2004 年 10 月 12 日 星期二 【晴】

大笪地正日﹐亦都係聯創最後一個活動。延續通頂之後﹐食左個早餐﹐之後竟然係去左上work tuto﹐唔想上﹐但冇得揀...完全唔知佢地講咩﹐亦都聽唔入耳﹐太眼訓﹐當然﹐亦都冇出過聲﹐同拎左份present outline就走冇分別。

之後上番去繼續幫手紮野﹑搬野。好快就到左節目開始時間﹐其實果時已經開始支力﹐但見到大家既心血好好咁run緊﹐又不期然有一種衝勁﹐點都唔可以比人見到我頹架嘛！

我又做番兩年前既野﹐但感覺已經完全唔同。一方面可以話我頹左﹐因為我冇乜好好咁跟實所有野﹐所以有d野比較亂﹑比較鬆散﹐而呢d野係唔應該發生；但一方面﹐我真係享受到搞活動既樂趣﹐見到成班oc一路都係開開心心咁做﹐突然間覺得﹐有咩問題都唔重要喇﹐最緊要係個氣氛﹐做既同玩既都開心就ok啦！所以﹐我都有爭取時間周圍睇睇﹐都有買下野咁架。希望大家都唔好將d唔完美既野放係心上﹐盡左力就得架喇！最緊要係做得開心﹐係嘛？

做完一日既野﹐一致決定執住一半先﹐第日先再清埋d野﹐去食宵緊要！今次梗係去盡佢啦﹐名義上慶功丫嘛！飲飽食醉又係時候番去lu~好支力好支力﹐又再次不省人事...

>>October 19, 2004 at 3:26:20 AM GMT+8

2004 年 10 月 11 日 星期一 【晴】

食宵既第二日﹐梗係又訓到不省人事啦...

終於知道咩係無間做。下晝開始搞閃耀﹐又要準備定聽日大笪地既野。夜晚係湯石上空掛上左成千粒星星﹐真係好靚~~我許既願雖然有d gap﹐但係都真心架！我竟然可以係果堆星星之中搵到自己幾個願望﹐真係神奇...之後就真係無間做喇﹐我地一班人係湯石搭大笪地用既攤位﹐係咁紮竹﹐手都痛埋﹐到第朝都只不過係整好18個攤...

咁又一個日出﹐究竟﹐係呢個幾月入面﹐我已經睇左幾多個uc日出？

>>October 19, 2004 at 3:26:06 AM GMT+8

2004 年 10 月 10 日 星期日 【晴】

因為今朝太早訓既關係﹐又訓到不省人事﹐連開會都唔記得左﹐又唔聽有sir同jacky chow電話...罪過罪過...

衝左過去開會再食左個飯之後﹐就落去幫搶旗搬board。痴線架！竟然要一個人推一塊board上uc斜﹐呢個都唔算經典﹐最xyz就係...fxxk！算啦﹐應該一早知既...冇expectation。搬到上去身水身汗﹐又開始set場喇。

搞到八點﹐卒之可以開始。個game既feed back幾好﹐聽到d人都話好玩﹐不過﹐有潛在危險﹐就係d人玩得太癲﹐妄顧安全﹐都幾險象環生...好似好快玩完個game﹐佢地玩完之後又到我地oc自己玩既時候喇﹐又係水戰既時間﹐成班人玩到濕哂身﹐con哂要con既人之後﹐就出左去食宵。唉...好支力呀！但係又玩得好開心喎！

>>October 19, 2004 at 3:25:54 AM GMT+8

2004 年 10 月 9 日 星期六 【晴】

又一日喇...今日番左上水覆診﹐我隻手睇黎有排都唔會好...算啦﹐都係因為自己太遲去解決一d早就應該解決既野﹐定係﹐其實應該唔理佢﹐佢自己會好呢？

睇完跌打﹐醒起起身咁耐都未食過野﹐又咁岩係醫館有人講開明記﹐就去左果度食腸粉。好耐冇食﹐依然係咁好食﹐呵...水準依舊﹐而個老闆﹐脾氣又真係好左喎...

下晝﹐唔好意思﹐真係冇乜心情去四圍闖去搵攤檔﹐所以番左宿hae﹐最少﹐比番d時間我一個人靜下﹐休息下﹐等我諗清楚跟住落去既野應該點做﹐雖然﹐用左成個下晝都未諗得清...

夜晚去左開大GM﹐又係玩同吹水既時間。今年既yr 1真係幾好玩﹐大家都鍾意玩﹐都ok玩得埋啦~~開完會就番合創團整旗﹐又落去set聽日搶旗既野﹐其實成班人一路就係吹水同玩...整完旗﹐christine又拎佢d星星出黎摺﹐於是一班人又好好奇咁學左摺。真係好勁呢...如果收到一樽親手摺既星星﹐都真係~U死...我又順手教埋linda摺「孖心」。其實摺野都幾好玩架﹐如果有時間的話...

做完哂野﹐例牌又留係度吹水同玩。已經過左好多日咁既捱天光日子﹐但一d都唔覺得辛苦﹐反而仲好開心﹐因為同一班岩傾岩玩既人一齊做野既感覺好好﹐有一班咁既部員﹐真係好開心架！

宜家已經係清晨六點﹐但我覺得我唔會有得訓。唔係因為我要做野﹐係因為我地房條「蛇」flora訓左我張床﹐宜家冇哂位﹐想訓都冇得訓...無良呀！

>>October 19, 2004 at 3:25:29 AM GMT+8

2004 年 10 月 9 日 星期六 【晴】

諗起尋晚番屋企﹐可能我個樣真係殘﹐好似唔開心咁﹐阿爸就同我講話係咪係出面好唔開心﹐所以番黎休息下﹐避下世咁。原來﹐屋企係我最想留低既地方﹐因為我知道﹐果度永遠都有人等我番去﹐仲好歡迎我番去。呢期太忙﹐都冇時間好好咁留係屋企休息下﹐同屋企人玩下。

屋企真係一個休息既好地方﹐除左唔使乜都自己做﹑乜人都唔使見﹑仲可以成日唔出聲之外﹐仲冇電腦﹐可以有藉口乜都唔做……

>>October 19, 2004 at 3:24:10 AM GMT+8

2004 年 10 月 8 日 星期五 【晴】

尋日發生既事﹐就好似好耐之前發生咁﹐感覺好陌生﹐可能係我今朝太早訓﹐有記憶混亂喇...今朝學完紮竹之後無無聊聊又玩左場水戰﹐痴線架﹐支力到我由九點幾訓到四點幾先起身...

尋日係院慶開幕加起跑既大日子﹐我一早仲係度搞緊個流程﹐又上唔到堂﹐又唔記得左去開sa個會...開幕禮﹐ar...氣氛唔太好囉...其實﹐可以再好d...跟住好好彩﹐都比我搵到alex﹑阿芝﹑肥仔同阿軒去個「小型組聚」飲茶﹐食飽飽冇幾耐我又係時候去上fyp喇！今日present果組都幾ok喎﹐起碼個題目都有趣丫嘛﹐我冇訓架﹐全程都有聽。突然間係度諗﹐我地present果時又係一個咩景象呢？可能係...好堪！哈！

上完堂即刻彈番上uc睇佢地個戲跑﹐估唔到早左開始﹐同埋﹐成個活動完左之後冇一個好大既滿足感﹐可能﹐我真係太唔投入喇...不過好開心﹐因為見到合創人完左個活動之後玩得開心﹐好似鬆左一口氣咁﹐見到佢地咁開心﹐都不其然開心起黎。

執完一輪野﹐又同攤位既y2k﹑于飛先後出左旺角同尖咀掃攤﹐仲打電話騷擾埋搞na大笪地同shawlane既同學仔﹐為既就係加多幾個攤檔。我真係唔明點解我yr 1果時搞果個咁多人投攤既呢？行左兩個幾鐘﹐都只係得果兩個地攤既收獲﹐你話點算？？

之後番黎﹐join左搶旗果邊dem左陣game﹐又番去搞埋攤位d野。一日工作暫時告一段落...

吹水時間...

要你擔心﹐唔好意思﹐多謝哂...我覺得應該要講﹐所以就講喇...點都想講句...對唔住...

雖然有種唔開心既感覺﹐雖然﹐依然唔知會點﹑依然係唔明朗﹐不過﹐我都唔會後悔﹐因為係我自己既選擇。

上年許既願﹐原來唔係願望﹐係對自己既承諾...

>>October 19, 2004 at 3:23:46 AM GMT+8

2004 年 10 月 6 日 星期三 【晴】

今日又起唔到身﹐遲左大半堂先落去上film soc﹐但﹐落到去又係睇緊戲﹐又唔知睇緊乜野...同我expectation差左d喎﹐我唔expect堂堂都睇戲架﹐最起碼﹐唔係成套睇先啦﹐到宜家為止﹐我都唔係好知佢想點教﹐佢又教左d乜野呢？好疑惑呀...

>>October 19, 2004 at 3:23:19 AM GMT+8

2004 年 10 月 5 日 星期二 【晴】

完全起唔到身﹐又走左work﹐唔好意思喇大樂...難得好似好有興趣又幾得意既course﹐我開左學到宜家都只係上過一堂﹐點算...？

-----------------------------------------------------

《2046》令我想起《半生緣》...「我們回不去了。」...一樣的震撼﹐一樣的沉重。

>>October 6, 2004 at 8:29:10 PM GMT+8

2004 年 10 月 4 日 星期一 【晴】

借一秒

如時光倒後　還能否補救
誰人的手　有幸挽著繼續逗留
誰情願退後　來承擔咀咒
在下次會面時只淪為張某

連忙在對焦　拍下這偷看近照
記下這雙眼睛　竟再共你剛巧對焦
如能撥慢秒錶
我願爭取快一秒　我願率先發招
來暫借改寫這生故事的一秒

如重新邂逅　誰人可得救
誰人該走　再別介入拒絕逗留
如同估領袖　誰能猜得透
在下次謝幕時將是誰失救

這一秒 差一秒

>>October 6, 2004 at 8:28:24 PM GMT+8

2004 年 10 月 4 日 星期一 【晴】

尋晚dinner既girls talk﹐thanks！好可惜冇令情況更加明朗。或者﹐有d野已經做過﹐有d野﹐我都覺得太魯莽﹐但如果件事係要咁發展的話﹐我唔會再做任何既野去影響﹐我唯有順其自然﹐不過最起碼﹐都係搞掂我應該要做既野先。

又係空白既兩個鐘﹐夠喇...我好支力...唔想再諗野﹐唔想再諗應該有咩反應...如果係咁﹐我寧願訓多陣...

我想去洗錢﹐可唔可以擠d時間出黎比我瘋狂shopping一下？

-------------------------------------------------------

人係咪越簡單就越開心呢？我可唔可以再思想簡單d？

如果我可以唔顧其他人感受﹐淨係顧自己就好喇...

好支力好支力...卒之回復番「算正常」既生活﹐當然﹐都唔係上堂既生活...

sit神話真係有d越黎越悶﹐阿賢都唔再sit喇好似﹐一個人﹐佢d theory又悶﹐自己又支力﹐下次真係諗清楚先去sit喇...

又冇sit classical﹐講緊weber喇﹐其實好想聽﹐不過﹐又真係起唔到身喎！

雖然好支力﹐但係...

>>October 6, 2004 at 8:28:08 PM GMT+8