2003 年 2 月 2 日 星期日 【晴】

今朝訓到十點幾就俾老豆叫左起身~
o係我唔多清醒o既時候就出門口去明叔屋拜年喇~~~
去到青衣~都差唔多一點幾喇~(因為我地搞搞o下都搞到十二點幾至出門口呀~)
跟住o係明叔屋企坐左一陣~~~同細佬(真係細佬黎架呢個~)謙謙玩左一陣,就去左樓下食飯喇~
食完呢~我地就撘車去左細叔屋企.............

去到細叔度,又係咁食食食~~~食左好多湯圓~~~
跟住傾左一陣偈~就出返黃大仙喇~~~

咁呢,出到黎~
阿媽個朋友就上左黎我地屋企~仲係咁幫我屋企d水仙花影相tim~~~
跟住坐左一陣,佢就話請我地去食飯~~~
咁我地就落左慈雲山中心食飯喇~~~
食食o下......我地一路傾偈,忽然間媽個朋友講左一句野,嚇到我個心涼左一涼~
佢話~

"世侄女,你一定要結婚呀~一定要請我飲呀~要似返個女仔呀~我等緊飲你果餐架~"

嘩........我當時都唔知點應佢.......佢好似feel到我係........若有所示咁........
咁我只好話我仲想讀書,唔想拍拖住啦......
唔通話俾佢聽我意女仔咩.......佢接受到我都未準備好啦~~~
雖然我真係想拍拖,想搵返個認認真真,可以長久d o既伴侶~都想講俾佢地知~~~
不過我覺佢唔似會接受果隻囉.....慘.......

唉~~~終於都要面對遲早會出現的壓力了~
睇黎我都係時候諗諗,應該幾時同爹娘坦白了~
紙.....始終都係包唔住火的.........
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
記得阿seb說過,回憶就好像一個計時炸彈~
我也說過,試著去拆那些炸彈~
拆過後~會發現那其實是很可愛的一樣東西~

其實回憶可以是痛苦,也可以是一件精美的,獨一無二的藝術品~
懂得放手,由另一個角度去細心欣賞它~
它可以是一生滋養我們心靈的蜜糖,令我們心中每天都甜絲絲的~
好好的看待自己的回憶,你會發現~其實幸福每天都在身邊~

>>February 3, 2003 at 3:00:27 PM GMT+8

2003 年 2 月 1 日 星期六 【晴】

其實,我發現自己係好好勝的~
有時我可能好唔開心,但係我就係唔想,亦都唔會俾人知..........
我唔想俾人睇到我軟弱果一面~所以我從來都唔鍾意要人幫~~~
我知道朋友想我好,所以黎幫我~
但係我會想自己一個搞掂多d...........咁我先至會覺得自己仲有存在o既價值.........

我都唔想俾人見到我喊.........可能係由細到大俾人當男仔咁睇啦~我覺得喊係唔應該架~
我唔會俾自己o係人面前喊,唔想俾人笑~~~(雖然可能冇人會笑我~),更加唔想人擔心~~~
所以我會靜靜地咁走埋一邊.........自己一個,諗o下野~~~
其實咁都幾可悲.........諗真d我都係一個幾自卑o既人黎............

>>February 2, 2003 at 2:57:33 PM GMT+8

2003 年 2 月 1 日 星期六 【晴】

今日全日都留o係屋企~冇野做~
係阿媽個朋友上過黎~

咁我今日就o係屋企打機同上網喇~
我老豆就成日度話我乜都唔做,淨係識打機~
其實我隻手o係度打機,我個腦已經不停咁o係度諗野,佢又知幾多丫~

今次返黎過年,d感覺真係好唔同.......
以前過年係想放假,想見o下親朋戚友咁~而家好似返黎係為左搵錢咁.......好悲哀~
而且而家我鍾意自己一個靜靜地咁,好過出街.......

尋日一返屋企,都差唔多未訓過就要出街,搞到我好冇精神~好冇心機~~~
但係~我知道,o係某d場合,某d地點,根本唔容許我有第二種心情出現~
對於某d場合,"快樂"似乎係一條不容置疑的真理~你不能,亦不敢去違背它~
所以~我去到每一度都要好精神,好開心~

>>February 2, 2003 at 2:06:58 PM GMT+8

2003 年 1 月 31 日 星期五 【晴】

恭喜發財~
而家已經係羊年o既第一day~
祝各位身體健康~萬事如意~心想事成~

我o岩o岩開完工返黎喇~
維園今年好似少左人咁呀~我尋日九點幾都仲見到我對住果條通道有位行喎~
咁我尋日一俾人叫去開工呢,就要先托十枝水去......手都軟埋呀~~~
跟住一去到,都未企定就開始幫手喇~~~
今日超辛苦呀~~~因為我做左應該係男仔做o既位置.........係搬貨呀.........仲要做修剪工夫~~~
十幾個鐘不停咁搬搬搬.....剪剪剪.....隻手係咁用力~~~
後尾我搬貨去隔離檔之後........發現隻手自己o係度震.......我想整停佢都唔得~~~
完全用唔到力........慘........
到十點後我就同另一個朋友一齊企上椅度叫賣.......搞到我而家變晒聲.......啞左....呵~~~

我就一路係咁嗌.......一路舉高果d又肥又大又重o既五代同堂...........
可惜係好耐都冇人買,咁我就係咁舉住.....超累........
去到後尾我地又玩減價戰.......d人先至開始多返咋.........
不過果陣都成三點左右lu........
到六點幾鐘,個場開始關燈.......咁我收工後去左一陣 256 檔,之後七點左右就返屋企喇~
返到黎都好快喎,七點半咋喎~~~架 116 用左 30 分鐘就由維園上到慈雲山喇~勁呀~~~

今年d生意真係差左好多呀~~~好似係o岩o岩回到本咋......冇得賺.......
不過好似話何鴻燊同董特首都o係我地 392 檔買過野喎~~~呵~~~
仲見到好多同學喎~阿ling啦(佢仲去埋 256 檔幫手tim~),花姐啦,德哥同女友君如啦,Fanny啦咁....
最搞笑係原來Fanny個朋友係我朋友個中學同學囉....呵~~~
256 檔就勁啦........特首夫人同佢地買"型人頭盔"......上晒電視~~~出晒名喇~~~呵呵呵~~~
本來佢地話回唔到本的.......而家好似得喎~~~

好多人都問我........究竟我咁做一做,可以搵到幾多.......
我諗應該係千幾啦......時薪大約三十左右.......
不過我呢份工算係辛苦果隻......我對面賣花果d好舒服架佢地....坐o係度.....唔似我地.......
想坐都冇位.......又冇野可以坐.......(張椅用左黎企,由頭到尾都未坐過~呵呵~)
諗諗o下......下年試o下自己搞都好喎~~~

Beaker呀~
幾時想我請食飯就搵我啦~呵呵~趁我仲有錢錢呀~~~

>>February 1, 2003 at 12:46:31 AM GMT+8

2003 年 1 月 30 日 星期四 【晴】

仲諗住佢尋日叫我地留力,今日唔會咁早叫我返工tim~
上回講到~~~我今朝五點半至訓,諗住可以訓到一兩點先去啦.......
點知今朝十一點阿頭打黎叫我返工喎..........
咁我打完呢篇野就又要去返工喇~~~
搵錢錢~~~努力呀~~~頂埋佢呀~~~
我要請Beaker食飯呀~~~呵呵呵~~~

同大家拜個早年先啦~~~
恭喜發財~萬事如意~心想事成~~~
返完工返黎我會寫返個維園現場實況出黎架~~~

呢幾日都係一個字~~~迫~~~!!!

>>January 31, 2003 at 4:22:47 AM GMT+8

2003 年 1 月 29 日 星期三 【陰】

嘩~冇得頂呀........
今日我又係一點左右就去左開工.........
生意唔似舊年咁好呀........d人冇咁闊綽~~~搞到我地要用旺角花墟價黎賣........蝕左好多架咁~
我老頂話我知~原來舊年全港咁多檔賣五代同堂o既檔口之中,我做果檔(即係我阿頭負責果檔~).....
係......係........係全港銷量最高架.......賺錢最多係我地果檔,所以今年個大老細至搵返我地做咋~
咁我又係咁不停手係咁做.......係咁做......做到手都軟晒~~~
一路又去到零辰兩點.......仲有好多人行,不過老細叫地收工先,留力聽日再搏盡~
咁我就兩點收工.......但係我之後去左 256 檔睇佢地~
都 OK 丫~不過佢地好似話預計會蝕喎........
我o係 256 檔留左半個鐘左右就走左喇~之後去追小巴.........
出到旺角.......實在太肚餓喇,所以買左碗粥............

之後返到屋企成三點幾lu.........食完野,沖完涼都四點半喇~~~
個頭又洗左未乾喎.......咁我就打陣"仙劍2"啦..........到五點半就訓喇.............

>>January 31, 2003 at 4:18:30 AM GMT+8

2003 年 1 月 28 日 星期二 【晴】

超累呀............
今日朝早訓到好遲至起身,因為我知今晚會有好多野做呀.......
咁我到十二點左右就去返工.......維園花市呢.......今次冇俾人調我去旺角了~~~^+++^~~~
咁我一去到,就係咁不停手咁做.......叫賣啦,修剪五代同堂啦,搬貨啦咁.......
途中我去左兩次廁所~順手去睇睇 256 檔~
唔去由自可~一去我就用錢喇~~~呵呵呵~~~買左一隻史諾比杯杯~~~
跟住佢地隔離檔賣緊頂好得意o既新年帽~咁我又買左一頂喎~$25 架~~~
跟住我就成晚戴住果頂帽黎賣野喇~~~呵~~~順手幫佢地宣傳埋呀~~~

今晚生意都唔算話太好~~~可能唔假期啦..........
不過見到好多幼稚園學生黎行花市喎~~~好可愛架佢地~~~
去到十點之後開始多人......我本來想十一點半走的,但係檔口得返我同埋另一個人,走唔到......
咁結果我就做到點幾鐘,佢地叫我地收檔為止喇~~~
跟住呢........我就同拍檔一齊撘的士返出旺角喇.......

返到屋企,真係成身軟晒咁滯呀.......即刻走去沖涼,跟住我就訓喇........
而家都仲未知出幾錢糧一個鍾喎~~~慘呀.............

>>January 30, 2003 at 2:51:16 AM GMT+8

2003 年 1 月 27 日 星期一 【晴】

哎呀...........
今日係我開工第一日呀~真係好辛苦呀~
我今朝十點幾收到msg,叫我一點去維園,咁我就十二點半左右去到,行左一陣啦~
見到256號檔......都唔錯丫~~~
之後我就去左392號檔幫手喇~~~
但係好亂.......佢地亂咁開價,一時話我開太高,一時又話我開得低喎~~~

做到三點幾,忽然間頂頭老細叫我即刻出旺角花墟幫手~
咁我就要即刻出去喇~~~
出到去........佢地一開頭當左我係男仔(好正常丫~),叫我去搬貨返檔口......一次車四箱貨.......
後尾佢地知我係女仔,就唔駛搬咁多.........一次搬三箱..........(呃~呵~)
咁我就一條友拎住架車仔穿梭於旺角兩個花墟之間........搬左兩次,總共六箱.........
途中架車仔仲要甩轆.........好在果時未運貨返去咋.........

跟住我就開始o係檔口企喇~~~
做到十點半,老細見冇乜人,咁就叫我走喇~聽日我又返去維園做...........呵~~~

仲有呀......我而家至記得...........原來我由開工到放工都未坐過架............
我由頭到尾企左九個半鐘non-stop呀....仲要途中去左搬貨.......嘩~~~
原來我咁勁架.........可以企咁耐..........呵呵呵~~~
不過我家仲等緊老細打黎叫我聽日開工........如果佢唔打黎我點算呢...........???

唔理了.......好累........打完就訓.......聽日至算啦.........

>>January 28, 2003 at 3:31:19 PM GMT+8

2003 年 1 月 26 日 星期日 【晴】

今日訓到好遲至起身呀~~~
冇計啦........尋晚o係房裝"仙劍2"落部notebook 度........唔得喎~!!!
咁我今朝一起身又裝過啦........都係唔得,連部desktop都唔得~~~

搞到我要返出去尖沙咀問個老細.........
出到去又開得到喎.........死game............
浪費晒我d車錢同埋時間............
仲搞到我冇得同小妖去維園...........

返到黎.........係咁狂retry............終俾我try到喇~~~
有得玩喇~~~開頭都唔錯丫~~~期待之後o既劇情發展呀~~~
一掛住玩就少左時間online喇~~~

講開又講~我聽日開始會去維園開工賣花.......朝十二晚十二或一點..........
今晚應該係我o係馬年最後一晚有時間online了.........
同大家拜個早年先啦咁~~~
祝各位心想事成,萬事如意呀~~~

悶悶的~~~咁又過左一日喇~~~呵呵呵~~~

>>January 27, 2003 at 2:46:02 PM GMT+8

2003 年 1 月 25 日 星期六 【晴】

好野呀~~~
我今日終於都買到我夢寐以求,等左 N 世o既"仙劍奇俠傳 2 "啦~~~
咁我就S.H.E同仙劍都買齊啦~~~yeah~~~

雖然我仲未玩~但係淨係買左都好開心lu........
(可能玩完會好失望都唔定~你知啦,希望越大,失望越大丫嘛~)
美中不足就係~~~呢隻唔係限量版.........淨係得初回限定送的信紙同書籤咋~~~
我後尾特登撘車去德福同淘大o既OK 睇架.......點知佢話仲未有貨到囉..........
跟住我就返左黎食飯喇~~~

其實今日呢~我就一早出左去深水"土步"幫青暉搞活動~免費寫揮春~~~
咁見返好多青暉d朋友~都幾開心o既........
跟住就出左騰龍墟幫手錄影喇~~~成日都做埋d冇錢收o既野........真係~~~
鬼叫係人情咩.........不過都好過坐o係屋企冇野做o既~~~
跟住我錄完影~就出左尖咀拎仙劍2喇~~~呵呵~~~

>>January 26, 2003 at 12:33:39 PM GMT+8