2003 年 4 月 6 日 星期日 【雨】

今日o既天氣真係唔多好呀..............又濕又有雨............
今朝都勁喇...........我少有地肯乖乖地返朝早堂~
我諗住七點半起身,Roxy應該搞掂晒啦.........
點知佢今朝唔知醒喎~~~我起身佢至起身.........仲要快過我入廁所..........
由於時間關係~~~咁我就被迫要o係出面換衫喇..........
最怕一朝早有人同我爭廁所架喇~~~跟住佢仲要早過我出門口囉......

諗住咁遲出門口,課室d靚位一定俾人搶晒啦...........
點知我去到,只係得唔超過二十人o係度囉..........果時離上堂得返五分鐘咋~~~
我仲要係第一個到課室的港澳學生囉.......撞鬼..........
跟住阿sir係咁講講講............我唔否認佢有料,但係我覺得佢真係唔識教書囉~
本來黎的人已經唔多架啦......(應該有百幾人的一班只有五,六十人來了~)
仲要大部分都聽到訓著左.........連內招生都係咁~你話丫..........唉.........

跟住堂文化仲衰.........原本多左廣電一班人黎應該多人d的........
點知之前果堂班人居然走囉........我見到好多內招生都走~~~
問佢地~佢地話呢個阿sir講野冇用.........唉.........連內招生都咁講,睇黎老師真係要反省o下喇~~~

上完堂返房..........今日的高潮黎喇...........
我一返到去,就見到成個地下都係水...........係真係全地濕晒................
d天氣潮濕成咁呀.......你話幾勁丫........
全房所有平面........包括地下,衣櫃門,桌面,椅面,鏡,門..............全部都有一層水o係上面........
個地下俾我地踩到黑晒.........超樣衰............
結果我忍唔住喇..........趁 ii 同埋 roxy 去上堂果陣,我終於要拖地喇~~~
拖完個地......即時乾淨晒呀........不過勁濕囉仲係.........
咁冇計喇...........我惟有拖完再用布抹............仲要開大個風扇吹行佢.......
都仲要我等左十五分鐘至叫做乾d..............
可惜...........唔夠兩個鐘門口個地下又濕返喇........不過冇之前咁勁~~~

唔知係咪天氣唔好呢..........今日個人好似好呆滯咁...........
做乜都提唔起精神.........(除左拖地果陣~~~)
嗯..........咁o既天氣仲要持續到幾時呀...........好憎呀.........好唔鍾意春天呀~~~

今日仲收到細佬封信.......都幾開心架~佢封信係o係我寫信俾佢之前寄俾我架~(佢個日子係22/3)
不過到今日至收到.........中國郵政的速度真係..........."快"得驚人呀..........

tor tor~
送俾你的~~~
好朋友,
不一定合情合理,但一定知心解意~
不一定形影不離,但一定心心相惜~
不一定錦上添花,但一定雪中送炭~
不一定常常相聚,但一定放在心上~

我都好多謝你~o係我每次有煩惱時都會陪我~
你都係我一世o既fd黎架~~~

>>April 7, 2003 at 12:54:15 PM GMT+8

2003 年 4 月 5 日 星期六 【雨】

今日都ok開心啦~~~星期日喎~~~

今朝十點其實已經醒左,但係唔想落床~
所以訓左o係度諗野..............去到十一點就黎十二點先起身~
十二點半就同首領,阿patt去左食餃子喇~~~

食完返黎呢,我同首領又去左圖書館~~~
想去睇睇個書展仲有冇得再減價呀~~~點知都係冇囉~~~~
之後我就返左房,做左我今日最有意義的一件事...........就係洗衫喇~~~
一路洗衫之餘,我仲同tor tor icq chat 緊~仲download左一d舊歌tim~~~

洗完衫,上完網,我就好無聊咁o係度聽歌玩game喇~~~
去到五點幾, ii 返黎之前冇耐呢~我先至開始做我的功課~~~
不過星期五至交,都唔駛咁趕的.........

之後一路無事..........食完飯返房又係咁睇書搵資料............
終於都似返個學生喇~~~不過今日個腦好似唔多得咁.........諗唔到野..........
定一話係.........俾其他野佔據左我個腦太多空間???

不過今日的心情好似怪怪地咁..............
唔係話唔開心...........但係...........又笑唔出咁.........尤其係夜晚..........
好奇怪...........

tor tor~
唔好再咁唔開心啦~~~除左果d唔識好過識的fd 之外,我都會關心你架嘛~~~
唔好搞到自己成日都唔開心咁啦~唔靚架~
我講多一次~~~
你是最好的,你知道嗎?

>>April 6, 2003 at 3:05:48 PM GMT+8

2003 年 4 月 4 日 星期五 【陰】

今日天色依然唔多好呀~~~不過我都幾開心~~~因為~~~
我個日記版人氣終於都過1000喇~~~好野~~~^+++^~~~

今日認真係好好彩........我差d就燒死左架喇~~~
點解咁講呢~
因為我今朝十點幾果陣俾roxy叫醒左~
一望落地下...........嘩...........成地都係灰囉.........
跟住望o下個露台門口黑左一塊........點蚊香果個盒唔見左.........
咁我就知咩事喇..............尋晚一定係大風得滯,吹跌左個盒..........
d 蚊香點著左個盒......燒埋塊地氈.............
咁我就被迫留o係床度,等roxy拖完地至可以落黎~

落黎之後我先至聞到好勁的焦臭味.............去睇塊地氈........成個印留左地下抺唔到.......
我又諗......咁燒法應該有人會醒的........點解冇人知o既?
冇人知都冇點著塊窗簾布........今次真係好彩到爆呀.............直頭係死過返生呀~~~
ii 一走就整劑咁o既野............唉.........佢個位仲係重災區..............
由於個盒近佢果位,所以佢個位的東西都有好大的一陣焦臭味.........
佢床頭隻熊熊(上次掟我果隻~)完完全全咁食晒d味......
結果我要將佢隻野夾o係露台吹風.............呵呵........呢牌都做左好多對佢唔住的事啊~

搞掂返晒d野都差唔多十二點喇~~~咁我就同首領,阿patt 一齊出去食飯~~~
食完就去超市買返張地氈........仲有蚊香.........
之後我返黎冇耐就要落圖書館搵料做功課喇~~~
睇左一陣書.........五點幾我就返房喇~~~又開始打機的日子......唉~~~
唔可以再咁落去架喇.........再係咁我一定畢唔到業呀.........
我唔可以畢唔到業架........我仲要做麵包同茶架.........

今晚應承左打俾Beaker~
好耐冇見佢online了........今日難得chat到,我又要去圖書館..........
考試期間你就要小心身體啦......唔好又整親呀,知唔知呀~
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
可樂,不是每個時候,每個人也受得起的~
我有時候是想喝可樂沒錯~
但我最想要的,還是那杯平淡中散著幽香的茶~
一杯滿滿的可樂喝下去,一半都是氣泡,實際喝了的還不到一半~
一杯茶呢~~~
雖然剛喝的時候會有點燙口,但卻可以實實在在的為你解渴~
我要的,就是這種感覺...........

>>April 5, 2003 at 11:20:15 AM GMT+8

2003 年 4 月 3 日 星期四 【陰】

今日都算過得唔錯丫~~~雖然個天成日都陰陰地~~~

今朝一早我好乖咁起身去上堂~(呵呵~費事再俾人掟熊熊呀~)
今日返左兩堂半阿sir就放我地走喇~~~
之後返左去煮麵麵食~~~食完先至到今日最高興的事~~~

就係~打~籃~球~喇~~~
我走左下午果兩堂講座,走左去籃球場打波~
今日唔知點解好有打波的心情呀~~~
咁我兩點左右就落左去打波喇~~~
落到去見到中文系阿業果班o係度打緊喇~
咁我費事過去啦~就o係隔離個場打喇~~~

一路係咁練罰球同埋走籃~超累~~~
一個人打都有一個人的好處丫~~~鐘意幾時做咩都得~~~
打打o下 ii 落左黎~~~咁佢就過中文系果邊睇波,順便打波~
我個場就先後有阿patt, ii ,小璿,阿wing等等踩過場~~~
打到三點幾~~~有個阿sir話要用場............咁我就過左去中文系果邊打喇~~~
不過佢地場有七個人~~~得三個波(計埋我果個喎~~~)
所以大家係爭波打的.............我仲撞跌左 ii 兩次............呵~sorry呀~唔係有心架~
不過唔知點解一班人打好似冇我一個人打咁好feel.......可能係因為要搶波啦~~~呵呵~~~

打到四點幾........我買完野飲就返上房~~~
ii 又差唔多要返中山喇~
我本來仲有下一場架~~~同首領佢地去打網球架~~~
不過個場冇開到..........結果我地六點左右去左"稻禾香"食飯~~~
食完呢.........首領同阿patt 就借左我部單車玩~~~
咁之後七點幾左右我同首領就去左圖書館睇書~~~

唔去由自可,一去弊家伙~
果度咁o岩有書一折發售喎~~~線裝書呀..........超靚的~~~
我咁就又用左 100 去買一套"四書五經"返黎喇~~~
跟住我地一路睇書~一路都傾左唔少野~~~
其實同首領傾偈都係一件幾開心的事黎.........
我覺得佢會俾到好多有用的意見我囉......
不愧係"首領"呀~~~

之後我地九點幾就返去..........
我頭先仲剛剛打爆左game boy 孖寶兄弟o既第二次囉~(多左勁多怪物果個呢~)
我真係好勁呀~~~跟住就返左黎寫日記喇~~~
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
人,都是偏心的~
喜愛的,絕不能輕易放手~
雖說要順其自然.............
但我也希望自己選的是茶,而不是可樂~~~

>>April 4, 2003 at 4:58:44 PM GMT+8

2003 年 4 月 2 日 星期三 【陰】

唉....................
煩呀..................好煩呀..................
點解次次都係咁架..................................
點解我要一次又一次咁玩自己架...........................
而家我做錯左d咩呀..............做乜次次都要搞到自己咁煩架................
我唔想咁呀............搵人教o下我可以點啦...............
點解要俾d咁難o既選擇題我做呀~
我唔想選錯,搞到大家都後悔呀............

羅小心同學~~~
我沒有生你的氣呀.........
只不過你走咁多日.........我真係覺得離譜左少少囉........
你咪咁啦~~~之前都同你講過架啦~~~
你自己看著辦啦...............

Joyce~
多謝你黎呀~~~
你o係香港,仲要考試呀~~~
你仲危險過我呀........所以你都一樣要小心呀~~~
加油,支持你呀~^+++^~

tor tor~
你始終係最好的~
愛死你呀~哇哈哈~

>>April 3, 2003 at 2:12:58 PM GMT+8

2003 年 3 月 31 日 星期一 【晴】

今晚的宿舍有點不尋常.............出奇的靜............
現在全房只有我電腦的音樂聲和 ii 的做功課的筆聲............
(最離奇的就是這樣.......... ii 居然在靜靜的做功課........一定有問題.........)

今日可謂是日不吉~~~
一朝早上堂"新聞消息寫作"已經悶架啦~
跟住上英文至係高潮所在..........miss 一入黎就係咁咳..........
嘩..........嚇到我地班d人死呀~有人仲即時戴返個口罩~~~
咁我就決定早d走.......(即係走堂啦~) 去左稻禾香食飯~~~
食食o下............小孝同chearry都send msg話俾我知miss唔舒服,聽日唔駛返喎~
咁阿心,seb哥哥同樂哥哥就即時決定食完飯撘車返香港喇~~~
唉............阿心同seb哥哥尋晚至返黎............都未夠廿四小時又話要走.........
兩個都係連續兩個星期係咁........十四日有十日都係o係香港的........
seb哥哥都話情有可原丫............阿心真係唔知返黎做乜............
咁玩法不如唔好返黎啦................又浪費時間同金錢..............

結果今日就得我一個上下午的PE 堂............
個天又陰陰沉沉咁........搞到心情都差晒呀...........
跑完步兩隻腳又黎痛喇.......今次係肌肉痛~~~
上完堂返到宿舍......開始覺得好無聊喇........
又唔知做乜好............又冇野好做............又冇野好講...........唉.........

或者我多心啦........我覺得 ii 係有d心事的~~~如果唔係今晚唔會咁靜的
好在上網之後tor tor 係咁send歌俾我,等我可以播歌,間房先至冇咁靜咋....
消除左我覺得恐佈o既氣氛呀..........多謝你呀~~~愛死你呀~~~呵呵呵~~~

20:55..............剛知道張國榮死了~~~
初初仲以為係愚人節d人作出黎tim..........
點知原來係真的..........默哀...........
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
真正的快樂,在我學懂虛偽以後已經不再存在了..........
靠在欄杆邊,有站上去的想法,卻永遠沒這樣的勇氣.....
或許我已經被太多框框封死.......再沒能力突破枷鎖了........

>>April 1, 2003 at 2:58:03 PM GMT+8

2003 年 3 月 30 日 星期日 【晴】

呢幾日都係持續咁唔多開心呀............
鬼咩...一個非典型肺炎搞到人人都冇啖好食~~~
而家仲要連成座淘大E座都封埋..........
真係.............人都係怕死架嘛~
搞到個個都食唔安坐唔落.........成日都驚食錯野,又驚空氣傳染,連街都唔敢出~~~
咁o既人生你話有咩意思丫~~~

講真..........我都擔心我父母架~~~
尤其是阿媽...........而家仲要日日去醫院照顧佢老細......(唔係肺炎入院喎~~~)
佢身子又弱喎...........我真係日日都驚佢中招架~~~
好在上次打電話返去果時佢仲鬼打咁精神~~~仲識搵埋條預防藥方黎飲tim~~~
阿爸都擔心架~~~學校咁多人,點知會唔會有人中左招架~~~

而家再一次咁感覺到屋企人對我黎講真係好好好好好重要的~~~
雖然我每一次都只係會o係呢個日記講.....呵呵~
總係覺得親口話俾佢地知好難為情.......呵呵呵~~~
我真係好愛你地架~~~呵呵呵~~~

總之大家都要小心啦~出街記得要戴口罩呀.........
尤其係呢.......考A-level 果d 呀~~~
Beaker,小妖,小白,Joyce...............
記住小心身體,考好個試呀~~~

Juli ~~~
放心喎~~~冇咁好彩架喎~~~
實輪唔到你架喎.......而且有人死都係傳言o者~~~本部死左兩個就堅o既.......
德哥就發啦.........聽聞佢呢個星期都唔返上黎喇~~~
放左自己一個星期假喎............避肺炎喎...........
你同我祈禱不如同自己祈禱先啦............你近d呀..........樓上咋~~~呵呵呵~~~

>>March 31, 2003 at 6:01:25 AM GMT+8

2003 年 3 月 27 日 星期四 【晴】

唉............呢期真係麻煩呀~~~
一個非典型肺炎搞到大家人心惶惶...........
香港又全面停課......人人出街都戴晒口罩.........
真係咳一聲都會嚇走晒身邊d人.........

唉........本來以為珠海呢邊會安全d...........
點知今日又聽到話六棟女生宿舍有人中左招......送左返香港......
男生宿舍仲話有人返香港之後死左........
而家我呢棟都仲叫安全,未有人有事......但...............
都唔知係咪有消息封鎖,唔俾我地知架o者..........

而家度度都話有事,真係去邊度都死呀.............

>>March 28, 2003 at 9:37:43 AM GMT+8

2003 年 3 月 24 日 星期一 【晴】

今日勁喇我..........
今朝鬼咁早起身~~~o係我唔知咩事o既情況下就上左堂"新聞消息寫作"同埋"英文"喇~
個寫作sir仲要點人答問題............完全中晒招囉.........好在我答到o者~~~

食飯果陣~seb哥哥又話有野同我講~又冇講到~~~
不過最後都講左~~~多你信我呀~~~

咁食完飯呢~我就同佢地出左銀行入錢~
德哥仲陪埋我去搞寬頻d野~(多謝你呀德哥,冇左你我一定搞唔掂呀~)
點知今日勁多人囉......等左半個幾鐘至搞到..........
我仲獻出左我o既第一次tim.............第一次撘電單車返學校咋我~~~
終於都搞左寬頻喇........以後唔駛次次都用十幾蚊上一次網喇~~~

跟住去上PE堂.......點知miss話今日要練習跑800 囉..........
我地咁就落左田徑場...........一開始.......跑左二百米差唔多三百o既時候.........
我知道自己又中招喇.........
隻右腳忽然間軟左...........個膝頭位勁痛..........即時跑唔到~~~
我知道自己又觸傷舊患喇............
真係多謝以前玩田徑隊同埋羽毛球隊的生活呀........搞到我成身都係傷~~~
跟住果堂練習都要就住就住咁玩~~~冇晒癮呀..........
返到房至可以拎返個護膝黎戴......唉...........

今天,我還認清了一件事,解開了心中的疑惑~
終於可以確定目標,勇往直前喇~!!!

>>March 25, 2003 at 3:22:25 PM GMT+8

2003 年 3 月 21 日 星期五 【晴】

今日真係好無聊.............極級無聊............
今朝一早就起左身............
係咁等等等.............等到一點半左右就出左去長沙灣接君媽俾君的充電器~
然後呢............我就好無聊咁撘東鐵入左東涌..........
完全唔知自己有咩做~好無所事事咁~
再由東涌撘去青衣..........跟住就行左陣青衣城喇~~~
行完青衣城.......我就撘返東鐵出九龍.......
本來諗住行奧海城的...........最後去左九龍站出囉........仲要迷路........

好喇~諗住撘 11 號去荷里活廣場行一行啦...........
去到又發現自己"中招"...........見紅囉.......頂.........
結果只好返屋企...........換褲.............

返到去,叫做最有意義的就係打左我篇感想入OD~
之後...........就等tor tor call 喇.........
我又話左俾爸聽唔返去食飯..........點知全部都係約我食宵夜......

咁我就只好七點出去尖咀..........不過之前去左旺角........
最有收獲係...........我終於o係Super-X 買左條波褲喇........銀撘綠的~~~都幾靚~~~
之後八點幾先出尖咀...........出到去又上左商務.........見到"邊荒傳說"20 集~我又幫 ii買埋喇~
到九點左右.........我頂唔順,就落左M記食飽..........
跟住又去左打機.........唉......原來一樣野玩爆左就再唔好玩架喇~~~
之後tor tor 又話去陪健健............咁我就變左好無聊,唔知做乜咁出左黎喇~
跟住我就撘車返屋企了............( tor tor 你都重x輕我喎~~~呵呵~~~)
早知我唔出黎啦.........留o屋企同天行"姐姐"傾o下偈都好丫~~~呵呵呵~~~

天行~
你肯賞面光臨小子的日記版版~小子已經深感榮幸了~~~
而且你個OD又真係幾好睇丫~~~

總括一句~今日心情唔多好~~~

>>March 22, 2003 at 3:53:41 PM GMT+8