2004 年 6 月 12 日 星期六 【酷熱】

yes！星期日！本來想訓晏d﹐但約左屋企人飲茶﹐自己下晝又要番uc﹐就不情不願咁爬起身梳洗。唔知係咪尋晚既forrest gump太感人﹐我訓得唔係咁好﹐成日就係咁唔太精神...唉...飲完茶冇幾耐﹐係時候番uc interview喇﹐今次係去in輔導員呢~~其實﹐interview都幾好玩丫﹐好似吹下水﹑玩下咁~~唔﹐d大組長都ok丫﹐不過﹐某幾個真係靜左d﹐有少少擔心囉...
in完冇野做﹐一個人出左沙田行﹐把心一橫都係去睇戲喇﹐尋日睇唔到唔忿氣﹐於是沙田ua都照殺﹐睇《大事件》。套戲嘛﹐我覺得幾好架都﹐雖然唔算特別﹐但係﹐我buy囉﹐都講唔到點解﹐但﹐成套戲冇悶場﹐幾緊湊﹐唔錯！睇戲之餘﹐就梗係要行下街啦﹐星期二開工有個opening﹐個head講到明要有綠色﹐但綠色係我最唔好襯既顏色﹐所以屋企一件都冇﹐唯有出去買啦﹐何況﹐我都唔係好夠衫著...比我係mastina買到衫喇又﹐最衰fion唔係度啦﹐我要discount呀~~點解~~點解淨係dbs度度都冇優惠？！我發誓﹐我一定要申請中大咭﹐就算唔係會員﹐恆生都有折呀... shit！

>>June 16, 2004 at 10:58:27 AM GMT+8

2004 年 6 月 11 日 星期五 【酷熱】

終於到期待已久既weekend﹐亦都明點解d番工既人咁鍾意weekend喇﹐因為可以休息同做d自己想做既野！不過﹐我都仲未可以休息﹐因為今日要番dept做photographer﹐幫個ceremony影相﹐再加上由於冇睇清楚個約定時間﹐我早左勁多起身﹐真係乜都蝕哂﹐仲要唔夠訓...一.一"
九點番到去﹐一做就做到點幾﹐跟手食埋大會預備既午宴就完成今日既工作喇﹐值得一提既係﹐我地係紫荊閣食﹐我仲同一眾prof同桌﹐oh my god~~
做完野﹐為左比自己relax下﹐原先決定去睇番場戲﹐可惜出到尖咀番現新港冇上（岩岩上既戲竟然都有戲院冇上﹐又咁岩比我揀中﹐真係不幸）﹐所以就係尖咀頹行﹐冇野想買﹐有d興趣既野又買唔起﹐初頭都諗住會空手而回﹐之但係﹐我都係控制唔到自己而去左揮霍﹐呢個係習慣黎架嘛...唔算滿載而歸既﹐但都ok啦~~

係喇﹐我覺得﹐以後去lcx都要帶相機喇﹐上次就有高達睇﹐今次有figure展囉﹐雖然billy話令人失望﹐但都唔係丫﹐我覺得d figure都好靚呀﹐係就係少d﹐但靚就得啦﹐好有心思呀整果d人~~

戰利品一--幾米扭蛋﹐仲比我抽中左《月亮忘記了》﹐但係﹐另一款好似靚d...


戰利品二--dolly girl "ooh la love"



--------------------------------------------------------------------------------------------

回家看到fion的diary才知道她正在找自己的氣味﹐看來﹐我先早一步了~~

--------------------------------------------------------------------------------------------

song of the day: 無底洞

>>June 16, 2004 at 11:08:20 AM GMT+8

2004 年 6 月 10 日 星期四 【晴】

第四日﹐宣告做死﹐今日番到屯門同doris係咁執執執執執﹐執極都唔完﹐沒完沒了﹐點解可以咁多野淨係由兩個女仔做哂？！我覺得佢預時間實在預得太少﹐除非佢係預左我地廿四小時工作﹐否則﹐就係挑戰我地既極限囉...我做到差d發脾四。唔單止做既野唔好玩﹐d人都唔好玩...唔知係咪我唔習慣呢﹐我覺得果度d人都好似唔係咁好﹐尤其是某個人擺起個老師樣黎同我講野果陣﹐我都唔係你學生﹐你客氣d好喎﹐雖然我都冇興趣同你做同事！又或者﹐只係我同大部份人都一樣﹐淨係接受到一d已經同表情同語氣及修辭修飾過既句子啦...
好彩﹐都有野比我發洩下...係最後﹐當doris先走﹐就有個難題留左比我﹐究竟我點樣可以搬三箱野落兩層樓呢？而我的確只可以拎兩箱上手咋喎...個答案係﹐踢住咁將另一箱「搬」去搭lift再「搬」到入教員室﹐shit！成間學校一個人都冇﹐蚊飛過都聽到﹐我仲要留係果度執埋d野先走得﹐而果度得番我一個人留低﹐fxxk！為咩我要做到咁辛苦﹑又開ot又做到冇停手？！


-----------------------------------------------------------------------------------------------

可能﹐我還未習慣上班的生活；可能﹐我根本不能適應這工作的世界。現在的我﹐只覺得﹐家與學校生活﹐才是最好。

>>June 13, 2004 at 5:08:11 PM GMT+8

2004 年 6 月 9 日 星期三 【晴】

第三日﹐今日好少少﹐唔使點影印﹐起碼唔使再上十八樓影先﹐不過就係咁執執執﹐執左好多野﹐因為老細話聽日要我地過屯門set好d野先﹐所以今日要執好哂d物資﹐準備聽日車哂過去就執喇。咁多野﹐得兩個人﹐真係執左好耐﹐除左食飯果個鐘之外﹐都真係冇停過手。d野唔係難做﹐但係咁執﹐真係執到有d精神錯亂﹐呢樣又唔記得﹐果樣又執錯咁囉﹐唉...其實我覺得﹐人手根本唔夠﹐我地兩個可以係四日之內（我做左三日）執好哂頭一個禮拜要用既物資我覺得真係有少少奇蹟﹐之但係﹐大o都唔使做到死啦﹐最起碼﹐唔會做到悶死先﹐今日仲要做到成七點半﹐都仲未執得哂！究竟係我地手腳真係慢呢？還是真係太多野？我都懶得理喇﹐最好彩既都算係老細打的番沙田就順便車埋我﹐如果唔係﹐我可能支力到懶死係office唔走...
一.一"

>>June 13, 2004 at 3:43:14 PM GMT+8

2004 年 6 月 8 日 星期二 【晴】

番工既第二日﹐又係做「影印妹」﹐真係有d悶﹐仲要比人話我尋日整污糟架油印機﹐唉...
除左影印﹐仲要搬搬抬抬﹐冇法﹐拎番d影哂既野落去分丫嘛。呢d咁既routine work﹐真係好悶...呢段preparation work既階段快d過去就好喇﹐就黎搞到我以後都唔敢影印...
一.一"
到左夜晚﹐就趕番dept聽interviewer個training﹐聽完之後﹐我仲盤算緊究竟我有冇時間去做呢？呢兩日放工都好似支力到死左咁﹐又夜喎﹐都唔知做唔做得黎﹐但有錢搵﹐我又唔想放棄﹐點算好呢？
跟住就同一眾soci寶寶去左沙田食pizza﹐又眾首一堂說個不停﹐好開心呢~~


--------------------------------------------------------------------------------

或者﹐是我想得太多罷﹐總有點不習慣﹐連最愛的薄餅都吃不下了...

>>June 13, 2004 at 3:39:13 PM GMT+8

2004 年 6 月 7 日 星期一 【酷熱】

番工的第一天~~
早左番去﹐早好過遲啦﹐其實我都預唔到時間...番到去就見到doris﹐原來仲有佢﹐不過﹐我地淨係今個禮拜合作﹐下個禮拜佢就去第度喇~~而今日要做既野﹐就係做個「全職影印妹」！oh~~又係影印...但都算幾好啦﹐好過人做「全職摺人」﹐而且﹐影印都學到野呀﹐我地今日學左用油印機同分紙機﹐唔知油印係咩原理呢？點解可以咁快既呢？不過﹐即使以我地既聰明才智﹐好快學識點樣利用呢d工具都好﹐我地都係犯左一個大錯誤﹐就係--一次過印哂d copy﹐搞到之後要分番開哂佢地﹐係用人手！shit！而當我地係度一路數紙﹑一路構思我地既「我的影印生涯」既時候﹐doris就好聰明地諗到再次利用我地剛剛學識既工具去做平時唔會拎黎做既野--分紙！哈！雖然發覺得有d遲﹐不過遲好過冇﹐令我地係最後預計既時間之內完成工作﹐呵！但我可以肯定﹐下次再做一定唔會再咁疏忽﹐哼！
就係咁﹐尚算愉快兼順利地完成我地一日既工作！跟住就要去傾fyp喇﹐完全係一次搞笑行動﹐我地既fyp...ar...我仲未可以投入呢﹐冇乜心機傾﹐唔好意思喇team-mate們~~


------------------------------------------
我都係...決定戒咖啡喇...
真係冇諗過﹐即晚就有副作用...雖然...我今日總共飲左兩杯...嘿！

>>June 8, 2004 at 3:34:42 PM GMT+8

2004 年 6 月 6 日 星期日 【陰】

又係早起身既一日﹐因為﹐今日要去interview﹐出到去灣仔呀﹐真麻煩！我既time management真係越黎越差﹐尋日先整好份cv﹐今朝起身乜都未執﹐最重要仲要執好個樣丫嘛﹐搞到差d遲到﹐真係「呢hae」...
果然比我估中﹐要介紹自己﹐仲要用英文！我完全冇prep過﹐真係唔知講咩好﹐好彩除左呢part﹐其他都係用中文﹐雖然吹水既技巧係緊張之下完全冇得發圍﹐但睇黎我既招牌笑容同誠懇既眼神可以搭夠。冇比我估錯﹐因為下晝就打黎話我得左喇~~
就係咁﹐呢個暑假就「有d野做」喇﹐真係多得彈份工過黎既超級好人﹐我一定會請你食飯既﹐有錢既話﹐呵呵~~其實我覺得﹐大家都有工開﹐係咪可以拉平呢？嘿嘿嘿嘿...
之後番左屋企﹐過我最後hae既生活喇...休閒既生活﹐真係幾美好...

>>June 8, 2004 at 3:07:48 PM GMT+8

2004 年 6 月 4 日 星期五 【酷熱】

今日原本係冇野做既﹐點知一開機就收到華仔既msg話今晚同仙姐慶祝﹐於是﹐今晚又有飯局喇。到下晝死b打電話黎﹐就約左佢一齊去d去買禮物喇。中途﹐仲為自己添多兩隻扭蛋（見下圖）。
到左約定時間同約定地點﹐先知主角仙姐要遲d先到﹐所以我地都冇辦法下唔齊人都開始食喇。而最後﹐仙姐於八時半出現﹐我地先正式到齊人﹐包括仙姐﹑我﹑高芬﹑thy﹑華仔﹑b同俊。係元祿食飯﹐果度又成為另一個「生日餐廳」﹐因為生日既會員有半價﹐咁就真係好抵喇~~所以我係果度怒食﹐我都唔明點解自己食日本野可以食咁多﹐上次大久保又係咁﹐今次又係咁~~
見完野﹐我地諗住「懶」神秘咁拎預先買左既蛋糕番黎比仙姐一個驚喜﹐點知唔知臭b係拎蛋糕其間發生咩事﹐一去不返咁滯﹐令我地呆等...一.一" 最後都係由高芬出馬搞掂﹐先至有生日蛋糕食﹐仲加多個人慶祝添﹐佢就係---健兒同學！個tiramisu雖然唔似睇落去咁好味﹐不過﹐都唔係為呢樣野啦﹐大家開開心心咁聚一聚﹐都算係今次聚會既原因啦~~送埋份禮物﹐今日既中同聚就圓滿結束lu~~


呢d就係我既扭蛋們喇﹐左起：山治（one piece）【5/6入手】﹑sally（NBC）﹑東尼東尼‧索柏（one piece）【5/6入手】


>>June 5, 2004 at 6:25:45 PM GMT+8

2004 年 6 月 3 日 星期四 【晴】

今日一早起身就出左去睇戲﹐之前仲屈到人請食飯﹐呵呵~~睇"ladykillers"﹐唔怪得係美國收得唔好﹐講真﹐入場都好似為左睇tom hanks做comedy﹐但講到套戲﹐我都唔知點講﹐都係果種某d位好笑﹐笑完唔記得﹐而成個劇情都唔係好知佢想點果種囉...不過值得一提既係﹐palace ifc既位真係超級好坐﹐舒服到差d訓著﹐哈！
睇完戲就番cwb行左陣﹐johnny就見工走先﹐我就就自己行﹐竟然見到even幫前線賣t-shirt！再行多陣就收到電話﹐呵~~我有得見工呀﹐雖然掙扎左一陣（唔知為咩掙扎）﹐多謝比我「騷擾」過既人囉（包括我至錫既阿哥）~~好快就六點﹐約左fion食飯﹐今次﹐卒之去過「阿貓地攤」喇﹐之前anna同flora佢地好似成日都去咁﹐所以我都好想去睇下d貓貓。不過去到食野﹐d貓貓都比人玩到勁支力﹐唔多理人咁﹐見到佢地真係可憐﹐搞到我想同佢地玩下都唔得添！
食完野﹐join埋anna﹑阿杰同johnny就出發去今日既目的地--六四晚會喇！上年就同ucsu既人﹐都好多人一齊架﹐但今年就我地幾餉自己去﹐當然﹐去到都有join番ucsu啦﹐不過﹐同佢地同04 ocamp節目部唔多熟﹐所以我地幾個同遲黎既何b就坐埋一邊喇。我地特登比何b自己一個坐前d﹐又見證到何b「界」女既絕技﹐前面果幾個女仔﹐竟然自己d friend有火都唔借﹐調轉頭問何b借火﹐嘿...
六四晚會又係一片歌聲中結束﹐今年多左d有關六四既野﹐冇好似上年咁強調其他例如廿三條既野﹐再加上十五周年﹐個氣氛真係好過上年﹐之但係﹐over run囉...睇住班支青先得架...講開又講﹐估唔到阿杰都係支青？佢有咩貢獻呢究竟？莫非係多左女會員？？
晚會完左﹐我地一行人又去左上年食過糖水既舖頭﹐不過﹐今年既人就唔同左喇﹐呢個combination﹐有d奇怪﹐不過都唔緊要啦﹐大家都係為左六四先聚埋一齊之嘛（i hope）~~john c黎左之後﹐大家既話題就圍繞住佢份人工令人羨慕但聲稱番左四日就悶到嘔泡既programmer工﹐同埋佢叫既果杯橙汁（杯橙汁冇野﹐不過係因為佢飲）...john c依然係咁搞笑...
食完野﹐何b﹑阿杰﹑john c佢地就話約左叉仔佢地去飲野﹐又我地315亦都想去聚一聚﹐於是就分道揚鑣﹐而阿偉同johnny就先自行回家。315由anna既帶領之下﹐搭左叮叮由cwb去到灣仔﹐揀左間叫"denaney's"既irish bar﹐見佢個裝修好似電影入面果d古舊酒吧咁﹐而入面d人又唔嘈又唔雜﹐就入左去坐lu~~
我地講咩就梗係唔會呢度講啦﹐秘密丫嘛！但係﹐我真係好鍾意咁樣搵個地方靜靜地咁傾下計﹐交換下資訊﹐簡簡單單咁講下自己既野﹐好舒服架~~係我地飲野其間﹐我諗最搞笑都係﹐原本打算睇下何b佢地去左邊﹑會唔會夾岩時間一齊走﹐因為佢地話唔知去cwb定灣仔嘛﹐點知﹐原來佢地就係我地對面果間bar﹐笑死左﹐又會咁岩﹐早知叫john c埋埋呢便張單啦...
最後﹐我地由十二點坐到兩點﹐走果時仲去附近八下單車禍﹐先至搵"亡命"走。而我﹐就成四點先番到屋企﹐仲頭痛...oh gosh...


315 @ irish pub 放在窗口上的自拍（先借fion的一用~~）


-------------------------------------------------------------------------
Thanks gals!
I'm glad that we can have such a good time to share our feelings, and that you really listen to me.
Love you babe~

>>June 8, 2004 at 4:06:33 PM GMT+8

2004 年 5 月 30 日 星期日 【陰】

由今日開始﹐基本上都冇咩特別既appointment﹐所以今日既活動係--hae！
但由於唔想hae得太過份既關係﹐我起身冇耐都出左去周圍行下﹐順便買個lunch醫肚。食完野﹐就睇一套ok耐之前既vcd--江湖告急。初頭都冇乜期望咁睇﹐但睇完﹐我覺得佢好特別﹐除左鏡頭同剪接之外﹐佢既鋪排都好吸引我﹐睇得好開心之餘﹐都可以有d野諗下。
睇完﹐基本上睇緊既時候已經開始要忍受隔離屋既裝修聲﹐實在頂唔順﹐所以係部腦hang左機之後嬲起上黎就去左訓覺﹐好厲害既地方係﹐我訓得著！
訓醒都係時候去今日既date喇--winnie生日聚！去左「大久保」食日本野﹐果度好搞笑地係我地食野既時候播「安娜與武林」呢套無聊戲﹐而好搞笑地﹐我地亦睇到呆左﹐g@ry尤其勁專心﹐可能係同「武林」二字有關...我地就係一片吵鬧同笑聲當中食野﹐唔記得講﹐今次有我﹑anna﹑winnie﹑sara﹑g@ry﹑大ken﹑阿賢﹑阿剛同edwina九個人。
我食到好飽好滯﹐以後都係唔好食咁多野好d...宜家勁辛苦囉...

>>May 31, 2004 at 6:22:00 PM GMT+8