2004 年 10 月 2 日 星期六 【晴】

無痛失戀

為慶祝 全場主角是我
老友全數出席 照單收每份熱情
蠟燭全亮了 閉目許願 不過循序聽命
太多的希冀 太少的運氣

被看好 從來不會是我
我血型與星座 也許早注定了麼
我只要旅途愉快 停哪一站都不算壞
我都輕狂過 經歷過 滿意這種結果

原來止痛是為練習無痛 哭到斷氣說不通
只需要盡興 不准愁眉 來合唱聲勢像唱 K
原來失去是為學習忘記 新的轉機
我對蠟燭許個願 凍結了傷心片段
say Happy Birthday Girl
可否替我沖喜 拆禮物時亦需勇氣

下半生 祈求得到運氣
哪裡還有希望 你可否引導我闖
我需要長期備戰 無痛失戀怎可訓練
這種可能性 複雜性 極度急需救兵

誰輔助 或者附和
跟我一起唱 放聲高唱
失戀也可無痛癢 論功與過
我大概戀愛最受挫

======================

揀呢首歌唔係因為咩﹐其實同fion既原因一樣﹐都係因為佢講birthday同有一大班朋友係身邊囉~~

>>October 6, 2004 at 8:27:22 PM GMT+8

2004 年 10 月 2 日 星期六 【晴】

今日係我生日既大日子呀﹐yeah~~又有藉口比我去玩喇！

太夜訓﹐今朝差d起唔切身﹐同alex﹑肥仔一齊出美孚﹐準備去碌ling﹐之前就去食左個lunch﹐等埋佳佳﹑阿軒先向保齡球場進發。我地雖然冇人個人識得落西﹐不過都依然好好笑...佳佳既炸lane打法拎左一連八個落坑﹐仲有阿軒話唔識打都贏左一局﹐我仲衰﹐第一球就全中﹐但好可惜踩界foul左...

玩完就出左旺角﹐一黎就去左機舖打機﹐哈！勁開心！好多野玩﹐雖然拍拍機都係我輸...阿趙就係呢個時候join我地喇﹐佢又唔知係機舖迷路定點﹐竟然我地幾個行左機舖一圈都搵唔到佢...

打完機﹐又係時候食飯喇！阿芝同阿德都join埋﹐就去左叫「蒜頭屋」既舖頭﹐同上次元華聚去既「小蕃茄」係同一個集團架﹐所以﹐都係果d野食...果度仲有個勁唔識do既侍應﹐我終於見識到咩叫無奈...竟然係我面前同佢地講係舖頭食個蛋糕要收切餅費...well...我本身唔知有蛋糕架﹐不過果一下﹐係個waitress口中知囉﹐乜驚喜都冇哂lu~不過唔緊要﹐呢餐都食得好開心﹐睇住阿芝同肥仔不停鬥咀﹐仲有各人bili bala﹐熱熱鬧鬧~~

食完呢間咁唔識趣既舖頭之後﹐就決定去附近既許留山切蛋糕﹐因為果度唔使收切餅費丫嘛。於是﹐等埋alison黎我地就切蛋糕lu~好感動呀~~仲有禮物收﹐多謝alison同胖腳石眾人呀﹐好靚呀d公仔﹐我會好好咁照顧佢地﹐仲會影d相上黎添架喇！食完蛋糕﹐唔知點解又玩左一次簡短版既first impression：我貪玩又係其中一個最差女朋友﹐嘿！多謝喎...

之後就係睇戲既時候喇﹐佳佳冇興趣睇﹐所以佢走先lu﹐我地一行人就去左百老匯睇《2046》。套戲嘛﹐冇想像中咁難明﹐叫做比想像中好睇啦！睇完戲就去左影貼紙相﹐好開心喎﹐影出黎好靚﹐個個畫相都畫得好興奮！影完又去左打機﹐有個game係玩問答遊戲架﹐成班人圍係度一齊答問題﹐好好笑~~

打完機﹐今日既節目算告一段落﹐但意猶未盡﹐就拉埋alex﹑阿芝﹑阿趙﹑肥仔落bar飲野同玩。我覺得我簡直痴左線...飲左look for star﹑long island﹑三杯taquila pop﹑兩杯strobe﹑兩杯唔知乜野shooter...真係有d過份架...玩得好癲﹐好痴線﹐但好開心！不過﹐我好快就頂唔順訓著左lu~~

今年既生日﹐會係玩得最癲既一個喇暫時~~

------------------------------------------------------------

今年生日收左唔少禮物﹐仲收到生日咭添！估唔到聯創既同學仔會送咭比我﹐好開心呢~~

我會好珍惜呢堆禮物﹐因為﹐佢地係我大學生活入面最後一堆生日禮物喇...尋日﹐亦都係最後一個大學生日呢...

好多謝咁多icq msg﹑sms﹑newsgroup post同電話既senders...

>>October 6, 2004 at 8:27:02 PM GMT+8

2004 年 10 月 1 日 星期五 【晴】

今朝太「早」訓﹐預左一定起唔到身上stra﹐都一早通知crystal等佢唔好等我一齊上﹐點知原來佢地起唔到身﹐哈~~

洗完衫﹐好趕咁同alex一齊出去city開番個行政部會。其實我地幾個人既分工同溝通方面真係organize得唔好﹐淨番最後呢兩個禮拜﹐好希望我地真係做到「行政部」既工作﹐唔好再掛住落部玩喇﹐希望我戒到...於是﹐由宜家開始我淨係負責星星同攤位﹐多多指教~~

開完會﹐比阿thy話左幾次之後﹐卒之係五點幾去到蝴蝶灣join佢地﹐點知去到原來未有爐﹐所以就出左沙灘同高芬﹑阿thy仲有黎翰傑打波喇。其間﹐我地又搵埋附近既小朋友一齊玩排球。我都唔明點解阿thy既機動力咁低架~~~阿b同小新join左之後玩數字球同馬騮搶波﹐阿thy依然係搞出笑料既一個...我唔明點解玩耿騮搶波可以搶到成個人坐左落阿b度起唔到身﹐笑到呢...玩到咁上下﹐我同thy﹑高芬黎左個短暫既girls talk﹐雖然好短﹐不過有人share麻煩事都真係舒服d﹐希望遲d都仲有時間黎詳談下啦！

燒野食...今日個狀態唔算太好﹐自己喉嚨又唔太舒服﹐所以唔係食左好多野。佢地幫我同阿俊慶生日呢~~太好喇！好耐冇見過俊俊喇都~~之但係今晚成個人好支力呀﹐可能之前玩得太耐﹐又可能呢期身子弱啦﹐食左一陣就飽﹐仲頂唔順差d訓著﹐所以高芬都叫我早d走。雖然唔想﹐但都係好唔好意思咁走先喇...

番到中大﹐alex搵左我﹐請我食左件生日蛋糕仲有禮物收﹐thx~~

好期待聽日既組聚呀﹐唔知有咩玩呢？好想見佢地呢~~

-----------------------------------------------------------

我休息既意思有好多種﹐唔一定係訓﹐就算只係獨處﹐都可以係一個relax既時間。

今晚﹐我擠出左少少時間﹐自己同自己傾下計...

一個意料之外既人既來電﹐就算佢話我知只係突然被提醒﹐始終﹐都係有d奇怪既感覺﹐佢依然係咁難理解同咁難捉摸...唉...

把聲...已經爛到唔可以再爛...

有所謂既唔可以扮冇所謂﹐冇所謂既唔可以扮有所謂。當真係表現出冇所謂既時候﹐就一定係已經冇所謂喇...

>>October 6, 2004 at 8:25:36 PM GMT+8

2004 年 9 月 30 日 星期四 【晴】

尋晚三點幾就有得訓﹐真係好耐冇試過係宿可以咁早...今日起身已經十一點幾﹐之後就去左飲茶食lunch。下晝係宿搞埋d野就番左屋企﹐今日屋企人同我慶生日兼國慶﹐yeah！其實我都唔係幾好意思﹐生日果日都唔係屋企﹐不過﹐今日都係公眾假期﹐成家都齊人都ok啦~~

好滿足呀﹐食左餐幾好既「陳六記」﹐仲訓左個晏覺（呢下最爽﹐好耐冇試過~~）﹐仲收左禮物喇！yeah~~真係好開心呀！

夜晚由於想用電腦﹐又番左中大。之後又係happy friday既吹水時間﹐今次分別有alex同阿趙...

---------------------------------------------------------

其實﹐我真係plan左早d訓﹐難得悠閒既一日...但﹐最後都係打亂左﹐仲一d都唔悠閒...

比番空白既個半鐘我！

---------------------------------------------------------

我呢個禮拜真係冇上過堂...假已經放得多﹐仲要走埋星期四同今朝唯一果兩堂。都不得不問一句﹐究竟我係咪讀緊書既呢？

上個禮拜曾經講過話要認真做番d野﹐但呢個禮拜﹐因為種種事件加上假期太多﹐成個人都hae左...宜家真係要的起心肝﹐做番d academic野先喇﹐至少都要搞番掂個fyp先﹐雖然唔知點入手...

仲有﹐我決定宜家開始﹐唔再大聲講野﹑盡量唔夜訓﹑唔食熱氣同辣野﹑除特別日子外都唔再飲酒﹐因為我自己都知道我條聲帶有幾嚴重﹐為左係不久既將來可以同大家一齊去唱k﹐都係有決心d好...

>>October 6, 2004 at 8:24:54 PM GMT+8

2004 年 9 月 29 日 星期三 【晴】

我開頭真係覺得我講錯野﹐但諗深一層﹐如果果時唔出聲﹐由佢比人插d唔關佢事既野﹐會好過意唔去囉...所以﹐都係出左聲好﹐雖然跟住都係樣衰左...

連監議都過埋lu~~我諗院慶都叫做過左一個階段。之後﹐唔知會點發展呢？

宜家最重要﹐都係院慶。

>>October 6, 2004 at 8:22:40 PM GMT+8

2004 年 9 月 28 日 星期二 【晴】

好滿足咁訓左一覺之後﹐一起身就同屋企人去飲茶﹐之後又係番去sit會既時間喇~~

sit左一陣會﹐諗住番去搞埋newsgroup呀﹑AO d野﹐點知都係整得超慢...

夜晚約左組聚去睇《the terminal》﹐但卒之得我﹑alex﹑阿芝﹑阿軒去﹐於是改名義為「join部聚」﹐well...出到去買完飛就去食吉野家﹐期間同alex賭輸左雪糕（真黑仔...）﹐跟住就入場lu~~

套戲真係幾好睇﹐幽默得黎個感覺好warm﹐睇完好舒服﹐仲有d好「完滿」既感覺。

睇完戲行番上uc之後就開始我地既「追月大會」﹐成員依然有我﹑alex﹑阿芝﹑阿軒﹐再加埋beatrix﹑子俊同marker﹐七個人就係mmw天台吹水飲酒食月餅。個月光好大好靚呀~~出黎追月真係一個good choice！由一點傾到五點﹐得番我﹑alex同阿芝﹐係搵唔到阿趙既情況之下﹐我地就移師到阿芝間房繼續傾﹐不過到左六點零七點﹐我地都頂唔順訓左lu~~

知道左好多野﹐不過﹐我一定會記得尾指既用途！好開心大家可以咁free咁share咁多野呢~~

原來有d咁既事﹐你唔講我都唔知架。不過﹐當時我根本就冇留意過﹐而其他所發生既事﹐我都好驚訝自己知道之後一d都唔在意。我諗係因為呢個人係我心目中已經唔再有任何地位﹐所以佢既言行﹐對我都再冇影響﹐而我亦都唔再care！有d野﹐就由得佢啦...

>>October 6, 2004 at 8:21:46 PM GMT+8

2004 年 9 月 27 日 星期一 【晴】

中秋節快樂~~

今日中秋節﹐但我又係勁夜先番到屋企做節囉﹐真係好對唔住屋企人架...好packed呀今日﹐一朝早又要in student helper﹐跟住仆番屋企搵呀哥交番部相機再拎埋d相﹐之後同佢食完飯又番去sit會﹐sit完會又要整d IT野...好可惜我既電腦技巧又差﹑手腳慢﹐仲要唔集中﹐所以做野做慢﹐就自然遲番屋企啦﹐唉...搞到番到去要自己一個人食﹐唔制呀！>.<

不過好彩﹐之後有同屋企人食月餅﹐都算有番d節日氣氛~~難得番屋企休息﹐好早好早﹐十一點幾十二點就訓左lu~~真係好難得既機會呀！

>>October 6, 2004 at 8:20:18 PM GMT+8

2004 年 9 月 26 日 星期日 【晴】

今晚要過學生會﹐所以又係度執執d documents。到左開GM﹐成班人突然有左一個話題對象﹐於是又熱烈起黎。我同阿nie﹑beatrix真係好嘈﹐唔通soc既女仔就係咁？玩完一輪﹐個院慶GM由八點開到十一點﹐過學生會就由十一點搞到三點...呢個咩世界...番到宿﹐都依然係要吹水吹到五點先訓﹐一個字...美妙！

冇得去大系o'nite﹑冇得去同soc同學仔玩迎月﹐真係有d可惜架﹐不過﹐搞院慶都係我揀既﹐既然係我揀既﹐就唔會覺得後悔。

都一年喇﹐唔知上年院慶許願樹上許既願仲靈唔靈呢？或者﹐呢樣野都係睇自己既﹐應該係問﹐自己係咪真係做得到囉...

>>October 6, 2004 at 8:19:38 PM GMT+8

2004 年 9 月 25 日 星期六 【晴】

初頭以為唔使點做﹐但卒之都係做到成六點﹐"mun"一"mun"先出旺角食飯﹐食完飯又快快手走番番黎sit會...呢d咁既生活﹐真係...爽死...開會加吹水﹐各人又一齊燃燒左自己既睡眠時間﹐不過﹐呢班人都真係ok好玩﹐又多野講。自己部入面既關係算幾好丫﹐咁就已經好好架喇~~

最後都係買唔到我想買既野﹐我開個價真係太低？咁冇法啦﹐我冇錢架嘛...

>>October 6, 2004 at 8:18:43 PM GMT+8

2004 年 9 月 23 日 星期四 【酷熱】

尋日差唔多通頂﹐今日都真係唔係好想上堂﹐不過﹐為左要還錢同拎notes﹐我都係遲左一堂之後落去上democracy。文仔真係好ok架﹐如果佢唔係早堂就更perfect啦...

上完堂又開會﹐就因為呢個sa會﹐令我地遲左好多落去組聚﹐真慘﹐飯都未食得完又要走lu~~之後番宿搞埋d fyp野跟住就上fyp﹐present果group開頭幾好架﹐以為佢地好掂啦﹐點知冇幾耐就走左個gap人出黎﹐搵住搞gap但好可惜﹐我地果個stot係d咩人應該好清楚﹐邊有人理佢﹐於是就係咁樣衰左喇﹐再加上﹐佢地既discussion果part真係冇乜implication喎﹐應該可以睇到更多野先係。真係有d哂左...

上完堂﹑傾完fyp﹐諗住番去sit佢地會啦﹐點知上到去佢地都開完喇﹐弊！好多野都跟唔到喇又...開少一個會﹐真係有好大距離架！

之後想relax下﹐唔好再留係中大﹐於是就同alex出左沙田﹐打機﹑買零食﹑味千﹐仲買埋月餅同紅酒玩「賞月」添！番到宿﹐搵埋deborah同阿趙就出左去lu（ar...有人話呢個係「糜爛組合」喎...）﹐實行黎個happy friday~~

-----------------------------------------------------

真係覺得呢個禮拜玩得太瘋狂﹐又通頂又飲酒（雖然唔係好多...）﹐下個禮拜真係要再認真d做野先得喇...

>>September 26, 2004 at 8:58:44 AM GMT+8