2003 年 2 月 12 日 星期三 【晴】

今日啊.........好耐未試過要七點幾出黎返工喇~
今朝六點唔夠就要起身,十足十學校返學時間呀........
跟住入到去果間小學賣左一陣,就冇野做喇~
我跟住就撘車出去秦石~~~我以為要好耐啦.....點知十點都未夠就到左......
我十二點九至要做第二間學校,結果我就係咁無無聊聊咁o係秦石遊蕩喇~
最後我坐左o係個商場入面d長椅上訓著左......訓左一個鐘~
食完飯我就去左第二間學校.......賣完就出返黎喇~

返到公司,就幫手做o下d眼見功夫~
做到四點幾,其實已經冇野做架啦,但係老細又唔放我地走喎.......一路坐到六點至放人.........
仲要我帶埋d貨聽朝自己去學校賣~~~

我本來諗住今日同老細講我下個星期唔得閒,唔去返工架.........
點知佢話唔俾我放喎........仲要我做到星期三.........咁咪同我冇講過一樣........唉......
失~敗~呀.......................

唉..........呢幾日都好頹呀...........
個人唔知點咁.......成日覺得好悶.........
同人冇晒話題...........點解會咁架..........

>>February 13, 2003 at 12:35:35 PM GMT+8

2003 年 2 月 11 日 星期二 【晴】

今日啊...........
係我第一日開工~

一朝早八點就出左去土瓜灣車場等老細~
嘩.......一到就即時開車入新界.......原來我係留o係學校賣書囉.......
但係我九點都未到就到左.....我九點八至賣......搞到我要一條友o係間學校等成粒鐘至賣~
賣完沙田果間,我就跟住老細入左上水.........
仲要o係上水四圍咁轉........轉晒上水所有小學咁滯~
一路係咁轉......去到點幾,我就去左join另一個同事間小學一齊賣~

跟住我地去左食飯.......一路到三點幾至要返去~
跟住四點半我地就o係上水返公司喇~~~
返到去我以為可以走啦,點知唔係喎~要留o係度做野........留到六點幾至走得~

聽日就慘喇.......我七點半要出到公司,八點要o係馬鞍山o既學校出現呀..............法克特~

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
望見小朋友一對對天真的眼睛
沒有欺詐,沒有拐彎抹角
突然間我覺得成人世界很虛偽
人長大了,不知不覺的也變得和成人一樣越來越虛偽
實在......很討厭這種感覺.......很討厭自己

>>February 12, 2003 at 12:03:26 PM GMT+8

2003 年 2 月 10 日 星期一 【晴】

今日,終於都又到要返工o既日子喇~
個病奇蹟地好左好多~可能係feel到有工開啦~
咁我今日就去左果間公司........今日主要係聽o下要做d咩同埋幾時開工~
咁個負責人講完我地就走得架喇~
我覺得佢地其實都好好人o既.........可能有少少惡囉.......

咁聽完野就出左尖咀睇書......仲買左本勞思光的"康德知識論要義"tim~
睇完書,咁我就返左屋企上網喇~~~

今日諗住唔用錢架......結果都係用左.......呵~
仲要搵錢開工果時食飯架........點算呢~

>>February 11, 2003 at 11:57:34 AM GMT+8

2003 年 2 月 9 日 星期日 【晴】

今日好悶呀..........成日坐o係屋企上網發呆.........
去到四點幾,見今日好似咳少左,個人精神左少少.........
忽然間好想出街喎~咁我就即刻換衫出去喇~
仲拎左五百蚊出街,準備o係我最後一日仲係正式放假o既日子洗盡佢~~~
(我聽日開始又返工喇~冇時間再出去洗錢架喇~可憐我洗盡佢都係得五百........)

咁我呢五點左右就出到旺角,第一站去左信和~
一去到就忍唔住手,買左 at 17 隻碟同埋容祖兒隻"愛上祖兒2"
咁.....因為我要趕o係六點半前返去屋企,所以我買完碟都冇乜點行就去左第二站喇~

第二站就係小鐵書店~
好耐冇上過去喇~今次上去終於見到老細Raymand~
不過就唔係時候.....因為多書都o係新年果陣賣晒.....不過我都買左兩本~
係之前講過陳雪的"愛情酒店"同埋一本叫"藍色大門"的書~
兩本都唔錯,真係幾好睇架.......

買完書,我又快快手咁落左去樓下榆林睇睇喇~
唔知我有冇認錯人呢~~~我去到榆林好似見到個人......係班長!!!(中文系果個班長~!!!)
我同佢企左o係同一個櫃前面睇書.....都係因為佢阻住我睇書名,我至留意到佢個樣好熟....
但係我冇叫到佢,費事陣間認錯啦......咁好瘀架嘛..........
之後冇耐我又走左喇~去左不遠o既洪葉~~~睇多陣書咁我就撘車返屋企喇~返到黎o岩o岩六點半~
我計過架,我平均o係每間鋪頭留十五分鐘架咋~夾埋用左二百幾蚊~

我覺得o係香港行街係唔容許我漫無目的咁行的~
我一定要有野做先至出去,無論係買野定係格價都好.....總之一定要有目的
如果唔係我會好唔自然,好似唔知自己做緊乜咁~
好似........個人浮o係大海中心,唔知應該向邊度漂過去咁.....好迷惘
又會唔知點解好緊張.....好想快d逃離條街咁.........
可能係我自己慢慢開始唔慣咁多人啦,定一話......我一早習慣左孤獨一人o既感覺?

今日仲有一樣野好好笑~就係我隨時隨地都見到有人挖鼻孔~~~
無論我撘緊車,行緊街.......只要我隨便一望,總係會見到有人o係度挖緊鼻孔.......
真是他媽的......甚麼時候不做,偏偏要我望過去才挖........法克特~!!! 史克茲~!!!
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
越來越發現,香港真是一個很吵的地方
根本容不下一刻的安靜
每個人都好像在借著吵鬧的聲音掩飾心中的寂寞和不安
表面上歡愉玩樂的人,又有多少心中是真正的愉快呢..........

>>February 10, 2003 at 1:44:57 PM GMT+8

2003 年 2 月 8 日 星期六 【晴】

呵呵呵~
呢兩日都要返工俱練中樂呀~~~冇計啦.........21 號有演出嘛...係國聲自己搞架喎~~~
咁所以我今日又出左去練喇~~~一點到六點呀........
我就係咁吹係咁吹.........一路都冇停過........吹到我頭暈兼氣喘呀.....
不過話晒都五個鐘......間中梗有幾聲咳忍唔到架喇~~~今日好左d啦.......奇蹟地咳少左喎~~~
不過痰都係咁多........呵呵~~~

諗住去到六點就走啦.......點知練練o下過晒鐘.....六點半至放人........
咁我就快快手咁返屋企喇~~~

尋晚拆左利是....呵~都幾好喎~
過千喎~我好滿足喇~~~呵呵呵~~~
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
年紀越來越大,行為卻越來越幼稚
也許我們都回不了回憶中的快樂時候吧~

>>February 9, 2003 at 1:36:00 PM GMT+8

2003 年 2 月 7 日 星期五 【晴】

真係唔到你唔信呀~
我阿媽一早話我過年實病.....俾佢講中晒呀~

次次玩完年宵都病,仲要係大病.....
病左六日喇~仲未有好轉o既跡象~
又咳又頭痛又扯晒哮咁~~~仲要打針完有反應~~~
兩隻手個針口又腫左喎~~~左手果個直情成舊轉左紫色~~~

雖然係咁...........今日我依然係出左去........
能夠o係咁o既情況下叫得郁我o既~都唔係好多個人架o者~~~
果個........咪就係倩囉~~~
佢四點幾打黎話上黎,結果去到五點幾先至o係教會走......仲由上黎變左叫我落去....
結果我就五點幾俾佢call左落九龍城"環球嘉年華"喇~~~六點半我地先至見到面~~~
一落到去.....唉,即時破財.....我銀包果一百蚊就即刻奉獻左俾佢喇~~~
好在仲有廿蚊食飯~~~
咁佢同家僖玩左一陣.....都成七點喇~我就趁機走先~因為我仲要返國聲呀~~~

去到國聲......我以為都係返七點半啦.......點知係返七點喎~
搞到我遲大到......瘀爆呀.......好在大家都專心排練,冇乜點話我~~~
嘩.......今日練d歌超難呀.......轉左三次調.....兩隻手打晒結~~~
又快喎~~~好高難度.......不過好好玩同好好聽呀......真係值得一聽架~~~

不過呢~可能係吹管樂器要不停咁吹呀吹.......我個頭就越吹越辛苦....越吹越痛.....
吹吹o下又咳........搞到我中途停左幾次......吹唔到落去........起晒痰咁......
吹到臨走之前果幾次仲有d暈暈地o既感覺~~~
聽日仲要排一點至六點,點頂呀..........死梗啦咁........

點算呀,我仲要返工架~仲要玩架~
我唔想成個假期訓o係屋企呀.....

>>February 8, 2003 at 3:11:45 PM GMT+8

2003 年 2 月 6 日 星期四 【陰】

~兩手齊齊打針針~
今日一朝早起身~原來已經十一點喇~
我諗要練返早d起身至得,因為我過幾日要返工返八點呀.........
咁我起身果陣,個人已經feel到自己咳得好勁..........係一醒就未停過........
我諗住咁實唔打得針啦.........點知我打去問,個醫生話"唔.......冇發燒就打得架喇~"
咁結果我就o係係咁咳同打噴嚏o既情況下出左旺角打針喇~

出到去,好在唔係太多人,咁我好快就排到去打針喇~~~
一路我都忍住唔咳,唔打噴嚏,費事陣間佢又話唔打得~
咁我打完針呢~~~就打左個電話去搵 ii ~~~諗住搵佢出黎行書局啦~
點知佢又唔出得街喎~~~傾左一陣電話,咁我又諗住自己一條友出尖咀睇書啦........
(本來諗住行榆林的,但係呢牌唔知做乜,唔想行旺角d書局.......)
出到尖咀..........個天又落雨喎............搞到我冇晒mood呀.........書局都冇上,就直接轉5c返屋企了~

今日真係唔係好掂...........
今朝已經勁咳架啦.............打完針,唔知係咪有反應......個人好暈........
仲衰過尋日...............唉.................
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
越來越喜歡獨自一人的感覺
沒有束縛,自由自在~
而且可以免卻在熱鬧人群中必須裝起的虛偽~

>>February 7, 2003 at 8:38:11 AM GMT+8

2003 年 2 月 5 日 星期三 【晴】

辛苦的一日呀~~~
今朝我訓到十點幾,諗住可以再訓落去o既時候~
忽然一個電話打黎搵我喎~原來係小妖..........
佢問我今日出唔出去尖咀食自助餐,慶祝Julian生日...........
我奇怪緊~點解之前冇人搵我o既? 問問o下至知,原來係小白負責約人的~
而佢打漏左好多電話搵人囉.........如果唔係小妖打黎,我都唔知今日有咁o既活動呀~
咁佢打到黎喇~我梗係以極速換衫出去啦~佢地約十二點,我出門口都十一點九喇~ =p
臨出門口,老豆問我今日返唔返黎食晚飯,先記得今晚仲要返國聲~~~哎~~~失敗呀~~~

出到去~十二點七~好在仲未係最遲果個~~~
肥巧同埋袁斌伉儷仲遲過我~~~
我地就係咁o係尖咀小熊國萬福度食食食~~~食到三點~~~
大家不停咁又食又傾~~~真係好開心架........
搞到我病都食左三大碟壽司~~~

之後我地去左新港中心打機~~~
仲o係機鋪見到 boy twins 果個steven~~~
真人比上鏡樣衰好多呀.............個樣成日都訓唔醒咁................

打完機~我就去尖咀商務睇書~~~
今日又買左兩本書喇~係尼采的"上帝之死"同埋一本"中國古代性殘害"
好正呀~~~

跟住返左國聲............今次d歌都唔算太難o既~~~
我諗我應該跟得上掛..........唔好演出果陣先至衰就得架喇~~~
不過一路練一路勁咳囉.........超辛苦呀..........
練完我就去左皇朝同Astor食糖水~跟住拎左塊"公主道"牌~咁就返屋企喇~~~

今日其實成日都冇停過咳..........頭痛就冇喇~不過咳就勁左...........
返到黎仲係咁打噴嚏tim~~~
原來打針果度聽日至開工...........所以呢~我都係要聽日至打得針~~~呵呵呵~~~

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
今天,一個人走在昏暗的街上,有說不出的舒服感覺
人生最難得的,相信就是這一瞬間的平靜吧~
人越想被世界遺忘,自己卻越不能忘記世界~
惟有甚麼也不再執著,不再介懷~
才可達到真正的平靜境界......

>>February 6, 2003 at 4:55:25 PM GMT+8

2003 年 2 月 4 日 星期二 【晴】

今day個人好左少少喇~
十點幾起身,個頭冇尋日咁痛喇~~~咳就仲有少少,冇咳咁多~
但係咳親都扯晒...............好似想咳晒d五臟六腑出黎咁..........
條氣管好辛苦..........但係又咳唔到舊痰出黎...........
唉....睇黎都係有牌咳喇~~~

今日都係冇打到兩枝肝炎針,因為想抖多一日先~
我諗聽日就會去打架喇~~~
希望聽日會冇事啦~~~
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
人都需要愛情
人也離開不了愛情
可是找到了所謂的愛情
卻每分鐘都在遠離愛情
人果然是一種很怪的動物

>>February 5, 2003 at 2:12:01 PM GMT+8

2003 年 2 月 3 日 星期一 【晴】

今朝起身~嘩~唔多掂呀~
個頭超重呀..........又痛喎.............又不停咁咳咳............
咁我就留左o係屋企喇.......

留左o係屋企~咁我又不停咁上網啦,打機啦~~~
咁但係果頭又不停咁痛喎............一咳就頭痛...........
嘩.....難頂到我呀........
跟住我老豆又又叫我落去慈雲山中心拎相喎.........
咁我就混混沌沌咁落左去拎相啦.........
我落到去,拎完相,行到去7-11之前o既報紙檔.......
俾我見到兩本有仙劍2 o既攻略喎...咁我就梗係買啦~
一路睇,個頭又一路痛喎~不過好開心呀~有攻略~~~

返到黎,我就進行左今日最重要o既事喇~~~就係~~~拜太歲 喇~~~
拜左三拜,上左三注香.....咁就拜完喇~我老豆好著緊架~
我屋企一向都唔拜神架,唯獨係一年拜一次太歲架咋~~~
咁跟住我又開始我o既上活動喇~~~

不過呢~對住部電腦太耐,個頭真係勁爆痛.......
搞到我咩創作靈感都冇晒..........而且心情唔多好........
好在仲有 ii 同beaker同我傾偈~~~

今晚呢~又仲係對住部腦腦.......打左一陣"仙劍2"......冇精力打落去.......
咁又出返黎,寫呢篇日記喇~~~

希望病病快d好啦.........我仲要打肝炎針架.....仲要返工架.......
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
水由頭上不停的落在我的身上,
淚也一點一點的滴入我的心裡~
此時此刻,我竟看不到一點光~
這裡只有黑暗,沒有人,沒有光,沒有希望,甚麼都沒有.........

>>February 4, 2003 at 3:18:50 PM GMT+8