2003 年 3 月 21 日 星期五 【晴】

以下這篇東西,是我昨晚和媽臨睡前在我房間口討論完後的感覺~
我們討論的主題是關於"金錢"的~
傾完我就入房寫左呢篇野喇~~~而家原文照錄~~~
(由於好即興咁寫,我又唔想改字 (<~死懶鬼......)
所以呢篇野可能有好多文法錯誤同埋語意不通之處,還請見諒呀~)

~自豪~

如果現在要你用一個詞語形容你對家的感覺,你會用那個詞語呢?我自己就會用"自豪"一字~
我為自己生於這個家庭而自豪~有一對開明的父母,肯和我分享他們心中所想的.
(雖然通常都是媽在說,爸在睡 @_@)
他們也肯分享我內心的想法,而且用盡一切支持我.雖然你們口中不說,但我是感受的到的~!!!

我知道,我一出生就註定了沒有富貴的童年,一切都要靠自己用雙手爭取,我知道的.......
你們把能給我的都全部給我了,剩下的我會靠自己雙手去爭取,而且要把你們給我的,雙倍的報答你們~
真的很感謝你們~感謝上天給我這一個美好的家庭~

不知怎的,剛和媽討論完就浮出這樣的感覺~
很多家庭就是因為缺少了這種溝通才會弄得關係不好吧?
嗯............我真的很幸福啊~!!!

2003年3月22日
零晨 12.15 家,房,床上

>>March 22, 2003 at 10:28:58 AM GMT+8

2003 年 3 月 20 日 星期四 【晴】

嗯~~~今日都真係幾得閒~~~
今朝又係鬼死咁晏至起身~~~
起左身.........原來全屋得我一個囉~~~
咁我又做左我一起身就會做的事.......就係開電腦喇~~~

咁既然得閒,我就一路上網睇野啦~~~勁呀我~~~兩日睇晒天行果三百幾篇日記喇~~~
睇緊日記的同時,我同阿seb同阿樂o係icq chat 緊~~~
同佢地傾都幾有得著架..........

之後,去到十二點幾,我決定出街喇~因為今日要去剪頭髮呀~~~
不過我最後都係搞到點幾至出門口~~~
去到...........我叫師傅有咁短幫我剪咁短...............呵呵~~~
不過好似都係同之前冇乜分別o者~~~

剪完頭髮之後呢~我就撘車出返尖咀,要去買返珠海的船飛呀.........
去到.........原來中港碼頭得返新渡輪去澳門囉...........九州港又太貴..........
結果我都係買左澳門船飛..........星期日 11.30 am 走~~~
之後行左返去太空館.........要買星位圖呀.....我記得架今次.......
買完...........忍唔住手........又去左打一鋪機........
今次勁喇.........我終於可以玩完條夕陽賽道喇~~~!!! 仲有九秒剩tim呀~~~第一次咋~~~
之後我就撘車返屋企喇~~~

今日買飛果陣都諗左好耐........究竟買邊日咩時間的飛至好呢?
我又想早d返去..............但係又想留o係度同朋友傾多兩日(返到去好難可以煲電話粥架喇~)
唉............諗黎諗去都係留多日好d...........我放唔低呀...........
早d返去都係為左要早d做一件事o者~~~我諗.........遲少少應該冇問題o既..........
我一定會同佢講架喇............不過唔知到時講o既內容係咩o者~~~

我諗.........我可能又犯第三次錯誤喇..........我依賴性果然係強得好厲害呀........
但係.........能夠令我犯錯的人.......多數都係我永遠的"好朋友"黎架~~~

>>March 21, 2003 at 11:15:50 AM GMT+8

2003 年 3 月 19 日 星期三 【晴】

今日啊...........
我今日一早就起左身,但係"早"都係九點幾喇~~~
跟住我就好快咁換晒衫,十點半就出門口去左唱kk 喇~~~

十一點正,我就去到尖沙咀,等到十一點三,阿心,seb哥哥都黎,我地就去左neway唱k喇~
嘩........一唱就勁喇.........我地由十一點幾唱到四點~~~
完全過足晒我o既唱k癮呀~~~
中途tor tor 打俾我~~~我仲唱左首"身體健康"俾佢聽架~~~
跟住我地繼續係咁唱唱唱~~~唱到聲都沙晒~~~

唱完出黎.........seb哥哥有事走先~我同阿心就行返去碼頭~~~
佢仲一路諗緊買咩俾佢男朋友的媽咪~
我地去到星光行就分開走喇~~~我就上左商務買"邊荒傳說"俾 ii .......
跟住仲順手落埋去二樓電腦城買game~~~"寰神結"呀~~~
之後就撘車返屋企喇~~~

呢牌我又開始思緒混亂喇~~~完全唔知自己想點~~~
原來有時有選擇都未必係一件好事來的..........
返香港報non-jupas 已經冇希望喇...........
我o既"優柔寡斷"o既性格又出現喇~~~
我好怕..........怕自己選擇錯左..........傷害自己又傷害到人...........
點算............我相信愛情,但係我唔夠膽相信我自己呀..........

>>March 20, 2003 at 1:28:47 PM GMT+8

2003 年 3 月 18 日 星期二 【晴】

一路都好奇怪........究竟我係咪諗野諗得太多呢~~~
我發現我成日都會係咁問自己~
"究竟我係一個咩人呢? 我點解會咁樣諗一件事架呢? 我究竟係點樣的一個人呢?"
呢個問題o係我一得閒果陣就會浮出我個腦度架喇~~~

我成日都覺得自己有雙重性格.......一時好樂觀,一時又極度悲觀~
天行"姐姐"形容佢自己的話其實都幾o岩用黎形容我~
"愛好中文，喜歡音樂，嗜好玩樂，專長睡覺，憑感覺，固執，優柔寡斷，多愁善感，反覆......"
另外仲要加埋"害羞"同埋"自我認識不足"~咁就係我喇~

成日都唔知自己想點........就係咁錯過好多好多機會..........
又連累好多人...........唉.............

tor tor~
我冇重x輕友架.............你要信我呀~~~


>>March 19, 2003 at 2:14:49 PM GMT+8

2003 年 3 月 18 日 星期二 【晴】

好開心呀~~~
今日終於都返黎香港喇~~~

呢幾日都好無聊~日日放學返宿舍都冇野做..........打機都打到悶呀........
而且而家宿舍d人際關係好混亂........我都唔太想留o係度........辛苦左 ii 喇~~~
佢要一個人留o係度四日.........對唔住呀~我會早d返黎架喇~~~

講返先~
今日朝早我又想唔起身喇~~~不過最後都係醒左.................
上完英文,我就準備返香港喇~~~
十一點,我就同阿心,阿seb,阿樂,浩然同學一齊去九州港撘船返黎喇~
返到香港都成一點幾喇~

今日都好特別呀.........因為今日阿seb個朋友黎接船呀~
仲有佢介紹俾我識的一位朋友~天行"姐姐"~呵呵呵~~~
我地出左中港城,一路行一路諗去邊度食飯~
我沿路都好驚囉~驚悶親佢朋友呀........
所以不停咁同佢講野.........希望冇煩親你啦~
最後我地去左金星打左一鋪機~然後就去"星加坡餐廳"食飯喇~
呢餐飯我都食得有少少緊張......好在已經熟左d~都有野講喇~
死仔seb又一路食一路講埋d有弦外之音o既說話~搞到我丫.........

食完飯~阿seb同佢個朋友就走左喇~
咁我同天行呢............就行返去新港中心間"無印良品"度行o下街啦~
我同佢都買左筆記本子同埋筆~~~
之後我地傾開.....佢話o係旺角見到姆明的信用咭~
咁我地就撘MTR出左旺角搵喇~~~搵到架~不過果間唔知係咩銀行咋.........
跟住見仲有d時間~我地就行左一陣家樂...........跟住仲去左買pizza食tim~~~
之後我橫掂冇事做,就陪左佢撘車入青衣喇~
一路我地都係咁傾係咁傾架~~~不過我講多個佢講囉.........呵~我都覺得自己有d煩呀~~~

入到青衣~佢就去幫人補習,我就撘返車出黎喇~~~
一返到黎~我就即刻打俾tor tor........呵~唔好意思呀~我轉左咭,打唔到俾你呀嘛今日~~~

總之一句.......今日真係好開心呀~~~^+++^~~~

>>March 19, 2003 at 12:29:31 PM GMT+8

2003 年 3 月 13 日 星期四 【晴】

今日~~~心情都幾低落...........

尋晚返左宿舍之後~心情就未好過..........
一路都係處於水平線以下...............
成晚都訓唔著.......十二點之後,全房訓晒.....得我一個仲好精神咁坐左o係位度......
個腦唔知做咩........空白一片.........但係又完全唔眼訓喎........
我又費事開燈阻住佢地訓.........就熄左燈,開 木台 燈啦.....
跟住我就寫左我本日記本子.......呢本野係絕不公開的......
之後寫完都成點喇.........我仲睇埋本S.H.E 寫真書,睇到兩點幾至上床.........

上到張床,我發現自己仲係未有想訓o既意思............
望住兩個訓左o既同房......忽然間我好想喊..........唔知點解架喎~
但係又冇喊到.........係呆呆地咁坐左o係度...........坐到三點幾........
之後因為我知朝早有八堂,所以迫自己訓.........
今朝七點都未到又自己醒左...........個腦仲係好似唔多得咁.........鬼咁清醒,同平時完全唔同.......

跟住上完朝早堂.........我地去左食飯,阿seb約左朋友就走先
本來我諗住打波的,但怕有人上堂~冇打到~
結果係下午去左打波...........之後仲睇埋學院場比賽~win左呀~^+++^~

今日心情似乎係好左少少........
但係我感覺到自己開始又為自己製造緊煩惱喇..............唉~~~
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
一個人,是否一定要等到自己已經不能再為一件小事而高興的時候
才發現自己不知不覺間長大了呢?
為什麼大多數會令人變得成熟的事,都好像一齣又一齣的悲劇?
為什麼人永遠都不能誠實的面對自己的心呢............


>>March 14, 2003 at 2:28:04 PM GMT+8

2003 年 3 月 12 日 星期三 【晴】

嘩勁呀我~~~
今日我day off ~
ii 去左中山未返.......十二點幾黎果陣又即刻出去澳門~
咁我就同左德哥,阿心,阿seb,阿樂五個人走去澳門玩喇~
我地今次係名副其實的"打機團"呀...........我地玩左七間機鋪囉~(關閘四間,水坑尾三間)

其實我地呢團人除左打機之外,都做左好多野架~
我地到左澳門冇耐就刻去左打機.......阿心就餓住咁睇我同德哥打.......
其實由頭到尾都係得我同德哥兩條友打.........佢地三個都冇玩.........
完全就係滿足晒我想打機o既意欲呀~~~

我地o係關閘附近玩左一陣......
就行左去台山條食街..........德哥食左個好得意的炒冰...........
越炒越凍架真係...............隻味都幾得意丫~我仲手痕摺左對"孖心"俾老細找數tim~呵呵~
食完炒冰~我地行左去德哥話好正果間野食豬排飽~~~o係筷子基的~~~
之後我地又行返去炒冰果度~因為今次到我想食~
咁佢地又o係隔離買左碗仔翅同埋糖水.........我地就係咁一路食一路撘車去第二站......水坑尾~

去到水坑尾,見到超多學生呀..因為撞正放學時間......
我地一d都冇浪費時間......德哥自己去玩高達,我地四個去左另一間機鋪玩射擊(咪又係得我一個玩~)
不過其實呢度d機鋪都真係唔係太多機打.......種類比較少..........
咁我地打到五點左右就走喇.........德哥打到唔捨得走囉.........
跟住我地去左新馬路買手信返去.......好多人呀......之後就撘車返關閘喇~~~

返到珠海,我去左書城~居然俾我搵到S.H.E果本"真青春"寫真書喎~開心到我呀......
行到七點,就撘巴士返前山喇~
本來同德哥去食煲仔飯的~但我地四個見到檔野之後就唔多想食.........
結果得返德哥一個o係果度食.........我地去左"大食園".........sorry呀德哥......

咁我地食完之後,一路行返學校時仲好開心的~
點知一返宿舍就唔同晒...........d心情唔知點解突然好down.............
一d想笑,想講野o既意欲都冇............
可能係今日玩得太累啦.......反差太大了...........
又或者係為左另外一d事而煩惱.......???

凝.............生日快樂!!! 祝你A-level順利過關啦~
Astor 話叫我幫佢寫埋祝你生日快樂呀~
我知你唔會黎呢度~但係你個妹會睇到喎~呵呵~幫我祝你家姐啦~

>>March 14, 2003 at 2:06:06 PM GMT+8

2003 年 3 月 10 日 星期一 【晴】

終於也再上來了~
上次上來好像是十天前的事吧............呃~呵呵呵..........

這十天當中,我心理上的變化不可謂不大~~~
首先~我開始有一種平常很少會出現的感覺經常在心中久久不去~
我又開始要去思考某些問題了...........
好似....有某d感覺o係不知不覺中好微妙咁轉變緊........
希望這不會是第三次犯錯吧...
阿seb又幫我識女仔....呵~呢次好玩了~
(大家唔好誤會,我係好認真的~)

我一直都唔知自己個心其實點諗..........似有若無咁.........
算啦,都係順其自然吧喇.........唔諗咁多了...傷身呀.....
不過我估佢知我點諗一定會唔知點算的~所以都係唔俾佢知住喇~

返黎咁耐.....開學到而家都冇一堂係好玩的.....
次次都要迫到我訓著為止.......咁點讀落去呀..........唔可以咁架........
好在英文堂個miss個樣幾似吳倩蓮......叫做可以提o下神啦~~~
個文學sir就真係唔得喇........悶爆呀......聽一堂訓一堂都好俾面佢喇.......
文化堂又係.........完全聽唔到阿sir講咩......
睇黎我都係要靠平日自己讀書架喇.........靠聽書,上堂筆記我實死梗呀~
而家又冇乜錢用.......唔可以上咁多網喇.......正好多返d時間讀書呀~
不過又會有第二d問題困擾我.......唉........難搞.........
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
以前要刻意忘懷的,現在已可隨心待之~
可是......世事豈能盡如人意~
舊的一去,新的又來......
我們的距離是如此之近,
但我們的心卻又如此之遠.............

>>March 11, 2003 at 3:37:02 PM GMT+8

2003 年 2 月 28 日 星期五 【晴】

呼.......又上來了~
最近好似真係好得閒咁.冇野做,又搵唔到野做...........
自從返黎開學咁耐,我好似失去晒原本上黎讀書果一種動力咁~
日日o既生活都係好沉悶,好迷惘,唔知自己o係度做乜,又唔知可以做乜......
果日我同阿樂o係銀行等心佢地入錢果陣都傾過呢個問題.....
我地兩個都好似冇晒讀書o既動力...........
唔知點解讀呢個系.......唔知點解會黎呢度讀.........唔知讀完可以做咩.........唉..........

當初我返黎讀,係因為我自己許諾過,我唔可以再衰俾人睇..........
點解而家會搞到自己咁迷惘架..........越o係度讀得耐,我越發現唔到讀書o既意義......
當初家姐話上黎讀唔知係幸運抑或放逐.............而家我就覺得似放逐多d囉~~~
上到黎..........冇人管好正常,但係我越黎越唔管自己喇......似黎玩多過讀書.......
咁樣唔得架嘛...........又冇老師可以俾我問問題................
我又易受人影響...偏偏身邊的同學又唔係成日讀書果種..............
搞到我自制能力一日差過一日.........

我好希望好快好快我可以再一次搵返我讀書o既動力.........
我唔想呢四年就係咁白過..............我唔想再一次令人失望呀~~~

究竟而家係幸運一話放逐呢..........................

>>March 1, 2003 at 4:07:18 PM GMT+8

2003 年 2 月 26 日 星期三 【晴】

哇哈哈~今日Day off~~~終於可以上黎寫日記喇~~~

呢幾日我就開左學喇~不過睇黎我想追返 d GPA 都唔容易.........
因為堂堂d阿sir同miss都細聲,學生又唔知發咩神經勁嘈........
搞到我乜都聽唔到.....下次要坐前少少至得呀~~~

星期二果日仲同左阿Patt出去拱北食飯預祝佢生日,佢地順便去買gameboy 火牛~
我地日日都有野玩...........我到而家都未試過有一日可以早過十二點訓架~
咁落去我實追唔返d成績架喎~唔得,我唔可以咁樣架~

呢牌同麻鷹d關係好似更加遠左咁.....唔通有男朋友o係度真係會唔同d o既?
家姐又黎埋讀.......睇黎今後我都應該唔多得閒了~
不過應該係一件好事來的.........好過無所事事丫~~~

Beaker~
點解你塊版版會無端端冇晒野睇架?
我今日至見到咋........
唔好唔開心啦~
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
有些東西,等到失去了才知道要珍惜,已經太遲了~
時間是永不會停下來等人的
遇著機會一定要好好把握............

>>February 27, 2003 at 6:58:11 AM GMT+8