2003 年 6 月 26 日 星期四 【晴】

um~~佢地今日去左海公~
唔知玩得開唔開心呢~~
今日都算好天啦~~ 落左o個一陣雨~
我阿哥前幾日都去左呀~
仲影左成百張相
都影得幾靚ga我覺得~
你地都影多d啦~~比我睇~~

>>June 27, 2003 at 8:15:17 AM GMT+8

2003 年 6 月 25 日 星期三 【晴】

悶死左呀今日.....................................
~.~!!!!

>>June 26, 2003 at 9:55:51 AM GMT+8

2003 年 6 月 24 日 星期二 【晴】

妖~~~~~~~~~~頭先做左件勁白痴既事呀~~!!!~
頭先我就send返個email比city話佢知我去briefing啦
send完我就send email比黃太啦~
諗住send返d相比佢丫嘛
點知我咩都未打 淨係打左個add
就唔小心press左enter oh send左...
唔緊要 咁就再打啦 今次就打好左段野
點知又唔記得整d相落附件度就send左......><
於是我就再send 今次終於都send到..
但係......我再睇清楚....死火
頭先send比黃太既email除左第一個之外
其他o個2個都send錯左...仲要send左比city.....
丫~~~~~~~~~~~~~~~~~~~~~~~~~~~~~~~~~~~
點解會咁白痴ga 係city呀 痴線ga
收o個個都唔知會點諗 "哇 無端端有相 ?"
唉.......好低b....><

>>June 25, 2003 at 11:43:33 AM GMT+8

2003 年 6 月 23 日 星期一 【晴】

今日我又去左唱k啦
地點當然照舊啦
人物就有我啦 kam na kaki 大蔡同埋肥唐既
大家好耐冇出泥聚過啦~
哈 今個月3次去3次都係同唔同group ga~~
未去到o個時o係度諗 : hk都疫區除名啦 唔知靚仔仲使唔使戴口罩呢~
點知一去到...靚仔唔o係接待處......
個女人就比左34號房我地啦
入到去我地就急不及待咁出去撞靚仔啦..
點知......希望落空....
心諗佢一定係day off啦...有d納悶~~
殊不知na 同kaki去完toilet返泥話見到佢o係廚房食煙喎
(噢 破壞左佢o係我地心目中既好仔形象~)
不過我地都照樣衝左出去ga~~
跟住行過廚房 另返轉頭~~哈 見到佢
佢又見到我地喎~ 就話"e! 乜原來係你地呀~ 你地幾號房呀~"
咁我就話"34呀 你一陣泥丫"
哈哈 跟住好開心咁返入房
其間亦多次出動去"目及"佢
見到有另一間房既女仔撩佢~~ um 佢既口罩樣係無敵ga~~~
我地3個仲企o係門口等佢經過
我有帶相機呀~咁就o係門口stand by啦~
佢一行過我地就話"喂 影相呀"
佢就話"做緊野呀 等等等"
我地死纏唔放~ 仲企圖偷影佢 哈~
結果影到佢側面 有一張仲影到冇左個頭...得個背影..
有次chauna想影佢 但又press唔到個制
跟住就大聲講"哎呀 我禁唔到個制呀"
個死仔就好奸咁"hehheh"~ 好奸呀
不過最後佢都好乖咁企定定比我影~
yeah~~ 對眼好靚~~~~
之後我地都仲係唔肯放過佢 要佢同我地合照~
但佢又好忙喎 行泥行去~
我地甚至開住對門 用2張seat頂住 kam同na就坐o係2張seat度等靚仔得閒就扯佢入泥
我呢就坐o係門口隔離o個張sofa度唱住歌先
哈 跟住大蔡倒瀉左我杯fruit punch><
咁o岩靚仔就o係出面~
我地就叫左佢入泥啦~"喂 倒瀉野呀 入泥抹呀"
佢就入泥睇過真係喎 就拎左2支地拖入泥啦(點解係2支ga呢)
跟住大蔡率先拎住支地拖o係度拖...
靚仔企既位好難拖到 佢本來想拖ga
不過我就話"得ga啦 係佢倒瀉ga 你由佢啦" 噢 好衰添~
靚仔既然入到泥 自然唔使止意咁易就出到呢個門口
佢仲玩野咁話要閂門~ 跟住作勢連自己都出埋去~
哈 之後閂左門 佢當然仲o係房度啦
我地叫佢除口罩同我地影...
佢話"我除口罩個樣唔好睇ga喎"
na同kam就話"唔緊要" "無所謂啦"
但係我就冇講野...其實我猶豫緊睇唔睇ga...
佢終於都比我地既誠意感動
佢話"我除都得 不過要熄燈ga喎"
我聽得唔係好清楚 不過又下意識咁話"唔得!!~"
不過佢都係熄左燈 先除比我地睇...
最緊張既時刻到左啦
佢除左之後有d失望...
佢唔樣衰~ 不過就唔係我地心目中o個種type
除口罩個feel同戴口罩個feel係唔同ga
係2種泥ga... um
又唔可以表現到比佢睇到我地失望喎
驚佢覺得自己好差 咁其實真係唔差丫嘛
只不過唔係我地想像中咁好
呢個死人na丫 勁揚呀 之前仲o係門口叫人地阿wah (勁核突呀)跳跳紮
一揭開神秘面紗就靜英英 坐定定 鬼唔知咩~~~~
咁我呢 就即刻話"喂 影啦 你幫我渣機啦(唔記得同邊個講)
跟住kam同na都企左埋泥~
呢張就係我地同靚仔既第一張合照啦~
不過係唔會隨便比人睇ga!~~
影完佢戴返口罩 走之前好似話"都話我除口罩唔好睇ga啦"
丫 佢地又唔講野 我為左唔想佢唔開心就話"唔係呀.."~.~
跟住我地3個顯然冇之前咁瘋狂 冇再打開對門 冇o係條巷度叫佢...
後來我地3個都係想同佢雙人咁合照
於是又煩住佢做野 佢勁多單要收呀
比我地叫左入泥 佢講左2句 又要去收啦~叫佢收完返泥啦~ 死仔 又冇左回事
不過都好 如果佢自己返返泥既玩 我地又唔會咁想同佢玩~
之後佢拎單泥~放低先
返泥再收錢~~
又比我地捉住 要佢坐低同我地影相
哈 佢又話驚出面睇到佢坐低 咁樣唔得ga喎
咁我地就用kaki件褸遮住個窗口啦~
佢同na影先 我渣機
點知佢問我" 使唔使除口罩呀"
丫... 冇諗過佢會咁問 但我地係想同我地心目中既佢影... 所以唔想佢除ga..
咁我就想快d帶過啦 就話"得ga啦 唔使ga啦 "......
死啦 語氣係我平時同d fd玩野 order佢地做野時既語氣...
會唔會hurt到佢ga....
之後我3地3個都得嘗所願 個死人kam丫~ 同佢個頭貼一貼咁 抽晒人地水啦~~
不過我同na 同佢分別影o個張都影得唔靚呀...
之後又冇機會影...><
跟住佢拎左6張睇戲買一送一既coupon比我地呀~~
唔知係跟本就有定係佢醒比我地ga呢~~好好人~~
跟住唱到3點幾 就走lu~~
唉 走時都見唔到佢~
我諗我地唔會再好似之前咁瘋狂ga啦~
畢竟幻想幻滅啦嘛~
不過泥就一定會同佢玩~~~~~再見啦 靚仔~~ 佢對眼真係好靚~~~
跟住時間尚早~~
就去左update mall 影咭~~ 都算好啦~~大家都分到自己想要o個2張~ (唔係張張都影得自己靚ga嘛)
之後經海旁去海運
好多白鴿呀 好靚呀 梗係影返2張先啦~
哈哈 聽到隔離2個promoter竊竊私語講我呀~ 哈 佢地讚我呀~
之後去買雪糕~
然後就等車返tko 佢地話返tko食
then 上車前何基又打泥話尖咀食
咁我同kam就撘車返tko啦~~
返到去就拿拿臨去買咭啦~~(係呀 咪係o個張囉)
寫埋... 死啦 唔記得地址
後來都知既 keke
完成完任務之後kam就送我撘車返屋企啦~唔該你呀kam~~~~
丫 上到車見到大珠~~
死野丫 大大聲響我全跺...
全程就同佢訴說今日有幾勁啦~~
之後就返到屋企啦~~
丫~~~~~~~~打完啦~~ 好詳細呀~~好長呀~ 唔該比心機d睇~

ps. 甘仔生日喎~~happy birthday~ 聽教聽話~~~

>>June 25, 2003 at 8:51:05 AM GMT+8

2003 年 6 月 20 日 星期五 【晴】

今晚係TKOGSS form 7 既 grad din
2:30~4:00---------o係屋企準備(洗頭 戴con 換衫 gel頭 執野)
4:00~4:20---------on the way to lancy's home
4:20~5:30---------o係lancy屋企dum左陣 等埋大珠泥~ 我地就"整妝"待發啦
5:30~6:00---------搵車撘兼等車
6:00~6:50---------o係熱九上談天說地
6:50~7:00---------抵達逸東~安頓於3號台~
今晚好開心呀~ 一去到呢~ um 泥左一半人少d啦~
+埋我地就一半人啦~
去完個toilet~ 又泥左好多人lu~
今次同中5 o個次好唔同呀
首先講下個會場先~
上次係YMCA 搞 雖然話係4星 不過總係唔夠好咁~
今次就唔同囉~ 個埸既活動空間大左
D台係圓既~ 感覺warm d 台中心仲有盤有菊花o係面既水~感覺好清新呀~
有別於中5 今次係去到就係咁影相~
今年miss lee就著左件入膊既黑裙
再加件see through 既披肩~
哈 不過次次影相~
都被我地迫佢除衫~~哈哈 係咁大叫"脫 脫 脫~~"
跟住好似玩左2個遊戲~
哈 有個係睇片~ 片中影左d老師既個頭既唔同部位~ 跟住要估係邊個
最估唔到都係miss lai啦 冇人估到呀....
最後竟然係打和~
我覺得d遊戲好唔好玩都係其次
最緊要係投入~
miss lee 都有講d類似既野~~um 好同意呀~
佢講得真係好~
o個度d 侍應好好笑呀
成日問人要唔要飲乜飲物~(小姐~ 要橙汁定可樂呀? 小姐 要咖啡嘛? 要唔要奶茶呀? 檸茶呢?)
出去拎野食仲好笑 佢企o係羅宋湯隔離 問"要唔要呀 要我幫你舀丫 hehe"
好抵死呀 問完仲要"hehe" 真係招呼周到呀~
好彩呢度飲野會自動有人幫你添ga jei~ 幾驚好似chauna佢地咁~ 得一杯野飲...
係啦 台上面仲有fruit punch飲ga 正~~~
我今晚食左一碟野咋~
第二次出去就拎左雪糕食~
好味呀 係 Dreyer's既桃味雪糕~~
影相其間我仲同小佩一齊影左段爆笑短片
哈 我同佢扮twin 唱千金
仲做埋d既誘人又噁心既動作~~哈哈~(不能公開~)
唉 今晚一份野都抽唔中呀
我d luck真係用晒啦><
哈 抽獎時佢地一路拍台一路大叫我個名
哈 叫到係人都知我想抽中~
雖然抽唔中 但係miss ip好好人咁比左一張佢既雪糕卷比我呀~
小yim就勁啦 中左頭獎呀
佢可以同端端去食自助餐啦~~
之後都差唔多散啦~ d miss阿sir走先~
我地就影多幾張相~
部機真係不負所托呀
履行佢既任務直到我用晒佢d電~
都算係功成身退啦~~
之後佢地就去join bf 有下場~
我地呢d冇人要既 就打道回府啦~
返到屋企 搞到點幾先搞掂晒d野
終於可以訓啦~
不過又訓唔著 好彩有今日先有得派既同學錄睇jei~~~

>>June 22, 2003 at 8:22:49 AM GMT+8

2003 年 6 月 18 日 星期三 【晴】

今日大珠泥左我屋企一齊觀摩大家既戰衣~
仲有好多林沈野~
拖到今日 終於都實施左我既DIY染髮大計啦~
大珠都有幫手ga~
都算達到我既目的啦
而家個頭黑左好多呀
個樣乖左~ 唔知靚仔仲認唔認得我呢 哈哈
一於食住個勢~ 下次去要斯文d~ 呵

就泥考試o個d呀
唔該快d溫書~
比多d心機~
唔好要阿媽勞氣呀~!~!~

>>June 21, 2003 at 4:32:39 AM GMT+8

2003 年 6 月 15 日 星期日 【晴】

今日係ling生日~~~
happy birthday啊~~
我地又去左寶勒巷唱k(醉翁之意不在酒?! 哈哈~~)
一出lift諗住向接待處方向行去
丫 點知靚仔呢個時候就o係我地後面出現啦~
佢今次冇著件褸 不過都係咁smart 啦~~
哈 我一眼就認到佢啦 佢對眼咁靚~
哈 佢都一眼認到我呀~~~同埋kam~~keke
靚仔真係叻仔啦 仲記得我地2個癲婆~~
抵佢咁後生就做到manager啦~~~
佢話比返4號房我地~~(我地上次同景嶺人都係唱4號房ga)~~
今日我地都好變態呀~
扒o係個門既窗度等佢經過~~
哈 我地係咁"目及"實佢~~~
雖然佢每次行過只係一秒鐘~
不過我地都好滿足ga~~
哈哈 興奮到o係度尖叫 大嗌 大跳 拍門~~
啊~~ 後來先知原來好應聲ga~~~><
哎呀 我好少見到男仔會咁癲ga嘛~
而家見到佢好似見到明星咁~
噢 個感覺真係幾似ga~~
我之前睇完流星花園同埋夢到steven都係咁呀!~!~
實嚇親靚仔啦~~
佢入泥收$$o個陣
係我比份賬單佢ga
我見到張台dirty
連份野都污糟左~~
咁就賴好心咁同佢講"污糟呀~~"
哈 佢又笑啦 好靚呀^^
走o個時lancy好勇啊~~
同佢講"喂 你可唔可以除低個口罩比我地睇下你個樣呀~~"
哈哈 佢話"唔俾~~!~!~"
哈哈 kawaii 呀 答得可愛 笑得仲可愛呀
佢講完就好可愛又有少少怕羞咁笑啦~~~~~~
就係咁 我地又要同靚仔分別啦~
下個禮拜再見啦~~~
跟住呢 我地就去左海旁坐
kam同大珠有野做 走先~~
我地傾到天昏地暗
跟住就走人啦~~
今日都好開心呀~~~希望ling都係啦~~

>>June 18, 2003 at 4:37:36 AM GMT+8

2003 年 6 月 14 日 星期六 【晴】

啊~~點解我睇唔到隔離個留言ga ----------------------------------------------------------->>>
快d講~ 係邊個~ 快d自首呀~~~~
聽日就去唱k啦~~~yeahyeahyeah~~~
kam~~我地又可以見到靚仔啦~~
靚仔~~~~~你唔好day off呀~~~~~~~~~~~~^o^

>>June 15, 2003 at 11:44:46 AM GMT+8

2003 年 6 月 14 日 星期六 【晴】

HEHE~~~~~~~講個好消息比大家知~
就係............"我粒飛滋好緊啦~~~而且已經唔痛啦~"
yeah~~~~~~~~

>>June 14, 2003 at 4:30:16 PM GMT+8

2003 年 6 月 13 日 星期五 【晴】

尋晚阿哥同我講
佢同佢gf分開左
我既反應係"做得好"
咁o岩尋日又比我知道我細佬佢地又散左~
我一d都唔覺得惋惜呀
佢地2個既gf都不是好東西
一個就朝秦暮楚 欲拒還迎
邊有做人gf既 仲會日日同個擺到明追你既人傾電話 行街睇戲食飯ga
如果咁都冇問題既話 咁要做左d咩先叫一腳踏兩船呢?~?~
一個就食煙 爆粗 逃學 唔返屋企~
仲同左第二個男仔一齊...
ohno~ 雖然唔係好了解 但我知道我細佬好hurt呀
佢好強調呢個係佢第一個女朋友....
我真係想同佢講"係第一個咁又點呀"....廢事啦

也許這些事沒有對與錯之分界
也許是我過份偏激
但......我就是不喜歡...

>>June 14, 2003 at 6:24:33 AM GMT+8