2004 年 6 月 22 日 星期二 【晴】

To have a friend who think he/she really "knows" you is such a disaster...

----------------------------------------------------------------------

Thank you my dear! It's really sweet. I can finally feel what she felt.
I don't know what to say but dear, thank you for regarding me as your really good friend who has the luck to share your happiness.
Wish you happy wholeheartedly.

>>June 24, 2004 at 12:58:35 AM GMT+8

2004 年 6 月 21 日 星期一 【清涼】

我不快樂...就因為一個承諾被破壞。
可能是我幼稚﹐但我真的為著父親的說話而期待過……
但﹐算罷﹐還是好好享受這個寧靜的假期罷。

----------------------------------------------------------

差點忘了說﹐因這兩個星期的「搬運工作」﹐弄花了我的表帶﹐fxxk！心痛死了...還我表帶來！！

>>June 22, 2004 at 6:58:49 AM GMT+8

2004 年 6 月 20 日 星期日 【晴】

完成了學校的工作﹐又要繼續問卷調查的工作。
從屯門回到家﹐真的有想過﹐take up那麼多﹐對自己好嗎？六時多回到家中﹐吃點點東西又準備拖著因車程而勞累的身軀出門。真的好嗎？媽媽亦對我說過﹐家裡不缺錢用﹐若有需要她亦有足夠的金錢供我使用﹐但﹐想到自己日常的使費及一大筆政府貸款﹐不禁疑惑﹐我可以依賴家人到甚麼時候呢？人都這麼大了﹐但一次工作經驗也沒有﹐對家中亦無甚貢獻﹐難道就這樣過餘下的學校生活嗎？我不偉大﹐只希望減輕一點點家人負擔﹐最少﹐家中不再需要借其他人的錢生活就足夠了……

-------------------------------------------------------------

另﹐朋友想的通透的說話令人放心﹐但日記的一段文字又似乎是另一種心情。抱歉不懂得安慰的我並未送上任何親切的說話﹐而朋友亦未必讀到這段文字。只希望能早日想得通透﹐回復心情。
一切隨緣。
祝福。

>>June 22, 2004 at 6:36:35 AM GMT+8

2004 年 6 月 19 日 星期六 【清涼】

父親節快樂！

family day﹐一個完全的family day。
整天只陪伴家人﹐其他甚麼都不做的感覺真好！
上茶樓﹑閒逛﹑在家看電影﹑吃晚飯。簡單但愉快。

------------------------------------------------------------------------

看罷chicaco﹐特別！或許這類片種較少見﹐而且﹐我喜歡renee zellweger。與最初所想像的劇情不同﹐原來﹐是這麼一回事。
總算﹐了結了這套「被詛咒的電影」……？

>>June 22, 2004 at 6:10:35 AM GMT+8

2004 年 6 月 18 日 星期五 【清涼】

雖然唔使番工﹐但今日都早起身﹐因為又有「熱浪」組聚丫嘛~~今次既節目係先去食早餐再去踩冰﹐而參加者就有我﹑阿恆﹑johnny﹑大細ivy﹑肥波﹑candice同後join食飯既阿森。原本約左十點半食早餐﹐好不幸﹐準時既只有candice一個﹐等我仲以為我係最遲果個﹐有冇搞錯...一.一"
食飽飽就入場lu~~原來個個都ok識踩架﹐入到去都唔使特別幫手﹐只不過係唔知點解我同肥波跌得最多﹐各有五次﹐shit！完全係我第一次踩既果個紀錄囉...都唔知點解會跌得咁勁﹐莫非今日平衡力特別差？我又整傷隻手lu~~呢兩個禮拜以黎﹐我隻手都冇忽好肉﹐通常都係界親啦﹐真不幸﹐哈！講番踩冰﹐我覺得七個人入面﹐除左我之外個個都好似好鍾意細路咁囉﹐因為自從阿恆因為睇中左個「韓國小天后」又借用一個o靚仔過橋之後﹐個個都係咁撩d細路﹐又拖佢地出去行個圈咁﹐而「幼齒恆」當然得償所願﹐得到八歲美人（其實係佢阿媽至岩）既垂青﹐可以拖住佢行囉...一.一"
係冰場竟然見到gary仔係場外？真係巧遇喇~~
踩完冰﹐勁支力﹐但阿森join左之後一行六人（johnny同candice走左）都係去左南山村食下午茶既﹐係果度一邊食一邊傾都係決定唔到仲可以去邊度玩﹐所以﹐四點零就結束組聚lu~~
番到屋企﹐好支力﹐周身骨痛﹐可能係玩得太支力啦﹐都冇乜精神lu﹐所以今日就冇去做問卷喇。（其實﹐都有一部份原因係懶啦...嘿！之但係...聽日又父親節喇﹐又冇時間做﹐有d驚添...）oh...好眼訓...

好開心呢﹐好耐冇踩過冰喇﹐搵到同道中人添~~不過﹐唔好意思呢﹐我又「扭計」唔去睇戲掃哂慶添！

>>June 19, 2004 at 2:59:53 PM GMT+8

2004 年 6 月 17 日 星期四 【清涼】

番工總有悶既時候...我又唔想咁快做哂下個禮拜先做既野喎﹐所以﹐有時都好清閒。又有人問我一d我唔知既野喇﹐勁唔好意思﹐都係等我遲d睇哂果兩個tutor同student既folder佢啦﹐橫豎咁得閒...
放左工﹐的起心肝再去多人做訪問﹐行左兩間冇人應門既﹐卒之都搵到間有個好好人既師奶比我入去做訪問﹐個被抽中既被訪者仲係屋企而且肯同我做訪問添！（其實我唔係好熟個抽樣程序﹐所以都搞左一輪先抽好...）實在太好喇！卒之完成我第一份問卷~~雖然份問卷又長又悶﹐但都肯幫我做哂佢﹐真係超級好人﹐而我係讀哂呢份一個鐘既問卷之後﹐把聲亦宣告暫時失效...
我諗下次去做都真係要帶定d蜜糖水護聲先得喇...

講開又講﹐我覺得我地果區既屋村雖然係有保安﹐但又唔係真係咁嚴密喎﹐我呢兩日都係扮聽住mp3咁就可以混入去幢樓入面啦﹐毫無難度。當然﹐遲d要入私人屋苑就梗係唔同講法啦...

>>June 19, 2004 at 2:22:32 PM GMT+8

2004 年 6 月 16 日 星期三 【清涼】

終於都settle down喇﹐我都習慣到番工既生活﹐至少﹐我習慣到同一眾老師們做野。
都係時候講下我做咩喇﹐其實﹐我都唔係好清楚﹐唔好話我﹐連doris都應該唔係好清楚﹐我淨係知道我地係work for一個叫vec既programme﹐即係「職業英語課程」﹐係vtc既project黎﹐岩岩就係史提芬老婆in charge﹐而我地就under佢做一個ea。至於我地既職責﹐其實就係assist一班我地駐紮地既tutors﹐幫佢地準備下教材﹐跟手做埋headquarter﹑tutors同屯門校方既中間人咁上下啦﹐雖然係冇權力﹐都係老細叫我地做乜就做乜﹐夾係咁多人中間就即係又做磨心囉﹐總之﹐有時就好難做啦。都係果句﹐由於行政既問題﹐搞到我地要睇下人面色咁囉﹐宜家再加多樣﹐就係一時勁多野做﹐一時勁清閒﹐要係咁搵野做。又唔係冇經驗﹐點解d野硬係要咁到最尾先send比我地做呢？仲有﹐最離譜既係﹐我地其實對呢個course係一d概念都冇﹐我連d人點報名啦﹑咩rules啦﹑course content啦等等既野都唔知﹐如果你比呢個位我做而唔expect我需要知道的話﹐就唔好放我做呢個會比人問野既位啦﹐一間d家長又問問﹑tutors又問問﹑連屯門既其他staff都問我關於個course既structure既時候﹐我往往只能答一句：「我唔清楚﹐因為我之前未幫手。」shit！連我都覺得唔好意思啦...
講完d唔好既野﹐都講下d好既野啦﹐我做野既地方好就好在d人真係幾nice﹐d tutors都有同我傾下計丫﹐idy又話要搵我去食飯﹐gordon又話要得閒同我傾耐d﹐連william行過都會同我講兩句﹐雖然﹐雖則﹐佢要忍受一d唔多正常既英文...xp 嘿！至於其他staff﹐開頭都以為佢地好似好難相處咁﹐但番左幾日工﹐都唔係丫﹐係佢地個樣唔似之嘛﹐最好都係d阿姐﹐乜都幫哂手咁﹐搞到我都唔好意思麻煩佢地...
今日唔覺意sit左tutors既會﹐佢地講開d學生既質素﹐話好參差﹐我諗佢地實好難教喇。另外都睇到樣野﹐佢地都幾有熱誠﹐起碼﹐都願意犧牲自己既時間幫學生丫嘛。都應該係一班好老師黎既~~仲係一班英文好好聽既老師...哈！同英文開meeting...@@"

係喇﹐今日卒之都開始左我問卷既工作﹐但係﹐去左六個﹐食哂白果﹐搞到我冇哂心機﹐提早番歸。咁係丫嘛﹐勁過份﹐有個一聽到我話做訪問﹐都未比我講埋果幾句野就好似關唔切門咁...當堂呆左。好灰呀...差d想唔做﹐但當我諗起娥姐個惡死樣加埋本存摺既時候﹐我諗我呢個weekend都係比d心機好喇...
之但係...聽日有大結局喎﹐好矛盾添！

>>June 18, 2004 at 4:21:27 AM GMT+8

2004 年 6 月 15 日 星期二 【乍寒還暖】

番工﹐冇咩特別野好講﹐有﹐都唔記得左lu~~

夜晚﹐約左好耐冇見既香巧同阿mo﹐仲有高芬同阿娟﹐五個人就係果間比香巧彈到一文不值既餐廳到坐足兩個幾鐘。我地一致認為﹐得罪左香巧﹐呢間餐廳一定冇好日子過...咁又係既﹐佢d服務態度咁差﹐根本就係趕客﹐我地冇反台都已經係對佢地好好﹐不過仲有冇下次﹐就真係好難講喇﹐可能佢既印象分已經冇得翻身啦~~
今日傾左好多好多唔同人既野﹐識既人有﹐唔識既人有﹐我真係覺得香巧同高芬都好厲害﹐ 人面廣不突止﹐仲同好多人keep到有一定既contact﹐好可惜﹐我就唔得喇﹐唔見面既人﹐我可以連個名都唔記得埋...係我記性奇差呢﹐定係我冇心呢？

繼星期日係沙田見到蔡樂天之後﹐今晚番屋企搭lift果時仲同袁文浩同另一個男仔（唔記得左佢叫咩名﹐我淨記得佢住我樓上）﹐佢竟然會認得我﹐都算好野﹚哈！證明我個樣依然咁young﹐死未！

>>June 17, 2004 at 2:14:13 PM GMT+8

2004 年 6 月 14 日 星期一 【乍寒還暖】

開course喇﹐簡直係晴天pig pig！因為我要再預早d時間番去set d equipment﹐再加上原本已經唔短既車程﹐我今朝竟然要六點鐘出門口！！唔好話出門口啦﹐咁早起身都勁少見﹐真係辛苦哂...
由於第一日既關係﹐我都係擺脫唔到我烏龍同大頭蝦既特性﹐依然係乜都唔記得﹐但係﹐我想講一句﹐我有野出錯都唔一定係我錯哂﹐我覺得管理層都有責任囉﹐明知呢個係一個科層既大機構﹐做樣樣野都要經部門﹐就唔該唔好"mun"一"mun"先黎比野我做﹐我都唔想做唔切架﹐一陣真係做唔切﹐麻煩到d 學生就唔係咁好啦係嘛...其實﹐到宜家我都唔知我serve既d點樣樣既project囉﹐冇人同我講過d detail野﹐亦都唔知我黎之前發生咩事﹐其他人問起我呢樣果樣我都係一概唔知﹐其實﹐有冇諗過話過我地知呢個project既野呢？唔好淨係掛住叫我地印印印先得架...唉...我真係唔想問親都唔識答呀...
我卒之切身體會點解當時佢地會咁嬲﹐真係好對唔住...因為呢個體會﹐又令我多一份內疚...我會唔會係纏繞得太過份呢？...
為左聽日唔使早d番工﹐我遲左少少先收工﹐開頭都諗住去做interview架﹐但係﹐自己一支筆都冇﹐又未睇過個package入面既野﹐都唔知點做﹐唯有番屋企﹐而最後都係決定--唔去住喇﹐都係睇清楚d野先﹐但聽日又唔得閒去喇喎﹐點算呢？究竟我可唔可以完成d問卷呢？而我又係唔係最後一個開始做既人呢？但係﹐有樣野我好清晰﹐就係--我一定要搵錢！嘿！

>>June 16, 2004 at 11:54:29 AM GMT+8

2004 年 6 月 13 日 星期日 【酷熱】

又係番工既日子﹐不過今日好d﹐因為去到蘇屋果邊執野﹐經過上個星期既洗禮就熟手左﹐仲有男孩子幫手﹐唔使搬得咁辛苦﹐我地兩個就執都執得舒服d﹐唔該哂andy仔~~但係﹐勢估唔同我同doris今日唔係「最後的一天」﹐而係「最後的上午」﹐doreen佢地黎左之後﹐就話食完飯要我同佢地入屯門set埋其他野﹐得番doris同andy仔係蘇屋﹐oh~~惡耗﹐原來開心既時間真係過得快d？食完飯都忍唔住黎個「離別的擁抱」（嚇到佢地呆左...）。
去到屯門﹐又係執執執既生涯﹐不過上個星期差唔多執哂﹐係差少少野﹐同執番d佢地睇唔順眼既野only﹐所以﹐都幾準時收工架﹐六點零啦﹐仲岩岩識左三個tutors﹐佢地都幾nice﹐我諗我既工作生活應該唔會太慘/悶/做死﹐我諗啦...做完野﹐就聽湯宿既阿姐講﹐係果度附近搵下有冇車番上水喇﹐行左兩三個字卒之搵到架車﹐連路程都係個零鐘﹐咁我之後就唔使咁早起身﹐車費又平左少少喇﹐真係好﹐雖然行咁遠路有d支力﹐但係﹐當做下運動都唔錯啦~~
聽日就正式開course喇﹐唔知會係咩樣架呢？

>>June 16, 2004 at 11:14:21 AM GMT+8