2004 年 9 月 22 日 星期三 【酷熱】

今日要做既野pack到pk...

一朝早要上film﹐跟住上本部傾野﹐再番屋企拎相機﹐再趕番黎水運幫手...

仲諗住搞完水運佢地都開完會﹐點知alex一句「未完」都係要走番上屬會室。開完會﹐八下中大之夜﹐well...睇見就麻煩...好bureaucratic...

開完個會都差唔多一點﹐之後就番去一齊食左個水運會蛋糕﹐再同子俊﹑christine﹑linda﹑zoey佢地開下會﹑吹下水﹐卒之講下講下﹐唔知點解都可以通頂囉...

>>September 26, 2004 at 8:41:45 AM GMT+8

2004 年 9 月 21 日 星期二 【酷熱】

尋晚通左頂﹐好明顯﹐今朝果堂work又上唔到喇...=.="
其實﹐我都覺得幾蝕﹐特登reg左呢科但自己又貪玩﹐搞到上唔到堂﹐唉...希望遲d好d啦﹐我都真係想睇下reading溫下書架﹐不過﹐宜家仲未捨得修心養性﹐嘿！

上左tuto﹐同ode﹑april食左個飯﹐又係時候番宿訓下﹐如果唔係﹐夜晚點開會...

唔知點解落左去食tea兼傾野之後又係一輪既開會時間...由六點半踩到十二點幾一點...shit...

-----------------------------------

又打沉多一次...
好強烈既疏離感﹐感覺一d都唔好受...
仲未諗得夠仔細﹐仲未全情投入...
好矛盾﹐既想投入又想抽離﹐有d精神分裂...

>>September 24, 2004 at 6:36:17 AM GMT+8

2004 年 9 月 20 日 星期一 【乍寒還暖】

因為對durkheim既興趣唔大﹐加上太眼訓﹐於是今日冇sit classical lu~~唔知幾時先再sit番...

sit神話﹐可能佢比想像中theoretical﹐真係有d悶...

食lunch﹑nap﹑開會再開會再開會...呢d就係我呢個禮拜既生活...

miss左uc soc o'nite﹐見唔到同學仔呢...

月食...well﹐唔好意思囉...

夜晚既brainstorm會﹐冇乜貨...之後既通頂吹水﹐雖然有少少無聊又好眼訓﹐但知道左多d野喎...

--------------------------------------

雖然未夠﹐不過開始加多一點點...
我會再加油﹐最少﹐知道要求﹐知道不足﹐希望我會進步...睇住黎！

>>September 22, 2004 at 5:32:38 AM GMT+8

2004 年 9 月 19 日 星期日 【乍寒還暖】

今日明明day off﹐但都要成八點半起身去開會﹐尋晚又夜訓﹐慘！

下晝又去board meeting﹐好無聊...得個聽字﹐差d訓著...

夜晚又到大gm﹐八點到十二點...well﹐第一次會﹐我都expect係咁既﹐之但係﹐又冇諗過咁熱烈...其間大戰﹐我又整親隻腳...shit！點解會咁...隻腳就咁腫左...
><

唉...唔多ok呀...點算？

>>September 20, 2004 at 6:18:14 PM GMT+8

2004 年 9 月 18 日 星期六 【乍寒還暖】

好耐冇update我既diary喇﹐一方面係因為自己懶﹐另一方面係﹐我都唔明點解我既宿舍生活突然間咁「多姿多采」囉...上個禮拜就掛住去玩﹐玩到支力哂﹐今個禮拜當然唔少得玩啦﹐仲有d食宵既節目﹐就係咁玩下玩下﹐咩時間都冇哂lu~

諗下諗下﹐咁樣都係唔得掂﹐雖然我好鍾意玩﹐但都唔可以玩哂d時間去呀。見到major d project又係時候開始﹐我諗我都要修心養性﹐做番d應該做既野先得﹐我仲有個院慶呢...

希望我真係可以專心d做野啦﹐唔想又乜都做得唔好呀...

-------------------------

shit！當我想睇reading既時候發現d書唔同版本﹐就問問d同學仔啦﹐先知原來上堂可以向tutor order reading！fxxk！就係因為果日頭痛上唔到堂就完全唔知呢件事﹐激死我喇！如果要我自己拎去印都唔知點算...唉...

-------------------------

遲d有機會先補番之前d diary啦...

>>September 19, 2004 at 4:46:11 PM GMT+8

2004 年 9 月 7 日 星期二 【晴】

今日約左佢地同winnie farewell﹐因為佢下個禮拜就要飛去英國讀postgrad喇﹐於是今日何b﹑sara佢地就約左佢話番黎開會﹐其實就約埋我地同佢聚一聚。
由於我地要地中海轉外圍房既關係﹐我同anna都要係咁執d野﹐由原先果間房搬去對面﹐尋日又要係咁執﹐今日又要搬野﹐真係好麻煩﹐不過﹐正如fion所講﹐外圍房收到電話﹐點都好d﹐所以﹐debbie﹑jeannie同阿婷真係唔好意思喇﹐要你地都搬黎搬去。不過我覺得﹐最衰果個都係編房果條粉腸﹐都唔知佢點編房架﹐有冇搞錯！
就係因為咁﹐所以我地就搞到個聚遲左dd。唔緊要﹐因為winnie見到我地果時真係好似好開心咁﹐除左佢﹐仲有sara﹑tracy﹐又見到佢地﹐好開心﹐哈！佢地都讀緊書喇又﹐真係好熱心教育...我幾時先搵到樣真係熱心既野呢？
聚完食左d pizza之後﹐又落左staff can食飯﹐不過﹐得番五六個人。吹完一輪水之後﹐夜d又唔知點解搵左個勁特別既combination出左去食宵﹐有我﹑何b﹑肥ken﹑阿濠﹑wendy﹑科娜﹑阿剛﹑阿趙﹑阿lo﹑alex同louise...真係好特別﹐之但係﹐大家吹水又冇乜問題喎﹐哈！適逢泰源果時又係恆生同伯宿食宵既地方﹐所以又有阿賢同fanny﹑karen啦﹐真係有少少似輔聚...
玩下﹑傾下（唔知點解好似特別多唔出得街既野）﹐到咁上下又番去lu~~去到湯com一聚輔導員又諗住吹水﹐點知因為冇左何b（科娜話要八的話﹐何b好重要）﹐傾左冇耐就冇乜心機﹐咁先散水咋~~

>>September 19, 2004 at 6:38:56 AM GMT+8

2004 年 9 月 6 日 星期一 【晴】

我今日竟然起到身去sit早堂classical呀﹐真係覺得自己超勁！其他人都係啦當然...
聽落去﹐真係覺得陳公organized好多﹐不過好可惜﹐佢既tone同聲線都係令人訓覺果隻呢...
sit完classical都未夠﹐仲要sit埋神話。如果唔係阿賢提一提我﹐我都唔記得有呢個course。我本身都好有興趣架﹐不過﹐我知佢幾「啃」﹐所以都唔敢take﹐加上宜家d gee同elect都夠哂喇﹐咁就不如去sit啦﹐冇咁大壓力丫嘛﹐又可以聽d想聽既野。
sit完堂﹐原本要上demo﹐但因為細o開學飯﹐於是走左第一堂﹑亦都係第一堂reg左既堂...見到一班寶寶﹐好開心呀﹐因為大家熟左既關係﹐都開始多野講左﹐仲好興高采烈咁傾下次組聚既活動添！gap神ode仲派埋過三利是﹐各位寶寶一定要加油呀~~

>>September 19, 2004 at 5:42:04 AM GMT+8

2004 年 9 月 5 日 星期日 【晴】

開學lu~~為左慶祝﹐尋晚女媧輔導員就黎左次入宿輔聚﹐活動包括左煮飯同入宿水戰。但由於我同kevin要去farewell香巧﹐所以我地都冇去到煮飯。

香巧同我地一樣﹐今年last year喇﹐唔知點解年年都冇farewell但今年就有﹐於是就係上水搵個地方食飯同係咁吹水。食完飯就番左去join水戰﹐今年依然係有「共同目標」呢~~做齊阿傳﹑阿趙同y2k﹐仲有何b﹐哈！抵死！

今日係就係開學﹐但我今日day off囉﹐於是就要係咁執野喇。唉﹐好煩呀~~~

>>September 19, 2004 at 5:25:35 AM GMT+8

2004 年 9 月 3 日 星期五 【酷熱】

今日係入宿既日子﹐我地都有番去幫手呀﹐雖然係遲左...嘿！

見到好多識既人呢~~番到黎uc﹐真係親切d~~

好可惜要住地中海房呢﹐anna同fion都憤憤不平呀！估唔到﹐yr 3都係冇得住海景大房﹐不過﹐我都係鍾意對草多d﹐熱鬧d！

>>September 13, 2004 at 5:42:41 PM GMT+8

2004 年 9 月 2 日 星期四 【酷熱】

今日係胖腳石組女佳佳既生日﹐生日快樂~~

組聚梗係唔少得啦！我地中午就係又一城既意粉屋食飯﹐好可惜ashley同阿皓黎唔到﹐如果唔係就可以齊人喇...之前買定左蛋糕﹐食完飯就比左個surprise佳佳﹐佢鍾意個蛋糕呢！太好喇！

食完野﹐吹左好耐水﹐為既就係就番個時間落去踩冰喇！去到冰場﹐肥仔唔玩走左去行街﹐岩岩見到阿賢﹐就拉埋佢一齊去玩喇！原來學生價真係好抵呢！平均每個人都係25咋！抵玩！於是﹐我地就由3點幾玩到五點幾﹐我都唔明﹐人踩冰我踩冰﹐我竟然可以扭親隻手...well...實在跌得太應...好彩﹐連最勁既alex都跌過﹐我呢d都唔算咩。最厲害既係阿芝呀﹐佢明明冇玩過﹐但一落場就識得踩﹐果然係運動細胞過人！而阿趙...抵死﹐臨尾都係避唔過跌低既命運﹐哼！而壽星女佳佳就跌到有d驚﹐希望佢唔好因為咁而以後唔踩冰就好喇...

踩完冰唔知點解勁餓﹐就走左去food court﹐順便同阿趙玩番個「捉迷藏」先﹐估唔到﹐係我地面前行過佢都睇唔到...真係...好gap...食飽飽就散lu﹐但我都係同阿賢行左陣街先番屋企。好支力呢...仲要番屋企執野準備後日入宿呀...唉...好麻煩呀！

>>September 13, 2004 at 5:34:01 PM GMT+8