2004 年 11 月 12 日 星期五 【晴】

一起身已經九點﹐個人又勁支力...即係唔使上stra啦...託左april幫我比d野stephen之後再訓多陣先起到身。

執下呢樣執下果樣之後就番左陳融考cre。嘩！勁似一個中同聚同soci聚！見到thy同溫啟呢﹐點解佢地個樣可以冇變過？！仲有小玲﹐又女人左﹐嘿！見到阿婷阿濤阿庭小美同ada﹐乜咁多soci人係北區架咩？

個cre...痴線架﹐點解可以咁難既？除左個appitude test﹐份中英文卷都唔係好知佢想點﹐再加上食左藥眼訓﹐我一度係考中英文卷既時候都唔小心咁訓著左！所以...我點會知份卷做乜？？

我覺得個試其實唔使考咁耐﹐只不過係佢地收卷同check卷哂時間之嘛﹐三份卷夾埋三個鐘﹐我地就坐足四個鐘...

考完試﹐番屋企又係休息時間。我阿哥又飛喇﹐阿媽話佢呢個禮拜又一個人食飯﹐好悶。咁其實我住宿係咪唔係好妥呢？我入宿之前都諗過呢個問題﹐就正如陳b俊所考慮既一樣。不過﹐為左自己最後一年多姿多采﹐我都係揀左住宿。唉...咁我宜家可以點做呢？

>>November 15, 2004 at 3:26:34 AM GMT+8

2004 年 11 月 11 日 星期四 【晴】

我又走左demo喇~~呀！一朝早起身就喉嚨痛死左﹐周身痛﹐所以打消左上堂呢個念頭﹐訓多陣諗住下晝去clinic...幸運地﹐見完方sir搞埋d麻煩野之後佢就好好人地車左我落去clinic又車番我番uc。方sir真係幾好人架﹐除左有時煩d之外...喉嚨發炎呢...要好好休息先得喇！

傾左一陣級社既麻煩野﹐就去左一次勁齊人既難得組聚﹐莫非各人都被免費午餐所吸引？？我地join左走讀既免費盆菜宴﹐真係好爽﹐我仲因為係赤貧線之下而被好好既組mate造馬贏得m記coupon一張...

一個悠閒既下午...竟然落左lib搵書？！我覺得我越黎越似番個學生喇...嘿！

>>November 15, 2004 at 3:26:05 AM GMT+8

2004 年 11 月 10 日 星期三 【微冷】

朝早上film soc﹐我真係覺得林杰講香港電影係好過之前果d﹐之前果d真係唔知佢想講咩﹐但今日﹐我最少知佢想講咩丫﹐雖然都唔係soci﹐係film...

夜晚同soci寶寶聚﹐越黎越覺得自己係soci真係摺得過份﹐佢地講果d事我一件都唔知...我都想多d時間蒲soc房﹐但好可惜﹐我冇乜時間丫嘛﹐搞到我同d yr 1﹑2都好似唔多識咁﹐咁點得架...但﹐有咩辦法呢？一個人總唔可能兼顧咁多野架...

坐左個零鐘覺得唔太舒服﹐喉嚨痛到死左﹐又唔太想食野﹐於是先行告退﹐但十點都係落左去月食﹐睇左一陣冇食野﹐又同gary仔﹑謙仔落碧秋傾present。真係冇乜料﹐我對demopcracy呢個topic太唔熟喇﹐成個sem到宜家為止都只不過係上左兩堂﹐又會知佢講乜啦！傾左一陣﹐訂左個範圍又分工之後散水。番到上宿﹐又同aki慶祝生日﹐睇佢地玩「com棉胎」真係好好笑﹐點解可以輸死gaphope一個？

玩左冇幾耐﹐又係時候女媧輔聚——食宵！好唔舒服﹐冇食過野...而且﹐個氣氛有d...well...唔識講...

唔知講咩好﹐不過﹐對所有人好即係對所有人都唔好﹐又或者係對自己唔好囉...面面俱圓既同時﹐都有人會唔鍾意面面俱圓既人呀...

>>November 12, 2004 at 3:33:25 PM GMT+8

2004 年 11 月 9 日 星期二 【微冷】

尋晚同marker慶祝生日﹐又玩killer玩到三點幾四點﹐但最勁既係﹐我上到work喎！雖然遲左差唔多四個字...我冇訓著呀﹐但見到旁邊既謙仔同渣兜訓得咁爽﹐真係好唔抵得﹐之但係﹐我真係要努力d上堂先得﹐因為呢個topic我遲d要pre丫嘛！

傍晚落左去練習﹐同阿斌一路吹水一路練。真係有多個人一齊練開心d﹐起碼冇咁悶。之但係﹐我今日淨係比左十分鐘練跨欄﹐拎哂d時間去跳高﹐方sir就黎比我激死。練完﹐我地一行七人就去左cc can食飯。呢team人都ok丫﹐如果有多d時間﹐應該會幾好玩。我竟然做左隊長？真係陰差陽錯喇...之但係﹐隊長好似好多野要做...都係開心既﹐幫下手啦~

>>November 12, 2004 at 3:32:55 PM GMT+8

2004 年 11 月 8 日 星期一 【晴】

出左去旺角「掃街」。未食過「臭豆腐」﹐原來都唔差架~~

又買野﹐大出血﹐呢個月既錢已經用得七七八八﹐睇黎之後要日日食頹麵...

>>November 12, 2004 at 3:32:30 PM GMT+8

2004 年 11 月 7 日 星期日 【晴】

夜晚的起心肝去練習﹐又撞到阿斌喇﹐約埋佢星期三再練過。
我即使warm up左幾耐﹐都係拉傷左...
我都好想有突破﹐但我明白自己已經到左極限﹐只係有d唔甘心。無奈﹐我入到隊都只不過係幫手湊人數...

我唔係真係想方sir請食飯架﹐只不過諗番田徑隊聚既時間又唔多﹐練野又自己練﹐冇乜團結性﹐所以興起叫大家一齊食飯之嘛...搞到我宜家好唔好意思添...

話洗宿﹐乜準備都未搞掂﹐handbills冇﹑poster冇﹑連人都冇乜...

好支力呀...我練足兩個鐘﹐用盡哂d力﹐一撻落床就訓著！

>>November 12, 2004 at 3:32:13 PM GMT+8

2004 年 11 月 5 日 星期五 【晴】

終於都pre stra喇﹐比我想像中表現好﹐起碼自己冇口窒窒丫嘛﹐加上個tuto既氣氛幾好﹐雖然自己果part都係普普通通﹐但pre得好開心架~~都係soci同學仔既stot/tuto好玩d...上完之後講開﹐原來我地成個禮拜日日做stra﹑傾stra﹐放咁多心機同時間落去﹐個presentation都只不過係佔5%？？但我地都覺得prepare呢個presentation比fyp更有心機﹐而且﹐更加開心﹐哈！同ryry仲有alfee part present真係幾開心﹐因為我地都係d「臨危不亂」既人...

落左堂番上宿執野﹐準備出去兼今晚番屋企。hae左好耐﹐卒之都係要上房捉隻豬起身...跟住就去我地既第一站--我親愛既上水！

又有一段時間冇行過石湖墟﹐不過今次目的唔係閒逛﹐係食野。帶左alex去最正既廣城食牛肉通同紅豆冰﹐仲要去多轉明記食腸粉。一日食哂兩個至愛﹐好滿足架~~食完野就去左第二站兼今日主菜--黃金海岸。

黃昏既海灘﹐好舒服~~係果度過左一個輕鬆愉快既傍晚~~

之後做左樣好傻既事﹐就係去一個唔識既人既婚禮會場門口聽alfee唱歌！仲要係呆呆咁企係度比人投以奇怪既目光﹐哈哈！竟然係「特別嘉賓」？我真係去得岩時候呢~~好好聽呀~~

之後去左行攤。點解仲可以同d檔主social到？傻架~~但聽到d檔主都話我地uc果個大笪地好d﹐都真係好開心架﹐起碼知道d攤檔果日都玩得開心丫嘛~~

食埋最開心既麥當當就番屋企lu~~好支力﹐不過好開心~~


一個好有特色既電話亭@黃金海岸

>>November 12, 2004 at 3:31:12 PM GMT+8

2004 年 11 月 4 日 星期四 【晴】

今日可以用一個字黎形容...X！簡直就係一肚氣...

星期二果日約左醫生今朝十點﹐我九點幾就去到pw啦﹐諗住預早少少﹐點知...我係果度等到差唔多一點！！果度既姑娘先話比我知醫生果朝早都冇落clinic﹐唔知幾時先會落黎﹐叫我兩點半番去再等﹐再唔係就睇第二個醫生。我頂！哂我時間！係佢約我覆診架喎﹐佢跟開﹐我又點可以睇第個醫生？咁即係一定要等啦...之後我直接打去佢office﹐我先知佢今朝做手術。大佬呀﹐如果知佢做手術要一定時間﹐就一早搵人落黎通知我﹐等我唔使白等一個上晝啦﹐又冇得上堂﹑又冇得組聚﹐連下晝果堂fyp都唔使上啦！

我一肚氣咁走番出沙田﹐alex出左黎搵我。你係唔應該走堂架﹐你知道嘛！不過﹐多謝你陪我呢~^^~係我瘋狂購物完之後（冇錢都買野﹐仲唔係「瘋狂」？？）心情好好多﹐我又一個人番去等醫生喇。都係要訓多一個鐘先可以見到醫生﹐唉...

我隻手冇斷到骨﹐都算係一個好消息﹐但唔知有冇傷到軟骨或者tendon果d囉...一.一" 遲d要做磁力共震check囉﹐宜家就要做「假手人」﹐戴住個固定架﹐哈！傷者係咪有優待架？例如...唔使present？？

夜晚係cc食飯﹐再番uc開院慶e。過左咁耐﹐都唔係好記得發生過咩事﹐之但係﹐都一定要留番d野比下年...一段時間冇見過班院慶人﹑冇聚首一堂﹐好親切﹐仲好好玩~~

夜晚繼續做stra...長期抗戰...
努力呀groupmates~~

>>November 7, 2004 at 9:05:18 PM GMT+8

2004 年 11 月 3 日 星期三 【晴】

今日起身就係為左走film...因為約左ryry同alfee傾stra。妁左queenie一點﹐但我地一路都傾唔到d乜野好具體既野﹐因為我地個呢個topic都算太了解﹐而搵到既料又唔知點integrate好﹐都幾麻煩...好彩﹐queenie真係幫左好多﹐佢一方面比料我地﹐又解答番我地既疑難﹐不過好可惜﹐我真係唔係好吸收到﹐因為...我又差d係queenie面前訓著左...哈！

傾完野﹐叫做分埋工﹐我地就散﹐而我就出左沙田行街﹐想睇下d褸款﹐我唔想日日都係soc衫soc褸呀~~

之後alex join埋我﹐但我都係買唔到褸﹐冇乜心機睇﹐卒之買左些少「胭脂水粉」就番左去lu﹐因為佢開會遲到！嘿！

夜晚﹐出左去行左陣。好鍾意夜晚uc舒服既感覺﹐仲可以暢所欲言。講左好多野比你知呢~~

番到去又係搞下份stra﹐我覺得我冇乜心機做﹐一直都不在狀態﹐好驚因為我做得差搞到個present都差埋呀...

>>November 7, 2004 at 9:05:00 PM GMT+8

2004 年 11 月 2 日 星期二 【晴】

一早起身上到work﹐好開心。大樂真係好gap﹐唔怪得佢既courrse咁受歡迎...

之後竟然夾到時間同alex出pw﹐不過其實用左好少時間就搞掂哂照x-ray既野﹐只不過係因為迷路...

食埋kfc就番左去諗住聽cathay既recruitment talk﹐已經遲到﹐入到去仲好快就訓著左﹐之後醒番發覺都冇心機聽﹐費事哂時間就番左宿訓﹐訓醒又係時候「affa頹飯聚」！冇錯﹐係affa一齊食頹飯﹐事緣個個都冇錢...點解我地會咁窮困？？

食完飯落左去cc搵阿ry同alfee傾stra﹐我地傾傾下present竟然變左做girls talk！估唔到我地都咁多野講﹐傾下計的確好開心﹐希望仲有機會！

夜晚﹐好耐冇同阿bit﹑gap hope佢地吹水﹐如果唔係呢期咁多present要趕﹐我真係想多d搵佢地玩架...

>>November 4, 2004 at 6:08:23 PM GMT+8