2002 年 12 月 25 日 星期三 【雨】

嘩嘩嘩~~~好凍呀~~~珠海而家得返5度咋~~~
d人又返晒香港喎~我又中左招~
而家又病又肚痾又凍呀~~~

我今日又係成十二點至起身,呢個時候都仲未有事的~
等我落去同男班長拎左份考試時間表之後,返黎就覺唔妥喇~~~
氣溫急降呀今日~~~咁我返房之後就開始黎料喇~~~
一食完野就肚痾.....又頭痛喎!慘呀~~~

不過呢幾日,我差唔多日日都掛住一個人~
雖然話就話我地已經冇關係,但係上次見完之後,我就係冇辦法忘記果種感覺~
果種砰然心動o既感覺~佢o既身影又開始越來越頻密咁出現o係我個腦度~
今日我真係好有衝動想打電話俾佢架~
我會擔心佢有冇冷親,會唔會著夠衫先至出街.....不過一諗起而家同佢的關係,我又唔敢打俾佢喇~
都有一年加二十二日啦~~~唔通我仲係放唔低???

今日反而同細佬傾過電話.....尋日收到佢封信,真係有d擔心佢呀~
好在今日打去果時,聽到佢冇乜事o者~
你唔好咁啦~有咩我返黎實幫你架喎~~~

唉~~~心情複雜..........

>>December 26, 2002 at 2:58:51 PM GMT+8

2002 年 12 月 22 日 星期日 【晴】

今日係一個大日子~因為,今日係翠賢miss結婚呀~~~!!!
咁我呢~今日九點幾就俾人叫醒左,跟住去到十二點幾鐘就撘車出去喇~
我準時一點半到左紅磡車站~但係倩同家僖都遲到,倩仲行錯路tim~
跟住我地由火車站行去文化中心....途中去左7-11買野食,咁我就連最後果四十蚊都用埋了~~~
不過冇計啦~鬼叫係佢話要食野咩~~~
行去文化中心o既途中,倩忽然間問我仲有冇鍾意佢~
嘩~~~搞到我都唔知點答好~~~我怕自己答真話會嚇親佢囉........
不過......我都係故作輕鬆咁講左真話出黎~~~"我真係仲鍾意你呀~唔得架?"
我諗.......佢....都係當我講笑....架...o者.........
佢又話自己同第二個拍緊拖喎~~~仲要係果個"小朋友"~(老實講,我覺得完全唔襯囉~)
我個心當時真係緊左一緊架~~~希望佢真係講笑啦........

跟住我地一路好輕鬆咁行到去文化中心(其實都幾晒架~)
去到果時好多人都黎左lu.......咁我地就o係註冊處樓下等啦~
等左冇耐,miss就出黎喇~~~
miss今日好鬼靚呀~!!!佢地呢對新人一出黎,我地成大班人就好似記者追明星咁~
一路行一路影相~~~呵~~~同小新麗如果次一樣呀~~~
不過唔知係咪今日d人冇咁玩得呢~我地好快就走左lu.......
好在,我都影左好多相~~~

跟住我同倩同家僖就去左旺角影咭~~~
跟住仲做左d我都估唔到o既野喎..........就係.....去左捐血呀~~~
今次仲可以拎埋個捐血記念章tim~~~
呵~咁佢兩個又話要睇我捐喎,但係結果去左買衫,冇睇到~
跟住佢兩個去左旺中~~~我就返屋企喇~~~

不過今日冇幫到Astor拎CD.....sorry呀!
最後祝miss新婚快樂,百年好合,連生貴子,三年抱兩啦~~~

>>December 23, 2002 at 1:12:26 PM GMT+8

2002 年 12 月 19 日 星期四 【晴】

呢幾日返到香港,真係有d好親切o既感覺呀~~~
我o係大學果幾份論文都仲未寫完,搞到我要帶返黎做呀~慘~~~

咁呢~我星期四果日晏晝返到黎呢,即刻就搵左阿Astor出黎喇~
果日諗住睇o下會唔會o係碼頭撞到阿心,點知佢走我都未到~
結果我o係海港城 Pazza hut 撞到佢同佢男朋友囉~
咁我又衰衰地做左人地半個鐘電燈膽喇~呵~
等到Astor黎左,我就同佢一齊去左行玩具反斗城喇~出黎又見到阿心佢地入去喎~呵~
咁跟住我同Astor就去左行尖東海傍喇~(搞到我地真係好似拍拖咁~一返黎就見,仲要行海傍~=p)
果晚又搵左呀Chirs兄弟,順便預祝佢生日快樂呀~

咁今日呢~~~我就九點半起身~
跟住出左去剪頭髮~then就陪Roxy返左勞記喇~
返去見到好多人呀~又俾左我d相相俾小新同麗如睇啦~又有同翠賢傾偈啦~好開心喎
見到好多阿sir同miss啦~仲有好多師弟妹~~~miss you all so much 呀~
兩點幾我地就走左喇~跟住我就去左睇書,順便等Astor落堂出黎旺角~
同佢行左一陣街,幫馬田兄睇褸,就一齊去左九龍灣喇~
途中仲無端端幫人拎左一棵好大的聖誕樹行去得寶商場........莫名其妙~
跟住陪Astor食完車仔麵之後,我就返左屋企喇~

返到黎,同d朋友傾左一陣電話,約左阿倩食飯(希望食到啦~)咁就開始寫呢個日記喇~

Kristy,我一定會keep住你俾我的第一張聖誕卡架~~~

>>December 20, 2002 at 4:16:24 PM GMT+8

2002 年 12 月 12 日 星期四 【晴】

好耐都冇上過黎啦~因為o係大陸唔係成日可以上網架~
而家咁上網,我一個鐘要$5架~~~

呢牌好凍呀~搞到我成日好似想病咁呀~不過我又冇事喎,幾勁呀~
仲有呀,呢個月入面我發覺自己多左時間一個人靜靜地咁諗野~
真係幾好架!起碼我可以諗清楚自己想要d咩丫~

而家o係大陸讀書,冇晒會考同高考d壓力,個人好似冇左推動力咁,做野好慢,好散~
我諗可能係我仲未搵返讀書o既意義同埋方向呀~
果日舅父佢地同我講o既說話,我一路都冇忘記,我知道前路係點都只可以自己一個人去面對,唔可以靠人地架~
我而家得閒果陣,都會諗返起佢地o既野架~
呢牌就好左少少,有返d起色喇~

不過呢幾日功課超多呀~九份呀~仲要有四份係論文黎架~份份都四千幾五千字呀~
真係攞我命呀~~~所以我為呢期悲慘生活作左首詩~~~

九份功課拎在手,頭暈心跳兼想嘔~
四篇論文不停手,做到氣都冇得抖~

點解新聞系要咁多功課~???點解廣告系咁少功課架~???大家都係同一個學院o者~~~
點解~點解呀~~~

>>December 13, 2002 at 4:09:36 PM GMT+8

2002 年 11 月 28 日 星期四 【雨】

好唔容易,我又返左黎香港~又俾人鬧我冇野做做乜返黎喇~

唉~呢牌好多野煩呀~
又煩自己d成績,仲有另一樣更大劑的~
一直以來,我都有個壞習慣,好鍾意依賴身邊的人~(我指心靈上)
好想有一個人陪o係自己身邊,關心我,陪住我~
但係當果個人同其他人玩得太埋果陣,我又會唔開心喎~

我好清楚果d唔係愛,只係一種好想排解孤獨,o既感覺~
但係我又冇辦法制止自己出現呢種情況~
點算好呢~我唔想好似上次咁呀~
衰過一次,我唔想再衰第二次呀~~~

而且近排又見到d我唔係好想見到o既事~
一件我預計會發生但係我唔想真係發生o既事~
我唔想因為咁而令我討厭其中一個人或兩個人~
我唔想對佢地人格作出重新評估呀~~~
我真係覺得咁玩法其實有d過份架~好似過左火位咁~對o係香港o既人有d唔公平咁~
算啦~唔講咁多喇~

寫完今次,又唔知幾時先可以再寫喇~唉~超唔開心呀~~~
而家我開始睇聖經,唔通我最後都會信教???
十二月都唔知有冇得返黎~~~唉~~~

>>November 29, 2002 at 4:14:17 PM GMT+8

2002 年 11 月 16 日 星期六 【晴】

今日,我又要返珠海啦~
呢次返去~要到一月中放年假先至返黎喇~
唉~買左電腦都冇得上網呀~
學校而家冇得申請上網呀~我好想見到你地呀~
你地大家都要小心保重身體呀~我一定會好~好~好~好~好~好~好~好~好~掛住你地架~~~
不過我間學校呢牌都唔太安全~好鬼多姦殺案發生(我知就三單~唔知o既就........)
d女同學都唔多安全~~~呵~~~我咁就做左半個"護花使者"喇~~~
我又俾人偷左部單車......搞到我要用多二百買返部~~~

我映左好鬼多相呀~有機會scan上黎俾你地睇啦~

Joyce~
大家一齊努力啦~仲要一齊小心病病呀~呵~
天氣真係轉得好快呀~一陣凍一陣熱咁~~~我都差d中招~~~ =p

好啦~各位~
一月再見啦~~~後會有期嚕~~~

>>November 17, 2002 at 4:56:03 AM GMT+8

2002 年 11 月 14 日 星期四 【晴】

今日~終於都再返香港啦~
好開心呀~好多野想做,又好多野要做喎~
發生左好多事呀~

>>November 15, 2002 at 3:20:44 PM GMT+8

2002 年 10 月 2 日 星期三 【晴】

今日，要祝尤尤生日快樂先～

今日都會幾忙～要去拎相機，送湯俾公公，仲要買齊我ｄ糧食帶返上去～

呵～Ｊｏｙｃｅ～我實記得你啦～
多謝你呀～你都要加油啊～
我得閒都會去你度留言架～

>>October 3, 2002 at 2:52:23 AM GMT+8

2002 年 10 月 1 日 星期二 【晴】

今日～一樣好忙呀～

今朝雖然訓到好晏至起身～但係我個人其實七點已經醒左～～～
唔通而家真係習慣左早起？？？

跟住點幾鐘入去Ｃｈｅｒｒｙ度～點知早到左好多囉～
俾蚊咬到成腳腫晒～十二粒呀～

之後上左Ｃｈｅｒｒｙ屋企睇”我老婆係大恅”～睇完ｏ岩ｏ岩齊人～咁我地就落去燒野食喇～
我地一路食一路傾～期間小妖，ｓｉｍｏｎ，小白黎過～
仲約左星期六去韓燒ｔｉｍ～～～
嘩～～～今日好正啦～有芝士焗青口，牛油焗金菇加冬菇，腐乳焗茄子．．．．．．
我冇諗過燒野食可以咁食法架～～～真係好正呀～～～
玩到最後，我地又玩噴水～呵～

跟住我地又上返去Ｃｈｅｒｒｙ屋企食糖水～好正呀～
仲ｏ係度打麻雀同埋鋤大Ｄ囉～～～
後尾仲玩埋ｋｉｌｌｅｒ～不過玩得太夜～走果陣成十二點～德哥個樣變晒囉～

咁我同胡宇送左阿Ｌｉｕ返去，之後就返左屋企喇～
不過我返到黎都冇訓～沖完涼～仲要上左個半鐘網～三點半先至訓～
真係好開心呀今日～

>>October 3, 2002 at 2:49:53 AM GMT+8

2002 年 9 月 30 日 星期一 【晴】

今日，好開心呀～
終於又可以返黎香港喇！
今日都幾忙架～

一朝早～約左Ａｓｔｏｒ去食早餐，又要幫阿媽買野～
之後呢～呵呵～去左群英個網聚～
見到唔少新面孔呀今次～
阿Ａｓｔｏｒ仲同基少玩得好開心ｔｉｍ～～～

之後呢～我地出左尖咀～點知落大雨囉～～～
搞到我地成身濕晒咁撘車～～～
跟住去左Ａｓｔｏｒ屋企隔離間糖水鋪食芝麻糊～好正呀～

咁然後我就返左屋企食飯喇～
好耐都冇食過屋企飯喇～好開心呀～
今日真係都幾充實架～不過唔夠時間搵晒ｄ朋友囉～～～

>>October 3, 2002 at 2:18:13 AM GMT+8