2003 年 5 月 4 日 星期日 【雨】

好激氣呀今日~~~
尋晚勁大雨......度度都水浸.......
今日朝早上堂都冇野,係變左勁少人上堂之外~~~
中午自己o係房食飽.........
食完上網同Beaker傾偈~仲好開心架~~~

點知..........
六點左右阿Patt 同 ii 返左黎,要我去紅樓接佢地~
一接之下......竟然聽到今日返黎的同學要被隔離的消息.........
嘩........好激氣囉...........之前的人又係咁返,係今日先隔,仲要衰到係電話度臨時決定架囉~~~
呢班..........唉..........都唔知咩人架~~~
結果阿 Patt , ii ,首領 佢地成班人就俾人隔晒o係紅樓隔離的招待所~

但係呢~明顯地唔係為防非典型而隔離囉.........我覺得係校方為左搵人出黎祭旗而隔離佢地囉~~~
ii 佢地可以返房執野,沖涼~~~如果為防非典,又點可以咁做呀..........
我送左佢地過紅樓,就返黎喇~~~要將呢個有人被隔離的消息公告天下呀~~~
但係上唔夠十分鐘網,首領佢地就求救喇~~~
咁我又快快手咁幫佢地執野拎去俾佢地啦~~~
果時都十點幾喇~~~但我又未沖涼,更未食飯.........餓到暈呀慘..........
返到黎,好在鈺姐俾左個麵我食至好返d咋~~~

唉.........ii 佢地就好啦..........三個人一齊隔離........有得玩有得笑...........
我就要一個人o係出面..........仲要對住..........唉..............
今晚本來同房話去阿wing度訓架~~~點知又返左黎喎~~~
好唔開心呀...........點解會咁架.........諗住今晚可以見到佢地架嘛.........

tor tor 、Beaker ~
你兩位都好鍾意o係我個版度玩野o者~~~
想幫我製造煙幕都唔駛咁呀? 呵呵呵~~~
即係想玩死我o者~~~呵呵呵~~~
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
孤單是一種處境,寂寞是一種感覺~
孤單的人不一定寂寞;寂寞的人也不一定孤單~
最大的快樂莫過於在孤單中從不感到寂寞~
最大的悲哀莫過於在熱鬧的情景中發現自己的寂寞~
從小到大,我從不孤單,身邊總有很多朋友~
但, 我, 是寂寞的,一點也不假~

>>May 5, 2003 at 3:47:28 PM GMT+8

2003 年 5 月 3 日 星期六 【雨】

嗯~今日心情唔錯~
我諗同尋晚有d關係~~~呵呵呵~~~
我今日又係訓到兩點至起身,冇去到同家姐食飯........
點解我又咁遲起身呢~~~就係因為尋晚我又上網上到三點幾至訓喇~~~

本來個人心情唔太好的..........不過尋日上網見到 Beaker ~
同佢係咁傾............之前都好似冇試過咁傾呀可?
十一點幾傾到十二點幾,本來我已經諗住叫佢收機訓~(其實我自己都想訓~呵~)
但係最後我地都係一路傾落去........仲越傾越精神 tim~~~
結果傾到兩點半左右至收機...........我就仲上左陣網搵wallpaper,到三點至收~
一收機就聽到勁大雨聲.......嘩.......今年第一次見咁大雨~~~

今日呢~
一醒左就上網..........又見到Beaker~
不過佢溫書,咁我就唔阻佢喇~~~
食完飯又一路睇書一路聽歌.........死,又唔記得要抄筆記...........呵呵~
陣就抄筆記喇~~~今晚都應該又係咁過架喇.........上網,聽歌........
睇我個日記寫得咁短就知我真係冇野做,悶到死啦~呵呵呵~

如果我今日o係香港,應該去左青暉同義工團果個大會~
今日應該選了新理事了吧? 看來我也應該冇再被選入幹事會了.......
希望他們以後做得更好吧~^+++^~

Beaker~
好衷心咁多謝你~
返左黎咁耐........最開心就係尋晚........
我估唔到咁多日以黎我第一次發自內心的笑會係對住部電腦囉~呵呵~
而家同你傾偈真係好開心......好自然咁我就笑左出黎,差d嘈醒埋我同房~呵呵~
你呀~未考完試就唔好成日都咁夜訓啦~~~
搞到自己又胃痛......擔心你架~~~
總之要保重身體啦~~~ 9 號實打俾你架~~~加油~~~^+++^~~~

死啦.........日日都落大雨........咁我點洗衫呀..........又冇衫著喇我.......慘喇.........

>>May 4, 2003 at 10:16:03 AM GMT+8

2003 年 5 月 2 日 星期五 【雨】

一日..........咁又一日喇..........
我做過甚麼呢............沒有.............
又同自己玩自我放棄的遊戲~

今朝本來諗住七點幾起身打俾tor tor 的~
佢今日考英文~結果都係起唔到身.......
尋晚三點幾至訓......佢醒到,我醒唔到~
結果訓到兩點幾至起身........

一起身就見到出面落大雨喇.........好耐冇落雨了.......
以前見到落雨都好開心的~今日反而好似多左一種落寞的感覺~
可能係因為大家都未返黎啦~~~
一路無事.......食完米粉就開始抄筆記........
中途上左一陣網......之後直情收起左部電腦........
抄左一陣又去左睇 EVA 漫畫...........
咁就睇到而家喇..........

得返一個人,真係好易亂諗野~~~
我的情緒似乎好易受到動搖,呵呵呵~係好大的弱點.......
返左黎.......而家至真正咁feel到屋企對我係幾咁重要........
聽住twins的"我的爸爸媽媽".........好．掛．住．屋．企．呀.................
好想見到佢地........一個人倦了,果然係總會想起家的...........

掛住屋企人.......
掛住tor tor ,掛住beaker ,掛住嘉僖,掛住倩,掛住小妖,掛住我所有的朋友.......
掛住佢~
好想見你地~~~

tor tor~
雖然我唔贊成,但決定權在你~
我只可以講~唔好一時意氣而做錯誤決定
點都好,你開心就最好~
就算唔開心都好.
記住~~~我肩上永遠有留給你的位置~(雖則你應該用唔著,呵呵~)

>>May 4, 2003 at 10:06:16 AM GMT+8

2003 年 5 月 1 日 星期四 【晴】

今日........總算回復正常生活時間~
七點起左身,先記起同房今日唔打算返學.........
咁我就快快手咁搞掂晒d野.......仲上左十分鐘網.......呵~跟住就去上堂喇~~~
好乖呀我..........得一堂新聞史要上都冇走到........

上堂果陣,問加琳同學借左文學筆記........抄左少少就頂唔順喇.........悶爆~
所以...........我又訓左...........訓左兩堂.........發左個唔知好唔好的夢......
再聽左陣書.......咁就又落堂喇.......三堂課就咁過左........
返到宿舍...冇人喎~咁我又上網啦~到十二點就同家姐出去食飯~

食完飯我地見冇咩做,我又唔想返房,家姐又想遊湖,所以..........
順理成章地我地去左遊湖喇~~~
一路上都傾左唔少野..........家姐話我望人的眼光其實一直都好寂寞..........係咩?又好似.....係喎~
同佢傾偈都係一件幾開心的事.......對於了解我自己幾有幫助~
我地一路行,仲俾我嚇走左兩隻鵝tim~呵呵呵~

兩點幾返到房,見到同房都唔知講咩好.......索性開歌聽扮乜都聽唔到~~~
一路上網.......上到而家~
陣間要同鈺姐同妮姐出去食飯...........佢兩位今日著件旗袍出去啊.........天啊...........
佢地出去買鞋,捉埋我出去啊...........有機會你地一定要睇睇..........呵呵~

返黎要開始抄筆記了...........唔可以一路咁懶架我~^+++^~

tor tor~
呵呵~我一定等你架喎~我地........呵呵呵~~~
已經有人問我同你係唔係拍拖喇~~~你點答佢呀? 呵呵呵~~~

Beaker~
你都要身體健康~
今次返黎原本想搵你請你食飯的,點知又咁樣~
我唔見左電話,出返部機後冇晒錢lu~要請你都要等到我做暑期工至得喇~
俾心機考埋科acct呀~~~就衝線架喇~~~
記住~一流仔與你同在~哇哈哈~^+++^~

Patt~
係咪呀~你講架~
不過暫時冇乜大消息~
係估計你地返黎都唔駛隔離o者~

不過...........有傳言話 BEC 可能會延期,唔知真定假~
我查清楚再話俾你地知啦~

>>May 2, 2003 at 9:49:02 AM GMT+8

2003 年 5 月 1 日 星期四 【晴】

今日........總算回復正常生活時間~
七點起左身,先記起同房今日唔打算返學.........
咁我就快快手咁搞掂晒d野.......仲上左十分鐘網.......呵~跟住就去上堂喇~~~
好乖呀我..........得一堂要上都冇走到........

上堂果陣,問加琳同學借左文學筆記........抄左少少就頂唔順喇.........悶爆~
所以...........我又訓左...........訓左兩堂.........發左個唔知好唔好的夢......
再聽左陣書.......咁就又落堂喇.......三堂課就咁過左........
返到宿舍...冇人喎~咁我又上網啦~到十二點就同家姐出去食飯~

食完飯我地見冇咩做,我又唔想返房,家姐又想遊湖,所以..........
順理成章地我地去左遊湖喇~~~
一路上都傾左唔少野..........家姐話我望人的眼光其實一直都好寂寞..........係咩?又好似.....係喎~
同佢傾偈都係一件幾開心的事.......對於了解我自己幾有幫助~
我地一路行,仲俾我嚇走左兩隻鵝tim~呵呵呵~

兩點幾返到房,見到同房都唔知講咩好.......索性開歌聽扮乜都聽唔到~~~
一路上網.......上到而家~
陣間要同鈺姐同妮姐出去食飯...........佢兩位今日著件旗袍出去啊.........天啊...........
佢地出去買鞋,捉埋我出去啊...........有機會你地一定要睇睇..........呵呵~

返黎要開始抄筆記了...........唔可以一路咁懶架我~^+++^~

tor tor~
呵呵~我一定等你架喎~我地........呵呵呵~~~
已經有人問我同你係唔係拍拖喇~~~你點答佢呀? 呵呵呵~~~

Beaker~
你都要身體健康~
今次返黎原本想搵你請你食飯的,點知又咁樣~
我唔見左電話,出返部機後冇晒錢lu~要請你都要等到我做暑期工至得喇~
俾心機考埋科acct呀~~~就衝線架喇~~~
記住~一流仔與你同在~哇哈哈~^+++^~

Patt~
係咪呀~你講架~
不過暫時冇乜大消息~
係估計你地返黎都唔駛隔離o者~

不過...........有傳言話 BEC 可能會延期,唔知真定假~
我查清楚再話俾你地知啦~


>>May 2, 2003 at 9:45:50 AM GMT+8

2003 年 4 月 30 日 星期三 【晴】

好喇..........頹左咁耐,灰左咁耐,唔開心左咁多日........
我．受．夠．喇～～～我．要．振．作．呀～～～
今日開始我要振作呀,唔可以再頹架喇~

返黎一日,諗諗o下..........算喇,當自己冇返過去囉~一直都冇諗過返去囉~
既然返左黎,我唔可以日日都o係度頹廢的........
咁比我留o係香港更無用~~~返黎應該有返黎的野做的~~~
呻左咁耐..........夠喇.........唔開心都唔開心左喇,事實係冇得改變架喇,惟有我自己改變心態去適應佢啦~

今朝又回復返超遲起身~~~十二點~~~
唔想咁早就對住一d "人" 呀..........
跟住得我一個o係房果時我先至開始將尋日的行李慢慢執返出黎~~~
(係呀~我尋晚返黎一件行都冇掂過.......淨係搵左 ii 條後備鎖匙開衣櫃拎腦腦出黎咋~
跟住就上網上到兩點幾.....之後訓......都冇執過野~)
因為尋晚我太唔開心喇,而且執野太煩,又多野執~唔想做~呵呵~

咁我呢今次實行左我的"重整衣櫃計畫"~帶左多d短袖衫返黎喇~重新執過個衣櫃~多左d空間~
然後將拎俾 11 房的七罐罐頭、粟米的六盒維他菊花茶同自己的五盒奶茶上架~~~
再放好拎返黎的口罩、藥、洗手o者o厘~~~
最後放埋我套"新世紀福音戰士 flim book"上書架~咁就大功告成喇~

今日仲有一件事,就係有人黎鑽床裝欄杆~
搞到成床成地都係木屑.........掃左好耐呀我~
ii 同君的床板拎唔起~所以只係掃左落床板下面~
冇人的房他們冇入去,可能等佢地返黎至再整~~~

好在我返黎果時唔駛隔離~~~只係要去校醫室量體溫o者~~~
如果唔係一定悶爆呀.........冇網上喎~~~
其實呢度氣氛一d都唔緊張喎,乜事都冇發生過咁~
不過首領他們返黎的時候應該要隔離起碼十日..........
即係我將會在未來至少半個月內都見唔到佢地喇~(如果學校真係實行隔離政策的話~)
不過呢間學校會唔會又大事化小,小事化無呢~就難講d........
算啦~~~我己經對呢間學校的制度 不．抱．任．何．信．心 架喇~
希望順順利利咁畢業就得喇~~~

在香港的同學仔~

希望你地玩得開心d~
有咩新變化我會第一時間通知你地的~
或者多d上黎睇睇都得~呵呵呵~(賣廣告~!?)

tor tor~
等我返黎~我下次一定要見到你的~
今次見你唔到係我最大的遺憾~
掛死你呀~^+++^~

>>May 1, 2003 at 12:11:06 PM GMT+8

2003 年 4 月 30 日 星期三 【晴】

睇到一篇幾有意思的文章~

反思

非典型肺炎蔓延到香港接近一個月，每日在街上、巴士上、火車上，仍然可以聽到一兩個沒帶口罩的人沾沾自喜地對朋友說，「人人都戴口罩，即係我地好安全啦。」工作上、生活上，總會遇到一些朋友，說戴口罩很焗、很辛苦，所以不帶。

面對這些大言不慚的人，我終於明白到，香港政府即使在這場疫症中再努力，都不可能阻止疫症蔓延的。因為香港有著太多自私的人。

今時今日，全港各區都已發現病例，有誰能保證自己不是帶菌者（帶菌而一直不發病也可傳染別人），或已經受感染，即將發病？請記住，到真的出現病徵時，你已經傳染了很多人了。香港的經濟，市民的生活，又將因為你的自私和自大（以為自己很健康）而雪上加霜。

面對這樣一場傳染病，正確的態度是：我們每一個人都應該將自己視作帶菌者。

請不要再責怪政府無能，頭痛醫頭，腳痛醫腳了，起碼，政府在醫。但身為潛在帶菌者的我們，卻有很多人繼續不戴口罩，妄顧別人的安危。又或者一發現住所附近有人中招，想也不想自己是否已帶菌，即作鳥獸散，將病毒傳播到更多未有病例的地方，令雪球越滾越大。

請記住，病毒不是由空氣傳播的，如果是空氣，香港的病例早已不止一千，所以，大家不用跑得比疾風還快。如果你的大廈有人患病，大家是不是可以盡一分力，好好消毒家居和公眾地方，遏止病毒擴散？

如果香港人不能同心合力，承擔自己的責任，改善個人和家居衛生，即使政府有先見之明，有雄才大略，都救不了我們的。

請不戴口罩、以為戴口罩是為了保護自己和火速撒離住所的人明白，我們戴口罩，我們清潔家居，為的是阻止疫症蔓延，是為了救香港、救經濟、救自己，避免香港以至世界各地有更多無辜的人患病甚至死亡。當然，也是為了向無知、自私及卑鄙的人證明，透明度比欺騙蒙蔽的手段，更能遏止疫症及維護經濟發展。

爭氣吧，香港人！

（歡迎轉載，越多越好）

>>May 1, 2003 at 5:14:46 AM GMT+8

2003 年 4 月 29 日 星期二 【晴】

結果,我都係........要返大陸~
一個我最唔想o既結果...............唉...............人生不如意事十常八九,呢件夾埋就係第十件喇~
而家個人超灰...............世界果然係好黑暗呀.............

最最最慘的,係我本來諗住得我一個返房,都有幾日私人清靜空間~
點知.......同．房．居．然．返．左．黎~~~
咁當然呢個人唔係指 ii 啦~係我就唔駛咁煩了..............
而家真係欲哭無淚呀.........
我唔可以喊的,唔可以示弱俾佢睇的........

你地可能好奇怪點解我要咁早返黎珠海..........
禍心都係死人暨南大學珠海學院~
唔係佢一時一樣.......出爾反爾.......朝令夕改........我都唔駛返黎~

我本來尋晚己經諗定今日返架啦,今朝又有人話老師叫我地唔好返去喎~
完全打亂左我o既陣腳~一時又唔知返唔返好.....
好喇,到我想唔返喇,又有人話今日唔返又要隔離又要記曠課咁.........
呢d野呢,我本人就唔多信,信我都唔驚的~

但係就嚴重影響左我老豆同阿媽的睇法.........
佢地由我返黎果一刻開始己經不停咁怪我做乜要返黎........
跟住學校o既反覆無常令佢地越來越驚,不停咁叫我走~~~
我老豆成日同我講"唔准走堂,即刻返去"~
我今日去左剪頭髮,諗住唔駛返去住就再玩多兩日~
但係又有同學返左去.......我老豆知道左又係咁叫我走..........

算.........咁樣我留o係香港都冇意思......日日都要俾人鬧~
好...........我走,我走............

本來阿Patt話走,我就同佢一齊走.........
最後,佢都係選擇留低........得我一個自己返去..........
佢好彩d,可以反悔.......但我唔得....我老豆唔俾我唔走.....我騎虎難下,一定要返黎.........
不過我唔會怪佢.........始終冇人想咁快返珠海架嘛,係咪?唉.............

基本上呢幾日我地都俾"走or唔走"呢個問題煩左好耐~
最大問題係唔知佢遲返會點對我地~
點解今日返黎唔駛隔離,聽日返又可能要呢?
呢間學校真好唔掂........d制度亂晒.........本部冇話的都自己擅自出主意.......
唉............好失望........好失望.......好傷心,好灰.........

各位朋友~
對唔住,真係好對唔住..........
因為我返左去,搞到同你地的約定都實現唔到.......
尤其是嘉僖.........同唔到你過生日,sorry呀~
倩都係.....我又失信於你喇~

>>April 30, 2003 at 3:23:47 PM GMT+8

2003 年 4 月 28 日 星期一 【晴】

唉.......

唔想返去唔想返去唔想返去唔想返去唔想返去唔想返去唔想返去唔想返去唔想返去唔想返去唔想返去唔想返去唔想返去唔想返去唔想返去唔想返去唔想返去唔想返去唔想返去唔想返去唔想返去唔想返去唔想返去唔想返去唔想返去唔想返去唔想返去唔想返去唔想返去唔想返去唔想返去唔想返去唔想返去唔想返去唔想返去唔想返去唔想返去唔想返去唔想返去唔想返去唔想返去唔想返去唔想返去唔想返去唔想返去唔想返去唔想返去唔想返去唔想返去唔想返去唔想返去唔想返去唔想返去唔想返去唔想返去唔想返去唔想返去唔想返去唔想返去唔想返去唔想返去唔想返去唔想返去唔想返去唔想返去唔想返去唔想返去唔想返去唔想返去唔想返去唔想返去唔想返去唔想返去唔想返去唔想返去唔想返去唔想返去唔想返去唔想返去唔想返去唔想返去唔想返去唔想返去唔想返去唔想返去唔想返去唔想返去唔想返去唔想返去唔想返去唔想返去唔想返去唔想返去唔想返去唔想返去唔想返去..............極度唔想返去.............

點解~點解呢個時候要我返去喎..............
一場返到黎...........都唔夠兩日又要走..........
唉..........想喊呀............超想喊呀~
點解要咁對我呀..............fd 都未見又要走..........電話都未傾到.........
原本 plan 定果d節目一個都做唔到........
唱k冇左......青暉開會冇得去.........連幫嘉僖慶祝生日都冇時間.........
點解呀...........我一樣野都做唔到...........咁就要返去喇...........

好在返黎都見左阿爸阿媽兩日.........都算有少少收獲啦........
唉.........不過講極佢地都唔明我點解要聽晚七點半至走~(明顯係我唔想走啦.......)
同佢地講只會講到我忍唔住喊.........唉...........
點講佢地都好似想我即刻走咁,究竟佢地明唔明我而家有幾無奈呢?
而家真係想喊.............好想好想喊..........

tor tor ~
我知道你爸爸唔俾你見我........佢都係為你好o者..........
或者佢講得o岩.........我果度俾人封校,即係可能有事~
唔俾你見我都係為你安全著想........
雖然我好想見你.......但係我都............唉...........
惟有寄望下次啦............

>>April 29, 2003 at 3:15:33 PM GMT+8

2003 年 4 月 28 日 星期一 【晴】

頂~~~呢間都唔知咩學校黎架.............

一時又呢樣,一時又果樣..........
尋日先至大逃亡返黎~今日又話俾我知要返去........
今朝一早就有人打黎話我知~
學校要我地聽晚十點半前返去,唔係就要隔離十五日,兼冇得考試........
仲要果十五日每日計我地曠課六堂.......總共係.......九十堂........
咁唔駛考試啦.......考左都畢唔到業喇........咁算點呀?玩野呀?
我返黎安全過你將我關o係唔知邊度啦......係咪先?
我返到去俾你隔離果陣中招咁點計先........

我今朝一早(都十一點喇~)俾電話嘈醒後就冇停過~
係咁打俾人同接人地電話~~~搞到個人又鬼死咁燥.........
大家都決定唔到點做好......仲未決定到返唔返去........
我就唔想返喇~~~佢都痴線架............
一個fd都未見就要我返去............shit~

>>April 29, 2003 at 3:06:37 PM GMT+8