2002 年 9 月 2 日 星期一 【晴】

今日~好慘呀~病病呀~
今朝一起身,已經知自己好唔掂~
個喉嚨好乾,好痛~個身又好熱,好似發燒咁~
尋晚半夜唔知係咪吞口水大力得滯~一吞口水就痛醒左~
一起身個喉嚨好似想裂開一樣~
之但係我又冇去睇醫生喎~係食左藥囉~

咁呢,等到下晝我好d果陣呢~
我就又俾阿媽捉左去同佢行又一城喇~(天呀~日日都係又一城~)
今日,我又買多左件格仔恤衫呀~橙色架~^+++^~

都咪話~我發覺我唔駛返工之後呢~好似日日都去街咁呀~
又日日都買野喎~唔怪得我份糧咁快冇晒啦~(又唔係多,又要係咁駛錢~)

今日,狀態真係唔 OK ~好辛苦,好難頂~
都好耐冇試過大病啦~唔通臨返大陸之前係要病返次先至安樂o既?

>>September 4, 2002 at 2:06:18 AM GMT+8

2002 年 9 月 1 日 星期日 【晴】

今日~心情一般~
今日係全港中小學生o既開學日~一朝早一定好忙喇~(未訓醒,乜都唔知架~)
唉~今日係我有學返十六年以來第一年唔駛o係開學日趕返學校~
見到d學生哥~唔好話,真係好想返返去以前讀中學o既日子架~

到左十一點幾~我就出左去學校果邊俾份生日禮物俾何小倩~但係佢地放12.40囉~
搞到我要上中央睇書~
後來行去惠康果陣,見到好多勞記師弟妹喎~
跟住俾左份禮物阿倩之後呢~我就行左出旺角喇~

後尾Astor打黎話一齊食飯~咁我就走左去九龍塘喇~(又去又一城喇~~~)
我地去到呢~好多人喎~排隊買野食都排左半個鐘呀~
後尾食完野呢~我地行左一陣~就返左黃大仙喇~

唉~唔知係咪星期日俾Hawa傳染左呢~
我,Julian同Astor果日返完結他之後都不約而同咁.....病左~
星期一(尋日)Julian話我知佢發燒~今日我就喉嚨痛+頭暈~
今晚Astor又話我知佢唔妥喎~
唉~Hawa o既感染力真係好勁呀~~~

>>September 3, 2002 at 2:44:47 AM GMT+8

2002 年 8 月 31 日 星期六 【晴】

今日~好寫意呀~
今朝一早~我起身冇耐~又體會到唔駛返工o既樂趣喇~
之後十一點幾,我同埋我媽一齊去左又一城~
我地行左幾間鋪~今日又有新衫著喇我~
我買左兩個reebok o既bra,又去Giordano買左新衫~
一件恤衫,一條黑色西褲,一條皮帶,仲有件背心~
著出黎真係搞到我斯文左好多呀~^+++^~又有新look可以著啦我~
之後就著晒成set衫出去學結他~原來上一堂教左Today囉~
好在今堂可以學返咋~又學多左首新歌~
學完左呢~跟住我就返屋企喇~仲o係撘車果陣撞見Astor個媽咪tim~


>>September 1, 2002 at 2:42:24 PM GMT+8

2002 年 8 月 30 日 星期五 【晴】

今日~好早就起左身~呵~等收錢~^+++^~
今朝十一點幾~我出左藍田等我o既買家~
收左錢~之後我就同佢一齊食午餐喇~(同門師妹黎架~)

之後我就陪左Astor出去銅鑼灣~行左一陣時代廣場~
咁我地就出發去體育大樓喇~點知行錯路囉~~~
真係當減肥呀~後尾都係要撘的士先至趕到~

到佢考完之後~我知佢收到一個唔多好o既消息~又陪左佢"港島一日遊"喇~由銅鑼灣遊到杏花邨呀~
最後我地去左尖咀海傍~一邊睇海景一邊食大家樂外賣(好鬼大盒架,大到我都食唔晒~)
到左十點左右~我怕太夜返阿媽會鬧(我用返國聲d時間偷走出黎架~)咁就開始返屋企喇~

返到黎~寫完呢幾日o既日記~都十二點幾lu~~~
咁而家首先要祝會長大人生日快樂先~(現在為九月一日零辰00.28分)

另外呢~我好開心見到小四黎我個版版呀~^+++^~
我而冇事lu~仲鬼打咁精神呀~^+++^~
我都諗過架喇~返去讀,可能有新環境,可以刺激我個腦o既靈活性都唔定呢~呵~

今日~都幾開心,不過都有d為朋友o既事而苦惱呀~

>>August 31, 2002 at 4:30:58 PM GMT+8

2002 年 8 月 29 日 星期四 【晴】

今日~好開心呀~
因為今日係我最後一日返工呀~
不過今日要返足七點鐘~都幾累架~
好在~今日放工果陣~我老頂話俾我知~我有糧出啦~
我真係估唔到會咁快出糧架~真係解左我o既燃眉之急呀~^+++^~

而且呢~聽日我可以賣書俾人,又有錢收啦~真係好開心呀~


>>August 31, 2002 at 4:13:18 PM GMT+8

2002 年 8 月 28 日 星期三 【晴】

今日~又唔記得左自己做過d乜喇~可能仲有少少想病啦~
我今日返完工~又係冇野做,咁又上左去榆林啦~
之後因為冇乜心情睇書,所以好早就返左屋企喇~

返到去~原來果晚先至係高潮所在~
我果晚要清理我書桌o既雜物,咁我就將好多廢紙清晒出黎~
係咁搣係咁搣~~~搣到我手都軟埋~不過我越搣越興奮喎~呵~
最後我搣左整整一大袋垃圾袋呀~嘩~我都估唔到會有咁多廢紙架~

今日~都幾開心丫~^+++^~

>>August 31, 2002 at 4:10:10 PM GMT+8

2002 年 8 月 27 日 星期二 【晴】

今日,好似有少少想作病咁~
今朝返工已經覺得有d唔妥~個頭有少少暈,又有d頭痛喎~
睇野好似唔多o岩焦距咁~~~一望電腦就頭暈~~~
咁但係我放左工又唔想返屋企喎~咁我又去左尖咀商務喇~
睇書睇到三點幾四點就撘車返屋企~
我居然一上車冇耐就訓著左,訓到成隻死豬咁~一醒就差唔多落車喇~
咁跟住我又暈o下暈o下咁返到屋企~咁又一day喇~
好在我而家仲有精神上網咋~~~

>>August 28, 2002 at 3:01:51 PM GMT+8

2002 年 8 月 26 日 星期一 【晴】

今日~好開心呀~
今朝阿Fei打黎,話想改三點半見面~
咁所以我食完飯就去左榆林睇一陣書~跟住就出左灣仔喇~

等左咁耐,終於都見到佢啦~同我想像中有少少唔同~
因為佢把聲似係好斯文o既人~但係真人好爽,好Sporty~仲好靚女tim~^+++^~
我地傾左一陣,又去左M記飲新地樂喇~
跟住傾到五點左右,我地就走喇~

到我撘地鐵去到調景嶺果陣,小妖打黎問我出唔出旺角喎~
唉~早知我就撘荃灣線啦~佢叫到喎~咁我就又由九龍東撘返地鐵去九龍西喇~

之後呢~我地由旺角行左去深水鶩馱牄苃朓{~
咁果時七點幾,其實我都想唔返屋企食飯架~不過屋企打黎話叫我快d死返去~咁我就只好返屋企啦~
不過呢~呵~我返屋企之前仲同小妖去左始創映咭囉~呵呵~
佢成為左第二個同我單獨映咭o既人呀~呵呵呵~


>>August 27, 2002 at 2:04:06 PM GMT+8

2002 年 8 月 25 日 星期日 【晴】

今日,好得閒呀~
一早返完工,食埋飯,我居然諗唔到有咩可以做~
咁我就又上去榆林度打書釘啦~

忽然間我記起榆林樓上有間新開o既書店好o岩我睇喎,咁我就上左去喇~(係小鉄書店呀~)
個老細都幾好人丫~叫Raymond呀佢~
佢間鋪居然有訂我想要好耐果幾本台灣書喎~不過要等到星期尾先至有貨~~~太好啦~~~
咁o係佢度傾左一陣,就又落返去榆林睇書喇~
今日終於俾我睇晒"愛情酒店"啦~
o係榆林留左三個鐘先至走,走果陣都五點幾lu~~~
返到屋企~梗係睇S.H.E o既MTV啦~
呵~就咁又一day喇~

>>August 27, 2002 at 1:53:40 PM GMT+8

2002 年 8 月 24 日 星期六 【晴】

今日好晒呀~
今朝一早我出左去Kent度剪頭髮,整左個靚頭先至返學校~呵~
跟住我就o係土瓜灣行返學校喇~

行到返去,又陪左小妖,成記同埋吉仔去食午餐~
跟住點幾,我地返到學校,我就去左禮堂睇班師兄師姐打波~

嘩~佢地真係好勁呀~~~
見到佢地咁勁,我都唔敢打喇~咁就走左去同人踼毽喇~
踼到我成身大汗~~~跟住又走去玩康樂棋喎~~~
最後因為趕住去學結他,所以就好急咁同Astor一齊走左喇~

不過呢~最後我地都冇去到學,因為大家都好累,同埋少左awa,Julian佢地~好似冇咁好玩~
咁我地就去左食手攪麵,之後仲去左M記食新地樂~(仲見到Hawa個妹呀~)
期間我衰衰咁搵枝飲管o係個蓋度插o下插o下~
咁就引到Astor諗埋d衰野喇~呵~
我地o係M記笑左半個鐘有多,笑到冇晒力~咁就返左屋企喇~

>>August 27, 2002 at 1:35:51 PM GMT+8