2003 年 4 月 27 日 星期日 【晴】

~大逃亡 + 跌電話~

今日真係悲喜交雜呀~~~

喜呢~~~
今朝一早上完堂~以為下午冇野做啦.........
點知阿Patt 四點半一上完堂返黎就話可能封校~假期取消左~~~
我地一聽就即刻好緊張~~~封校喎~~~冇假放喎~~~
我地行動都好快,唔似d仆街仔咁,話走又唔走~
我地好快咁執晒野~五點半就走喇~趕到六點船~~~
終於都係早左三日返香港.......今日唔返冇得返喇~

頭先收到風.......
封校係大約今晚九點左右發生的事~
而家返左香港的,可以當未出通告而不予追究~
但要自己去照肺,返去要俾佢睇報告,然後再隔離十五日~~~
學校未知幾時解封,我地幾時返去要等電話通知~

悲的~
我返黎香港,本來好開心的.......
點知我搭車返屋企時唔小心跌左個電話.........唔見左,上返車搵都搵唔到.......
返到屋企都八點幾,俾老豆鬧完我又要即刻出去開返張新咭~
又要買返部新機........唉........咁我邊有錢買新 tee 呀...........
最後平平地出左部 Nokia 2100 .........算係咁啦~又冇晒錢喇~
好不幸呀..........當破財擋災啦只好..........

>>April 28, 2003 at 5:05:12 PM GMT+8

2003 年 4 月 25 日 星期五 【晴】

唉.......................................

唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心唔開心................超級唔開心~~~

一時又話要封校,一時又話請假要家長打電話~又要請假信咁~~~
我係大學生黎架~~~都有自由架我~~~我自己知要點做架~
你估我想自己會中非典型肺炎呀? o下o下都管到實~~~
法克特~~~

仲要有d無聊人o係度講三講四~~~唯恐天下不亂咁~~~正仆街仔黎架~~~
而家你講少幾句係咪會死呀? 又話走走走~走到尾又係留o係度~
又要係咁叫人陪你走.....想拖人落水都唔駛咁呀?
搞到大家個心煩晒~~~而家咁好啦~滿意啦? 玩夠未呀?
真係......想唔o係日記打粗口都唔得~正仆街黎架~

我到而家都未決定到29號定30號走~
煩到嘔........學校又俾唔到一個統一的請假答案我~妖..........
又俾某人同仆街仔煩到想死........搞到我尋晚仲好惡咁同老豆講野,sorry呀老豆~
仲有一個對我非常重要的人呢牌好令我討厭~
加埋加埋真係會令我精神崩潰架~~~

tor tor~
好掛住你~我要你~
咩人都唔見,我一定要搵你~
我要返黎見你呀~
(真係.....我諗睇我日記d人見到我咁講都可能以為我同你拍緊拖呀~呵呵~)

>>April 26, 2003 at 5:43:45 PM GMT+8

2003 年 4 月 24 日 星期四 【晴】

星期三果日返思想道德修養，最後一講就係『戀愛觀』。
老師叫同學出去黑板上寫一些關於對戀愛的疑問。
同學一共寫了十五題問題，seb哥哥選了其中八條來回答,我又答埋一份~大家睇睇啦~

1.愛與喜歡有什麼區別?

有人說愛是很大的喜歡,我並不認為這是對的。愛會包括愛對方的一切,愛對方的優點,包容對方的缺點~
喜歡是欣賞對方的優點,但卻不一定要接受對方的缺點~
愛是唯一的,喜歡的對象卻可以有很多個~
但不要誤會,我也不贊成一見鍾情的~我只是認為由喜歡轉為愛是升為另一個層次而已~

2.愛情帶來的快樂與痛苦哪個較大，如果是痛苦較大，幹嘛還要愛情?

愛情中當然是快樂較多的。痛苦較多就不會有這麼多人恨拍拖了~
其實在愛情中痛苦確是不會缺少的一個部分,但沒有痛苦那能突出愛情的快樂呢~
吵架,分手等當然會有痛苦,但痛苦過後你會學到更多,以後便可得到更大的快樂了~

3.先了解才交往，還是先交往後了解比較好呢?

這.....如seb哥哥所言,都是視乎性格而定啦~
我自己就偏向先了解才交往的......發現了一定的共同點,我會開始試試看啦~

4.友情與愛情之間有不可逾越的鴻溝?

我不否認有人會由友情轉為愛情~身邊亦不乏有這樣的例子~
但友倩很多時也只是限於友情而已,會轉為愛情的還是少數吧?
而且友情和愛情是兩種不同的感覺,又怎可混為一談呢?

5.是不是不願長久的愛情就不是真的愛情?

我認為不是。愛是不能用時間衡量的~
當然很多人會渴望有長久的愛~有當然最好~
但若沒有,有過一段刻骨銘心的愛也比貌合神離的相處一生來得強啊~!

6.一開始就注定結束的愛情還應開始嗎?

不。如果注定要結束,不如不要讓這段愛情開始,留個美好的幻想吧~!

7.選擇我愛的人與愛我的人，哪一種比較幸福?

我個人是會選我愛的人啦~
但其實兩種都不幸福。幸福的應該是兩者相遇上的時候~
只有一方的付出或接受都是不幸的~

8.表白的失敗真的是兩人關係中不可痊癒的傷痕?

我自己是不覺得啦~
因為我也試過表白失敗,但和她現在仍很要好~
不過也要視乎你們之間相識的程度吧~
我是真的很不希望這條答案會是"yes"~
因為我...........不想再失去一段珍貴的友誼.......


我自己就以上的題目在這裡回答了，不知道你們會怎樣回答呢。
感謝seb哥哥抄左題目~呵呵~
還有兩條係自己諗的~

9.戀愛和拍拖有何分別?

我覺得戀愛和拍拖是兩個層次的事~
拍拖只講求樂趣,尋開心~
戀愛卻是一起經歷很多事情,好的,壞的也一起分享~
然後慢慢的互補不足,可謂甘苦與共~
我追求的~也是戀愛,不是拍拖~

10.愛情一定要建立在性別、年齡、貴賤等條件之上嗎?

我的答案當然是"不"。愛情是不分性別、年齡、貴賤的。
愛可以存在於兩個人之間,不管性別、年齡、貴賤~這是愛情的可貴之處~

>>April 25, 2003 at 6:48:01 AM GMT+8

2003 年 4 月 23 日 星期三 【晴】

呵呵~~~今日又到左day off 日喇~~~

今朝我終於可以訓到十點幾至起身~
不過一訓醒我就好忙喇~
要拖地啊~~~今日有人上黎檢查~~~
搞掂晒d野都十一點幾喇........
之後我又做埋d悶到爆的事~~~抄．筆．記~
冇睇錯呀各位~~~大家都估唔到我會咁乖,咁多日都留o係度抄筆記呢~
我自己都估唔到呀~可能因為唔想再俾 ii 話走咁多堂又唔讀書啦~呵呵~
到點幾鐘就食飯~食完又繼續抄.........抄到手軟呀~死人新聞史都唔知點解咁多野要抄架~

好在~~~今日首領果對喇叭黎左我房,我可以一路聽歌一路抄~~~
今日聽返好多碟呀~
張宇,周華健, S.H.E 三隻,Speed 三隻,at 17,孫燕姿,容祖兒,L'Arc~cenc~Ciel(唔記得係咪咁串)~
就連區瑞強都聽埋~最後臨訓係聽結他精選~全日non-stop不停播呀~
搞到冇長開電腦~(Juli 我冇懶呀~係費事開電腦打咋~我有睇你果個架~)

去到五點半左右就出去食餃~~~
返黎首領借我部車出去~點知部野個後肽漏氣囉.......又要整~
整完之後~我, ii 同首領就出左去買野~
最後幫佢地車左兩箱"蒙牛"返黎~拎返香港喎~呵呵~

跟住返房就o係度摺紙鶴喇又~~~
要摺俾一個對我黎講好重要的人呀~呵呵呵~
而家摺左 120 隻喇~離目標仲有一段距離,不過仲有時間,唔緊要~
一路聽歌一路摺~
摺到十二點幾~~~終於都上左一陣網~睇左人地的日記~
之後就訓喇~

>>April 25, 2003 at 3:24:41 AM GMT+8

2003 年 4 月 22 日 星期二 【晴】

嘩嘩嘩~~~勁晒啊今日~~~

一朝早起身上堂~
到我出門口都未見 ii 起身,以為佢會走堂啦~
點知佢有返喎~~~

之後我同左家姐食飯~(Anna 呀~)
傾左一陣偈就返左房喇~
返到去又係咁無無聊聊地摺紙鶴同上網~
本來諗住抄筆記的,都係抄唔成,要留返今晚抄喇~

跟住過左阿心房睇左陣雜誌,四點左右就上左天台,諗住睇書~
點知有隻大大的蟲蟲o係我周圍係咁飛,搞到我睇唔到~
結果我迫住行去另一面,咁就企左o係欄杆邊諗野~仲見到 ii 佢地o係網球場,不過冇打波~
我晒左半個鐘太陽,見今日o既思考冇乜大得著,咁就返左房~
跟住見咁好天氣,就落左去幫架車打氣,順便去買報紙~
o係學校踩左一轉,都好耐冇試過喇.......出一身汗,真係.....都咪話唔爽呀~
返黎冇耐就打日記喇~~~

tor tor~
我想返黎o既意欲越來越強呀~
好想即刻見到你呀~呵呵~
我返香港唔戴口罩會唔會俾人打架? 抑或會俾人歧視我架?

>>April 23, 2003 at 10:19:29 AM GMT+8

2003 年 4 月 22 日 星期二 【晴】

嘩嘩嘩~~~勁晒啊今日~~~

一朝早起身上堂~
到我出門口都未見 ii 起身,以為佢會走堂啦~
點知佢有返喎~~~

之後我同左家姐食飯~(Anna 呀~)
傾左一陣偈就返左房喇~
返到去又係咁無無聊聊地摺紙鶴同上網~
本來諗住抄筆記的,都係抄唔成,要留返今晚抄喇~

跟住過左阿心房睇左陣雜誌,四點左右就上左天台,諗住睇書~
點知有隻大大的蟲蟲o係我周圍係咁飛,搞到我睇唔到~
結果我迫住行去另一面,咁就企左o係欄杆邊諗野~仲見到 ii 佢地o係網球場,不過冇打波~
我晒左半個鐘太陽,見今日o既思考冇大得著,就返左房~
跟住見咁好天氣,就落左去幫架車打氣,順便去買報紙~
o係學校踩左一轉,都好耐冇試過喇.......出一身汗,真係.....都咪話唔爽呀~
返黎冇耐就打日記喇~~~

tor tor~
我想返黎o既意欲越來越強呀~
好想即刻見到你呀~呵呵~
我返香港唔戴口罩會唔會俾人打架? 抑或會俾人歧視我架?

>>April 23, 2003 at 10:01:22 AM GMT+8

2003 年 4 月 21 日 星期一 【晴】

今日..........唉.........

好鬼大個太陽晒住.........
今朝一早我又去左上堂,呢牌乖左好多呀......點解就唔講喇~
總之呢幾日我都乖左啦~又肯抄筆記........
今日上堂仲冇訓到覺tim~~~

返黎房........又繼續抄新聞史筆記.......好難頂呀~
鬼叫自己之前一隻字都冇抄過咩.......仲有文化同文學要抄,呢次大劑喇.........

今日都冇乜點出聲~
可能熱啦~心情唔多好~
連食飯都出少左聲~

下午又要返PE~
今日考左三樣野~實心球,sit up 同埋立定跳遠~
都ok啦~~~過得去囉~~~
不過真係好熱~
Miss原本話下個星期二唔駛返的~
後尾又改返話再下個星期二喎..........法克特~
我唔理架~星期二我照返香港,理得佢丫~~~返香港大晒架嘛,係咪先~?

返到黎~又係咁抄抄抄~~~
再係咁我可能會癡線都唔奇~呵呵~
不過抄得多個人真係記得多左o既.........但係心情會變到好低落囉~

tor tor~
我放到 5/5 呀~~~少左4日........
原本我 10 號唔駛考試的話,可以放到 12 號的~
而家冇左成個星期假呀........慘~

倩~
睇黎我可能同唔到嘉僖過生日喇~
國務院話唔俾放咁多日呀~
我要提早走喇........sorry 呀~
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
想念一個人，需要衝動的感覺
思念一個人，需要深刻的烙印
接近一個人，需要滿懷的誠意
愛上一個人，需要十足的勇氣
放棄一個人，談何容易...???
每一個人都有想要尋找的那個人..錯過了..就再也找不回來..
所以...一定要珍惜.....

>>April 22, 2003 at 1:27:40 PM GMT+8

2003 年 4 月 19 日 星期六 【晴】

今日個天好鬼正呀~~~超級無敵大晴天呀~~~

不過我今日就冇出街~留左o係房~
我醒都成兩點幾喇........玩左一陣,五點半我就同首領, ii 出左去食餃~
食完又返黎散步......睇埋個日落tim~
d雲又靚,個太陽又靚,真係正到無法形容呀~~~

夜晚仲正~個天九點幾果陣好清,冇乜雲的~
咁 ii 就拎住個星位圖上左天台睇星星~
我就拎住個星位圖同首領o係房門口睇~
個天真係靚到爆呀~~~
不過十點過後就開始多雲喇.......變左冇得睇~~~

今日我仲睇晒本"富爸爸窮爸爸"~
嗯~~~我都要學多d財務知識,向我o既新聞王國進發呀~呵呵呵~

tor tor~
今日收到風,可能我冇長假放~
呵呵~越來越掛住香港喇~

>>April 21, 2003 at 7:42:40 AM GMT+8

2003 年 4 月 19 日 星期六 【晴】

尋日都勁喇~~~
話說尋日朝訓到十一點幾成點鐘至起身~
諗住出去晾曬被被啦~~~點知冇位喎~~~要我去到鬼死咁遠至有得晾~
之後又o係度hair~~~食完飯就拖左個地~~~

之後一路無聊到夜晚~
因為 ii 同首領四點幾果陣都訓左~~~去到八點至醒.........
咁我地就決定落去飯堂食炒河喇~~~
結果成為左今日最精彩的部分呀~

我地o係飯堂係咁叫野食,一人一碟牛河,佢兩個仲有碟炒田螺同糯米雞~
我就有兩籠义燒包~(本來冇架,個姐姐好人,俾我用晒張咭d錢,2蚊拎左兩籠走,但我其實係唔想食咁多的~)
之後係咁食,係咁食~都係食唔到果六個包.....結果要打包拎走~

跟住大家見咁飽,諗住去散散步先去啦~
咁我就提議去遊湖,呵呵~佢兩個居然即行動喎~呵呵~
我地就好似"掃黃三人組"咁出發喇~
一路行都真係見到勁多對情侶囉.....我地走去湖邊明係阻住人做"好事",呵呵呵~
遊完個湖,我地仲意尤未盡.....結果去埋另一個偷情聖地~~~運動場看台

去到都仲見到好多人跑緊步喎......十點架喇果陣~
我地就沿住條跑道行去看台,途中都見到唔少情侶喇~看台上面反而少d~
不過d行動就激d囉~出晒手咁......左抄右抄......你估看台真係冇人睇你架咩.....
結果我地三條友上左看台.....呵呵~
睇人之餘,仲可以睇埋樓下d人跑步~又可以靜靜地傾o下偈~
一路坐到差唔多十一點至返去~

返到去,快快手咁沖完涼~我地又開始玩野喇~
我就不停咁摺紙鶴~首領後尾同我一齊摺~ ii 又摺埋一份~
跟住佢兩個去上網,我又繼續摺喇~~~
後尾又玩鋤大D.......一路玩一路傾.......實際上係傾多過玩~我做埋大輸家......
一路傾傾玩玩......到五點幾就黎六點首領話玩塔羅牌~
咁我就問左個問題.......個結果.......我都希望佢會準啦~ "聞斯行之" ~呵呵呵~

跟住去到今朝六點幾至訓~一訓醒就上黎打日記喇~
今晚要早d訓呀..........聽日有八點堂架~~~
我唔可以再走堂架喇.......唔想再見到有人黑晒口面呀~呵呵~

>>April 20, 2003 at 7:04:36 AM GMT+8

2003 年 4 月 17 日 星期四 【晴】

今天心情很差~
因為我該死的手指按多了一次"Esc",千多字的日記被洗光光..........法克特!!!

今天早上走了新聞史........
我看見 ii 黑了口面~呵~有點可怕~心情也好不了那裡~
說實在的~我也知自己衰仔......
我這樣和阿心她們真的沒分別~只是一個在香港,一個在宿舍走堂而已!
所以心情一直也不太好~

午飯後我和 ii 陪首領到前山郵局領包裹~
他媽的......說甚麼不收身分證,只看回鄉証,累得我們白走一趟~
結果我幫首領回宿舍拿証,她們去買晚餐料~~~
來回的路上我也走得很快.......不是刻意的,只是想自己靜一靜,想想事情而已~
當然,也有點是因為心情不太好之故~~~
我覺得走路時是思考的最好時間(那當然是在確定交通安全的情況下啦~)

回到宿舍居然肚子痛.........法克特~
高速找到証後便騎單車出去找她們~

跟著 ii 便騎了我的車先回宿舍,我和首領再到郵局~
途中首領問我是不是有心事~~~
我......唉,我自己也不知道呀~

回來後便到了首領房~
期間發生了一件事,別人看來沒甚麼,卻使我的心情再次跌下谷底~
希望今晚會開心吧~~~


今日忽然間想用書面語寫日記~大家唔好介意啊~

tor tor~
我尋日諗左好耐,結果都係決定唔寫信俾你~
原因只有一個.........因為............我...........實在太懶喇~~~呵呵呵~~~
都係返黎至同你慢慢講啦~^+++^~

>>April 18, 2003 at 10:58:42 AM GMT+8