2004 年 9 月 1 日 星期三 【酷熱】

今日係好同房加好姊妹fion既牛一呀！我地梗會幫佢慶祝啦~~

下晝我仲係度執緊入宿既野﹐真係執死我﹐都唔知帶咩入去好﹐執下執下又勁多﹑勁亂咁﹐執到頭都爆呀~~~所以﹐我遲左好多先出去join佢地。竟然又係pizza hut﹐又係芝脆批...點食呀...好彩﹐之後肥ken黎埋我都可以食d意粉~~

食到咁上下﹐一班人又去左海旁坐﹐扮暴風少年...之前叫kevin買定個蛋糕﹐比左個surprise fion。我都未見過壽星女咁唔知醜﹐自己走去打開個蛋糕﹐仲差d自己點埋蠟燭﹐哈！笑死我~~

就係咁﹐無啦啦都坐到兩點先走...


又係女媧~~今次係阿賢﹑affa﹑肥ken﹑fanny﹑karen﹑kevin﹑wendy﹑阿剛﹑阿趙同阿烽...

>>September 7, 2004 at 2:48:55 PM GMT+8

2004 年 8 月 31 日 星期二 【酷熱】

尋日係阿賢大組長既牛一﹐我地一班輔導員當然要出席佢地慶祝活動啦！（其實仲有kevin生日﹐但佢佳人有約~~）

尋晚約左出去食飯﹐有阿賢﹑fion﹑科娜﹑阿剛﹑肥ken﹑karen﹑fanny﹑charmian﹑y2k﹑阿集﹑阿森﹑wendy﹑洪天明﹑阿縈﹑ashley同後join既阿趙。我出到去先知佢地決定左食韓燒﹐但我想話﹐我喉嚨仲未好番架﹐我心諗﹐佢地係咪存心想我出唔到聲呢？不過﹐即使喉嚨痛﹑聲沙加胃抽筋（身子弱丫嘛...）﹐只要有呢班傻人同我一齊癲﹐基本上我乜都唔理~~

韓燒其間有阿趙既底褲大戰﹑炒蛋大會同碗仔翅烹調大賽﹐大家都玩得不亦樂乎﹐其實都有少少唔明點解大家對d傻仔野可以玩得咁開心﹐哈！飲飽食醉﹐又係何a出現既時間。由於阿賢需要趕下場﹐我地剩番既十個輔導員唯有再搵節目去等佢下場完番黎啦﹐於是就去左荃灣碌lane。十個人分成兩組﹐我﹑肥ken﹑karen﹑fanny同阿集一組﹐fion﹑何a﹑阿趙﹑wendy同九剛又一組。我地比賽鬥高分﹐輸左請汽水。阿趙人如其名﹐佢出手下下都好「西」﹐超可怕！而九剛亦唔知巧合定乜野﹐最後得分係「99」﹐呵呵...

碌完lane去埋打機﹐阿賢卒之都係兩點幾再同我地聯絡上喇﹐於是﹐為左就唔識搭車既佢﹐我地一行人又出番旺角﹐繼續搵笨行程。去到旺角搵左間24小時既red dots就走左入去坐。我地傾左超多無聊野﹐由今年既人傾到上年既人再到前年既人。傾無可傾就連外面既學生妹都講埋。由三點幾坐到七點幾﹐就係咁無無聊聊咁通左個頂﹐個老闆真係得多我地唔少。何a一句邊個話走正pk令個個都繼續玩野繼續坐﹐坐到八點幾又走左去麥當當食早餐。好耐冇試過食「早餐」喇﹐估唔到係同呢班傻人！食早餐既無聊話題依然繼續。無啦啦又講到何b死左之後會點﹐咩「英年早逝﹐早年xx」啦﹑又話瞻仰遺容時要搞佢﹑跟住話佢死左一定落地獄﹑又唔知做咩話係地獄搞o camp﹑死左都繼續做大組長﹑一齊係油鍋度嗌「熱死人」﹑玩埋孟婆...成班人都痴線架！但實在係好好玩﹑好開心~~

雖然係一次「無聊」既通頂﹐但呢十幾個鐘既吹水經歷﹐令我再一次覺得﹐「女媧大組﹐確係至好」！好鍾意所有一齊「戰鬥」過既輔導員﹐當然仲有至索既阿賢啦！希望阿賢呢年會開開心心﹐gpa過3！

熱切期待下一次905輔聚！

>>September 1, 2004 at 2:46:56 PM GMT+8

2004 年 8 月 30 日 星期一 【晴】

頭先睇番好多呢一年入面影既相...

咁就一年...

好多人好多事﹐已成過去...

好唔捨得...突然好驚呢幾個月會過得太快...

>>August 31, 2004 at 7:23:47 AM GMT+8

2004 年 8 月 29 日 星期日 【乍寒還暖】

幕後主腦第一次組聚兼慶alfee牛一及farewell傑仔！

冇見個零禮拜﹐我依然覺得﹐我地果組係咁gap架~~鍚哂你地！

希望傑仔一帆風順﹐玩得開開心心啦~~

>>August 31, 2004 at 7:22:20 AM GMT+8

2004 年 8 月 27 日 星期五 【乍寒還暖】

我最後一個參與既大O﹐咁就完結喇...好似有好多野想講﹐但就點都組織唔好...係閉幕果時﹐我有諗過衝出去share既﹐不過我又唔知點講﹐又怕出到去會喊到豬頭咁...唯有係度講啦。

alex﹑佳佳：
你地一開始就相信我係freshman﹐知道我係spy﹐仲要已經係yr 3﹐對你地黎講係一個幾大既衝激﹐好對唔住﹐呃得你地咁透。不過正如我所講﹐除左係spy之外﹐其他我講既野都係真既﹐冇因為想呃你地而作好多野出黎﹐因為我覺得﹐我既目的唔係想呃你地﹐只係混入你地當中做個搞氣氛既份子﹐同時﹐亦都交個心出黎同你地做friend﹐spy既身份﹐只係助我減少同你地既隔膜一段短時間。希望你地真係唔介意﹐繼續做friend啦~~

所有組員：
可能你地覺得d game唔岩玩﹐所以唔太投入去玩啦﹐不過﹐由於我知道有咩玩﹐所以﹐d遊蹤check point玩唔哂我都覺得有d可惜。但唔緊要啦﹐似乎我地大家熟絡既原因唔係玩camp﹐而係組入面既吹水同game﹐咩都冇所謂啦﹐開心就得lu~

阿趙﹑ashley：
唔好話你地自己做得唔好﹐因為我都有責任架嘛﹐我地係一team人黎架！如果覺得自己係個camp入面仲未做得最好﹐不如就一齊搞多d組聚啦~~靠你地喇！因為我冇乜貨...

所有女媧輔導員：
好多謝你地比左一個咁好既體驗我﹐比我知道原來做輔導員都咁好玩！同一班輔導員一齊玩﹑一齊過左briefing﹑pre pre同pre camp仲有數個輔聚之後﹐我真係好慶幸我自己係女媧大組既一份子﹐因為大家都係傻既！又正如阿賢所講﹐大家都係有heart既！仲有大家一齊講是非既時間﹐真係好開心架...呢幾日入面﹐要其他人擔心喇﹐真係唔好意思...我為自己eq低而道歉﹐我其實應該做得更好架...

阿賢：
老實講﹐你真係一個好oc既大組長﹐嘿！睇到你咁勞氣對住我地呢班「太有經驗」既輔導員﹐真係有d唔好意思﹐但﹐deadline就係我地（或者﹐係我至岩）既天性﹐要你擔心喇...好多謝你對我包容﹐我好任性咁迫你滿足我eq低既問題﹐至搞到你做左個咁gap既舉動。我知道我可以幫得更多﹐但我冇做到﹐對唔住...

阿paul﹑所有oc（可能佢地都唔會見到）：
我知道你地辛苦左好耐﹐你地既努力都冇白廢﹐閉幕時既感動場面﹐證明呢個係屬於你地既ocamp呀~~

sara﹑tracy﹑大ken：
雖然果時暈暈地﹐但我所講既每字每句都係真心﹐而你地講既野我都聽得清清楚楚。容我講多次「對唔住」﹐仲有...多謝你地！我相信我會長大架喇...

老鬼們：
縱使只係晚會同食宵短短幾個鐘﹐但你地既出現真係令我感覺到ocamp係薪火相傳架！我知道我同ocamp既關係唔會就此完結﹐因為我仲要好似你地咁年年番黎玩！

總括而言就係：
UC最強！

>>August 29, 2004 at 5:51:51 PM GMT+8

2004 年 8 月 22 日 星期日 【乍寒還暖】

唔知講乜好...
果下好失望...

>>August 29, 2004 at 6:53:23 AM GMT+8

2004 年 8 月 18 日 星期三 【清涼】

四日三夜既細o終於都完喇...真係感受良多...玩過d乜已經唔再係重點﹐反而係呢幾日我地一齊經驗過既﹑體驗過既感受先值得我去記錄...

開頭﹐我都好驚會好難同一班freshman玩得熟﹐因為始終﹐我都唔覺得我係做輔導員既材料。一黎到﹐見佢地個樣比較文靜﹐都真係幾擔心我地果組既氣氛會唔好﹑佢地會玩得唔開心。不過傾下﹑玩下﹐慢慢都覺得﹐佢地唔係唔玩﹐但「被動同文靜」真係我地組既特色黎...

第一晚係阿四寶寶既生日﹐當然唔少得同佢慶一慶啦~~其他時間就係玩同吹水﹐有「騎騎呢呢」既「心臟病」﹐又玩茶樓點心同茶餐廳食物﹐我依然係「痴呆症患者」...到左第二日﹐大家都好肯去傾﹑好肯去玩。仲記得華華突然間勾住我隻手主動同我傾計﹐果下真係好開心﹑好鼓舞﹐我feel到佢地已經唔再當我地係陌生人﹐更甚既係﹐唔會再單方面等待輔導員去打開話題﹐而係樂於係呢個「家庭」入面做主動。係各位寶寶做緊social observation既時候﹐我已經頂唔順訓左喇﹐冇去睇佢地做task既搞笑野同幫手﹐真係有d唔好意思。食飯既時候各位都未敢放聲dem slogan﹐但hilton敢企上凳已經係一個好既嘗試。夜晚見佢地走check point走到身水身汗﹐阿fay仲整傷埋（雖然我後期先知）﹐真係有d心痛﹐所以係最尾果個check point見番佢地﹐都係同佢地講「慢慢黎﹐唔使急」﹐真係好驚佢地跑得太快太辛苦呀...

夜晚﹐大家對於低b game依然充滿熱誠﹐其實出貨之前都真係怕佢地會覺得d game玩過or太無聊呢~~仲玩左first impression﹐估唔到我係淫賤但長情又夠義氣...最搞笑係龜屎﹐竟然係淫賤但賢淑...呆左！

第三日﹐我已經再出唔到聲喇﹐我真係好想同寶寶佢地傾計﹐可惜我聲帶所限﹐呢個係一個遺憾﹐就連書院時間都係好勉強咁幫手出聲﹐而選課輔導更加係一句都講唔到﹐好彩佢地搵得夠輔導員幫手﹐如果唔係就麻煩喇...所以﹐好支力既我就係個課室度渣攤﹐訓著左...
識左好多uc soci人﹐我感覺到今年uc既聲勢一定比舊年更好！希望d freshman可以係黎緊呢三年係uc玩得開心﹑有個美好既回憶啦！

之後既presentation﹐都係太支力頂唔順訓左陣﹐但寶寶們既presentation就一定有聽。食完飯去左玩camp fire﹐真係好好玩架﹐除左音響上既問題﹐個氣氛其實都ok既﹐但我始終都係buy戶外玩囉﹐室內總有預計唔到（well...有時係預計到但冇預防）既問題。我淨係想知...點解咁多人都鍾意踢我...？？

食宵既時候﹐好多老鬼番左黎﹐個氣氛係好warm（但我阿媽冇番囉...我d仔女又唔齊...）﹐不過﹐我地淨係掛住聚舊﹐不知不覺都冷落左一班寶寶﹐真係唔好意思呀﹐見到佢地係度呆坐﹐我又講唔到d乜野咁...

夜晚吹水時間﹐我依然係撐唔住﹐加上講唔到野﹐都join唔到d乜野﹐只係玩乜野贏左唔知兩三次﹐分別罰左ode去阿庭間房粒聲唔出爬上佢地張床再拉埋張被訓﹑罰ode同hilton係衣櫃入面唱「小明坐火車」﹑罰傑仔係衣櫃換衫（ar...突然間打開度門係臨時決定﹐呵！）﹐之後吹水﹐我都冇出聲lu﹐仲坐坐下訓埋添！但有樣野我印象好深﹐就係阿四死都唔比我食薯片﹐因為我喉嚨痛！我估唔到﹐寶寶們都咁care我地呀~~
之後出camp先知原來我訓左呢段期間有d咁搞笑既野...

朝早一齊起唔到身﹐都真係幾狼狽﹐唔好意思﹐太支力﹐冇陪到寶寶去拎中大通。好彩我地係閉幕既時候都有番d狀態。雖然ode講既野唔感人﹐仲掛住同阿庭搞gap﹐不過﹐我地都明白佢既~~

完成哂所有野之後就一齊出左去食野﹐大家突然間發掘左一個「共同話題」出黎！我諗﹐我地既友誼又再進一步喇~~
XDDDDDDDDDDDDD

「gap神」ode﹑april﹑alfee﹑靜儀﹑龜屎﹑傑仔﹑渣兜﹑「布甸人」eva﹑「唔行得樓梯」阿fay﹑「櫻桃咀」阿四﹑「文靜」華華﹑「嚇人」emily﹑「黑色high light」hilton﹑「gap精」geo﹑「待con」明仔...我愛死你地！
期待同你地有「不停」既組聚呀！

>>August 22, 2004 at 5:13:20 PM GMT+8

2004 年 8 月 14 日 星期六 【酷熱】

我都唔明點解我呢兩日既time slot咁鬼xx架...

係屋企砌完個time table﹐下晝番左去繼續做細o d野啦﹐點知又係做到五六點就搞掂哂﹐但我地個元華組聚係八點囉！卒之都係趁臭paul同陳曉烽佢地落黎果時跟埋佢地番uc吹水~~

今次組聚既目的係同albert the lord farewell呀﹐佢24朝早上機去exchange喇﹐又有一年見唔到我地呢位尊貴既the lord﹐真係有d唔捨得...所以今次組聚好齊人﹐個個都到呢！（已經唔理獸父喇...）我地去左trendyland果間野度食﹐食完之後勁比the lord同iris the queen彈到一文不值﹐我諗佢應該係香港再無立足之地架喇...之後由於食得唔夠﹐又勁想食雪糕﹐就去左我地至愛既麻布茶房食甜品~~仲係果度見到alfee呀！！iris媽又講左佢d賤野同搞笑野比我地知﹐組聚只要有佢係度﹐就一定唔會悶呢~~

albert走喇﹑獸父同iris媽又要番工﹐我地組聚既機會係咪又少左呢？真係好難得搵到一班一樣咁白痴低能又好玩既同組喇...

iris the queen﹑albert the lord﹑fion the pioneer﹑anna the bourgeois﹑eva the ??（未有title﹐the lord未封）﹑烽 the slave同大舊 the slave's slave...我愛你地！We are family！

>>August 29, 2004 at 6:54:34 AM GMT+8

2004 年 8 月 13 日 星期五 【酷熱】

今朝一早就要番去cu做fyp既interview﹐真係晨咁早...去到先知道得番我同阿宇...well...都冇所謂啦﹐快手做完遲d可以有多d時間做後期既野丫嘛...呢期個個都唔得閒...

做完個interview就自己一個番左408做埋d細o野﹐早得滯﹐冇人﹐好鬼悶﹐仲要未食過野...

做到下晝﹐個個都話七七八八﹐可以做既做哂﹐未做既就因為d野未齊唔做得﹐而果時都只不過係六點幾...冇理由要我係度hae到九點先上去開女媧會架嘛﹐咁就唯有死死氣番屋企食左個飯先再番黎啦！

到左九點幾﹐卒之去到屬會室﹐點知今次要求通頂既果位仁兄竟然十點都仲係屋企睇緊波！激到我地死...於是係佢番到黎之後就做左個「趙滅行動」...其實都好少野之嘛~~

開會傾下大組game﹑dem下game﹑再傾下計﹐傾左好多「轉數唔夠快就聽唔明」既野...咁就已經五點幾﹐個個都開始頂唔順訓哂lu~~好可惜﹐我唔知點解訓得極唔好﹐平均一個鐘頭醒一次﹐痴線架...搞到我好似冇訓過咁...

>>August 21, 2004 at 4:48:36 AM GMT+8

2004 年 8 月 12 日 星期四 【酷熱】

今日去左輔聚...竟然係入元朗唱k...咪就係因為某d人囉...我始終都係唱唔到﹐好失望添！

唱完k﹐卒之都係要番cu﹐因為細o仲有d組既野未搞掂。做到差唔多七點先走。原本約左vec班同事七點city架﹐點趕都趕唔到啦~~

去到果度﹐開頭我預計自己都係會有d唔投入﹐不過慢慢﹐又番番去半個月之前既感覺。雖然同佢地都係有種唔知講乜好既感覺﹐但當william同gordon講起film﹑drama series同comic既時候﹐我又好鬼有興趣聽喎﹐於是我地個corner就係咁傾呢幾樣野喇...

或者...出左黎做野既人同仲係學校度玩既人既心態同經歷都好唔同﹐再加上佢地又係讀d咁專門既野﹐我想同佢地有d咩話題都真係幾難搵...好彩﹐佢地都係童心未泯既人﹐如果唔係﹐一早就唔會同我玩得咁癲啦~~

>>August 21, 2004 at 4:41:01 AM GMT+8