2006 年 7 月 8 日 星期六 【晴】

早一晚，凌晨四時多五時才入睡，不是觀看足球比賽，只是躺在床上不能入睡，第二朝九時便醒來了，怎也再睡不了，便起床了，結果，全晚只睡了四小時，一晚睡不覺，身體便立即差了。起床，心跳病發了不知多少次，也不知是否發作，只知道心跳令我很不舒服。胃不舒服，差不多一星期沒有胃口，昨天繼續無胃口，午餐吃了不多，結果整個下午胃也不適，七時更痛起來，又胃痛，又想嘔(或者加埋暈車浪)，晚上，美食太吸引，也怕了轉個頭又胃痛，比午餐吃多了一點(其實也比正常人份量少呢)，結果，不用半小時便再胃痛，痛了一個晚上。多吃又痛，少吃又痛，都不知怎樣才能不痛......

晚上，去了一座位於渣甸山的洋房，是至今我到過最豪的房子。大，它不算最大，小時候到姑姐家也比這裡大，但實在是最豪的一次。入門後有花園和流水淙淙的水池，花園旁放著乘涼的搖搖椅和木桌子(有點似音樂農莊)，接著，花園可以看到落地玻璃的大廳，卻要繞一個圈子才能進入客廳。客廳裡，有一個大三角琴(因為屋主是基督徒，三角琴上放了幾本詩集，好似返o左教會咁)，落地大銀幕電視機(不知那些叫甚麼，用投射器播映的那種電視機)，touch mon搖控(太high，唔識控製，大家都頓時覺得自己響里o左)，廚房旁有一個類似茶水間的東西(都不知用來做甚麼，是大排宴席時用作傳菜掛)，直上兩樓，是房間來的，還有一幅相信有數萬塊拼圖的圖畫鑲在大花板上，有一個小廳(其實不知是甚麼用途，所以小廳是我猜的)，再上三樓，一個類似playroom的地方和房間(無入過房，唔知咩樣喎)。屋主，其實唔係咁熟，見過幾次，印象中都只有談過幾句說話。不過，是一個好可愛的大細路，別人稱他為哈姆太朗，哈哈，又真的幾似喎~~~全間屋，最差的就是︰我在花園見到好大隻小強呀>_____<！
這世界真不公平，為甚麼有些人咁有錢，有些人又咁窮？？
不過，間中來來這裡開party，也不錯呢！！今晚，二十多人參加，除了公公和coco外，大約有十人是一般熟的(意思是我連他們的電話也沒有這種，但去過好多次街，食過好多餐飯)，還有一些只見了幾面，說話也不多的(包括屋主)，還有幾個是第一次見面的。面對這些不熟略的人，我今晚，已經是盡了我的力去social的了...當然，我的social能力，仍未逹到令人滿意的水平，因為，和別人談了兩句，我仍是走回公公的身旁.....(我唔想o架，我真係唔係social的人o麻，我盡了力o架啦~~~)
帶著胃痛，又回家了！幸好，有公公車我回家，否則，會更辛苦呢！

>>July 10, 2006 at 3:48:59 PM GMT+8

2006 年 7 月 5 日 星期三 【晴】

<<開心布吉遊>>
只是兩天之內，我們的台灣之旅便改為布吉之旅，機票訂了、酒店也ok了。hahahaaa.....興奮到爆炸呀！！！！
繼上年的蘇梅四傑後，四傑今年再出動，還加入了蓮逹媽媽連老公，布吉六傑成團！！
為隆重其事，大碧碧已買了新新泳衣，而pp和我，也密謀日子再買泳衣....hahahahaha....
布吉，我來了！
evason我來了！！
彩色魚魚，我來了！！！
靚靚珊瑚，我來了！！！！

興奮到不得了不得了不得了！
近日，已頻頻取回上年的蘇梅相出來回味回味了....yeah yeah~~~

碧碧、汶汶、葆葆，為了我們的布吉之旅，我會努力咁健康o的o架啦....只可惜，我都想控制得到........
大碧碧，謝謝妳呀^_______^

>>July 6, 2006 at 3:55:26 PM GMT+8

2006 年 7 月 5 日 星期三 【晴】

<<朋友仔send給我的感人故事>>
一篇由區樂民醫生所寫的醫生手記, 很感人的文章

有一位老婆婆 個子唔高 , 但係好肥 ,
行路既時侯需要拐杖支持。每隔兩個月老公公
都會陪老婆婆到醫院覆診, 因為老婆婆患有高血壓。某夜 ,
老婆婆左邊身麻痺入院 , 經過電腦掃描顯示右腦出血。我如實話比老公公知
佢無出聲 , 只係無奈咁望住我 , 淚水已經湧現。

第二朝, 意料之外 , 老婆婆既情況唔係想像中咁壞 ,
而且頭腦清醒。入院之後既第五日 , 老婆婆問我 :
呢兩日伯爺公點解無黎探我既 ?
一個實習護士話比我聽
早兩日老公公突然心肌梗塞 , 住左響對面既男病房。兩老無兒無女,
最親既都只係姪仔。今日, 姪仔帶左兩樽果汁黎醫院 , 先去探老公公
,再去探老婆婆。過左幾日 ,
老公公既病情剛剛穩定 , 就嚷住要出院照顧老婆婆, 經過一番溝通之後 ,
主治醫生諗左一個折衷辦法 : 首先老公公換番自己既衫 , 坐住輪椅
,由工友推到女病房門口 ,
而為左安全起見 , 醫生護士都要跟埋老公公一齊 .. 老公公蹣跚地企起身 ,
手執果汁, 走到
老婆婆床邊 :買比妳飲嫁。老婆婆嗲起黎 : 呢幾日唔見你既伯爺公 , 咩事呀?
病左咩? 老公公微笑 : 唔係呀伯爺婆 ...
姪孫結婚啦,我要幫佢打點一下嘛。呢一個,
係我咁耐以來聽過最動人最感動既一個謊話。

人生就好似變幻莫測既天氣 , 雖然可以預料 , 但往往都出人意表 ...
老公公既心臟日復日咁康復 , 準備出院那天 , 病情突然惡化, 撒手塵寰。

姪仔辦理完死亡證明之後就黎搵我 ,要求暫時唔好話比老婆婆知 ,
因為老公公死前遺言 : 照顧伯爺婆,
唔好話佢知我既事,唔想佢受剌激。呢個時候,
無一個在場既人唔感動唔流下眼淚, 包括我 ..... 當日我巡房既時侯老婆婆又問
:
伯爺公D果汁喝晒啦, 點解佢又不見人? 護士強忍眼淚 : 妳唔記得左咩?
姪孫過兩日結婚啦! 老公公要幫手嘛。第二朝清早 ,
我發覺老婆婆床頭多左樽瓶果汁,聽到護士同老婆婆話 :
老公公剛黎過 , 佢見妳訓得咁甜 , 唔捨得叫醒妳,放低果汁就走左啦。

當護士一轉身發覺我企響! 度既時候 , 立刻雙頰通紅。我微微一笑 ,
拍左佢膊頭一下, 慶幸佢果顆愛心
,不為歲月冷卻。當日下晝,護士長察覺坐響梳發對住窗望風景既老
婆婆無左呼吸 , 我迅速跑去一手抱起老婆婆,再聯同護士將婆婆放上病床急救
....搶救二十分鐘之後 , 我宣布失敗 ....

我一邊寫報告記錄 , 一邊諗起「陪著你走」既一句歌詞 :
如果, 走到這世界邊端 , 我倆已是無力前行 ,跟我一起飛去.....

護士長走過黎同我講 :
估唔到你咁大力,一手就可以抱起老婆婆。我只係報上微笑,
因為我已經唔想講任何野,我怕我忍唔住眼淚 ....老婆婆的確係好輕 ,
因為佢既靈魂已經跟老公公飛走左啦.....

”愛” -- 雖然只係一個字

但係無人或任何事物可以具體咁解釋呢個字 .....
正如糖好甜, 花好香 ... 根本無得解釋,要用心同親身體會先可以感受。
真正既愛~~應該係堆藏響心裡面, 去體會, 去感受, 去領悟.....
即使天會變~~月會圓 花會枯 人會老 .....

有生之年
請珍惜你所愛以及愛你既人


(到我老時，會有這麼的一個老公公在身邊嗎？)



>>July 6, 2006 at 2:45:07 PM GMT+8

2006 年 7 月 4 日 星期二 【晴】

<<開開心心小星星>>
一連兩天的系統評估過去了，對我、對星星來說，系統評估最開心的事是，星星出院回校考試。由於星媽媽要上班，中午帶了星星回校後，就由我這個班主任帶他回醫院。之前一天，我和葆葆帶星星去買雪糕，之後買飯回醫院。
今天，得到星媽媽的准許，我、葆葆，還有蘿蔔一放學便帶星星離開，去的是^_____^元氣壽司！hehee....星星表現好高興，好興奮，未放學，我們已在想去元氣會吃些甚麼了。因為星星只能食熟的壽司，所以選擇不多，但星星已經食得好開心，好滋味了！真的好耐無見佢咁開心啦！他大口大口的吃壽司，最愛的是軟殼蟹手卷。食完壽司，我們撘地鐡返醫院了！葆葆見東西就問星星食唔食，買唔買，星星好有禮貌，一一都說不要了，只有一樣說︰好呀！！就是keroro漫畫了！這樣，我們兩個老師，一個大姐姐就同星星去了漫畫店選漫畫。怕醜的星星，成晚都唔係好敢望人同答人呀！好可愛！！
星星，我們暑假再去玩啦！



>>July 6, 2006 at 3:54:01 PM GMT+8

2006 年 7 月 4 日 星期二 【晴】

<<面青唇白>>
今天，不斷有人告訴我，"你的面好青喎！"
其實，係近期都好青....
因為....我的心律不正隨著身體越來越差，就日益嚴重了。
自從上星期因為感冒請了四天病假，由那四天開始，每天都發作，而且，每次時間都比以前長。最近一次的高峰是手脈搏度得120/min，但心臟與手脈搏的次數不一，估計心臟大約是140/min，醫生說，跳到160/min我便會暈的了。
星期一，病假後第一天回校，午會時，手脈搏度得120/min，不能再站著了，天旋地轉，持續了一小時。共發作2次
星期二，沒有病發
今天，發作2次，其中一次數不到(因為太亂)，其中一次110/min，結果，今天就聽到很多句︰"你塊面好青喎!"
點算？三月時知道了自己有這問題，還滿不在意的在說，不要緊吧，耐耐都唔發作，發作都是十多二十分鐘吧。醫生寫了紙入醫排期check，也懶得去排(因為醫生說發作不密就不用理)
結果，三個月後的今天，情況嚴重了這麼多......去了排期了，但期到09年8月.....唔死得的，但經常這樣，令我覺得很辛苦，很不方便啊!!!!
最慘的，是我最愛的ice mocha、奶茶和可樂都要戒....>____<
我決定....戒...........一個月.....=p看情況有否改善^___________^

我唔想做手術呀.....今日跳舞個同學仔告訴我，個手術好痛o架！！！

>>July 5, 2006 at 2:49:16 PM GMT+8

2006 年 7 月 1 日 星期六 【晴】

今天天朗氣清，最好就是看星星。本來打算晚飯後到赤柱看星星....但....最後，在家樓下看了三顆明亮的星星代替....
明天上班了！

>>July 2, 2006 at 3:20:23 PM GMT+8

2006 年 6 月 29 日 星期四 【晴】

<<第四天病假天>>
病了第五天了，吃那些白粥、通粉已吃得我想嘔了！！昨天是病假天，卻沒有休息，去了醫院開會，今天，終於又要多請一天假了。
我的身體越來越差，以前病一兩天便會康復，每年只會病三四次，現在，兩星期病一次。今天持續的喉嚨不適，加上咳嗽，不能講書，但最不能返學的，是因為我繼續心跳，導致不斷頭暈，加上我的口供，原來一直以來不是我算錯，而是真有其事。我以為是我計算錯誤，原來真的可以心跳次數與手腕度得的脈搏是可以不一樣的。最後，被醫生說服了，到廣華排期帶機check心跳，去到醫院.....護士說，現在要排到09年.....09年？？？不是o麻，整整三年多呢....有甚麼事都死了！！既然去到廣華，當然探探星星吧~~~星媽媽和星星都驚訝我今天這麼早到，要不是要到廣華排期，或者今天不會去探星星的了。
巧合下，媽媽送來青紅蘿蔔湯^_________^真好！！

>>June 30, 2006 at 6:26:38 AM GMT+8

2006 年 6 月 28 日 星期三 【晴】

<<醫院會議>>
病假中，但到了醫院開會，會議是關於星星的案件，雖然我可以選擇不出席，但我當然不會吧！因為我也著緊今天的結果吧！由於會議結果雖暫時保密，所以不能在此透露，總知，是預期中最好的一個決定。
想不到，我提供的資料可以有決定性的影響.......

星星、月月，祝福你們！

>>June 29, 2006 at 2:09:39 PM GMT+8

2006 年 6 月 27 日 星期二 【雨】

累到爆，但不能入睡，眼皮累得掉了下來，但仍是不能睡。頭暈暈的，甚麼也做不到......連晚上也不能睡......................
吃不下，餓得很，但沒胃口，吃不下.................

今晚osman堂很想上，只是，頭暈暈的，去到也上不到
四天沒有探星星了，不知他怎樣呢？！
明天雖是病假天，但仍是要到醫院開會呢......期待明天的結果，希望，明天之後，星星、月月有好日子過吧。

>>June 28, 2006 at 12:32:58 PM GMT+8

2006 年 6 月 26 日 星期一 【晴】

<<病假天>>
這個學期請了八天病假了！看來，我的身體真的很弱........昨天頂硬上返學，以為這些試後時間，應該可以捱得過的，怎料......也很辛苦，每說一句話都吃力，站著更是吃力，要罵人就更加更加吃力............結果，今天仍是請假了.................
醫生說，開藥給我也真的難，我的胃很弱，心臟也弱，要不疲倦的藥，就必會刺激心臟。另外還要不傷胃的，很難才開到合適的藥呢~~~
我這個軟弱的軀幹，為何會弱得如此可憐？？

兩天沒有探星星了，他怎麼樣？

>>June 27, 2006 at 1:16:50 AM GMT+8

這是魚魚的日記簿，記載了魚魚的生活、感受。願來光臨的人能從我的生活，我的改變，看出上帝的大能!!! 廣告 讀者留言 |  路人留言   | 仲有我記得來呀… <br>雖然遲 >>January 28, 2011 at 5:19:52 PM GMT+8 仲有我~~ >>December 17, 2010 at 1:27:55 AM GMT+8 看到妳的日記, 我也感受到一篇出 >>March 16, 2010 at 2:09:20 AM GMT+8 很久沒有看你的blog了, 因為 >>March 11, 2010 at 8:33:30 AM GMT+8 好野 ~ 到你la ~ <br> >>March 3, 2010 at 12:34:20 AM GMT+8 B姐,對象當然係我啦,佢成日話我 >>February 17, 2010 at 1:35:13 AM GMT+8 「敬拜由新郎領，司琴由新娘做，訓 >>February 15, 2010 at 3:27:48 PM GMT+8 wa~ 你好靚喎~ 兩條裙都好靚 >>February 12, 2010 at 11:15:28 AM GMT+8 魚哥哥仍會講"半夜三更，捨得訓未 >>February 11, 2010 at 12:29:06 PM GMT+8 半夜三更，捨得訓未呀？？！ <b >>February 10, 2010 at 9:34:18 AM GMT+8 做咩唔開心呀.. 有咩打電話俾我 >>February 5, 2010 at 3:03:42 AM GMT+8 今天突然想起妳的日記, 到來看看 >>January 20, 2010 at 6:45:28 AM GMT+8 加油阿!cherry! <br> >>September 13, 2009 at 2:54:51 PM GMT+8 共勉之喔，雖然我都覺得很累!!! >>September 10, 2009 at 2:45:34 PM GMT+8 暉暉︰有錢，並不代表受高等教育， >>August 9, 2009 at 1:10:48 PM GMT+8 我以為你&#21707;個D高級 >>August 8, 2009 at 12:14:35 AM GMT+8 哈哈，通常醉了的人都說自己沒有醉 >>August 4, 2009 at 5:08:49 PM GMT+8 暉暉︰想不到，後來更喜出望外啊~ >>August 3, 2009 at 3:57:06 AM GMT+8 哈哈，沙灘日...真係好"喜出望 >>July 30, 2009 at 3:12:48 PM GMT+8 咁幾時有得食呀~~~ >>July 13, 2009 at 3:55:07 PM GMT+8 我地都好耐無食過你整既湯圓喇~~ >>July 12, 2009 at 10:46:17 AM GMT+8 哈哈，又俾我找番你條日記link >>July 12, 2009 at 12:51:15 AM GMT+8 請問彈彈湯圓是什麼東東?? >>July 11, 2009 at 6:15:30 PM GMT+8 我個名都串錯，唔開心0羅!! < >>June 19, 2009 at 12:02:46 PM GMT+8 嘩!~ <br>轉會都收到咁多禮 >>June 16, 2009 at 3:50:01 AM GMT+8 妳要保重身體哦~~ <br>宜家 >>June 10, 2009 at 3:46:31 PM GMT+8 其實我自己有時也會消一消失呢!所 >>May 30, 2009 at 4:45:11 PM GMT+8 咁Mark姐話你cool嘛，咁你 >>May 27, 2009 at 3:35:38 PM GMT+8 Yeah~ Cherry,歡迎你 >>May 21, 2009 at 2:36:24 PM GMT+8 翠翠好叻丫! 妳真低調啊! 也不 >>April 5, 2009 at 11:51:42 AM GMT+8 翠翠好叻女丫!!!!!!!!!拿 >>April 4, 2009 at 2:27:57 AM GMT+8 叫魚嫂嫂,蛋嫂嫂又或者笨蛋嫂嫂都 >>April 2, 2009 at 6:12:22 AM GMT+8 take care翠翠！！！ < >>March 23, 2009 at 4:30:49 PM GMT+8 保重丫! 快d好返星期四回5同我 >>March 22, 2009 at 2:40:33 PM GMT+8 I miss Mei too~~ >>February 26, 2009 at 11:36:03 AM GMT+8 這陣子,我也常常想起她,十分十分 >>February 21, 2009 at 11:21:38 AM GMT+8 甚麼？難以置信！！ <br>可以 >>December 10, 2008 at 9:42:41 AM GMT+8 酸薇薇, 雖然我唔認識妳.. 知 >>December 10, 2008 at 3:48:09 AM GMT+8 哇哇哇！！！！我好喜歡那兩幅外星 >>November 9, 2008 at 5:31:15 AM GMT+8 我都好享受考試週每日都有半天假丫 >>November 5, 2008 at 2:17:41 PM GMT+8 to:pp <br>係喎~差點唔 >>November 2, 2008 at 5:31:04 AM GMT+8 對上一次應該沒有10年吧!去Li >>October 27, 2008 at 2:23:33 PM GMT+8 Cherry,唔好放棄!!!因為 >>September 23, 2008 at 11:17:29 AM GMT+8 翠翠,妳真是一個好老師喔! <b >>September 20, 2008 at 4:15:32 PM GMT+8 take care 碎碎 <br >>September 8, 2008 at 3:25:23 PM GMT+8 我和妳一樣打敗仗哩! 一同保重丫 >>September 7, 2008 at 2:23:21 PM GMT+8 Te amo. >>September 2, 2008 at 6:09:38 PM GMT+8 你當年那一班真的有好多經典人 < >>August 26, 2008 at 10:27:22 AM GMT+8 哇~~~~~~~~~~原來你和碧 >>August 21, 2008 at 3:42:37 PM GMT+8 好耐無用房電腦..好耐無上來留言 >>August 20, 2008 at 5:26:11 PM GMT+8

人氣: 107078

Design & Scripting by ShowHappy.Net