2003 年 5 月 21 日 星期三 【晴】

今日係真真正正的day off 日~~~
訓到十一點幾,首領敲門話去食飯~~~咁我就醒左去食飯喇~~~
食完返黎,訓左一陣~ ii 要去上堂~
我就又醒左............上網,打日記囉~~~

尋日打左電話俾Beaker~
講得好開心,不過又用左廿幾蚊.......慘慘~~~
傾傾o下 ii o係後面整左d怪聲出黎........嚇到我即刻收線~~~呵呵呵~~~
嘩..........忽然間覺得人生滿希望呀~~~

Beaker~
新目標啊~~~我丫不如~~~呵呵呵~~~
好返好多咪好囉~~~
唔駛多謝我,朋友就係咁用架嘛~~~唔係要咁多朋友做咩呀?
呵呵呵~~~

Tor tor~
我係你 "老公仔" ,唔係你 "老公" 啊~~~
你老公另有其人嘛~唔好搞錯啊~~~呵呵呵~~~
我好掛住你呢.........

>>May 22, 2003 at 8:15:06 AM GMT+8

2003 年 5 月 20 日 星期二 【晴】

今日,我又day off 左自己喇~~~得一堂八點的英文......真係唔想返......

結果我訓到十二點出去食飯~~~
食完冇野做~~~hair左一陣~~~
三點幾去左打波~~~打到六點先至返上去~~~
返到上宿舍就要煮飯喇~~~
今日勁呀~~~有"色素湯",仲有生麵皇~
個色素湯其實係耶菜番茄西芹瘦肉湯~~~
因為 ii 白血球過多~~~呵呵呵~~~要補返d色素呀~~~呵呵呵~~~

食完飯呢~就上網啦~~~今日勁喇,上左五個鐘~~~
中途好想俾樣野 ii 睇......但佢都係睇唔到......唉.......
白白浪費左個機會喇~~~
seb哥哥又係咁send d 人過黎俾我睇..........嘩有個女仔幾可愛架~不過人地170.......高妹,唔敢識~呵~

Beaker~
好多野......唔好講得咁肯定住~呵呵呵~
你知我講咩架可~~~?

>>May 22, 2003 at 7:46:42 AM GMT+8

2003 年 5 月 19 日 星期一 【晴】

今日好累..........

朝早七點半起身~返完新聞寫作就返左宿舍..........
食完飯就返PE...............

可能因為唔夠訓啦........個人狀態唔多好............
返PE 果陣又勁晒...........上完堂個人就暈暈地...........
買左凍野飲又鬼咁快狂灌...........30秒唔駛就飲完一罐汽水..........
跟住條氣管就好似扯住扯住咁喇.............勁辛苦..........

之後...........返宿舍...........一路都唔多妥咁.............
頭重重,頭暈.......又流鼻水,個身又係咁慶...........
出去食飯果陣我幾驚俾佢我發燒要隔離我呀~
不過好明顯我係病左喇..........所以極度眼訓...........
搞到我今晚諗住陪 Beaker 都唔得,點幾鐘我就頂唔順訓左喇.........


>>May 21, 2003 at 10:56:17 AM GMT+8

2003 年 5 月 17 日 星期六 【晴】

今日勁勁喇~~~真係好勁~~~

我今朝六點半至訓...........因為要寫我小說的第四章~寫完架喇呢章,開第五章架喇~
咁訓到點幾鐘醒,跟住兩點出左北門食餃~~~之後就係今日的高潮喇~~~

我、首領同 Low B 約左德哥三點出去蓮塘買二手車.......
嘩果度真係勁雜,雖然我都去過幾次,但係冇德哥帶路真係唔識點搵人買車呀~
去到冇耐,首領同德哥就入左去睇車,我同 Low B 就o係街等~
d人成日都啤住我地兩個,搞到周身唔聚財咁呀~
首領地出返黎之後,話俾我地知,佢地o係入面都係咁轉轉轉.......差d唔識路返出黎~
睇左幾輪之後,首領同 Low B 都買到車喇~
我地就快快手咁走啦~~~因為有架公安車行左幾次架喇,我地都有少少驚~~~

買完車,我同德哥就踩住架車去單車鋪整,順便買鎖~
不過就辛苦左首領佢地喇........全程行返黎.........(係跑至真~)
去到單車鋪........德哥都唔駛叫佢地整.........自己拎工具搞掂........
買左兩個鎖又係佢裝..........我都有份玩,呵呵~
搞掂左呢就踩返返黎喇............

返左黎學校,我地又玩左一陣,德哥又自己踩去香州,我地三個就叫埋 ii 同 patt 落黎去食飯~
食完飯呢........我地走左去踩運動場............
踩左十幾圈呀今日..........之後就返宿舍喇~咪話,有少少腳軟架~

返到黎一上網就見到beaker話唔開心~
咁我梗係陪你啦~係咪先~
打左次電話俾你,唔好再唔開心啦~仲有我嘛~呵呵~
首領個朋友又係好大鑊.......我傾電話果陣佢就黎搶左我部腦同佢個朋友傾~
跟住我地又調位,佢打電話我玩腦~
我地兩個都算唔得閒喇.........兩個的朋友都唔開心喎.............唉,仲要都係果d問題~

tor tor~
好耐冇見.........掛住掛住好掛住~~~

Beaker~
唔好諗咁多野喇~~~
唔開心仲有我嘛~我會陪住你的嘛~呵呵~
記住有咩要話俾我知,唔好自己一個唔開心呀~
我個膊頭隨時都可以借俾你架~^+++^~

>>May 19, 2003 at 7:14:30 AM GMT+8

2003 年 5 月 16 日 星期五 【晴】

今日好開心,又有唔開心喎~
咁今日呢~係首領生日~生日快樂呀~~~

我地今日十二點幾至起身,鈺姐過黎問我地出唔出去~
咁佢地話唔出住,我咪話唔出囉~~~
點知四點幾果陣又話出拱北~~~
我又老點左鈺姐喇~~~搞到佢好唔開心呀.............

出到拱北..........個心其實都仲係唔多安樂~
不過陪佢地行行o下街又開心返喇~
跟住夜晚去左間小泉居的分店食野........都ok啦~呵呵~
之後返黎切蛋糕~~~好在鈺姐冇再嬲我咋.........我幾驚呀~

總之今日係開心啦~首領生日快樂~

>>May 19, 2003 at 6:47:27 AM GMT+8

2003 年 5 月 14 日 星期三 【晴】

今日又係一個頹廢的日子~因為今日又係 day off !!!

尋晚又寫小說到四點幾至訓..........不過今朝十一點幾就醒左喇~~~因為實在太熱喇~~~
ii 成晚都訓唔到~~~我一路寫小說都一路聽到佢o係床度碌黎碌去~~~呵呵呵~~~
上格床實在係太熱喇~~~好在我一早轉左訓地下o者~~~

所以呢,今日 ii 決定出去風扇~
不過出去之前,我間房要負責煮飯囉..........
結果我終於都係要出手煮飯喇.......不過第一次都幾失敗,呵呵~
煮通粉...........點知煲水煲左勁耐都唔滾..............原來個飯煲根本未通電囉........呵呵~~~
玩死我同 ii 呀.........好在後尾都煮左d似樣的野出黎...........都仲食得o既~~~呵呵~~~

食完又左一陣偈,hair左一陣,四點半我,首領同 ii 就出去喇~
行到出七星,成身已經濕晒........咁 ii o係七星睇中個風扇,又費事行,咁就決定買喇~
買完扇呢,我地三個人去左書局~
之後行返去正門食餃餃~~~
由於正門俾人封左,我地係要食完行返去北門至有門口入的~
餃餃果度都因為咁少左好多人去呀........生意大減.........
唉..........唔想佢冇得做呀.......好好食架嘛........

食完返黎........執左d野.......又開始上網喇~~~
今晚同房只係返黎簽到....一句野都冇多講~~~
咁我一路上網.........去到點幾諗住訓........
點知訓低左又同 ii 傾開寫小說的事..........傾傾o下又去到兩點至訓~~~
我第二朝仲要返八點架嘛........真係.........

不過,而家咁總比我得一個人o係宿舍開心丫~呵呵呵~~~

>>May 16, 2003 at 2:38:23 AM GMT+8

2003 年 5 月 13 日 星期二 【晴】

今日係非一般開心呀~~~因為首領佢地終於出返黎喇~~~
終於可以結束我一個人的生活喇~~~

今日一訓醒就十點幾,結果都係冇返英文.......
之後收到首領的 msg ,叫我去搬行李~
我過到去,佢地o係度等緊喇~不過 ii 俾人留住左o係醫院~
白血球過多喎~~~呵呵呵~~~又多左個新名~~~白血球~~~呵呵呵~~~

之後 ii 返到黎,我地諗住出去正門食餃啦........
點之正門封左喎.......紅樓又起緊門,我諗d可能真係玩封校呀~
我地見咁樣,就決定出去先至食喇~~~

我地撘的士去左家樂福瘋狂買野~
買果陣唔覺咁多野的..........
我地一共左九大袋野囉..........
用左四百幾蚊...............不過我用得少,只係洗左二十幾蚊o者~呵呵~

之後返返黎,佢地就開始執野喇~~~
執完大家就出左洽和食飯~~~
好耐未試過同佢地食飯了...感覺真係好開心~~~

食完返黎~~~又係上上網咁~~~
之後十二點左右啦~我就開始寫我的小說第三章喇~
寫好左架喇~~~post埋喇~~~
得閒就去睇睇啦~~~

總之,今日好開心~

>>May 15, 2003 at 4:17:27 AM GMT+8

2003 年 5 月 11 日 星期日 【晴】

呢幾日都唔想寫日記......除左悶之外,因為個日記網log in唔到,搞到我都唔想寫喇~
不過今晚訓唔著,寫住o係度先啦~

呢幾日都發生左好多事~
我的秘密俾人知道左~
我的小說終於面世~
今日我開左塊新的版post小說,希望有人睇啦~
仲有~今日隻寰神結終於爆左喇~我自己玩爆架~勁呀~

首領佢地仲有兩日就出黎喇~~~到時我會唔會唔慣呢~~~
話晒都一個人住左咁多日.......都有五日喇......
不過日日都冇啖好食就真o既......
唔想再食公仔麵呀......救救我呀~~~

我的小說網~~~

http://mypaper4.ttimes.com.tw/user/yakult910/index.html

得閒就去睇睇啦各位~~~

>>May 13, 2003 at 6:07:18 AM GMT+8

2003 年 5 月 6 日 星期二 【晴】

今日都幾悶........day off 有時都唔係一件好事,尤其是冇人陪果陣.........
尋晚打機打到四點幾至訓~今日又頹廢喇~~~十二點至起身......冇計啦~day off 嘛~
起左身,再一次感到無聊,好似生活唔知為乜咁~
首領佢地打電話黎,叫我拎野過去~好在都仲叫做有d野做~
而家咁日日去探佢地都幾有探監 feel 囉,呵呵~~~

三點我就拎左佢地要的東西過去,仲搵埋小孝一齊過去tim~不過佢遲到......失敗呀~
首領佢地要我拎左一d衫、幾本書、仲有 CD 同埋......我最唔捨得的喇叭過去~
咁我就冇正喇叭聽歌仔喇~不過佢地又係悶,拎俾佢地都好應該丫~

我同小孝o係隔離的大樓下面坐到三點九左右就走喇~
返到黎我又打機囉......因為實在太悶喇~~~
一條友,又冇野做......
夜晚都係自己一個o係房食"好勁道"搞掂......費事煩呀~

跟住上左一陣網~就打日記喇~
陣間諗住開始寫我的第一部小說~(呵呵~講到自己好似大作家咁~)
不過係即興寫的,都冇諗住俾人睇架喇......
睇o下今晚又幾點訓先......

>>May 13, 2003 at 6:05:51 AM GMT+8

2003 年 5 月 5 日 星期一 【陰】

咁又一日喇~~~
今日都幾好彩~~~我本來今朝要返新聞寫作同英文的,但我訓到十一點幾至起身.......
明顯地我係無心機去上堂的.......鬼咩,d 朋友俾人隔離晒~冇晒mood啦......
點知我一開手機就收到小孝的sms,話今日同聽日都唔駛返英文~~~
yeah~~~咁咪好囉~~~
不過咁樣就令到我有連續兩日 day off.......平時就話好o者.......
而家......得返我一個人o係度,乜 day off 都冇意思啦......
到佢地放出黎果陣我又冇day off 喇......唉......
連下個星期一的day off 佢地都未出黎~
即係擺明想悶死我o者....................

今日同首領佢地傾過電話~~~
原來佢地有免費電話打囉......幾正呀~
不過冇人理佢地架囉~冇人清垃圾,地方都比較污糟~
又冇人禁止佢地同外人來往喎~~~
聽聞d免費餐都幾難食的......而且又凍~~~
首領同阿Patt都訓唔到~~~
不過好似話 ii 訓到成隻豬咁喎~呵呵呵~~~

今日起左身,食完野,就打左一陣機~
跟住收到首領電話~叫我幫佢地洗衫,執一執房~
我等阿同房走左之後呢~就過左11房喇~~~
先幫首領同阿Patt洗左衫先......佢地冇衫換喇~
然後掃左地,跟住順手就諗住拖埋啦~~~
點知粟米忽然間打黎叫我幫佢拎野喎~

原來佢返到學校門口,首領佢地叫佢唔好返黎住~
咁佢就諗住搵我幫佢拎野上宿舍,自己返去深圳~
佢打左我手機好多次都冇人聽(我部機神神地的~)
咁佢就......打左俾小孝問我o係邊喎~呵呵~都話佢兩個~~~呵呵呵~~~架啦~~~

之後我終於睇到佢的sms,就唔拖地住,落去搵左佢先喇~
幫佢拎左d罐頭上返黎之後~我就開始拖地喇~
我發現11房係好拖過我自己間房架~可能係地拖問題啦......
因為我拖完11房,就返黎拖15房,辛苦好多喎~~~

搞掂晒就出去同家姐食飯~食完幫阿Patt買左電話卡,拎左首領要的東西,就過左紅樓探佢地~
佢地就開心啦......咁多人一齊玩......呵呵~
我就做左搬運工人,幫 ii 同埋首領佢地搬唔等駛的行李返黎先~
返黎超累......坐左一陣就打日記喇~~~

希望日子不再苦悶......

tor tor
好掛住你......

Beaker~
就考喇~俾心機~
支持你~

>>May 6, 2003 at 8:01:57 PM GMT+8