Showhappy.net - Members diary

日記

日記主簡介

<< 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 >>

2006 年 8 月 29 日星期二【晴】

PP、汶汶，謝謝支持！！但離開的主因當然不是他...而是，我真的不想以學校教育為我的終身職業，正如汶汶今天說想進修音樂，再到更專業的地方去。
不過，現在仍是考慮中的階段，而且，這個階段都幾漫長呢~~繼續靜待教統局有何改變，要是工作量、工作環境繼續如此，離開只是遲早的問題吧。
教統局再無改變，教育界盡失人材，餘下的.........會是那些人？？
我相信，只有兩種人.....
少部份是對教學極有熱誠，忠於教育界的人
大部份會是那種人？？......

>>August 30, 2006 at 3:45:45 PM GMT+8

2006 年 8 月 29 日星期二【晴】

<<不幸之中有點光>>
今朝第一個好消息，Auntie和朱主任報喜道︰校長答應了換人啦~~~
hahahaaa....即刻擁著Auntie說謝謝~^______________^~
與陳副校對調了，陳副校和何校面色當然不好看，但她們面有難色，總好過我一年裡都面有藍色吧(嚇死了或中毒了)......mentor仍然要做，但換了個人，已經好多了！但福音事工小組就不能推了，因為今年是所有科任的工作了......為甚麼我教的科目，都包了些其他工作？
視藝科包了全校不同日子、不同活動的佈置
聖經科包了全校的福音事工.....
幸好沒有音樂科，要不是還要包了每星期的領詩和司琴工作.....
三科有額外工作的科目，我竟佔了兩科......(別以為聖經好教，其實一點也不好教)

晚上，終於能夠和公公去了青馬大橋的觀光站。原來，兩年來教三年級的一課課文，正正是談及這個地方呢^____^是一個很美麗的地方！！
明天，大部份同事都不用開會...但...我要...............................

>>August 30, 2006 at 3:37:58 PM GMT+8

2006 年 8 月 28 日星期一【晴】

<<黑>>
點解會咁黑？今日係星期二，唔係星期五0丫...今日係29號，唔係13號0丫...點解會咁黑？？！
明天無啦啦晨早開多個會，都算數啦....
今日返去，校長無啦啦叫我做mentor，我今年已經無啦啦做了視藝副組長，又做埋靈育，做咩事無啦啦又做埋mentor？我入職只係第三年，其實，好多0野我都仲要人提點，點解我咁快要做mentor？？我估，我都應該係花崙創校已來第一個只入職兩年的人會做mentor的了~~唉~~做mentor都算啦，仲要係一個超"奇哩"的奇哩怪....一個比我年長三年的男老師....女老師做男老師的mentor已經難的了，還要是一個比我年紀大的男老師...我如何有說服力呢？？？他對校長說︰她(即係我)也是新來的嗎？？是的，我的外貌實在比他更像新來的.....一個畢業六年，只做了一年教職，其餘都是part time 工作，可想而知他的工作能力了....我都知難請人，但校長，總不能係人就請掛？？！
想哭....我真的想哭....晚上跟公公說起他時，我真的很想哭...............
校長到底是看得起我，還是與我有仇？？

因為這個人，令我更想快一點離開這裡..............

>>August 29, 2006 at 1:20:09 PM GMT+8

2006 年 8 月 27 日星期日【晴】

<<痛>.<煩>>
腰骨痛~~~開了一星期會，腰骨勁痛......頭也勁痛......中文科的單元教學，實在頭痛....好煩呀~~~
工作一年比一年繁重，今年，我將會擔任了視藝科的行政助理，個名係行政助理，其實即係副組長...唉~~不過，正常0既，係學校有返三五年，點都要做返些行政工作，做視藝，都總好過做中數....希望今年同葆葆合作，唔好變了反目啦~~~~~>__<~~~~~~唔得0架！！我0地係好好好朋友0黎0架0麻.......
聽到朋友仔找到學校工作，我也替她高興...唉....點解...人0地起薪pt.13，我就pt.11？？人0地專科教art，我就咩科都教？？唔同0既，這幾年，人0地在RMIT讀了個degree，係明正言順的一個藝術人....其實....我都想專科教art，我都想讀個art學位，只係，現在要進修的，已經怎也追不到教統局要求，我怎能讀我自己想讀的，但可能完全唔吃香的科目呢？？但係....長遠來說，想走出教育界，想開我的陶藝中心，想做我的陶藝cafe，我是非要讀一個正式的藝術課程不可的....不過.....我應該何時去讀？？讀完我的小學教育學位後？？讀完小學教育學位後再追埋個普通話基準後？？還是放棄現在的一切，儲夠錢，就去讀我的藝術？？？唉~~~~~教育界，越來越灰了~~~

碧碧，歡迎妳的光臨呀！我諗，你同我的同感一樣，要走出教育界，找尋我們的藝術路向....
魚哥哥，個蛋糕一peat peat，唔好食0架！好在你無食咋...不過，如果食了，或者，會上演一幕真人版<<十五星級的家>>哈哈......pp、蘿蔔，妳話係咪？？

>>August 28, 2006 at 2:58:13 PM GMT+8

2006 年 8 月 26 日星期六【晴】

<< 週記>>
好明顯，開工的日子到了，因為日記又再轉做週記....太忙了~~沒時間寫....
星期一，和親愛的飯團們吃了個開工早餐，八點九，返到學校....開會開會開會....直到五點....
星期二，八點半開會，開到五點半，回家睡了一會，吃了個媽媽生日飯，再去<<十五星級的家>>的final rehersal....十二點幾返到屋企，好眼訓
星期三，八點半到五點半開會，放工"拿拿林"去藝術中心，做<<十五星級的家>>的前主，都幾悶呀....開場後，無咩人，但要繼續坐counter.....完場，搞一大輪，都十一點幾先返屋企
星期四，八點半到五點半開會(四點完0左)，因為訂了兩束花，所以必須等公公來學校一起拿花，去到藝術中心，七點九，剛剛好入到場，包都食唔到個呢~~九點半，食了個公仔麵，開始了慶功宴，全晚無咩講套劇，但竟然講鬼故....嚇死我啦！！唔敢去洗手間，唔敢沖涼....但同一眾真係幾乎唔識的工作人員混熟了，特別是melody.....三點半先訓.....超累
星期五，繼續八點半到五點半開會，中途空當時間都自發性開埋會，等公公收工，食了個飯，和公公一齊幫jelly搬0野，又兩點半先訓
星期六，九點至一點開會，接著趕回家，要進行公公生日的各項預備，小睡了一小時，極度疲累下返教會，崇拜加小組，今晚終於早一點，十一點回到家....但未訓得，因為生日準備未完成，繼續生日咭製作...
星期日，公公生日，早上起身繼續未完成的生日預備，訂桌子晚飯、訂戲票、生日咭製作，十一點多出門口，準備為公公慶早生日。
節目一︰morning call+一小時賴床
節目二︰失敗的tiramisu，一"peat peat"的 =p ，極度醜樣，所以都無謂影相了....
節目三︰ifc午餐
節目四︰加勒比海盜：決戰魔盜王，原來好得人驚0架...嚇死我~~
節目五︰西宮晚餐，謝謝葆葆的推介+蓮達的大力讚揚，的確係唔錯呀！！

自覺最失敗的是節目二，因為真係好肉酸，但...公公最滿意的節目，竟然是它.....公公總是在我認為最醜的地方欣賞我的=)，說謝謝的，應該是我呢~~

"奇哩"生日咭引來公公再三發笑，成功~~~hohooo......

今晚，我和公公過了愉快的一天
公公，生日快樂呀！！
我都好快樂呢~~

>>August 27, 2006 at 4:08:48 PM GMT+8

2006 年 8 月 19 日星期六【晴】

<<朗豪聚會>>
中二同學小聚會。這班老朋友，中二開始認識，其後分佈於不同的班別。歷史班、文學班、理科班。雖然這班同學仔所讀的科目都不同，但心裡仍然有著對方。相對於中四五的理科同學仔keep得更長久。理班同學仔應該也有三四年沒有見面了。

我們相約朗豪酒店食tea buffet，只可惜.....質素奇差！！
一不抵︰好貴！百六蚊，lunch buffet都食到啦~~
二不抵︰少款！連最基本的三文魚魚生、芝士蛋糕都沒有！我想food court應該多好多0野食0羅....(唔數有咩食啦....總之好少)無諗過雪糕可以得一款、火腿得一款、水果都係得四種0羅~~
三不抵︰難食！連我這些甜怪，都覺得甜品甜得要命！！食完後，不覺飽，但就是甜到不想再食吧~~~

一句講0野︰唔好去食呀！！>0<

祈禱會......不能做甚麼的無奈.....大家心情都好沉重......為何癌病這麼久仍不離開我們的小組？
我相信，nicole的留低，是上帝的安排，也是上帝的祝福......
除了祈禱，沒有事情可以做...

>>August 20, 2006 at 2:00:42 AM GMT+8

2006 年 8 月 18 日星期五【晴】

<<回應>>
咁多留言，真係叫人興奮~~
汶︰孖蛋可遇不可求，孖女如事也~~
蔔蔔︰果然同是mkc人啊~~當年人人都想要一隻呢~~
pp︰我好得七七八八0架啦~~~多謝關心....至於蔔蔔份禮物，是妳精心為她選的，而且一波三折，佢一定會好鍾意同好驚喜的呢~~
蓮達︰起初我還以為蛋蛋壞了黏著殼，原來，是兩個蛋黃...因為醫生知道藥實在太難食，所以用顏色搭救掛.......但....別被表面所騙....仍是難吃得很~＞===＜~

多得留言，這裡比以前熱鬧多了~~

>>August 19, 2006 at 3:49:03 AM GMT+8

2006 年 8 月 17 日星期四【酷熱】

<<海洋公園夏水禮>>(相片未完)
作死呀！病都去玩~~~
就係！！昨天才病得死下死下，今天，膽敢去海洋公園︳還要玩夏水禮，玩到一身濕~~~
先來機動遊戲(只是我因感冒，心臟比平日更差，唔敢玩呀---除了滑浪飛船)
汶汶的越礦飛車....好勁呀！！舉晒手0架！

排完一小時越礦飛車，再排一小時滑浪飛船...可惡的自由行！不懂排隊！！

前面的後生仔，勁呀！你係得0既！！hehee^____^

再排一小時水母館，排隊中的娛樂

(同期碧碧排了一小時麥記...)傻0架！星期五，多人都癲~~~

排隊，是全日花時間最多的地方，其次...應該是撘電梯了吧~~

終於，到戲肉了！夏水禮開始~~~
先濕腳

再濕身

濕泡泡

重頭戲，海盜水槍戰
.....唔准望，亦都唔准唔望....否則....中槍！！...我個袋呀>0<

再戰展覽館
熊貓館...熊貓休息>__<
恐龍館...「好驚0丫！」汶汶說。

最後一站--->紀念品
唔買都要影返夠本

最後，幫襯買了~~~

起名了！叫藍"gel gel"

>>August 19, 2006 at 5:19:57 AM GMT+8