2002 年 8 月 6 日 星期二 【晴】

今日,係好多人o既大日子~因為今日係會考放榜~
今朝一早就陪左Astor返學校等(佢阿媽都有黎囉~)
返到去,見到好多自己識o既師弟妹,真係好想佢地全部都升到呀~
不過到左八點九左右,余sir話俾我地知,文科唔夠30人有14分以上,聽到果陣真係好傷心架~
不過知道今年總合格率好似有98.xx%,又真係覺得好勁喎今年d人~
放左榜,梗係有人歡喜有人愁啦~我知文科最高分有27,真係好開心~希望各位師弟妹都搵到一條適合佢地o既路啦~升中六又好,讀ive又好,去外國讀書又好,做野都好,只要你地決定左之後唔會後悔咁就得喇~

今日除左係會考放榜,又係JUPAS放喎~
咁我又不停咁打電話去問人點啦~(我自己就唔駛睇啦,一定冇份~呵~)
結果.....都有少少意外,我估會入到U的有d都入唔到~有d就入左唔係好想讀果d科~
最令我意外o既我諗係Amy囉~
唉~好多全科合格o既同學朋友都入唔到大學~真係.....無奈呀~

放左榜,就o拿o拿聲陪左Astor去浸會大學報預科喇~我都係而家至知浸大有預科讀架咋~
嘩~去到鬼死咁多人,好在我地早少少去咋,遲少少都俾人迫死呀~
個面試仲要係用英文黎in囉,認真好玩呀~

之後julian話約左小妖出黎睇相,咁我就好準時咁去到旺中啦~點知兩個都要遲黎囉~仲要俾人放飛機~~~
等在一粒鐘~終於我同julian決定唔等,去左莉莎食野~
食完就上左花姐屋企打麻雀~佢地玩錢囉,嚇到我呀~(已經窮架啦,仲要我賭~)
跟住玩到五點幾,julian要去練氣功,咁我就同佢一齊走啦,之後就返左屋企喇~

今日,都幾充實丫~~~不過下晝冇陪到Astor,真係都有少少唔好意思架~

>>August 7, 2002 at 1:14:31 PM GMT+8

2002 年 8 月 5 日 星期一 【雨】

寫漏左tim~
今日我阿媽個大家姐走黎探我呀~
搞到我個肚鬼死咁痛~哎~

>>August 6, 2002 at 2:06:51 PM GMT+8

2002 年 8 月 5 日 星期一 【雨】

今日落大雨呀~~~搞到我成身濕晒咁返工~
返到去又同同事傾聽日放榜o既問題~(佢今年又有考呀~)
放左工,仲俾佢迫左我同佢一齊食飯,又浪費金錢喇我~
anyway,我都希望佢考得好啦~

聽日就係會考放榜,相信好多師弟師妹都難免有d擔心~
想當年(!?咁快想當年!?)我都一樣有過咁o既心情~
而家望返轉頭,真係覺得好小事,唔值得咁緊張~可能而家經歷o既野多左啦~
不過咁,會考始終係我或者係好多學生人生中面臨o既第一個大考驗,難免係會比較驚o既~(遲多兩年你地放A-level果陣又唔係諗架啦~)到你地知道左成績,再回頭望返,都可能會笑自己果時點解咁傻,會驚成咁~呵~^+++^~

anyway,我都希望所有我識o既同唔識o既師弟妹考得好啦~
就算唔係咁好,都祝佢地可以搵到一條適合自己o既路啦~
我聽日都會返去睇住你地架~有咩都可以搵我架~^+++^~

>>August 6, 2002 at 2:05:13 PM GMT+8

2002 年 8 月 4 日 星期日 【雨】

今日,時睛時雨~
今日放左工,我就去左醫療所拎返份報告喇~
原來我冇抗體架~要打肝炎預防針呀~
咁我跟住就去左打針喇~
好鬼痛架原來~打果陣唔痛喎,打完先至黎痛呀~到而家都仲痛緊~
隻左手又冇力喎,一用力就隱隱痛咁~
跟住又同左Astor去荷里活廣場換結他線~拎住個結他行黎行去,都幾辛苦架~
不過都幾開心囉今日~有結他玩喎~
o係度多謝黃口口借個結他俾我先~^+++^~


>>August 5, 2002 at 12:50:09 PM GMT+8

2002 年 8 月 3 日 星期六 【雨】

今日打風呀~
今朝一早起左身,o係屋企冇野做,所以一朝早就online喇~
跟住睇左世界女排大獎賽~中國真係好勁呀~
四點幾又出左去學結他~點知慈雲山大塞車囉~
去到先至知第一堂要用結他囉~玩死~
不過都好開心呀~個阿sir都幾勁呀~

>>August 4, 2002 at 2:25:07 PM GMT+8

2002 年 8 月 2 日 星期五 【雨】

今日落大兩呀~
不過我今日都好多野做呀~
我朝早九點幾就出左旺角抽血驗肝炎~
點知搞左鬼死咁耐喎(又冇早餐食先至慘丫嘛~)
跟住本來答應左阿倩去教會果嘉年華會都去唔到~
o係呢度要同佢講返十萬個sorry + 對唔住呀~
我真係唔想架~
sorry sorry sorry sorry sorry sorry sorry sorry~
跟住見d時間唔湯唔水咁,我又唔想太早上去青暉個總結會喎,咁所以我就去左銀城商場度捐左次血喇~
捐完血之後仲有個紅十字會50週年記念章送返俾我tim~
跟住去左cyber city 打左鋪機,就去左個總結會喇~
之後去左荷里活廣場,仲買左個adidas籃球呀~$150咋~
之後夜晚本來要返樂隊的,但青暉班人約左出黎食飯,咁我就去左新世紀食野喇~
跟住一路傾偈一路食(我地仲不停咁o係度摺紙鶴囉~)去到十點幾成十一點先至走~
不過今日時晴時雨,真係有d難搞呀~
咁就過左開心又愉快的一day喇~

>>August 3, 2002 at 4:09:02 PM GMT+8

2002 年 8 月 1 日 星期四 【晴】

今日放左工,走左去打羽毛球~
同julian,肥巧同埋青山一齊打~
好鬼死好笑~~~不過d技術差左超多~
唉,耐冇打真係唔同d架~d技術俾返晒阿sir~
跟住食左飯,就出左尖咀同紫云同埋秋兒哥打機喇~
嘩~我都未試過一次打三十幾四十蚊架~認真打到我窮呀~
不過真係好開心呀今日~~~^+++^~~~

>>August 3, 2002 at 3:57:11 PM GMT+8

2002 年 7 月 31 日 星期三 【晴】

今日,難得一日有好天氣~
放左工,諗住好有意義咁走去捐血啦~
點知o係旺角搵左半粒鐘都搵唔到個捐血站,結果血就捐1 成喇~
之後就諗住順道由旺角行去尖咀,點知行到油麻地,覺得好熱喎,咁就走左入去間商務印書館睇書啦~
一入去,居然俾我o係入面見到司徒華喎~
雖然我全家都當佢係仇人,但係睇真佢又冇乜野o既.....係條眉衰d囉~
之後我就繼續行,最後都冇行去尖咀,而係去左撘地鐵~
跟住去左荷里活打機,打左半個鐘就返屋企喇~

唔知點解,而家好似日日都唔想咁早返屋企,又唔想睇書喎~
日日就o係條街度'hair",都唔知做乜?唉,越黎越頹廢呀~
而家~又想有人陪,又想一個人好好地靜o下,究竟我想點呢?

>>August 1, 2002 at 10:19:53 AM GMT+8

2002 年 7 月 30 日 星期二 【雨】

尋晚爸媽個老朋友關叔叔黎左屋企食飯~
佢地全家o係美國返黎三個星期呀~
都幾開心~不過搞到Hawa同Ling有d唔好意思囉~呵~
係咁俾我屋企人叫佢地留o係度食飯,又係咁叫佢地食饅頭喎~^+++^~

今日就冇乜特別,本來約左紫云兄弟佢地出去打機,點知最後都去唔成囉~
約左8月2號再出黎~
結果今日又冇去到打機,又冇返學校打波,去左尖咀商務印書館睇書,仲買左本正野~翠賢miss見到應該會幾有興趣的~~~呵~果本書係"中國古代同性戀史" ＝Ｐ
之後睇書睇到四點幾,就返左屋企打電腦喇~
好悠閒的一日呀~^+++^~
今日,忽晴忽雨..........但係都冇影響我o既心情呀^+++^

>>July 31, 2002 at 1:08:57 PM GMT+8

2002 年 7 月 29 日 星期一 【雨】

今日,Hawa同埋阿Ling上左黎我屋企玩,仲睇埋隻"千與千尋"tim.....佢兩個又借左我好多書走囉~
好耐都未試過有人上黎我屋企lu~都幾開心架今日~
雖然返工果陣係悶左d,又落大雨,搞到成身都濕晒,但係真係好開心呀~


>>July 30, 2002 at 9:30:51 AM GMT+8