬼叫佢講錯野！不過﹐我已經唔記得佢講錯咩...）﹐所以佢既西瓜西米露就成為「西瓜芝麻糊海帶綠豆沙芒果撈河芋泥豆泥西米露」喇﹐嘿﹐死未！最令人震驚既係﹐佢竟然食得完﹐又呆左...@@"
飲飽食醉就梗係鳥獸散啦...

唔知點解﹐坐低食野之後我個右肩膊就係度痛﹐唔通係風濕？但我記得我冇整傷過呢個位喎...奇怪！宜家...拎野都冇力...shit！

-----------------------------------------------------------

有點點兒難受的感覺﹐是開心﹑驚訝﹑欣喜﹑錯愕...百感交雜...
原本有「嬲怒」的﹐但傾談過後亦知道真相。
一定不會是不快的感覺。只是﹐可能是嚇倒了...比甚麼都驚嚇...哈！

朋友﹐祝福你們~~
=^.^=

>>May 22, 2004 at 6:03:59 PM GMT+8

2004 年 5 月 20 日 星期四 【乍寒還暖】

唔知發咩神經﹐全日都好支力﹐起左身冇幾耐又訓番﹐都冇乜食過野﹐仲差d想唔去同高芬佢地玩煮飯仔﹐不過當然﹐美食當前同老朋友叫到﹐shaw都要入架啦~~
入到shaw﹑好勉強咁煮完餐飯（因為我真係力不從心...）﹐我同仙姐﹑高芬同b就去左com度食﹐是關佢地要睇「下一站彩虹」同「翡翠戀曲」...成班師奶仔...高芬仲睇到勁肉緊﹐我嚇到呆左...飯食完﹑湯丸食埋﹑電視汁都撈埋之後就搭車番宿lu~~


--------------------------------------------------------------

陰霾的天氣﹐令我都了無生氣。

另﹐仙姐及b加入我既假期囉苦黎辛既行列﹐實行三人行。希望真係行得成...

>>May 22, 2004 at 5:12:00 PM GMT+8

2004 年 5 月 19 日 星期三 【晴】

今日無啦啦出左去唱k﹐因為起身一上網就見到東哥問我係咪去唱k﹐呆左。原來尋晚岩岩訓著果時嘈醒我個電話係fion打黎問我今日去唔去唱k既﹐但﹐佢地話今晚喎﹐咁我約左個fyp點呀？！初時真係想走左個fyp（sor呢阿宇~~）﹐不過最後都係anna成全左我﹐delay左自己個"date"﹐同我地去唱下晝。呢個﹐唔知算唔算oc聚呢？但東哥又話oc好似好公事咁﹐應該叫做"朋友聚"喎...^^"
就係咁﹐講完冇耐就趕住出發喇﹐去到尖咀﹐東哥同阿濠竟然話岩岩起身勁肚餓﹐於是要同佢地去醫飽個肚先唱k...一.一" 之後揀左ceo﹐因為都未去過...我就真係好耐冇唱過真正既k喇（思源唔算啦）﹐所以一次過唱左好多﹐走哂音都唔理喇﹐玩得開心咪得囉...我地仲影左相﹐又拍埋video添（最衰anna早走~~）！
唱完k﹑食完野﹐又係時候番去lu~~傾完fyp去左su吹水﹐知道左多d野呢﹐仲知道佢地沉迷大富翁(-_-")...哈！咁又一日~~

>>May 21, 2004 at 4:11:48 AM GMT+8