2002 年 12 月 9 日 星期一 【晴】


↑繼續天使禁獵區--路西華↑

今日超激凍ar~我今日著左兩件冷衫,戴左頸巾都仲凍到咩咁...估唔到呢d冷鋒真係會咁樣話黎就黎law~我仲要唔記得左帶野番學校,搞到lunch time要0係寒風之中來回~不過我覺得其實最衰今日冇咩太陽,如果唔係冬天可以曬住個勁warm ge太陽,真係very舒服ga~

其實呢排我真係覺得自己都真係有d得閒,有d無聊ga~0係度沉迷打機ar~不過算la~可能係因為就黎聖誕節la~

p.s 我而家玩緊bbman ar,個name係岸道靈ar,見到我就放我一馬la~

>>December 9, 2002 at 5:30:24 PM GMT+8

2002 年 12 月 2 日 星期一 【雨】


↑今次有賽斐克la~左邊第二個笑笑口0個個就係la~其他ge人ma...想知問我ar~

今日係陸運會丫,不過上午一路都落住雨,但係d賽事全部都冇取消到law~本來以為咩都唔駛玩ga ma~我本來參加左ge係一百米,跳遠同推鉛球(都唔明點解要迫人地join三樣野ga~),但係之後竟然比我發現一百米ge list度冇我個名wor~我即時ge反應係very happy law~可以參加少一項~之不過,今日真係非常之悶,我0係個看台上面,差d就訓著ga la! 今日我上午推鉛球,下午跳遠,不過全部都係陪跑之ma~總之一句講完,就係無聊非常la!希望聽日會好d la~至起碼都唔好再訓著先la~

>>December 2, 2002 at 7:18:02 PM GMT+8

2002 年 11 月 27 日 星期三 【晴】


↑天使禁獵區(剎那).....賽斐克冇圖,失敗

又係好耐都冇掂過呢塊板la,呢排其實都係有好多事ga,但係我都冇心機去打0係呢度(因為我真係好懶...)好似之前去左學校旅行,我覺得呢個旅行真係好好玩,唔知係咪因為今年好可能係最後一年呢?總之大家都玩得好放,雖然係有d唔多開心ge事發生左,但係我始終都覺得今次係咁多年之中最好玩ge一次~不過最麻煩就係d相la~又要曬,又要收$,又要呢樣又要0個樣咁,搞多一排~之前我就係搞呢d野之ma~^^

我地學校0個個內聯網終於可以0係屋企用la~比我ge感覺係佢即時熱鬧左勁多(單指我地班la),呢樣野都真係幾好玩,但係一唔再0係呢間學校讀就冇得用就太唔掂la~

我終於都睇左天使禁獵區la~由貴果然係我最愛ge漫畫家~簡直係激正丫~真係有咩唔好都只係後尾結局令人唔多滿意(賽斐克竟然去到中間咁上下就死左........)點都好~我而家中ge由貴毒又加深左la~睇黎呢一世都清唔到lu~不過咁咪仲好~~~hahahahahahaha(發癲中)

>>May 19, 2003 at 9:07:16 AM GMT+8

2002 年 11 月 11 日 星期一 【晴】


↑呢個......我都唔知......不過我有一套......

又有一排冇寫過la~我近排比d quiz ar.test ar,dict ar咁責死曬,我都冇咩時間可以去做其他野...仲有d咩補課ar,課程ar,meeting ar...真係想有d時間都難~本來仲話我個hp會加番心理測驗呢一path,睇黎真係要暑假先可以加到la,本來仲諗住要幫占卜卜改板,睇黎我真係要到考完試先得閒la...尤其係我間學校竟然會攪一樣叫做per-mock ge野...總之就有排忙la~
係丫,我又復工la...今次係上門幫人補習law...我嚴重比人昆ar...上門都竟然只係得$18一粒鐘...最衰係份約寫到明,如果唔係一定要同佢理論ar~睇黎...今次都係又用上唔知幾多錢黎買左一個唔算大ge教訓law~不過咁都冇話唔好ge,對住一個點都好過對住咁多個ge....如果佢吸收到ge話.....

>>November 11, 2002 at 6:13:04 PM GMT+8

2002 年 10 月 31 日 星期四 【晴】


↑封神(太上老君)

我今日勁嬲ar~竟然比人偷左野ar~~我比人偷左張八達通ar~搞到我差d車都冇得搭ar~而我仲入完錢冇幾耐ga~總之,總之就好鬼死嬲la~都唔知點講la~我估遺失時間應該係體育堂or chem堂之後~估唔到竟然會有人睇中我d野law~仲要係我張八達通law~都唔知d人點諗野ga~雖然我真係冇咩放錢0係銀包jar~都唔駛用我張八達通去抵押掛~總之一句la~勁嬲~~~~~~~

>>October 31, 2002 at 6:59:49 PM GMT+8

2002 年 10 月 28 日 星期一 【晴】


呢個係我ge最愛--蒂安 阿魯衛斯(唔知睇唔睇到張圖....)

唔知我而家咁樣其實係咪可以叫做比人炒左呢?0個日補習班0個度突然間有個人打電話黎話我唔駛去返工住......咩叫唔駛住wor?係炒我又唔出埋d糧先wor.....佢唔係諗住要我做義工fa?我要做義工大把地方可以比我做la~而家搞到我有d得閒tim,因為唔駛趕住去返工,但係又冇左糧出wor...雖然人工唔係高,但係都叫做有丫ma...算la~都冇辦法la~
伯爵該隱第四期(9)出左la~不過以我而家ge經濟情況,睇黎都係等人地睇完借比我實際d....嗚...慘
近排我又開始玩番占卜la,我都有一排冇掂過la,而家d準確度低左好多,可能因為d精神成日都集中唔到~我始終都係唔夠koka同芝芝勁~我d感應力真係太低...不過呢樣野好少係練唔到ga wor....haha~所以我都係唔好誤人子弟~hahahahahha~
p.s 我d會考恐懼症好似好番la~多謝蒂安幫我醫好ar~

>>October 28, 2002 at 7:50:57 PM GMT+8

2002 年 10 月 19 日 星期六 【晴】


↑"耽美夢想"(一隻game)其中一個角色↑
我近排真係完完全全咁愛上左由貴番織里la~其實之前已經有少少病徵ga la,但係近排睇左好幾本由貴ge漫畫,終於就搞到病發...我近排睇ge有伯爵該隱1-3(即係6-8),螺子,少年殘像(我好like呢本)~我而家有個願望,就係可以將由貴所有單行本買番屋企~(不過我好窮...)

hee,我而家份工已經由一個禮拜五日變為一個禮拜兩日,而且仲唔駛對住0個個乞人憎,真係不知開心~但係我而家返一日先大概得0個$27,都唔知幾時先可以令到自己有錢d ar...所以呢,我遲d可能會再去搵份工黎做,好似都係得$20一個鐘,但係要做ge野就少過而家好多(不過做唔做得成都未知)如果我可以做埋呢份工,咁我離我個願望就近一大步la~

不過,我發覺我近排d成績有d退步ar,如果再唔加油,真係驚個會考會考得唔好(我而家已經有小小會考恐懼症...),所以我近排都努力左少少(真係得0個少少),希望可以推番高d成績la...(不過我而家好似已經又報左幾個couse....)haha~總之就盡我所能la~

p.s 我發現我除左中左毒之外,仲開始傻下傻下tim ar~

>>October 19, 2002 at 8:16:12 PM GMT+8

2002 年 10 月 4 日 星期五 【晴】



今日係我唔知第日ge工作天,但係我而家已經開始唔想做落去,開頭0個時我真係冇諗過會有d咁cheap ge細路,叫佢改ge野佢唔改,仲要係咁串我,我真係好憎佢ar,但係咁又點?打又唔打得,鬧又唔鬧得........由我放工到返到屋企呢一段路,我真係差d就喊左出黎,我唔明我點解要受d咁ge氣,受左咁多氣,得到左d咩jar,好想真係就咁乾脆辭左工佢算數,做番個自由人,鐘意咪同d fd行late少少先返屋企,唔鐘意就一早番去,將自己鎖埋0係房,唔駛好似而家咁,明明已經勁唔開心,但係都唔可以話比其他人知,因為咩jar,費時問長問短會忍唔住law,咁樣真係好辛苦,收收埋埋絕對唔係我ge性格,而家咁樣,遲早我會連自己都憎埋,真係......我覺得好唔值得ar~我唔想再咁樣落去,但係我又唔想辭左份工,我唔想比人話我半途而癈~

>>October 4, 2002 at 7:50:47 PM GMT+8

2002 年 9 月 26 日 星期四 【晴】


我個網站終於都有自己ge logo la~~個logo個bg係我自己上色ga~雖然好醜樣
呢幾日都冇寫過日記係因為我真係唔知記d咩好ar...好似好多野要做,又好多野都冇記低ge意義...haha,或者係因為心情始終都係唔算太靚
最特別ge就係我今日開始番工law,做補習社助教,一份話難唔難,話易唔易ge工,得十幾蚊一個鐘,好似仲得過m記ar,不過,至起碼我媽咪支持我去做呢份工,可以掙到錢,真係都幾開心ge....


>>September 26, 2002 at 9:05:39 PM GMT+8

2002 年 9 月 15 日 星期日 【雨】

我想寫番ge係尋日ge事ar~
我尋日去左做義工,幫手做主持同埋播歌0個d野(我同小姍負責勁舞0個path).開頭我對呢個party真係冇咩期望ga,因為應該唔會話有太好ge氣氛........
但係真係去到0個path 0個時呢,音樂一起就全場都high曬,0個種feel真係好正,如果唔融入0個種氣氛就only會覺得好嘈,但係....0個種feel真係唔知唔形容ga,係你去過一次,你就會鐘意左呢一樣活動ga la~我之前有問過有冇人有興趣去ga,佢地唔去就真係佢地ge損失ar~真係vr+ery咁好玩ar~
唔好話係誇張ar,呢個真係我ge感覺黎ga~

>>September 15, 2002 at 4:43:46 PM GMT+8