2004 年 11 月 22 日 星期一 【微冷】

present左democracy﹐自問做得一d都唔好啦﹐因為都冇做過d乜野﹐根本搵唔到資料﹐真係麻煩哂gary仔同我一齊撐呢一part﹐但就好似佢做哂咁。我冇乜時間﹑心機﹐亦都唔識present呢個topic﹐因為我上demo上得果兩堂﹐想我點...

>>November 29, 2004 at 6:54:01 PM GMT+8

2004 年 11 月 21 日 星期日 【颳風】

果種感覺好shit...

凌晨兩點半的gilrs talk﹐令我知道多d野。唔使擔心喎﹐冇野既~~一齊鬧人﹐哈！抵死！and﹐thx gal~~我會冇野既﹐只係無聊病發。

仲有你﹐唔想你擔心。放心﹐真係冇事喎！

>>November 29, 2004 at 6:53:34 PM GMT+8

2004 年 11 月 20 日 星期六 【颳風】

原本諗住早d起身睇下reading﹐最後當然又係得個訓字啦！下晝煮完野食又hae...hae到差唔多又係時候趕赴期待已久既affa聚喇！

六點幾出到去﹐行左陣﹐卒之買左printer墨﹐勁肉赤﹐點解可以咁貴架？！買左成三舊水﹐痴線架...之後join番flora同fion又行多陣﹐等埋anna就去食野喇。好豪呀我地（相比起平時既頹麵﹐當然﹐唔係頹麵咁簡單啦﹐呵...）﹐去左double star食﹐簡直係值得紀念！



一路食一路吹水﹐之後又係時候shopping喇！死喇我今個月真係...我係comme ca買左兩件﹐去到2%又買多件﹐就係咁﹐我呢個月就黎連頹麵都食唔起﹐似乎永遠都脫離唔到赤貧線﹐莫非我之後要日日捱麵包？？好彩冇買到ceu同roxy﹐如果唔係就...

yee~~~~~~~可惡！我要買耳環~~~

滿載而歸之後就打的番uc﹐跟住就上演左一幕《affa掠奪記》喇...

《affa掠奪記之七輝》

話說affa係沙田食唔到雪糕﹐於是決定番湯宿小賣食。番到去見到七傳on duty﹐二話不說每人一支雪條「責」數之後就順勢留係小賣食野吹兼同七傳玩﹐呀唔係﹐係玩佢。講講下突然間諗到一個affa創業大計﹐就係係小賣入貨﹐再用241既電蒸籠整熟食賣﹐七傳就想打沉我地話無論點我地要賺錢就一定賣得比小賣貴﹐唔會有人買﹐但anna好快就諗到解決方法﹐就係日日去小賣買野「責」人地數然後我地再賣熟食﹐可以無本生利﹐簡直就係解決241財赤既最佳辦法。當我地講到興起既時候就聽到今次受害者——七輝既聲音﹐佢同九剛一齊入左小賣﹐原來係因為九剛欠七輝太多人情﹐因此七輝要屈佢請食野﹐好可惜佢意識唔到佢呢個時候行入黎係惡運既開始...affa當然唔會放呢個黃金機會﹐係佢屈九剛既同時affa亦都屈左佢朱古力同茄片﹐佢掙扎一輪之後知道自己走唔甩﹐就唯有好豪咁掟左張廿蚊紙出黎﹐所以我加左句「咁豪﹐廿蚊唔使找啦﹐我地買夠佢咪得囉」。就係咁﹐原本七輝諗住屈九剛幾蚊零食﹐點知一山還有一山高﹐比人屈左廿蚊先走得﹐真係幾...七！

>>November 22, 2004 at 10:57:33 AM GMT+8

2004 年 11 月 19 日 星期五 【颳風】

預左唔上早堂﹐跟住一上stra tuto...又係咁...我諗我今個sem d course既分數全部都死係tuto手上...shit！之後去左傾demo﹐冇貢獻﹐因為搵唔到料...

兩點過左去睇中大超聯﹐soci生死戰﹐真係不成功便成仁...好野！終於都贏左一場﹐仲係阿亮既生日禮物添！不過我整親隻腳喇又﹐事緣係我唔信邪﹐唔信我樣樣都識係唔識踢足球﹐於是踢左一腳﹐就係咁燒焦喇...痛死我...

夜晚去左一個叔叔既喪禮。其實﹐生命都真係幾無常﹐無啦啦就會好似燈滅一樣﹐呢個世界上就少左個人。係咪就係話﹐有d野真係避都避唔到？就算幾注重健康﹐有d野會發生既就會發生...所以﹐真係要係有生之年珍惜所擁有既野同埋機會...
唔知自己講咩...

之後入左大尾篤join聯創部聚bbq﹐人少少﹐不過開開心心咁咪得囉﹐跟本就唔應該執著於有幾多人去﹑邊個去﹐因為呢個世界上邊有咁完美﹐個個都可以就得到？咪玩啦﹐我不嬲都唔信呢套...

今次冇得上水壩睇星﹐不過唔緊要啦﹐一定仲有機會既﹐下次我同你去睇好冇？

差d唔記得左講﹐番左uc之後我地竟然無聊到係湯石玩「朱古力朱古力搾牛奶」！我完全唔明點解d人做d咁gap既動作可以唔笑﹐我依然好佩服細o果時既阿庭﹐佢真係超gap...

>>November 21, 2004 at 8:24:55 PM GMT+8

2004 年 11 月 18 日 星期四 【微冷】

朝早走左堂諗住睇reading﹐當然又係失敗左啦...開完月會工得知ashley暈低左﹐嚇死...好似好嚴重﹐唔知佢身子咁弱...趕落去見tutor﹐well...又再一次係見tutor既時候釣魚﹐我諗我既印象分已經扣到就黎冇﹐又冇contribution...點解我成日都睇唔入腦架d reading！！激死我喇！

have a good night sleep！

>>November 21, 2004 at 9:44:18 AM GMT+8

2004 年 11 月 17 日 星期三 【颳風】

下晝要出房屋署﹐真係麻鬼煩﹐出到去哂左我兩個鐘﹐就係聽個officer問我阿爸d野﹐都唔係問我既﹐淨係問左我一句係唔係讀緊書﹐同叫我幫阿爸阿媽填哂d表就完成左我既任務﹐但我想話我花係呢d事上面既時間都只不過係半個鐘之嘛﹐頂...

校長夜話...真係好xyz...究竟將來既中大﹑將來既聯合係一個咩景象呢？

夜晚間房被「fyp團體」霸佔左﹐落左com睇reading﹐發覺真係嘈得滯﹐完全唔掂...

>>November 21, 2004 at 9:44:26 AM GMT+8

2004 年 11 月 16 日 星期二 【微冷】

四院賽﹐好神奇地﹐我竟然得左個第二﹐仲要係pb：150﹐真係發夢都冇諗過會過到呢個關口？唔通我真係仲有機會？如果冇既﹐就唔好比希望我啦...turbo同阿斌都破左中大紀錄﹐不過唔係自己pb。有d可惜﹐阿斌真係差少少咋﹐但我同佢都係玩埋今年﹐唔知我地仲有冇機會突破自己呢？仲有值得一提既係﹐阿仔贏左四百同唔知乜野﹐四百仲要破左紀錄﹐真係勁到呢~~~

比完賽去左食宵﹐無啦啦又拉埋alex去﹐差d叫埋肥仔去﹐咁又可以同埋阿芝黎個小型core組聚喇...感覺上覺得今年同uc田徑既人熟d﹐可能係因為有一部份一早就識啦...不過呢個始終都係一個非常短期既組織﹐如果可以有多d時間聚聚就好喇...下個sem既運動員聚餐等我積極d搵佢地一齊去先！





>>November 21, 2004 at 6:03:13 PM GMT+8

2004 年 11 月 15 日 星期一 【颳風】

我為自己的自私與醜惡而悲哀。

因為...
「這世上沒有公主；只有巫婆，與及自以為是公主的巫婆。」



但我知道﹐我始終都係個幸福既巫婆。

>>November 16, 2004 at 2:34:48 PM GMT+8

2004 年 11 月 14 日 星期日 【颳風】

周杰倫「無與倫比演唱會」~~~

開首的快歌與舞台設計的確很吸引，但最令我印象深刻還是以下環節：

兩套鼓與一個DJ的節奏演繹，令人血脈沸騰；
廣東話的獻世﹑償還及唯獨你是不可取締；
結他的星晴及回到過去；
粉紅色鋼琴與及黑色幽默﹑龍捲風﹑安靜；
超快版四手土耳其進行曲；
簫版李香蘭；
輕快的爺爺泡的茶；及
最簡單﹑最感動的簡單愛

衫時以為，我不會再次投入﹐但結果到了中段已完全投入結他及鋼琴聲中。

我依然覺得﹐他的舊歌比新歌好聽。我還是喜歡以前的旋律。

==================

湯宿正諮﹐冇野想問﹐唔知問乜﹐齋坐。

不過﹐都有用掛？

>>November 16, 2004 at 2:26:29 PM GMT+8

2004 年 11 月 13 日 星期六 【晴】

話就話早d起身睇reading﹐但卒之敵唔過睡魔既引誘...我開始懷疑﹐會唔會係d藥力太勁﹐如果唔係既話正常我點都應該起到身架喎...

下晝同alex出左銅鑼灣﹐行左陣再去睇戲。我都話唔應該行銅鑼灣...我又洗錢喇...shit！點解我會忍唔到手架？！雖然﹐件衫真係幾好...之後睇左《公主復仇記》﹐雖然冇彭浩翔之前果幾套戲咁過癮﹐不過呢套都幾好架！可以去睇下。

之後就趕番宿。聽佢地洗宿真係好搞笑﹐不過個時間真係唔多岩﹐因為d人多數最後果班車先番﹐佢地洗得太早喇~~

房既「設施」真係整極都唔得﹐都唔知點算﹐我地好想睇到《天涯俠醫》呀~~~

夜晚話要睇reading﹐但又係落左去同bit佢地吹水﹐shit...又掛住玩...

>>November 15, 2004 at 3:27:02 AM GMT+8