2005 年 3 月 18 日 星期五 【晴】

今日miss lee結婚
我搞掂好晒就撘火車去大學join lancy~~
跟住就一齊上周李聯婚既專車去中大崇基堂啦
個教堂好靚好靚
miss lee今日好靚
o係婚禮進行曲既伴隨下
miss lee 掛住一副甜絲絲既咀臉徐徐咁步入教堂~
等左好耐先到我地02-03年度既7A
因為淨係7A都唔只一班....
好想快d睇相 hea多陣
同d舊同學仔影下相
我同lancy 大珠 linlin 同小yim就去左朗豪坊行街
我第一次去咋 都真係好大好靚
不過唔知點解感覺好似冇咩野行~
之後我地又撘mtr去左cwb
linlin 就快有annual dinner
我地就同佢去金百利睇下有冇收獲
諗諗下我都好似就快有第三次high table...
今日係個bonus~

>>March 20, 2005 at 5:33:38 PM GMT+8

2005 年 3 月 11 日 星期五 【晴】

今日sat 原本可以訓到好晏
都係自己衰 tue o個堂10半返唔到~~
搞到今日要補堂
我10半準時去到呀
點知... 冇人... 心諗會唔會係改左課室..
又冇大聲公電話( 我班得佢同我要補堂 )..
好冇奈 打比cheryl問~ 呢個時候小慧就出現啦~~
佢都奇怪點解d part time同學咁遲都未返
原來係d人遲到~~
好勁呀 第一次係第一個返到~~
呢堂得8個人上....
好intensive呀~~ 不過個discussion 都唔錯~~我參與左好多
落堂打比candy 行去尖東搵佢食飯~
d風大到呢~~ 吹到頭都甩...
又係同candy 食kfc 哈 真係成日都同佢食
之後返poly 佢去上堂 我就去con啦~~
con到夠鐘 就同candy去左都會食飯~~
仲玩左個小遊戲~~ 5種重要既野~~
好難抉擇...
之後就返hall啦
夜晚d電話講過不停
好耐都冇煲過咁多粥
落左莊...生活的確有d唔同...

>>March 13, 2005 at 7:36:53 PM GMT+8

2005 年 3 月 6 日 星期日 【晴】

【兩個人在一起】

兩個人在一起不是為了相互取暖，而是因為愛！
你是愛我還是需要我？
著名的心理學家 弗格姆(E.Fromm)在他的名著(愛的藝術)中有這麼一句名言：
不成熟的愛是--< 因為我需要你 , 所以我愛你 ----
而成熟的愛是--< 因為我愛你 , 所以我需要你 ----

一個人付出的愛是不是成熟，從他最原始的動機與表達得到驗證。
如果是基於需要(例如：因為我孤單、寂寞，所以我需要你陪我與安慰)，
那麼他所說的愛其實不是真愛，而是一種條件的需索卻假冒愛的名義。
這假愛的鑑別非常容易，就是當他的需求已得到滿足。

(例如：因為你的陪伴安慰，他已不再感到寂寞)，便會對你的存在覺得多餘與厭煩。
所以，當你的情人打電話給你，訴說他見不著你的日子真是茶不思飯不想，
而求你趕過去給他看看的時候，你且慢高興.因為說穿了，他只是要你去給他下飯罷了
！
他只是需要你，那裡是愛你呢！

而真正的愛是無條件的自由付出，所謂需要，其實只是一種邀請：
他需要一個人和他共同完成這樁愛的事實，所以他對你提出邀請了。

而這樣的真愛也很容易鑑別，就是當你對他的邀請婉拒甚至只是沈吟的時候，
他立刻就能尊重你的意願而停步，而不會死追活纏，非要你答應才甘心。
何以故？只因他並不是荏弱的人格需要你去支持，而是秉其人格的獨立堅強，
願邀你分享他生命的美好時光。因此我們說愛的第一要義就是自由，
這一方面是指愛的付出應當基於自由意志，而別無潛在的陰暗動機。
　
一方面則是指對對方人格自由的充分尊重，而不在付出的愛上面附帶有渴想、
期望、要求乃至逼迫的壓力。而真的相愛是一種愉悅甜美的經驗，而不是互相剝削的債務。
　
但許多情人的相處卻總是從無私的愉悅始，而以沈重的負擔終。
情人總忍不住想用對方的束縛來保障自己的安全，卻不知只會帶來更多的煩憂。
而一個願意對方完全自由的人，又有誰捨得離棄？
只是道理雖然簡明，當事到臨頭，總是不容易做到罷了！

有人問：『你為什麼喜歡一個人？』
我只能夠說出為什麼不喜歡一個人，卻說不出為什麼喜歡個人。

喜歡一個人，是一種感覺。
不喜歡一個人，卻是事實。
事實容易解釋，感覺卻難以言喻。

愛情是忽然有一個人，我們覺得一見如故，很想靠近他，我們的內分泌忽然起
了翻天覆地的變化，很想擁抱他。
以後，無論快樂或哀愁，我們也想不起當初為什麼愛他。
只有當我們不愛一個人時，才會找出不愛他的原因，

因為我們開始挑剔。
任何一個人，只要你去挑剔，一定找得出缺點。
越去挑剔，缺點越多，我們便可以說出為什麼不喜歡他。
我們想買一件衣服時，即使發現他有小小瑕疵，埋怨幾句，也肯將就，
因為只有這一件， 而且我們太喜歡它了，瑕不掩瑜嘛！

假使我們根本不想買那件衣服，它的小小瑕疵便是致命傷。
我們更會努力地找出其他缺點，譬如質料不夠挺，顏色太鮮豔，
向售貨員證實，我們不是隨便來逛逛的，我有認真考慮過的呀！
分手可以有很多原因，結合卻只有一個原因，
原因就是：不需要原因

copy from niki's diary which is copied from newsgroup

>>March 7, 2005 at 7:16:04 PM GMT+8

2005 年 3 月 6 日 星期日 【晴】

3月7了
距離落莊已一星期
但仍不想動筆...
我怕會有所遺留
我怕一開始便停不了....
my 23rd 不論說了多少遍 也仍是那句
"I LOVE U ALL"!!!!

>>March 6, 2005 at 6:56:44 PM GMT+8

2005 年 2 月 27 日 星期日 【晴】

跟住班24th竟然自己話出去食野..
上年我地比22nd趕都唔敢走....
then 我地都去食dinner啦
去返上年轉莊食o個間~~ 德興~
我地今年仲有vip房添~~
中途發生左小插曲
最衰都係hugo...~~
之後都等齊人我地就好開心咁打邊爐呀~~
跟住就要趕返去~~
我地上到去 一支箭咁衝返cac
一定嚇死佢地~~
之後我地再搗亂多陣
到左就快12點... 大家心情都好沉重
十萬個唔捨得 十萬個唔想走
到12點 唔得啦 要走啦
呢個時間starry一路喊一路話唔捨得呢度
d女仔已經忍唔住 janet...hidy...相繼落淚...見到tracy o個行眼淚...好心酸...
呢個時候我大嗌左一句 " 23rd 係最好ga "
跟住都係要走啦... 無論係有幾多個唔願意.......
點知... 當大家都收左少少眼淚.. 想毅然開門踏出cac o個一剎那..
steve竟然大叫 " 出左呢個門口我地就係老鬼啦 "
shit.... 大家爆喊 於是又擾攘左一輪先出到cac既大門...
出到去 面對住24th 百感交集...
我要將跟左我一年既匙交比佢地...
以後...cac就唔再屬於我...
以後...我再唔係cac exco...
以後...不再有以後...
記得離轉莊仲有好一陣子既時候
我成日都會同人講 o個日我一定大喊特喊爆喊
結果我果真喊得出.....仲要哭乾了眼淚....
見住starry hidy佢地淚如泉湧...
我收完眼淚又想喊.... 真係好唔捨得.....><
我地衝出邵逸夫樓 班24th仲係唔醒水~
仲未叫停我地 唔問我地拎匙...
我地23rd落晒樓下等24th 追落泥....
呢個都算係轉莊傳統... 又諗返起上年既情景... 真係好唔捨得...
個個都哭成淚人~ 女仔攬埋一舊一齊喊...
跟住都係上返cac 門口外完成移交儀式..
cac o個抽歷屆匙向來都係由ivp掌管...所以.... 我第一個要交匙比佢地...
好唔想交出泥...
最後...好語重心長咁交待好佢地... 好唔捨得咁放開抽匙... 然後係自己ivp o個條...
交匙既過程好唔容易 喊下停下...
班24th都好無奈 唔敢出聲 都唔知點安慰我地好...
我要佢地promise我 一定要為cac好!! 唔准郁d就話潛就話quit
跟住到銘...hidy....一個一個... 交出自己keep左一年既鎖匙...
steve最後講左句 "我地23rd會唔會散呀?"
23rd所有人好齊心咁大聲講" 唔會!!! "
最後 我地手挽手 淚流滿面咁離開半圓 走出邵逸夫樓....
正式告別我地23rd o係cac既上莊生涯
但係可以好肯定咁講句 "我地係永遠既23rd!!"

>>March 12, 2005 at 6:51:11 PM GMT+8

2005 年 2 月 27 日 星期日 【晴】

訓醒.....今日last day啦.......
o係cac 訓到11點幾醒~
刷完牙就返hall梳衫執野
之後2半要衝返去poly上堂~
then再上多堂到5半落堂~
即刻衝返cac
今日最後一日做exco啦
我要珍惜every moment in cac
返到去 成日半圓都籠罩住一片愁雲慘霧...
莊房入面... 班24th見到我地個個都怪怪地
都唔知笑唔笑 玩唔玩好
聽講candy tracy 佢地點左佢地做左成日野...
落莊前盡地一煲 同時宣洩不快愁緒

到左 6點幾 我地都換CAC tee
由於我地未有com褸.. 所以要借janet 既班褸一用~ 佢地個logo好似個"文"字ga
好難唔借用ga嘛 搞多陣我地就準備理燃薪希既儀式啦~
迫晒d 24th都出左去排隊 佢地都要落孫志新stand by
莊房淨返23rd cac....仲係我地ga
之後我地都要出半圓霸個靚位等佢地啦~
成個半圓上面既現莊都好興奮 等理燃薪希開始...
不過等左好耐...都仲未得~... 真係有d"炆"
期間諗起好多野......
仲記得上年我粒星星寫既願望....
我地12個 柴娃娃咁拎住粒星衝上半圓 然後放入o個個一代傳一代既膠箱....
等左好耐 終於都開始啦~~
搞左一輪~~ 喧嘩過後~
儀式都正式結束..

成個半圓人頭湧湧
sac都好奇怪咁撩我地影相
之後我地狠心咁掉低佢地o係半圓
23rd入晒莊房去盡情遺留我地既足跡(筆跡)!!!!
搗亂之前 我地執拾好自己個tray先~~
拎走d 有紀念價值既野~
有gm既minutes.. hugo con時畫既所謂"cathy" steve生日時我地fake佢既o個張hint紙... candy買比我既鴨仔手偶....
我地拎住permanent筆周圍寫名~ 係咁畫係咁寫 好爽~~~
得呢次機會~ 一定要盡情咁畫...
我要cac永遠都有我個名 我地永遠都屬於cac ga
我地仲寫滿晒塊board就梗ga啦
d 櫃 玻璃窗 CAC度門 電視 雪櫃(重點呀 係23rd 置ga 背後有段爆笑故)) 豪華團 微波爐..
真係無孔不入 連古惑的鐘都不能幸免...
Candy仲琴到最高, 寫晒23rd所有名上天花板呀~~~~~~~!!
23rd is always here~ 23rd is the best!!!!

to be continue...

>>March 8, 2005 at 8:12:52 PM GMT+8

2005 年 2 月 26 日 星期六 【晴】

今日係約左好耐 我地一大班friend聚舊既日子
今次又係去食韓燒
不過今次多人d呀
有我啦 kam chauna 朱仔 阿咋 linlin lancy 今次阿sum都有泥
一路燒一路bi li ba la
朱仔同阿咋好鍾意出去幫我地拎野食~~~
食到好飽
食完o係商場又hea左好耐
又傾左好耐計
大珠都join埋我地啦^^
不過好快就要走啦
我同阿咋就搵車撘返tst
唉 巴士又冇 地鐵last o個班又會趕唔到...
好彩阿咋o係度 唔係我都唔知點返去~
結果我地冒雨等N車...
我地由開車講到落車~~充滿無奈
之後好興奮咁衝返cac 見到佢地好開心
今晚係我地最後一晚可以名正言順咁o係cac通頂啦..
由聽日起 我地都唔可以再o係間房入面過夜..
所以我地約左今晚返泥~ purposeless but meaningful^^
今晚有我 tracy hugo ming candy hidy
我地6個o係半圓度玩mini 欖球
我 ming hidy一隊 tracy candy hugo一隊
龍門分別係pac o個邊同埋大莊度門~
哈 雖然hugo o個度win左~~
但係好好玩 好耐冇咁樣跑跑跳跳過 candy仲錄低左添~
玩到個個都勁支力 就坐低睇碟啦
我地一齊睇school of rock ( hugo係咁話要睇the fish 無人理佢 )
hugo 唔想睇呢套 係咁搞住晒~~ 又話要走~~
我地唔比佢走又唔理佢 最後佢都乖乖地肯靜落泥睇
睇完我地開晒2張sofa床出泥
ming同hugo好衰 係咁蝦我
我比人打~~~ 但係今次hidy tracy 同candy都袖手旁觀 冇人救我 冇人理我啦..
嗚...........>< 你地見死不救
我一個打2個.... 結果死左~~
嗚~~ 比人蝦到起唔到身>< 死人楊惠銘陳宇恆!!
之後candy 好眼訓 tracy都頂唔順
hugo因為覺得被騙而嘈生晒~~
佢話"好嬲呀 又話唔訓 而家你地自己訓先" (呢個時候阿銘已經訓到隻豬咁 )
我地班女仔都已經佔據左豪華團 hugo係咁死都唔比人訓~~
係咁撩人講野 我地又傾左好多野~~
後來又冇咩人應hugo 佢又開始發作
係咁整candy....仲影埋佢相... 對唔住呀candy 我忍唔住笑 但我有幫手阻止ga
最後我同hidy 都頂唔順 走左落舊sofa 先有覺好訓
而hugo都好滿足咁可以o係豪華團上佔一席位啦
最後呢晚啦 同大家一齊真係好開心 不過可以多d人仲好.....

>>March 7, 2005 at 7:12:24 PM GMT+8

2005 年 2 月 25 日 星期五 【晴】

由於尋晚傾電話傾得太耐~
今日約左2半返去cac印tee
但我又遲到啦~~
仲遲左好多~~sorry啊~
返到去佢地搞緊個版
跟住就開始印啦~~
另一邊廂就o係c302b con緊fin~
我去問下問題con下佢地~
跟住就返過泥幫手印tee啦~
actually 係摺tee 同托定d 紙版落去~
哈 janet印tee時要顧前顧後~
因為真係好激動 哈 笑死我地~~
janet仲扮毒婦要我做快d 唔係就唔比飯我食~~哈哈
由於cac d女仔效率實在太高啦
好快就印好晒d tee~~
不過就地就噴到半圓好臭~~
之後我地就畫tee啦~~
哈 janet狂比人屈佢幫手畫tee~
哈 鬼叫你畫得靚咩~~
最後叻叻幫我畫我隻小蜜蜂~
我自己就再畫多個圖案 yeah~~
件tee好靚~~~
跟住我就同銘一齊撘車走啦~~~因為今晚我想返屋企
佢今次肯陪我撘215x啦~yeah
點知原來我漏左部電話o係cac
thx 銘幫我飛去拎返~~

>>March 1, 2005 at 8:33:45 PM GMT+8

2005 年 2 月 24 日 星期四 【晴】

返去sit counter 同素素傾下計
講下大家既感受
我發現我真係好重視同大家既關係
因為最易令我喊既係你地.....
其他workload 委屈 激心都唔係咩一回事
好唔捨得 愈來愈近啦...
因為就快落莊
所以特別想齊人 想大家可以好似o period咁
全部人都可以全情投入....
不過夜晚都好開心
大家都想爭取機會一齊食飯
而我要上law 上到10點~
佢地就等埋我~~ 好鍾意你地咁錫我^^
一落堂我就飛返去cac啦~
本來話有3個choices
3個都係日本野 但hugo話唔想食日本野 想食pizzahut
但係望下錶.... 唔係仲有呀...?!
行經podium 撞到阿彥
我地即刻推左hugo出泥追數~~
哈哈 佢好好笑 點知佢竟然擺返我地上檯
最後當然都係佢自己搞掂返啦~
哈 yeah~~ 追到camp fee
但行行下 先醒起原來仲有轉莊camp條數未追.... o 左咀
最後我地去左食潮州打冷
雖然唔齊人 但都好多人
有Candy Hidy Hugo 銘 素素同埋我~~
好開心呀~~
食完飯同素 Candy Hugo返CAC hea~
Hugo要幫gf做功課 迫我地陪佢~
冇幾耐Candy都返屋企
之後Hugo做到唔想做 仲開始"漏"我同tracy去cafe飲野
好係好眼訓呀....
咁諗住去尖咀o個d近近地都ok~~
點知佢地要落旺角~...死仔 方便佢搭N車
最後佢仲想去到話請我地去喎~
哈 咁有誠意就去啦~
o係cafe傾下計食下野影下相又搞下佢盞火水燈~~
大家一齊做咩都係好開心既~
今晚同hugo又傾d 學術野~
佢又鬼咁想聽... 所以tracy係繼尋晚candy後另一受害者...
之後同tracy搭N車返紅磡..
我好白痴咁上車就du 左八達通
哈 點知hugo打泥話佢頭先行錯方向搵車站
哈 大家都低能左
返到hall 當我諗住訓既時候呢個死仔又打泥
傾傾下竟然傾左2個幾鐘電話
仲要係因為我電話傾到冇電自動cut左線先冇再傾
我地今次傾落莊 自己 人地 心理...
好得意 我記得差唔多半年前有一晚我地又係o係cac傾左好耐
仲傾到天光 o個次佢又係係咁撩我去cafe~
不過o個次冇理佢
and今次大家傾計時都不再好勝but多左感性~^^
不過呢個電話傾得好辛苦
因為驚嘈醒niki所以要焗住粒住張被... 冬天都熱死...

>>March 1, 2005 at 8:19:08 PM GMT+8

2005 年 2 月 23 日 星期三 【晴】

一朝o係cac訓醒就開始執d野落去
我呢d唔擔得唔抬得就落下面石檯開counter
佢地就去QT o個邊set 場
今日有抬轎比賽~
同hugo sit左陣counter就去左黃埔買獎品
counter就交比janet 同hidy啦~
文化節o個邊就有tracy 同steve 睇住
買完食埋碗麵我地就返去啦
等齊所有參賽隊伍就開始比賽啦
哈 雖然我 hugo 同steve 既呢組得尾二 (steve一路跑一路嗌甩褲><")
不過cac 二隊( 肥野 強 candy )就拎左第二~
yeah~~~ 哈哈 都有獎~ 仲要係.... hehhehee~~
比完賽影完相仲未夠喉~~
hugo steve 銘就由QT抬我返cac (今次仲係上埋樓梯)
hugo 沿途仲要大叫" 太后擺駕回宮 "
搞到勁多人望住 真係笑到肚痛
不過真係好開心~~
最後成功o係小銘子 小恒子 同小豪子既護送下安全抵達文娛宮~
跟住就拿拿聲做workshop份功課
thx steve幫我買碟 hugo 陪我搵圖片 and 阿銘幫我去liaba燒碟
仲要vivien 等埋我~~~
呢堂lect + workshop好正~~雖然over run左成個半鐘 但依然enjoyable~
不過就好唔好意思
因為hugo同candy竟然等埋我先食飯~~
返到cac真係想攬住佢2個~ 好感動呀><
今次hugo suggest 但終於唔係食新星加坡~
今晚食炒公仔麵~~
一路行一路傾 一路食又一路勁講
同hugo一講開呢d話題就停唔到~
不過唔知有冇悶親candy~~
今日好開心呀~~~^^

>>February 24, 2005 at 8:20:33 PM GMT+8