2003 年 2 月 22 日 星期六 【晴】

唔開心...........
好唔開心............

今日起身冇耐,終於都知道可以去睇成績........
我地托人上網copy左個成績返黎睇....
唉..........................
我好彩......全部pass...........但係勁低分囉...........
全部都六十幾七十分.........一科八字頭都冇............
惟一一科有九十幾分的.........居然係得一個學分的 PE.......真係.............失敗呀.............
人地個個GPA 都有2分以上....好多係3分以上tim.........
偏偏我就得 1.85 ................點解呀..........咁all pass 又有咩用喎...........

唉......惟有寄望下個學期啦...........少野讀左,應該易拎分dd掛..........
仲可以俾多d時間我去睇書.............
我o既新目標係~~~下個學期GPA 要有3 分以上~~~

不過講時講......咁o既成績一定唔可以俾爸媽知道住......
等我拎到好成績再同佢地講啦..........呵呵呵~~~

超灰呀而家..................希望在明天................即係今天冇希望啦.............

>>February 23, 2003 at 10:03:25 AM GMT+8

2003 年 2 月 20 日 星期四 【晴】

今日好勁呀~~~因為係我咁大個仔第一次自己有份擔正參加公開演出呀~

咁我朝早都同平時一樣~到兩點幾我就出發去葵青劇院喇~
去到.........原來仲有好多人未黎囉.........
咁我地等到四點幾,人齊就開始最後排練喇~~~
一路練到七點幾...........差d飯都冇時間食呀~(我地八點演出~)

跟住就係演出時間........嘩.......緊張到我呀.....
隻手係咁出汗........呵呵~個口一路吹一路震....去到第三四首歌至冇咁驚咋~
跟住........呵~雖然間中有少少出錯~隻 "絲路駝鈴" 無端端變左二重奏之外~
其他都唔錯丫~話時話,隻歌變左二重奏個效果都幾得意喎~

演出完~發覺自己成身出晒汗........濕晒~呵~
之後同倩,家僖,吉仔,小莊子,順風一齊去左食宵夜........
倩仲拆左我份禮物........就係 snoopy 大木盒果隻記念錶~
不過就未睇信~希望佢真係記得俾回應我啦~
佢就係咁~答應左我o既野一轉眼就會唔記得架喇,可以話唔多上心咁啦.............唉~

各位朋友~
我聽日就會返去珠海讀下學期喇~
以後應該唔會日日上黎寫日記架喇~
但係我希望你地都會上黎睇一睇~順便幫我谷o下d人氣丫~呵呵~
記留多d言啦~
再見喇各位~~~byebye~~~^+++^~~~

>>February 22, 2003 at 2:11:51 AM GMT+8

2003 年 2 月 19 日 星期三 【晴】

今day.........好搞笑~
咁我今日呢一早就約好左紫云出黎見面~順便一齊去買野俾人~
咁我約左佢三點九~~~點知我三點半左右就出到去喇~
紫云就同香兒一齊黎~準時三點九出現~~~
我地首先去行左一陣家樂~~~我諗住搵一份禮物送俾人~
由於果位受禮人可能睇到呢個版~我就唔講係咩住~聽日開估~~~
但係我搵黎搵去都搵唔到我原本想去果間鋪,所以我就買左另一樣野俾佢喇~~~
只可以話俾你地知.......我用左我張 $500 蚊摺的 "心連心"~~~
行到中途,Astor話佢到左旺角,黎家樂搵我喎~~~紫云一聽到即刻話走囉~~~
咁結果Astor o係度睇野果時........紫云同香兒就溜走左喇~
我就繼續同Astor同埋佢同學一齊行左一陣旺角~仲買左張咭~
跟住佢同學就走左喇~~~

我本來諗住叫返紫云返黎的........但佢話去香兒屋企~咁我就冇再搵佢出黎喇~
之後諗住去撘小巴走啦.......點知最後都係陪左Astor撘地鐵去鑽石山~~~
仲陪埋佢上去佢幫人補習果度.......采頤花園喎~我都未入過去~~~呵呵~~~
佢去幫人補習果陣呢~我就去左行荷里活~~~
一路到六點鐘,佢放左工.......我地又一齊去行多左一陣...仲打左鋪機~(死仔又去打機喇~)
跟住行到六點九左右,我同佢一人拎住一個奶撻就去撘小巴喇~
之後返左屋企.......陣間我就會寫果張咭的了~

聽日就係我演出的大日子~~~
而家有d緊張tim~~~希望聽日會成功啦~~~
我唔想臨返去都要留低不愉快回憶啊..........呵呵~^+++^~
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

有一個不錯的問題，想與你們分享~
有一天晚上，你一個人開著一輛雙人座的跑車，行駛在郊外，發現不遠的前方有三個人在向你攔車，而你的車只能搭載一個人，你會怎麼選擇？
a：一個身患重傷的老奶奶
b：曾經是你救命恩人的醫生
c：你夢寐以求的夢中情人
先想一下你會怎麼做，再往下看喔。


你可能會選擇a發揮你的愛心
也可能選b報答他的恩惠
或成全你的夢想選c
可是………你有沒有想過能有更好的方法呢？把你的車交給醫生讓他載老奶奶去醫院然後跟你的夢中情人漫步在月光下

許多人想不到這種完美的結局，原因是因為你放不下手中的方向盤(權力)，你會侷限在所有權的框框裡，車子是我的；房子是我的；口袋中的錢是我的，忘記了（捨得）忘記了捨得的真正涵義「有捨才有得」另一項的另類思考：人活在充滿選擇的世界裡，早就忘記了如何去突破僵局~
為什麼一定要將就別人給你的框框呢？
當你陷在左右為難的十字路口時，難道就一定要選擇別人建好的道路嗎？
拋棄這個觀念吧，你也可以為自己建一條更好的道路啊！

>>February 20, 2003 at 2:03:52 PM GMT+8

2003 年 2 月 18 日 星期二 【晴】

今朝post左果篇野真係好好笑~~~
講返先~

我今日反常地十點就起左身.......完全冇想再訓o既感覺~
跟住我就開始上網.....一路上到點幾鐘,同Beaker,仲有 ii 傾完偈,我就換衫出左勞校喇~
出到去.......我o係路口就見到翠賢miss喇~
咁我就返左勞校先啦~今次返去冇咁勁喇~多數人都唔認得我喇........
都係一件好事黎o既~係咪? 人係要大個架嘛~唔可以再淨係掛住以前架喇~

跟住我返到去......一上去一樓就俾黃潔萍miss捉住左~要我教師弟吹笛~~~
其實我都好耐冇吹喇.........不過就指左一d問題出黎囉~~~
之後我留左o係一樓吹笛......期間見到雯~仲有小莊子~仲有吉仔~
之後倩黎左.......仲要我教佢吹 "我的驕傲".......其實都唔難吹丫~
不過小新sir見到倩吹......又走過黎同我"唱雙簧"......激到倩紮紮跳呀~呵呵~
唔知有冇嘈到教員室o既老師呢........有就真係唔好意思喇~~~

玩左一陣....唔覺唔覺就五點幾喇~~~咁我就走喇~
咁之後我,倩同家僖就去左KFC食野喇~~~傾左一陣偈咁啦~~~
之後.........很慘地被迫去左銀城映貼紙相.........唉,又用錢喇~
仲諗住留返d錢買野俾佢tim...........不過都映得...ok啦......
映完成七點鐘.......我就o拿o拿臨撘車返屋企喇~~~

今次返去都冇乜點同老師們傾呀~~~可惜呀~~~不過呢~~~
我就約左翠賢miss五月我返黎果陣出黎飲茶~~~呵~~~真好呀~~~

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
再一次覺得自己很幸運
上天給了我很多次成長的機會
人生中,變老和長大是完全不同的~
人一定會變老,可是人不一定可以長大
長大是~我們可以善用每個改變的機會令自己成長,活得無悔~
所以我設法令自己在變老的同時,也不斷的長大~
希望大家也能不斷長大,擁抱夢想,活得無悔~^+++^~

>>February 19, 2003 at 1:39:26 PM GMT+8

2003 年 2 月 18 日 星期二 【晴】

好想post左呢篇搞笑野出黎.......係我個fd的 ICQ info~

也許我真是覺得太累
也許，也許我要睡一睡
那麼叫鬧鐘不要響起
媽不要哦，電視不要開

不許燈光照我的眼簾
不許電話擾我的清夢
無論誰都不能驚醒我
小小的睡房庇護我睡
　
也許我聽這德伏扎克
聽這F4的流星雨
也許我聽這般的音樂
比麥浚龍的歌聲更美

那麼我先把眼皮閉緊
我就讓我睡，我讓我睡
我把棉被輕輕蓋著
我叫堆筆記滿天的飛

>>February 19, 2003 at 6:13:22 AM GMT+8

2003 年 2 月 17 日 星期一 【晴】

~無聊的聚會~

今日.....呵呵呵~都可以話幾無聊喎~~~
一朝早.........訓到十二點至起身~嘩....好耐未試過喇~
跟住至諗起.....好似今日約左 ii 喎........
個人仲十下十下咁......本來有少少想唔出架喇~不過後尾都係出左~呵呵~

咁我約左 ii 兩點半o係尖咀旗桿等~點知我出到去.....枝旗桿整緊喎~不得不講句頂呀~
咁我自己又遲左到喎~一落車又搵唔到 ii 喎~我仲以為佢走左~
咁我行左去商務樓下打去佢屋企........佢媽又話佢出左街喎~
結果我返去旗桿下面~奇蹟地我見到個類似 ii 的物體.........
原來佢去左M記買野飲囉~(佢自己都遲左黎.......呵~兩條友都遲到~)
仲要原來兩個人今朝都諗過唔出黎囉.........真是他媽的~呵呵呵~

咁跟住我地就一齊上左商務睇書喇~
一路睇一路睇.......我地由初初一邊睇一邊傾...........到最後各自為政~各有各睇~
佢有佢睇 "錯體聖經xxx"(唔記得左~),我有我睇 "書虫的少年時代"
兩條友就係咁無無聊聊地坐左o係商務個地下睇書...........
一睇就睇到五點幾六點~我仲打埋電話俾老豆話我唔返去食飯~
中途我仲搵到一本書係寫S.H.E的.......哇哈哈~開心死我喇~~~
雖然後我老豆打黎話阿媽買晒野煮飯......但係我都冇返到去食~
因為我一時興起話出去食飯囉......呵~仲請左 ii 食飯~(Beaker都未請就請你喇.....勁啦你~)
最後 ii 買左本黃易同埋一大堆筆,我就好忍得手,乜都冇買~咁就撤退喇~~~

跟住我同 ii 就諗去邊度食飯喇~我諗住去別府, ii 就話去麵藏.......結果猜包剪搥決定,我win左~呵~
本來諗住行去太空館買星位圖,之後行去別府食的~
點知太空館星期二閉館一天囉.......真是他媽的~
仲要行去尖東果條路封左囉........(海傍果條路呢.......).....法克特~!!!
真係天意呀.......咁所以我地又傻傻地咁行返去麵藏食喇~~~

我地一路食一路傾.......傾左好多野....(不過我唔係好記得傾左d咩喇~呵~)
總之係講左d我地以前的事.......同埋對朋友的睇法同感覺........
仲有....就係討論我地兩個究竟係幾時開始咁熟,傾到咁多野的...(好似而家仲未有答案囉.....)
講真,我覺得同 ii 傾偈係一件好開心的事來的~基本上好少人同我o既channal係咁夾的~
有好多野,唔係同個個朋友講都可以有共鳴同埋有啟發的~ ii 就係呢種少有可以有深入交流的朋友~
咁我地傾傾傾........傾到九點半左右就走喇~走前仲去左打鋪機tim....呵~

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
一直以來,都覺得自己很幸運
有一班無論甚麼事都會支持我的朋友
而且o係不同方面都有可以深入傾談的對象
學 ii 話齋~"我很任性妄為,幸有你們的包容"
Beaker , Astor , ii , Julian ,小妖,家姐,雯,倩,仲有一路以黎默默支持我o既各位朋友~
多謝你地~多謝你地願意分享我o既喜怒哀樂~
我........果然是個幸運兒~^+++^~

>>February 19, 2003 at 1:46:08 PM GMT+8

2003 年 2 月 16 日 星期日 【晴】

今日係我最後一日返工喇~~~有少少唔拾得tim~
我今朝一樣係六點起身.......尋晚仲同 ii 傾到十二點幾都唔訓,今朝起身真係好高難度呀~
之後今日入左曉麗苑一間幼稚園賣書~
今朝諗住唔係好凍啦,著左件短袖衫做底........
點知都未入到去就落雨.......o係觀塘仲要冒雨等小巴~見到好多st.cat 的學生.....呵~
上到去.........嘩......又大風又落雨.......又唔係大雨喎,係正宗的 "綿綿春雨" 呀.....
即係陰風陣陣.........我個頭就係咁淋濕左........件衫都係~
我又著唔夠衫.......搞到我要o係寒風中一路打冷震一路仲要賣書........
希望唔好因為咁再病啦..........大佬~我o岩o岩好返架咋........
我仲要玩,仲要出街,仲要睇書,仲要識女仔架~(呃.....呢個人....個腦淨係得女仔.......)

賣到點幾鐘,我終於可以返去公司喇~
我話俾老細知我今日返去讀書.......(大家唔好講出去呀~)
咁所以老細今日出埋糧俾我,仲俾我早d走tim~~~
其實我都唔係話想呃佢......但係我想留返幾日俾自己執o下野,靜靜地留o係屋企~
咁我走左之後就即刻去銀行拎左份糧出黎先啦~~~(佢俾我果張係現金票黎架~)
然後我就返左屋企喇~~~

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
不知有沒有一種東西會是你們的剋星~
我自己就有一些東西會令我心痛得不能自拔~
而那些東西總在我毫無防備之際閃進我腦海之中~
可能是吃飯時,乘車時,臨睡前......甚至是沖涼時~
總會忽然的讓我的心一陣抽痛....
雖說是已經拆掉了最大的回憶炸彈
可是........有時候看不見的地雷更加可怕..........

>>February 17, 2003 at 11:49:46 AM GMT+8

2003 年 2 月 15 日 星期六 【晴】

今日都過得幾充實丫~

今朝好遲~成十一點至起身~
跟住食左飯就出去喇~
本來約左Astor去尖咀的~點知最後我地去左旺角囉~
見到阿珊仲有......果位唔記得叫咩名.....好似係...姚姚?
跟住係咁o係旺角行...........行到五點左右我地去左 cyber city 打機~
佢地係黎搵阿健健的~之後一齊打左陣機,去左買pan cake~
途中仲撞到阿晃同二拎~呵呵呵~
我見我好似同班人唔係太熟咁.......所以跟住我就走左喇~

跟住去左九龍塘.......去左又一城間 Page one............真係好鬼多書~
睇黎我以後蒲書局又多一間選擇喇~~~
睇到咁上下,我就返左黃大仙~
因為阿媽叫我去騰龍墟幫手喎...........咁我就由七點錄到九點~

之後我就買左糖水上去Astor屋企食~~~
仲上去上左一陣網tim~~~咁去到十點,我諗住返黎寫日記,咁就走左喇~

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
睇完Beaker個日記,個心忽然間好似諗到d野咁~~~
佢話覺得自己其實唔了解佢o既朋友~
我就覺得~其實朋友之間係有一種微妙的關係存在著的~
自己總會唔多唔少想o係朋友心目中留低一個特別的形象~
比如話一諗起傻傻地的肥仔就會諗起我咁講啦~
我想人地覺得我係咁,我至俾呢種性格你地睇到~
而我可能有好多重性格都未定~咁就要留返朋友自己去發掘喇~

不過我今日出街果時諗到~其實原來我都唔了解我o既朋友架~
諗真d~好似一路都係我d朋友關心我,睇住我~
而我就係一路都想製造一d野出黎引人注意,引人關心.........
從來都只係佢地知道我想做d乜,想要d乜,想做乜野,想點樣做~
而我就好似從來都冇去認真咁諗過佢地想點,想要d咩~
我甚至連我o既朋友鍾意食咩,鍾意著咩衫,鍾意咩顏色都可能唔知~
而呢d人......好可能係我的好好好好好朋友來的~!!!
我覺得自己好似一路都o係人地身上吸食緊佢地的養份咁~而自己就不停咁靠呢d養份生存~
情況有d似痞子蔡所寫的 "檞寄生" 一樣~

Beaker,失敗的人不是你..........是我

>>February 16, 2003 at 3:31:17 PM GMT+8

2003 年 2 月 14 日 星期五 【晴】

今日係元宵佳節~各位元宵快樂呀~

我今日呢.......哇哈哈~終於可以訓到鬼死咁遲至起身喇~
咁我一起左身呢~我媽就捉左我去剪頭髮喇~
我就又剪返個短短頭~~~省回不少洗頭水錢呀~~~呵呵~~~

跟住呢~我同我媽就去左荷里活廣場睇旅行袋~
睇中左個nike的~不過覺得貴左少少~
後尾我地返左屋企,換左件衫又出左旺角再睇~
終於o係旺角俾我睇到個~個款同價錢都ok o既~係reebok的,灰色的袋袋~
咁我就買左個袋喇~準備用黎裝行李返學校架~(又係自己錢......嗚.......)

由於我媽七點要去我以前間中學附近食春茗~(勞校搞的~)
咁所以佢就同我一齊再行左一陣旺角~
我地去左榆林.....我估唔到我媽會提議同我一齊去睇書囉........
我仲想上去小鐵架嘛....佢o係度我就上唔到喇~
佢o係榆林睇左一陣,買左小思本"夜讀閃念"........睇黎本野唔錯,遲d我會借黎睇睇的了~
到左六點半左右,佢終於走了~~~咁我等佢走左一陣就上左小鐵喇~呵呵~

哇.......一上到去見到好多男人~就係見唔到有女仔~(唉~上去咁多次都未遇過,有冇搞錯呀~~~)
咁我就去睇書啦........今次好彩喇~o岩o岩有新書返到~咁我自然就少不免會買書啦~~~
結果我就又買左三本書~(點解次次都係三本o既?)
係AD o既 "握手" , 小也 的 "我的心裡只有妳沒有他" 同埋 小紅豆 的 "遇見" ~
三本書都好好睇呀.......不過我d錢就........所餘無幾喇~

我跟住去到七點左右就去左返國聲啦~
返到去.....原來今日係最後一次練習囉~~~我仲以為聽日仲有得練tim.........
都仲係好似唔係好得咁.......下個星期就演出喇~點算好呢?
放果陣我又約左 ii 星期二出去尖咀睇書~
我發覺我o既人生真係幾悶.......完全可以俾人估到我下一步想做乜,會做乜,去邊度.......
真係.....都幾失敗~呵呵呵~

Beaker,Astor~
點解你兩個會o係我呢度討論我架?
咦咪住........o係我塊版討論我o既野又好似o岩架喎.......呵呵呵~
死 tor tor 唔好再玩野呀~
Beaker你都唔好講得咁肯定啊~~~呵呵呵~~~
我個腦諗緊 d 咩......其實有時我自己都唔清楚架~呵呵呵~

>>February 16, 2003 at 5:01:45 AM GMT+8

2003 年 2 月 13 日 星期四 【晴】

各位.........情人節快樂呀~
我就又過第十九個冇情人的情人節喇~
唉........拍拖果陣都過唔到情人節,失敗呀~

今日我終於同老細講左...........我返埋星期一就唔做了~
咁今朝可以遲少少起身~八點就入到大埔~
賣到點半鐘就走喇~返到去公司,都好多野做呀~
一路做,今日真係冇停手咁做到六點至走呀~~~

跟住........差唔多放工果陣已經聽到公司好多人傾電話.......講今晚去邊~
唉...............心傷呀...............可惜我...........唉..........
不過冇都冇計,我要果種天長地久式的係好難搵的~我都明~
所以我寧願冇都唔想是但搵個~而且我冇錢是但搵個........呵呵~

咁所以我一放工就返左屋企.........打機~
一路打仙劍2,一路傾電話~
跟住就寫左呢篇日記喇~

>>February 14, 2003 at 1:03:25 PM GMT+8