2003 年 4 月 16 日 星期三 【晴】

Day off 日.............

朝早訓到十點幾起左身,諗住去洗衫啦~
點知開左機睇睇日記之嘛~一睇就睇到十一點半喇~
跟住就出左去食飯~~~

返黎.....好無聊~
於是開始寫回信俾人~第一個寫左俾嘉僖~
跟住坐左o係度發呆......唔知點解呢牌好鍾意發呆.........
坐到五點半~~~出左去食晚飯~~~
返黎回左信俾小四~
沖完涼就黎打日記喇~~~

聽日又得返我一個去上堂喇~~~
一個二個都走鬼晒~~~
我覺得我都係當自己原本就係一個人咁好過d~~~
而家咁......都好o既......上堂係就係悶左少少~
不過我而家同首領、ii 佢地熟左好多就真o既~~~
都係一件好事黎o既.......我諗~~~

tor tor~
我應該呢幾日會寫信俾你的~
好掛住你~講真的~
好多野想同你講~~~
等信啦~~~我返黎一定第一時間搵你架~~~
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
一杯好的熱奶茶or凍茶都是有期限的~
期限到了仍不去享受它~
它便會失去原有的精采~變做一杯平凡的奶茶~
不冷也不熱......難喝得很......
你遇到了對你來說最好的奶茶了嗎?
遇到了記緊要趕快去細心品嚐它~
否則~錯過了便無法再享受了~

>>April 17, 2003 at 1:12:15 PM GMT+8

2003 年 4 月 15 日 星期二 【晴】

現在幾點 : 13:55

你的名字 : 一流仔

你現在正在聽誰的歌﹕無喎
你在哪裡讀書(工作)﹕嘩勁呀......暨南大學喎~聽過未呀?
你最後吃的一樣東西是什麼﹕雲吞
現在天氣如何﹕幾好丫~天晴,少少涼
戴隱形眼鏡嗎﹕我都想有.....我唔想戴眼鏡架
上一次生日蛋糕上蠟燭的數目﹕無蠟燭wor
你通常吹熄這些蠟燭的日期﹕生日啦..
星座﹕處女
你們家養過什麼﹕雞仔~魚仔~而家有小龜龜~
穿過幾耳洞﹕我都唔穿ge~
刺青嗎﹕黑社會麼?
你喜歡你目前的生活嗎：ok啦~多d野玩仲好~
出生地﹕HK
目前居住地﹕HK ~仲有China
喝過酒嗎﹕有 ,成日tim啦
去過哪些國家﹕中國
自己花心嗎﹕我好專一架~
出過車禍嗎﹕有仲係度咩
暗戀過幾個人﹕哇.....少喎.....有你啦,你啦.....同你囉~呵~
會因為害羞而不敢跟人告白嗎﹕告白呢回事......都試過啦~驚咩喎
討厭吃什麼東西﹕青豆,蔥類
喜歡吃什麼東西﹕我係無限宇宙.....乜黎到我度都會俾我食晒,除左上面果兩樣~
喜歡的顏色﹕藍 , 綠 , 黑
最喜歡的數字﹕7
最喜歡的電影﹕卡通得唔得? 風之谷呀~
喜愛的電影類型﹕笑片啦~做人開心d好~
卡通人物或品牌﹕mcdull,鹹蛋超人,adidas
最快樂的日子﹕到而家為止仲係2001年10月1 號
難過的經驗﹕失戀,A-level 失手
喜歡禮拜幾﹕星期四,因為係 day off ~
喜歡春.夏.秋.冬哪一個季節﹕秋天
花﹕唔......水仙丫~
喜歡的運動﹕踩單車,所有球類運動(esp 羽毛球~)
哪些比賽有得獎﹕學界囉、社際囉
喜歡的冰淇淋種類﹕Double Rainbow 果隻荔枝雪糕
害怕什麼東西：爆汽球.....掛
如果有來世，你最想當什麼﹕人
最討厭做的事﹕做我唔鍾意做的事
討厭的人﹕暫時未有人衰到要我討厭佢喎~
擅長的事﹕詐傻扮懵
臥室的地毯是什麼顏色﹕無地毯
以後想做什麼職業﹕旅行作家
你們家總共有幾層樓(你們家住幾樓？)﹕40,10
你們家是公寓.社區.大廈.別墅哪一種﹕居屋
你覺得碟仙怎麼樣﹕無聊
你覺得自己十年後會在哪裡﹕香港......又可能旅行緊~
寄這封E-mail給你的上一個人是誰﹕copy from beaker's dairy
無聊的時候你大多做些什麼﹕on9,聽歌,睇書,打機
你住得距離最遠的一個朋友是誰：唔知喎.....好似係新疆
世界上最惱人的事﹕煩事啦.....例如M到
全世界最好的事﹕日日都開心
目前有男(女)友嗎﹕無
覺得同性戀如何呢﹕都係人je
對於沒把握的事情態度如何﹕試試囉..
如果有人誤會你，又不聽你的解釋﹕咁冇計喇~~
有想過要怎麼對付你討厭的人嗎﹕無
你認為你的另一半幫你付錢是理所當然的嗎﹕唔.....我有錢就梗會幫佢俾啦,冇錢就......
若你的另一半硬要幫你出看電影的費用時﹕佢咁熱情,冇理由拒絕o者~呵呵呵~
通常幾點上床睡覺﹕唔.....點幾兩點囉
你猜誰會最先回這封信﹕俾你睇o者~都冇要你回......鍾意咪回俾我囉^^
你寄這封郵件的誰最不可能回覆﹕all of u~
現在心裡最想見的人是誰﹕咪睇緊呢段野果個囉~~~你呀~~~^+++^~~~
想要幾歲結婚﹕有得結的話.....唔知喎
今天心情好嗎﹕幾開心丫~
有想過要自殺嗎﹕有,唔止一次,真的~
最希望誰回信﹕你鍾意就回啦~呵呵~

現在幾點了﹕14:17

>>April 16, 2003 at 6:21:26 AM GMT+8

2003 年 4 月 14 日 星期一 【晴】

今日我好無聊..........

一朝早返學......訓訓訓.........
食完飯返房............冇野做~

跟住去左首領房打game boy,順便幫佢睇房......因為佢間房爆水管,有人上黎整~
我就o係呢個時間.............連續爆左三次孖寶兄弟..........爆到我覺得冇晒難度呀......

跟住就返左房上網........然後食飯..........
因為上網上得太多,所以我夜晚冇上到.......
去左同 ii 一齊幫首領作文~~~呵呵呵~~~
跟住返黎打左幾篇文章........咁都搞到成點至訓啊~~~
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
在平凡的生活中,我們往往會忽略了一些小事~
即使是小事,但在其中亦能發現一些大道理~
每天多留意身邊的人和事,那怕只是多留意一眼也好~
相信你也會有所得著的~

>>April 16, 2003 at 5:46:06 AM GMT+8

2003 年 4 月 13 日 星期日 【晴】

唉.........天氣又變喇~~~
我o既鼻敏感又開始發作喇...........有越來越勁的趨勢呀.............

今日又係上兩堂超悶的課............文化仲要點名囉.........
好多人冇返.........起碼一半人呀...........中晒招呀

之後都冇事可做........又係打打機咁............
首領間房就慘喇.........爆水管........仲要係入牆果隻.........
跟住上黎果個人話整唔到喎~唉........

跟住夜晚就同seb哥哥地一齊食飯...........終於都返黎喇佢地..........

其實我都知留o係呢度真係好悶.......我都明佢地成日返去係有原因的..........
唉.........但係.........成日見住佢地走,真係好似唔知點咁.............
好似...............唔係讀書咁.........唉...........個個都話唔讀..........
德哥又係咁,阿心又係咁........咁你地當初點解要選擇呢條路丫~
既然選擇左,又要後悔.........浪費金錢同時間呀........唉~
好悲呀.............................
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
頹廢的生活似乎與我很有緣~
每天的過份悠閒,很容易令人迷失生存的意義~
看著別人得到成功時出喜悅的笑聲,
自己卻依舊閒閒地縮在一角咀咒命運的時不我予~
這,是我要求的生活嗎?
我,就只是要做一個這樣的廢人嗎?
不認同自己,卻又沒動力去改變~
可恥.............

>>April 14, 2003 at 1:56:39 PM GMT+8

2003 年 4 月 12 日 星期六 【陰】

今日天氣好左少少喇終於...........

我地尋晚玩到兩點幾~忽然間阿鈺姐過黎搵我地去佢度捉蟲喎..........
仲以為好大隻蟲........點知係隻甲蟲仔.........
不過搞到我地冇晒mood........
結果玩到四點幾就訓喇.............

諗住今朝冇三點都唔起身啦..........點知今日十二點鈺姐過黎敲門.........
仲要一定要我地醒果隻.......勁大力......呵~~~
咁我就變左十二點起身喇........原來佢係過黎搵 ii 去同佢打機............

一路無事........五點半就去食飯........
食完聽聞圖書館有書展........五折喎~又去左睇~不過今次冇買野~~~好忍得呀我~~~
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
近來經常都覺得自己在浪費生命~
該著緊的,該不理會的.......統統被我放在一邊~
只是不停的玩,睡,hear~完全不想管別的事情~
我明白人生不應該是這樣,
適度的放鬆可以,但這樣的放肆卻不是我這時候應該存在的~
不停的被一些與學業無關的問題佔去大半個腦的思考空間.........
這樣有意義嗎? 這樣別人會看得起我嗎?
看來我真的應該好好再想想人生意義的主次之分了~~~

>>April 13, 2003 at 3:08:39 PM GMT+8

2003 年 4 月 11 日 星期五 【陰】

今日都算頹廢喇..........

尋晚玩到兩點幾先至訓.............今朝十二點幾成一點至起身...........
一起身就有得食~~~呵呵~~~阿wing煮左通心粉........不過粟米唔舒服,咁佢地就過左我間房喇~

食完野............我就無無聊聊咁o係度打機,睇書........ ii 就趕左我出房.........
佢唔准有人o係佢拖地果陣o係房喎.............咁我就過左 11 房打機喇~
咁 ii 拖完地呢~我又返左自己房~~~今次係睇人打機.........
睇睇o下阿wing過左黎~~~咁唔知講開d咩..........我..........又做錯事喇~
我一手打左落 ii 度......敏感部位啦............唉...............
sorry 呀..........我諗住玩o下架咋........唔好嬲我呀~~~

跟住六點幾........我地叫左外賣,過 11 房食...........
冇幾耐 ii 過黎..........佢個樣唔同晒囉........冇晒心機咁.......好down咁樣.........
我好驚架.........又一次搞到人唔開心~我又玩大左喇~~~
跟住食完飯...........同首領出左去睇電視............
睇左一陣就返黎喇........

之後九點幾~~~落左街買野............
買完就返黎打日記喇~~~

唉.........越來越覺得星期六日的日子係好頹廢的.............
日日都唔知有咩好做.........又唔想溫書(呢樣最大劑~)
慘...................

>>April 12, 2003 at 2:26:52 PM GMT+8

2003 年 4 月 10 日 星期四 【陰】

今日..........好乖咁返左八點堂..........
阿心終於都返左黎喇~~~有個人陪我上堂,感覺真係好好多~~~

上完堂呢~就返房等食飯喇~~~
中午約左首領一班人去食餃餃~~~
我仲搵埋阿孝出黎tim~三師兄真係隨傳隨到呀~~~
食完野~~~首領同 ii 話去買野煮飯,我就返上房打機喇~~~
一返到房.........個地下又好似上次咁囉.........濕晒............唉...........今日費事拖地了,懶呀........

打打o下...........原來我唔覺意走左下午個講座囉............
跟住收到首領電話......佢地買得太多野.........拎唔到............
咁我就即刻落樓踩單車出去接佢地喇..........
跟住運返d野食返黎~~~都咪話,真係幾重架~~~

返到黎~我又繼續打機喇...........
跟住去到七點幾就開飯~~~
嘩.........今日正呀~超多野食囉~~~
有炒雜菜絲,菜甫煎蛋,青紅蘿蔔豬展湯.........仲有豆醬排骨飯~
勁好味呀..............

食完呢~就返黎沖涼同埋打日記喇~

tor tor~
ii 話你交遊廣闊呀~~~識咁多人~~~呵呵呵~~~
好掛住你呀............好想快d返香港.................

>>April 11, 2003 at 2:51:28 PM GMT+8

2003 年 4 月 9 日 星期三 【雨】

今日好失敗呀............
今朝早十點幾起身...........諗住快快手搞掂埋篇論文啦~
可以o係兩點前搞掂就最好啦~~~因為我地兩點出去實習嘛..........
點知我可能係夜晚張被蓋得唔好..........凍親~~~
起左身冇耐就黎料.........食完個早餐就即痾..........
一路去到一點半.......肚瀉的情況都冇改善.............
結果我只可以叫人幫我請假........唔去得,要留o係房"拉肚子"..........唉...............

好在下午我終於搞掂左篇"梁啟超與他的新聞事業"喇.........
拉肚子的情況都o係我食左藥之後.....大概三點幾四點果陣好返d喇~~~
之後過左隔離房玩........玉姐都過左去~~~
最後我同 ii 過左 12 房問玉姐借漫畫睇........羅小心同學終於都返黎喇~
又俾我話左佢一餐.......好在佢話下個星期唔走o者~唔係佢實俾我打都似呀~~~

返到房..........我同 ii 就係咁睇漫畫,睇到飯都唔願食呀~~~
套漫畫都真係唔錯~~~"地獄之島".......韓國的~~~

跟住.......唉.......本來諗住將篇論文print出黎的.........點知我懶,冇落去.......
結果我而家要用手抄返一次出黎..............慘呀..........
仲未抄完架我而家..........不過費事好似尋日咁上唔到黎~
先至上黎打左日記先架咋~~~

>>April 10, 2003 at 3:16:20 PM GMT+8

2003 年 4 月 8 日 星期二 【雨】

好激氣呀~~~個日記版版成日都入唔到~~~
激死我喇~~~~~
下次都係要早d寫日記至得呀...............

講返先~
今日我好唔乖............我走左八點堂英文...............
仲要衰到miss臨放學至點名囉.............中晒招呀...............
跟住返"思想道德修養"........又點名囉,仲要點出黎答問題......好在我有返o者~~~
上完堂,就出左去食餃子.......勁喇,今日我係"無限宇宙"呀.......食左兩個拌麵囉~~~仲有雲吞~~~

食完野呢........就返房開工喇.........
先係 ii 借左我部腦腦打機~~~打到兩點半就到返我做d辛苦野喇~~~
趕論文呀~
新聞史的........我做的題目係"梁啟超與他的新聞事業"~
本來可以慢慢做的........但我前幾日都掛住玩,搞到後日要交,今日至做.......呵~抵死呀~

跟住今晚去到八點幾至食飯~~~
之前發生左d不太愉快的小事......... ii 唔好再為此咁嬲啦..............唔值得呀.........
後尾Low B 又過黎玩"精神年齡鑑定"..........佢係 20 歲~都大過粟米喎~呵呵呵~
今晚大家都玩得癲左........我仲同Low B 玩"單手解bra~",點知最後係首領去解佢個bra囉~呵呵~

聽日我要出去"報業大樓"度實習喎.........都唔知咩黎就俾人叫左去喇........呃...........
會唔會落大雨搞到去唔成呢? 好多人都話驚肺炎唔想去.......咁我去唔去好呢............
又唔知幾點至返到黎喇~~~

念~
呵呵~而家hk咁樣真係唔好返去安全d呀~
不過我五月會返去一次~~~放勞動節假~~~七日呀~~~
希望好快會冇事啦~咁你可以七月返黎喇~~~
睇過你d相喇~~~真係好正喎~~~好有大家庭feel~~~
我都想o係yahoo整相簿呀.........不過呢度唔知點解開唔到呀........
我sina都有本相簿架~~~呵呵呵~~~
最慘我同你online的時間可能夾唔到~~~我通常夜晚十一點左右先至on的~~~
等我搵次中午冇堂果陣上網同你傾傾先~^+++^~

>>April 10, 2003 at 3:02:47 AM GMT+8

2003 年 4 月 7 日 星期一 【雨】

今日真係好大雨呀~~~

今朝可以十點至返學~~~
但係我衰到九點四十分至醒囉~~~
好在都趕到返學...........

落左堂,我就同首領, ii 佢地一班人出左前山食飯~
今日仲搵埋小孝出去tim~~~
返黎果陣同小孝傾左陣~唔.........對某d野了解多左囉.........

下午就死喇~~~今日堂 PE 要跑 800 呀...............
想佢落雨佢又唔落喎........等我跑完先至落.........唉~
我跑到死咁滯都係跑到 5'00 咋~~~
結果都係唔合格............

返到房依然係咁靜.........
高潮再次出現於夜晚呀~~~

話說我地玩緊"精神年齡鑑定"..........
ii 玩先~佢精神年齡係26~
跟住係我..........我係.........44.........同實際差左 25 年呀...........心境老.......=_=
然後係粟米~呵~佢係 16 ~未玩前仲話會幾十歲..........俾我地笑到佢丫.......呵呵~
之後係首領~佢係 34.........佢話比佢之前玩果陣年輕左好多喎,一定係俾粟米同化左呀~
再黎係阿Patt~佢係 18 ~睇黎咁多個之中最少差異係佢喇~~~
但係點解我會咁老架...............之前玩已經係咁架喇喎~~~冇理由架.............

唔通我成日俾d 煩野困擾住.........搞到自己咁~?

吉~
我...........冇左你個QQ號碼喇~
幫你唔到~sorry 呀~~~
五月返黎果時出黎見一見丫~~~
俾心機考會考呀~~~你同順風都係呀~~~加油呀~~~

阿念~
真係好耐冇見你喇~~~
好掛住你呀~~~好在tor tor 俾左我個日記版版你~
如果唔係我都唔知點搵你呀~~~
你近牌點呀~~~幾時返香港呀?
搵日出黎玩丫~~~

tor tor~
你...........唔識講~總之多謝你啦~

最後,都是最要的~~~
爸~
生~日~快~樂~
祝你身體健康,萬事如意,百毒不侵呀~呵呵呵~

>>April 8, 2003 at 3:40:00 PM GMT+8