2004 年 10 月 21 日 星期四 【晴】

一朝早拜山﹐好支力﹐勁唔夠訓...下晝番宿訓﹑做fyp﹑hae﹐夜晚傾fyp...

估唔到我訓咁少都可以撐咁耐。

真係咩都可以唔理？可能...

又係時候諗下用咩方法籌錢交學習喇﹐宜家連生活費都唔多夠...

隻手指原來燙傷左﹐不過﹐唔想擺個可憐樣係d冇sense既人面前。感覺好差﹐好噁心﹐好討厭好討厭既情況﹐第一次覺得一樣野咁厭惡。比人影響自己士氣係好冇水準﹐但我真係覺得冇興趣繼續。shit！

>>November 2, 2004 at 1:14:16 PM GMT+8

2004 年 10 月 20 日 星期三 【晴】

心情唔太good﹐太支力﹐又覺得film哂時間﹐上左兩堂就走左番宿洗衫﹐再訓多個覺先落本部做野。

同henry吹左陣水﹐出黎做野真係辛苦﹐會珍惜最後呢幾個月。

做完野即刻出左旺角同阿洪會合﹐唱k打機飲野吹水。原來我唱到歌﹐不過用唔到假音﹑要手腳協調既game真係弱項﹑點解我地打太鼓打得咁差？irish coffee一d都唔好飲﹐卒之都係再加look for star同taquila pop。多得傾左一晚﹐清醒左﹐但﹐都唔知會點做。

一通電話﹐始終解決不到原本想解決的﹐註定想解決都解決不來。如果可以的話﹐還不如一切放開﹐順其自然？

>>November 2, 2004 at 1:13:55 PM GMT+8

2004 年 10 月 20 日 星期三 【晴】

尋日同莎拉食飯吹水行街買衫﹐好開心！

總算簡單解決...

又冇心機上堂﹐好悶﹑好支力﹐上左兩堂就走。

film已經係咁﹐下個sem點算？

冇表情﹑冇感覺﹑唔想講野唔想比反應﹐that's all...

>>November 2, 2004 at 1:13:42 PM GMT+8

2004 年 10 月 19 日 星期二 【晴】

尋晚四點半訓﹐今朝竟然上到早堂﹐只係遲左三個字only！對我d同學同埋大樂黎講應該係奇蹟﹐好彩大樂唔識我﹐如果唔係佢應該會驚訝點解我會上堂...不過最少﹐我都令到我既同學們驚訝先...

好耐冇見佢地喇﹐見番一班親切既soci同學仔﹐真係好舒服﹐成個月冇見喇﹐教到咩唔知﹑發生咩事唔知﹑幾時交功課同present當然都係唔知啦！阿ry唔講我都唔記得﹐過多兩個禮拜就present喇﹐點算？我驚睇唔切reading呀﹐因為queenie都ok要求高﹐比佢kill就唔好啦...我要勤力番d先得喇﹐始終﹐我都係一個學生...快d搞掂哂所有野就努力讀書...希望...

>>November 2, 2004 at 1:11:43 PM GMT+8

2004 年 10 月 18 日 星期一 【晴】

我覺得﹐自己既自毀傾向越黎越嚴重...

頭先聯創開e﹐大家都知今次有咩問題﹐希望真係可以幫到下年﹐而下年又真係會再有班勁人出黎搞啦﹐uc以後都係靠你地喇...

開玩會之後﹐成班人癲哂﹐係陳com度喪玩﹐痴線架...

隻手﹐又傷番﹐不過我冇理到。明知傷﹐我都冇理到﹐繼續做一d會傷既野。痛﹐但唔想去醫﹐唔想去掂﹐唔想再理。明知佢自己唔會好番﹐但我已經再冇能力做任何野去嘗試令自己好過d。
近乎自殘既順其自然...

最後可能落得最慘淡結局？

>>November 2, 2004 at 1:11:25 PM GMT+8

2004 年 10 月 17 日 星期日 【晴】

一個幾準既心理測驗
http://888.rockin.net/psytest001/

【1. 在現實生活中，你會被哪一種人所吸引？！．．．．．．．．．】
不受約束拘束，嚮往自由的人。

【2. 在求愛的過程中，哪種情況最容易使你覺得情不自禁？！．．．】
直來直往，她（他）只是告訴你　《她（他）愛你》。

【3. 你想給你的愛人什麼樣的印象呢？！．．．．．．．．．．．．】
妳（你）是有風格的。

【4. 你最討厭的個性中，哪一個　會使得你與愛人分手？！．．．．】
你的愛人無情冷血又愛諷刺人。

【5. 你想跟你的愛人建立一個什麼樣的關係？！．．．．．．．．．】
你和愛人不只關心現在也關心將來，一種你能與之一起成長的長期關係。

【6. 你會通姦（外遇）嗎？！．．．．．．．．．．．．．．．．．】
你關心社會跟道德規範，婚後你不會犯這樣的錯！

【7. 你對婚姻的看法？！．．．．．．．．．．．．．．．．．．．】
你認為婚姻是見很珍貴的事，一旦你結婚，你會很珍視婚姻及你的伴侶。

【8. 此時此刻，你對愛情的看法？！．．．．．．．．．．．．．．】
你非常自我為中心，你認為愛情對你是可以輕易得到，是能捨去　但又需要的東西。

>>October 19, 2004 at 3:28:03 AM GMT+8

2004 年 10 月 17 日 星期日 【晴】

原本打算今日要做好film既research plan同fyp今晚交貨﹐好可惜﹐係級社傾莊之前﹐我既進度都係零﹐今日可謂一d狀態都冇...話就話落左u lib借書﹐但我自己都知﹐d書根本冇用﹐我可以點做？對個topic一籌莫展...至於fyp﹐雖然傾既時候我都係冇貨交﹐不過大家一齊傾既時候突然好有衝勁﹐傾野既氣氛幾好架﹐仲總算做好左個powerpoint既framework﹐算係有d進展﹐宜家係差各自番去做番好自己既野咋﹐我都要快手先得喇﹐唔可以要累人累物。

夜晚同好友icq傾左陣。我知道自己唔係想搵答案﹐只係想搵個人傾下計。雖然只係一段短時間﹐但都比左d意見我。我諗﹐我真係要識得去定位﹐識得去為自己訂一個限期﹐因為我知道﹐痛﹐都需要一個限期。但...就連限期我都唔識點去訂...真係好confused...

anyway﹐謝！

出面既風好大﹐真係入秋喇。我最愛既﹑涼而又有d寂寞既秋天﹐呼~~

>>October 19, 2004 at 3:27:49 AM GMT+8

2004 年 10 月 16 日 星期六 【晴】

成個院慶都告一段落喇﹐有d唔習慣﹐唔習慣要上堂﹐唔習慣冇野趕住去做（功課唔計）﹐唔習慣冇得晚晚同一班聯創人玩同吹水...

今次搞活動﹐可能係最後一個喇﹐我自己都唔知﹐始終都係最後一年﹐做唔得幾多野啦。可幸既係﹐呢班最後一齊做野既oc真係好正﹐佢地既工作能力可能唔係最好﹐但起碼我感覺到佢地有心去做﹐而且﹐真係好好玩！我一定會唔捨得﹐其實﹐我已經開始唔捨得...

聯創人！我愛死你地！唔好唔記得我呀~~

>>October 19, 2004 at 3:27:29 AM GMT+8

2004 年 10 月 14 日 星期四 【晴】

尋晚由十點訓到今朝八點﹐都係訓下醒下﹐所以依然係精神唔好。今日好忙﹐先去左月會做野做到點幾兩點﹐再去傾fyp。我地要crit人呀﹐但睇極佢地份powerpoint都唔知佢地講乜﹐有d驚我地果份都會係咁﹐哈！佢地竟然用foucault！但﹐可以講到我完全唔明﹐都真係幾勁...個fyp﹐好悶﹐又訓著左...好辛苦捱完﹐又上去做市拓野﹐一路做﹐做到七點開席啦千人宴！

唔知點解﹐明明我地買左飛﹑明明應該好好咁食同睇表演﹐但又係oc命發作﹐睇唔過眼佢地唔夠人做野﹐睇唔過眼...就係因為咁﹐我完全變左個ec﹐除左有野食之外...我唔明﹐點解一個oc係食物唔夠分既時候﹐竟然係問我「果d可唔可以分」？我好似唔係oc黎喎...我當場呆左...見到d oc自己掛住同明星影相﹑握手﹐我真係唔知講咩好﹐我明明係坐係前面睇表演既觀眾呀﹐點解又係企左係後面睇住d嘉賓同維持秩序？點解執野既時候唔見左d人﹐我地又過去幫手？點解我三年入面去左三次千人宴﹐兩次比左錢但有兩年都係做野既？？我唔明...做得唔好但盡力﹐我冇野好講﹐但冇心去做既﹐唔該行開...oc唔係咁架...

做完野﹐就出左去食宵。開頭都唔諗住飲﹐但氣氛問題﹐我都係有飲酒喎。係我認為可以既情況之下﹐一定奉陪﹐起碼﹐今晚狀態就好好。正如肥ken所講﹐過埋今晚﹐又要過番d「唔正常」既生活喇﹐唉...會唔慣呢...

或者...我自己都唔知自己想點...有口話人...

>>October 19, 2004 at 3:26:44 AM GMT+8

2004 年 10 月 13 日 星期三 【晴】

再一次上唔到堂（其實﹐都唔知有冇打算過上...）﹐淨係知道一起身又要做野﹐大把野未執﹑未清。其實﹐真係有d嬲﹐點解會咁？唔應該有expectation﹐但﹐真係不負責任囉！算...一早就知睇錯人...

執完湯石既野﹐就同阿bit﹑alex﹑子俊﹑hinhope﹑alison去左shawlane。見到好多識既人呢~~尋日未行夠﹐今日就玩個夠！食左好多野﹑又買下野﹐再睇左陣表演﹐好可惜﹐我太支力喇﹐前晚通頂都未補得番﹐於是睇完吳日言就走左lu~~聽番佢地話恭碩良好正呢﹐不過﹐對我黎講都係訓番夠本緊要d~~

>>October 19, 2004 at 3:26:32 AM GMT+8