2006 年 7 月 26 日 星期三 【乍寒還暖】

<<愛情魔髮師>>
最近在衛視播著台語片︰愛情魔髮師，看見是青蛙一劇的八成班底，便坐著看看。哈....橋段勁相似，那些感動的位置，劇中人所做的事，我只看了兩集，也發現很多相似的地方。不過，仍有它的吸引力，男孩子都會覺得這些戲太老套了，在這個悠閒的暑假，如果有人借給我看，也不錯啊...只是，要我自己買，我便不會了！
蘿蔔︰妳沒錯，妳提早給了我心理準備，否則，八月尾才知會很痛苦的！！是呢，我想問，我要教高班嗎？？
汶汶︰是呢！我小時候已經是打機皇來的了，只是工作後太忙碌，所沒有打機呢....我小時候很渴望有一部Game Boy的，現在，才擁有我第一部的手提遊戲機呢！！hohoooo....

>>July 27, 2006 at 2:56:55 PM GMT+8

2006 年 7 月 26 日 星期三 【乍寒還暖】

<<噩耗>>
收到了公公的電話，還暢談了半小時，本應是非常高興的........只是，長途電話談到一半，收到了蘿蔔的電話，沒有接聽，但及後再與蘿蔔通電，結果，噩耗就來了........明年....明年.....明年.....我無得教一仔，再戰三年級.....教三仔，繼續TSA已經慘，還要接手芷筠的一班，就慘上加慘慘慘......唔制呀唔制呀>___<咁我情願要跟蕭導師，要全年開備課會，都唔想接芷筠的一班.......兩個文盲的南亞學生....上年來自印度的Harmanpreet已經把我激得半死，熟識我的人都知，因為Hamanpreet，提起印度我就怕怕，他還好一點，因為他不是文盲，南亞學生來說，已經算ok了！中文是不合格，但總叫懂得認字寫字，最慘的還是和他的家長溝通罷了...只是芷筠一班的巴藉和不知那藉的南亞學生，因為沒有讀幼稚園，家長又沒有花心思幫助他，結果，到二年級最後一次考試時，最多也只是懂得把題目出現的字抄在答案欄，沒有文法也不合理....教我怎去改他的文？？還要有上年弄得蓮達一頭煙，家長和學生都有問題的岑澤澤.....救命呀！！！！還想下年改一改，可以做個無咁惡的老師(一入沙崙就要做黑面老師，皆因校長給了我一班反抖星，他們把一年級的班主任嚇走了，是校內數一數二的頑皮班，所以二年級一接手，我就要做一個黑面老師了)....看來，這班學生，我要像在懲教所的教官般對待他們.....小惡霸岑澤澤，好惹事生非，不能罵，又愛面子，又愛頑皮，媽媽更甚，又麻煩，又說謊，又無理.....我情願教陳氏大家族的小弟弟了......達達.....我下年的命運會否和你今年的命運一樣??????我想死呀...嗚嗚嗚嗚.......點解唔俾我教一仔，又唔俾玲玲那班我，唔俾汶汶那班我，偏偏要俾這班我呀？？？學校到底是看得起我，還是想我死？？？？哇哇哇.....媽咪呀...........由興奮的心情，就這樣.........我down了一個下午了........嗚嗚嗚......回想起那不能盡數，約二十篇文一個學期的日子.....每星期改文改文改文改文的日子.....我還要多教一年呢...............如果，真是每人教一個TSA科目的話，可以讓我教數不教中嗎？？？？？........................................

>>July 27, 2006 at 8:53:46 AM GMT+8

2006 年 7 月 25 日 星期二 【清涼】

等到了公公的電話了，雖然只有三分鐘，但我知道公公已經好努力的打電話給我了。昨晚本來因為打不到俾公公好唔開心的，今晚終於都聽到了~~~
公公要飛美國了！！還約定了明天的電話約會。不要爽約啊~~~

PSP取回來未夠一星期，想不到，咁快就爆機了....不過，還可以繼續玩0丫~~~我想....買新game呢.....
豬妹，全都是小小小禮物，不用言謝喎~~~

>>July 26, 2006 at 5:26:44 PM GMT+8

2006 年 7 月 25 日 星期二 【晴】

<<暑假的第一天>>
我是否一個工作狂？？第一天的暑假，我竟然覺得........................好悶~~~~
本來打算今天去剪髮的，但昨晚收到公公的e-mail，告訴今天會打電話給我，擔心剪頭髮時收到公公的電話，會再一次miss了公公的電話，結果，整天待在家中，電視看過了，漫畫看過了，機也打過了，最慘的，是不斷的食零食，怎減肥？？太悶了，停不了口.............並不是晒命所以在這裡說放假很悶，而是.....我真的很悶，未放假前，日望夜望都是這個暑假，幹嗎現在放了，卻又感到失落？？？
公公，你是打電話給我的嗎？？可以告訴我你在那時打給我，別讓我整天待在家中等等等等等....可以嗎？？？

>>July 26, 2006 at 9:03:42 AM GMT+8

2006 年 7 月 25 日 星期二 【清涼】

<<放暑假>>
我放假了！！我的暑假正式開始，雖然比好多同行已經遲o左好多，但係，我都已經唔係最遲放的人了...可憐的主任們，還未有假放呢.....所以話呢....俾我都唔做主任呀！！
今日帶隊科學館，編中我帶的一組全是上午校學生，一個都唔識，而且，再一次證明，上午校的學生是差過下午的好好好好好多呀！！今日五個上午校男生，把我激死了！！公眾場所，也忍不住要罵罵罵！！！

放工時，想起了星媽媽，星媽媽今天打電話給我，說想明天到學校見一見月月，不知為何，我突然想，現在我十多天不見公公，也非常掛念呢，更何況星媽媽已經半個月無見過月月，而且之前都只係係醫院見到，無咩講過o野，點會唔掛o丫....親生骨肉o黎o架o麻.....而且，公公咁大個人，我都會擔心佢啦，咁月月咁細過，可想而知媽媽有幾咁擔心佢啦...當我咁樣諗時，突然更感受到星媽媽想念和擔心月月的心情......接著....想起了我的媽媽........唔怪得媽媽成日同我講掛住我啦......................

奇雲，有時，習慣成自然，佢成日都唔係香港，都習慣o左會係咁啦，而且，今次係真係打唔到，咁唔得都要得o架啦.......我都好想日日都講到電話呢~~

>>July 25, 2006 at 5:48:55 PM GMT+8

2006 年 7 月 23 日 星期日 【清涼】

<<小一新生>>
小一新生適應，鴨仔們，比我想像中難搞，也比我想像中頑皮。原來讀過幼稚園和未讀過的，真的相差好遠，想不到，中國人，一年級，竟然連一粒中文字都唔識寫，只係照住抄o即，都無話要寫o岩o丫，但最少....似似地樣掛....但真係一劃都寫唔出，實在唔明白....有人五分鐘寫完，有人半小時都未寫完，點搞....另外，頑皮童實在難搞，勁出位，一次又一次又一次又一次叫佢返埋位，但繼續都係出位...昨晚祈禱已求天父比我更大的耐性的了，耐性是大了，但也實在是忍忍忍忍忍唔住啦！！！我...的確....係個.....勁惡的老師~>____<~....班中有兩個新移民.....其中一個還好，懂聽半不懂講，半國語半廣東話，勉強還聽得明白她說話。但另一個.......................全國語呀！！！廣東話....我想她聽到七八成啦.................唔得呀唔得呀，下年如果要我教這班，我想未必得呀........(不過，今日第一日，唔好嚇親佢o地，但開學後，一仔都係可以罵的...heheeee.....)
最開心的，是一到達禮堂，便看見了月月，還聽到她細細聲但清清楚的叫︰譚老師~~聰明叻叻的月月，竟然懂得讀碧、怡、芷、筠這些字呢！！看著名牌，一些未見過的老師都懂得叫，好叻呀！！！唔想寵壞你，做壞規舉，但實在禁不住要過來和你玩一玩，談一談呢！！^___^高興！

<<書展>>
書展的收獲不少，但....大部份的都是幫學校買的，有宗教組的七本兒童宗教書籍，還有視藝組的黏土書。而我自己，只是買了一本草日漫畫和一隻VCD，最大收獲的，算是在黃巴士買了等了很久的兜兜雨傘和相架...HEHEEE....這個是今次入書展的目的呢！！

書展後，和豬妹去了附近的DELIFRANCE，是新的一種。結果，令人極度失望，連肉醬意粉都可以難食的，還可以有更差的嗎？？？？PIZZA是OK的，但千萬別試意粉！！而且，服務態度奇差，第一碟點的海鮮意粉，竟然是乾的....全個都無汁，意粉是滾水煮熟後上碟，可想然之，又軟又淡勁難食，真的吃不下，請侍應取回添一點汁，侍應竟然說︰無得加O架喎.\_/.就算真係無，係咪都應該講句唔好意思呢？？？！激鬼氣，同佢講，無得加呀，咁俾張意見書我O丫！放低意見書，粒聲都唔出，接著，叫佢叫經理過O黎，經理總算OK一點，最少懂得說唔好意思，但都係無行動O架喎，直到我講，咁點先，真係好難食喎，我而家唔要呀！佢先話換過第二款意粉俾我....有無搞錯呀！！！應該一早就講啦！結果，我們換了最穩當的肉醬意粉，仍然難食，但總算是能入口...........tips???當然一毫也不俾！還繼續在填那意見書，還要拿走寄回總部！！豈有此理！！！

明天五年級科學館....我死啦！！！點解仲要我對住五年級？？？(咆哮~~~)

一夜間有咁多留言，實在興奮~~~~~~~~~~~~~~hohohohohohoohoooooo
暉暉，謝謝妳的支持呀！！不過..............samuel pre study時，真係明白好多o架喎......
pp，係呀！排過o架，唔係叠住晒影唔到個pooh樣同虎樣呀！！謝謝捧場呀！！！下次再去買o丫，我都想買埋豬仔呀！最衰無伊唷啦！唔係有齊四隻就好啦！
蓮達，俾唔到你呀，因為你唔洗返工.....下次整去俾謙謙同柔柔食o丫^____^我話過要收買定柔柔等佢出世同我玩o架o麻...hheheheee....(奸笑)
蔔蔔，唔洗客氣！！！我今日見到月月都好開心呀！！

>>July 24, 2006 at 6:41:55 PM GMT+8

2006 年 7 月 22 日 星期六 【清涼】

<<等到啦>>
一朝早，還未起床，電話響起了，模模糊糊的拿起電話，傳來一把聲音，立時全個醒晒。因為，等了多天，終於等到公公電話了，對上一次星期四，談了三分鐘電話，今早，終於可以好好同公公講一陣電話了，簡直欲罷不能，就談了差不多半小時了^________^等到頸都長了！！公公離開至今已經十天了..........................還有......六天！！！努力呀！！

晚上，小熊曲奇出世了！！樣子好得喎，真係成個樣出晒，只是今次我落粉多了(因為我屋企無磅o架，次次都係斷估o架咋)，所以比以前硬了.....

差點忘記了明天要返學呢，看看明天可以見到邊個，就可以試到小熊維尼曲奇啦....

小一適應週，希望見到月月啦！
PP︰無錯呀！勁驚險呀！如果因為買保險而唔見o左部機就真係一o的都唔保險啦>__<

>>July 23, 2006 at 4:59:25 PM GMT+8

2006 年 7 月 21 日 星期五 【晴】

<<驚險>>
今早，早餐也未食，便去了領取我的匯豐禮品---PSP，失望的，因為一直期待的白色已經換完了，只餘下黑色，本來打算繼續與公公黑白配，佢黑我白的(我們的電話、ipod都係佢黑我白o架)，最後，只有黑色.....我鍾意白色多好多o麻.....但要等到九月才取，我又不想啊(見到魚哥哥有得玩我無得玩會唔開心o架，同埋我在暑假是最多時間玩的了)，雖然失望，但也高興咁就取了部PSP回家，只係$280元咋^__________^...SOOOOOO AR~~~~
之後，順路去埋教協買旅遊保，買完，影埋印，滿心高與的離開教協，還在為今天一早已經做了很多事而高興，撘完升降機，去到地面...e???我的PSP呢？？不見了~~~我在買保險時漏了在教協呢~~~十萬火急的回到教協，好在！！在教協出末的，絕大部份都是教師，o的人無咁貪心的，一去到counter，就見到我部PSP已交到櫃台姐姐了.....舒了一口氣！！我諗，如果我真係唔見O左，我一定好好好好好唔開心O架...會喊O架>___<連包裝紙都未開喎......姐姐話，係一位太太拾到交俾佢O地O架，真係好啦！！^__________^，開心晒！！之後，就去食我的早午餐，搞了一輪，已經點半O架啦，本來出街食，但我怕我食完又再漏在食店，所以決定.....買回家....公公知道，又會叫我做"XXX...."O架啦....................玩了兩小時，由十級玩到一級，返完教會，回家與魚哥哥對戰，再由一級去到兩道....

今晚，係我五六年以來第一次帶查經呀，中學時，還有間中在教會帶查經(但真係勁間中喎)，但入了IED後，已經無再帶了，今次還要在心靈綠洲帶，好大挑戰啊~~~實在，同以前差得遠，大家一係唔問，一問的問題都非常深，我唔敢解，亦唔識解啊.....而且，氣份頗差，大家都好似唔係好知我講咩，亦都唔係好熱烈回應......我見大家唔出聲，又唔識得引導大家出聲，最後又自己講埋答案出來......實在....好難帶啊~~~雖然帶得唔好，但大家都好鼓勵呢~~~(帶之前大家都知我係新手O麻~~)
還有一星期，公公便回港了！

>>July 22, 2006 at 5:30:17 PM GMT+8

2006 年 7 月 20 日 星期四 【晴】


各位姊妹，我們的團刋封面已大致完成....只是......我把蓮達的大眼睛弄化了>__<
放心吧，我會用方法盡量修補o架啦......


>>July 21, 2006 at 2:35:45 PM GMT+8

這是魚魚的日記簿，記載了魚魚的生活、感受。願來光臨的人能從我的生活，我的改變，看出上帝的大能!!! 廣告 讀者留言 |  路人留言   | 仲有我記得來呀… <br>雖然遲 >>January 28, 2011 at 5:19:52 PM GMT+8 仲有我~~ >>December 17, 2010 at 1:27:55 AM GMT+8 看到妳的日記, 我也感受到一篇出 >>March 16, 2010 at 2:09:20 AM GMT+8 很久沒有看你的blog了, 因為 >>March 11, 2010 at 8:33:30 AM GMT+8 好野 ~ 到你la ~ <br> >>March 3, 2010 at 12:34:20 AM GMT+8 B姐,對象當然係我啦,佢成日話我 >>February 17, 2010 at 1:35:13 AM GMT+8 「敬拜由新郎領，司琴由新娘做，訓 >>February 15, 2010 at 3:27:48 PM GMT+8 wa~ 你好靚喎~ 兩條裙都好靚 >>February 12, 2010 at 11:15:28 AM GMT+8 魚哥哥仍會講"半夜三更，捨得訓未 >>February 11, 2010 at 12:29:06 PM GMT+8 半夜三更，捨得訓未呀？？！ <b >>February 10, 2010 at 9:34:18 AM GMT+8 做咩唔開心呀.. 有咩打電話俾我 >>February 5, 2010 at 3:03:42 AM GMT+8 今天突然想起妳的日記, 到來看看 >>January 20, 2010 at 6:45:28 AM GMT+8 加油阿!cherry! <br> >>September 13, 2009 at 2:54:51 PM GMT+8 共勉之喔，雖然我都覺得很累!!! >>September 10, 2009 at 2:45:34 PM GMT+8 暉暉︰有錢，並不代表受高等教育， >>August 9, 2009 at 1:10:48 PM GMT+8 我以為你&#21707;個D高級 >>August 8, 2009 at 12:14:35 AM GMT+8 哈哈，通常醉了的人都說自己沒有醉 >>August 4, 2009 at 5:08:49 PM GMT+8 暉暉︰想不到，後來更喜出望外啊~ >>August 3, 2009 at 3:57:06 AM GMT+8 哈哈，沙灘日...真係好"喜出望 >>July 30, 2009 at 3:12:48 PM GMT+8 咁幾時有得食呀~~~ >>July 13, 2009 at 3:55:07 PM GMT+8 我地都好耐無食過你整既湯圓喇~~ >>July 12, 2009 at 10:46:17 AM GMT+8 哈哈，又俾我找番你條日記link >>July 12, 2009 at 12:51:15 AM GMT+8 請問彈彈湯圓是什麼東東?? >>July 11, 2009 at 6:15:30 PM GMT+8 我個名都串錯，唔開心0羅!! < >>June 19, 2009 at 12:02:46 PM GMT+8 嘩!~ <br>轉會都收到咁多禮 >>June 16, 2009 at 3:50:01 AM GMT+8 妳要保重身體哦~~ <br>宜家 >>June 10, 2009 at 3:46:31 PM GMT+8 其實我自己有時也會消一消失呢!所 >>May 30, 2009 at 4:45:11 PM GMT+8 咁Mark姐話你cool嘛，咁你 >>May 27, 2009 at 3:35:38 PM GMT+8 Yeah~ Cherry,歡迎你 >>May 21, 2009 at 2:36:24 PM GMT+8 翠翠好叻丫! 妳真低調啊! 也不 >>April 5, 2009 at 11:51:42 AM GMT+8 翠翠好叻女丫!!!!!!!!!拿 >>April 4, 2009 at 2:27:57 AM GMT+8 叫魚嫂嫂,蛋嫂嫂又或者笨蛋嫂嫂都 >>April 2, 2009 at 6:12:22 AM GMT+8 take care翠翠！！！ < >>March 23, 2009 at 4:30:49 PM GMT+8 保重丫! 快d好返星期四回5同我 >>March 22, 2009 at 2:40:33 PM GMT+8 I miss Mei too~~ >>February 26, 2009 at 11:36:03 AM GMT+8 這陣子,我也常常想起她,十分十分 >>February 21, 2009 at 11:21:38 AM GMT+8 甚麼？難以置信！！ <br>可以 >>December 10, 2008 at 9:42:41 AM GMT+8 酸薇薇, 雖然我唔認識妳.. 知 >>December 10, 2008 at 3:48:09 AM GMT+8 哇哇哇！！！！我好喜歡那兩幅外星 >>November 9, 2008 at 5:31:15 AM GMT+8 我都好享受考試週每日都有半天假丫 >>November 5, 2008 at 2:17:41 PM GMT+8 to:pp <br>係喎~差點唔 >>November 2, 2008 at 5:31:04 AM GMT+8 對上一次應該沒有10年吧!去Li >>October 27, 2008 at 2:23:33 PM GMT+8 Cherry,唔好放棄!!!因為 >>September 23, 2008 at 11:17:29 AM GMT+8 翠翠,妳真是一個好老師喔! <b >>September 20, 2008 at 4:15:32 PM GMT+8 take care 碎碎 <br >>September 8, 2008 at 3:25:23 PM GMT+8 我和妳一樣打敗仗哩! 一同保重丫 >>September 7, 2008 at 2:23:21 PM GMT+8 Te amo. >>September 2, 2008 at 6:09:38 PM GMT+8 你當年那一班真的有好多經典人 < >>August 26, 2008 at 10:27:22 AM GMT+8 哇~~~~~~~~~~原來你和碧 >>August 21, 2008 at 3:42:37 PM GMT+8 好耐無用房電腦..好耐無上來留言 >>August 20, 2008 at 5:26:11 PM GMT+8

人氣: 107073

Design & Scripting by ShowHappy.Net