2003 年 1 月 24 日 星期五 【晴】

今晚出左去食團年飯~~~
其實咁多家人一齊食飯好難得架~
所以我都幾開心架~~~

食完約左Astor去食糖水,點知佢連飯都未食~~~
咁我就買埋上佢屋企食啦~~~順手用埋佢部腦腦傾icq~
跟住十點幾就返屋企喇~~~

>>January 25, 2003 at 4:34:48 PM GMT+8

2003 年 1 月 24 日 星期五 【晴】

好開心呀~~~
今日終於都買到S.H.E隻新碟啦...........
真係好正好正好正........超正呀~~~
隻vcd又夠長,又好睇~~~
實在太好啦.................

可惜仲未拎到仙劍2啦............隻game推遲左足足三日喇~~~
都唔知幾時至有得玩...........

咁我今日呢~先幫娘送花俾佢個朋友~~~
之後去買碟~~~出完去買碟之後呢~
我諗住去尖咀行啦~~~一上車Astor就打黎問我有冇野做~~~
今日同佢d timeing真係好唔夾呀~~~
搞到我出左尖咀即時又要撘車返黃大仙~
跟住仲要有人黎搵佢~~~真係不得不講個"頂"字呀~~~呵呵~~~
咁我見有人陪佢,咁梗係返屋企啦~

返到黎~一開電腦~~~部腦腦又唔知搞乜鬼喎~~~成日同我作對~~~
上icq都hang左幾次.......真係........激死.........
不過咁,都話今日可以同你傾架啦~Beaker~呵呵呵~~~

今晚仲要去食團年飯~
唔知點解,覺得同d親戚d距離好似越來越遠咁........
見面係好事黎架.......但係我又唔係好想去見喎~~~
究竟點解會咁o既呢...........

>>January 25, 2003 at 9:52:19 AM GMT+8

2003 年 1 月 23 日 星期四 【晴】

失去o既感情係遺憾,但係真正o既感情係放o係心入面架.....(阿旺話架~)

鍾意一個人可以永遠都鍾意,但唔一定要一齊.........(彩鳳話的~)

其實選擇都係一種執著........(阿旺話的~)

如果唔學識放低,又點識得珍惜呢.........(佩君話的~)

嘩~~~呢幾句好中point呀~~~

原來睇"戇夫成龍"都有幾多警句架喎~~~呵呵~~~

>>January 24, 2003 at 2:06:32 PM GMT+8

2003 年 1 月 23 日 星期四 【晴】

原來 自以為已遺忘的 從來不曾遺忘...
自以為不再著緊的,卻依然使我心痛...

今日出左去幫媽拎湯俾公公~之後我就出左去尖咀喇~
唉..........點知今日都仲係冇仙劍2囉.............激死我呀~
跟住去左信和~諗住有S.H.E都算啦~
點知又要四點至有喎~

跟住我諗住上榆林睇書睇到四點就去買碟啦.............
呢個時候.......倩又打黎話出黎喎~咁我就要落KFC等佢喇~~~
佢一黎到就話要去唱k.............咁我就梗係要陪佢去唱啦~
期間又買左KFC一齊食........
如此一來呢~~~我就冇時間,亦都冇錢再買碟喇~~~
唱k果陣~佢忽然間攬住我喎~嘩.........心都離埋呀~~~
不過我知佢冇咩特別意思o既......都係攬o下o者........
唱到六點幾~我要趕住返屋企食飯~咁我就走先喇~~~
聽日又要出黎睇過有冇得拎仙劍2喇我......慘呀~

倩~睇左封信喇我~
其實我一路都知我應該點做,同埋應該做d咩......
但係~感情世界係冇"應該"同"唔應該"做o既事架.......只有"想"同"唔想"做o既事架o者~~
所以我選擇左一個我唔應該做,但係我想做o既方法~
我知,o係呢件事上面我好任性~我逃避問題~
你講得o岩架~我都明白你o既心情架~
我而家就好似當初果位xx風咁.........所以~~~
我諗我係時候學識放手喇~~~咁樣對你同我都好丫嘛~係咪?
俾少少時間我~~~我相信我得架~~~

>>January 24, 2003 at 12:05:47 PM GMT+8

2003 年 1 月 22 日 星期三 【晴】

唉~~~期待已久o既"仙劍2"啊.........
本來話今日出架嘛........點知都係未出到喎~
要聽日先至有呀.........

今朝表哥icq問我買左"仙劍2"未......原來佢入貨只係$128.....我又買貴左喇~
而且我仲唔知我訂果隻係咪限量版tim........係o既話會多本畫集架~~~
咁我又唔信邪喎,今日下午就出左信和同尖咀問啦~
順便問埋隻S.H.E新碟幾時出~

咁出到去~~~原來兩隻都要聽日先至出囉~~~
我聽日又約左倩唱k喎~~~點算呢?錢錢就係咁又用到渣都冇得剩喇~~~
點算好呢~~~

>>January 23, 2003 at 1:15:33 PM GMT+8

2003 年 1 月 21 日 星期二 【晴】

唔.........今日係比較清閒o既一日呀~

本來諗住今日會成日都留o係屋企唔出街啦~
點知一點幾果陣小孝打電話黎問我出唔出街喎~呵~
嚇我一跳呀~~~
咁我叫佢約左阿Seb同阿心先~我就要食埋飯至出去~
到我出到去都成三點幾喇~咁我地行左一陣尖咀~阿Seb約左人四點半o係沙田,所以佢走先~
咁我,阿心同小孝就又尖咀亂咁行..........跟住入左新港中心機鋪........我又忍唔住打左幾鋪.....
今日又亂咁用錢打機喇~點算呀~

跟住我地行到五點左右就走喇~心返屋企,小孝去銅鑼灣,我就去HMV~
睇左冇耐我就又搭車返屋企了.........

死啦死啦~Beaker呀~
我仲答應請你食飯架........而家成日打機,好快冇晒d錢架喎........
點算好呢,點算好呢?.........唔~~~
不過你放心~你果餐我一定會請的..........呵呵呵~

>>January 22, 2003 at 12:28:30 PM GMT+8

2003 年 1 月 20 日 星期一 【晴】

呵呵呵~
很久沒寫日記了~自從返去讀書之後,都唔可以日日寫日記了~
講返先~

呢幾日呢~我都過得好鬼充實喎~
日日出去商務睇書~又去機鋪打機~(呃~咁都叫充實~)
仲訂左隻仙劍2呀~好快有得玩了~又知左S.H.E有新碟出喎~不過冇錢買呀~慘~

咁今日呢~我就同左 Iris,粟米,Low B, ii ,Chi lam,阿航,阿wing,阿Patt,阿Patt男友,班長同埋viann一齊去大尾督燒烤喎~
我地一班人十二點o係大埔火車站等啦~但係 ii 十一點三先至話俾首領知佢o岩o岩起身喎~呵~
結果我地唔理佢就入左去先喇~
我地入到去呢~就租左十架單車~咁 ii 呢個時候又到左喇~
我地就入左去水壩附近個燒烤場喇~冇乜人喎~呵~
我地就開始"透爐"喇~點知透極都透唔到~搞到我,班長同chi lam鬼咁狼狽~ =ｐ
好在最後都可以燒到............不過開頭似煙燻肉多過似燒烤囉....呵呵呵~
後尾個火就正喇~~~仲可以食埋牛油焗金菇tim~~~正呀~~~

跟住我地分批上左去水壩踩單車~~~四點幾果時我同阿航,粟米同 ii 一齊上去~
粟米......呵呵呵~果然不是我對手呀~~~我逄人過人,逄車過車...(我都想,呵~)
跟住我地沿住水壩條馬路來回踩左一次~俾我見到對好似係gay的人~
hm......希望佢地可以長長久久啦~
咁跟住我地o係上面坐o下,傾o下偈,到五點左右就返返落燒烤場喇~
我呢個慈雲山包底王梗唔會浪得虛名啦~所以我就盡量食晒佢地燒左果d野食喇~

跟住呢~我地出返大埔,差唔多七點喇呢個時候~咁羅湖線果班就走先~
剩返我,Low B,Iris,班長,viann跟住去左沙田唱k直落~
俾我發現左~原來Low B唱歌好似Kelly架~真係超似呀~~~
尤其係唱"超級小黑咪"呀~~~呵呵呵~~~
咁我呢~又俾人話我似王傑喇~開心架我~首"誰明浪子心"係我招牌黎架嘛~
我地唱到差唔多十一點就返屋企喇~

返到黎,爹娘都訓晒喇~咁我沖完涼,個頭又未乾喎,咁我又上o下網啦~
原來beaker都未訓喎~要趕acct條eassy呀~~~
咁我就一路陪佢傾偈,陪到佢做完條eassy為止喇~
我地傾o下傾o下,原來不知不覺就兩點喇~咁佢條eassy搞掂左呢~我地就收機訓喇~

Beaker~你都知你自己辛苦,就要好好保重啦~
成日都見你話唔妥咁,就唔好捱咁多夜喇~
做朋友o既~都擔心架~考試果陣你就知味道lu........

>>January 22, 2003 at 12:07:36 PM GMT+8

2003 年 1 月 16 日 星期四 【晴】

返黎香港第二日,我就已經鬼咁多野做了~
由尋日返到屋企開始,我爹娘就不停咁叫我打電話搵呢個搵果個......有d煩
但係我知佢地係為我好.....有人煩即係佢關心你嘛......係咪?
咁我就開始左搵工喇~~~希望快d搵到啦~
跟住..........尋晚倩有online...........同佢講左我一直想講但係又唔敢講o既野~
得到o既答覆.....可以話o係我預料之中,但係又唔係好想真正聽到.....
anyway,我明白自己做緊咩,我明白的..........

咁今日呢.....勁囉~
我十一點出左尖咀,同阿心,鈺姐同埋鈺姐的朋友琪琪and小明去左寶勒巷neway唱k~
原來大家都好勁啊~~~
跟住我地唱到兩點幾差不多三點,就去左機鋪打機......終於可以再打機啦~

今晚呢~就約左Hawaii佢地出黎食飯~又係尖咀喎~五十嵐呀~
咁我見仲有時間(四點幾咋~),就又上去商務睇書喇~
我今日終於睇晒本痞子蔡o既"夜玫瑰"喇~好開心呀~
睇完o岩o岩差不多夠鐘去食飯~咁就返返去尖咀MTR等佢地喇~

去到果度,等左Hawaii好耐,先至知原來佢地唔識路去囉.....呵呵~
搞到我地得返個半鐘食,不過食得好開心呀~傾左好多野~
知到大家都有目標,有新的路向,都好為佢地高興架~
後來我地食完,再去左海傍(又係商務.....不過今次只係o係樓下),諗住去許留山再食啦~
死人Julian又叫我落去打機喎~a囮琱S同左佢落去星光行打機喇~
打完成十點半有多~~~咁佢地仲話去食野,我就怕俾爹鬧,就先走了~
咁就返左屋企喇~~~

返黎都唔夠兩日,其實諗了好多野~(仲多數係沖涼果陣諗到的,死未?)
我開始覺得自己o既自控能力越來越差,越來越唔成熟咁~
好多事,我明知做左可能唔會有好結果,都忍唔住要去做~
我記得我返去讀書之前唔係咁架~
我覺得自己好似係想迫自己返去一個唔成熟,唔負責任o既思想階段~
我應該係唔想去面對,去知到一d我必須面對o既野~
我越來越鍾意逃避問題~~~學業如是,朋友如是,感情亦是~~~
越來越鍾意將d事收埋.....可能係.....唔想自己再受傷?
但係~我一面又想搵一種可以有心靈溝通o既朋友.....
可以同我傾得埋~合得黎o既朋友~
新朋友之中暫時好似得 ii 一個係.....

又要收埋自己又要搵d有心靈交流咁高難度o既朋友~好矛盾呀可?
而家o既我.....好似走左入一個返唔到出去o既迷宮咁~
o係入面亂衝亂撞,完全唔知自己諗咩做咩~失晒分寸~
爹娘又係咁叫我搵野做.....又有d煩.......唉~
今晚沖涼果陣搵個花灑係咁由頭淋落黎.....果一刻好想喊架.....
完全唔知自己做咩.....好迷惘.....

點算~?

>>January 17, 2003 at 5:39:54 PM GMT+8

2003 年 1 月 8 日 星期三 【晴】

話咁快又新一年喇~~~
元旦之後都冇時間上網,搞到今日先至可以上黎寫返個日記..真係.......

講返先,除夕果晚我就o係珠海宿舍度過.....本來以為好悶啦~點知完全唔係果回事~~~
D內地學生未到十二點就係咁大叫...全間學校D人都好似痴晒線咁~~~o係房度大叫~~~
嘩.....果種場面真係好震撼架~~~七楝宿舍一齊大叫"新年快樂"~~~好勁架~~~
有人仲趁機向女生宿舍D女仔示愛tim....鬼咁好玩~~~
不過新年後冇耐我地就要考試了......事實上我而家都在考試中~聽日仲要考法律~~~

前十幾日,我寫左封信俾倩,唔知佢有冇認真咁去睇,但我希望佢有~
因為封信全部都係我心底話黎架~~~

原來 自以為已遺忘的 從來不曾遺忘...
原來 自以為不再著緊的 依然會令人心痛...

唉.....心病未癒,考試又到.....慘呀~~~
我聽日考 法律~
12/1 考 漢語修辭(現代漢語)~
13/1 考 新聞學概論~
14/1 考 廣播電視學概論~
15/1 考 古代漢語~

好在......考完我就可以返香港放長假喇~~~五個星期呀~~~
我 16/1 下午就返黎喇.....有咩好玩野記得搵我呀~

>>January 25, 2003 at 9:57:23 AM GMT+8

2002 年 12 月 26 日 星期四 【雨】

呵呵呵~我今日又係十二點幾至起身喇~
不過今日一起身就收到個嚇一跳o既短訊~
原來呢幾日係要上堂架~!!!仲要係朝早八點堂呀~!!!
我完完全全咁走鬼晒呢幾日d堂~等我仲訓得咁開心tim~~~
好似話講晒d考試範圍啦,內容啦咁呀~死定喇呢次~~~

好在同學仔都話返俾我知要交功課~係攝影功課呀~
交兩張相~~~我美麗的校園同埋我可愛的同學~~~
期末考果時交呀~~~各位記得交呀~~~

今日上古漢語果時,唔知係咪我今朝太晏起身,我居然訓唔著,坐左o係度聽書喎~
不過聽聽o下當然係去左發白日夢啦~
我又不期然咁諗起以前的日子~~~睇黎我今次返去真係唔應該去見佢架~~~
佢有佢而家o既生活,我有我要專注o既學業~
大家漸漸有兩個不同的世界,點解我又要插返隻手入去呢?
我好怕最後會搞到我地連朋友都做唔成,我唔想見到個局面變成咁呀~~~

老天~以前都試過控制到自己架~點解而家唔得架~~~
我清楚明白機會幾乎係冇,但係我好似仲未死心咁~~~
點算好呀.................

>>December 27, 2002 at 2:35:16 PM GMT+8