2003 年 6 月 29 日 星期日 【晴】

終於都考喇~~~今日考呢個係 中國現當代文學 ~

今朝差D唔知醒.........九點半至起身........我以為考十點,原來係十點十五~
但都係死........我十點出門口...去到個課室........冇位喎~!!! 坐爆晒喎..........
最後我惟有坐中間靠左邊位........坐德哥隔離~~~

份卷都幾易.......好在尋晚有果個幾鐘溫書.........
我溫果D佢就出果D........連題目都俾我貼中晒~~~
呵呵~~~三條簡答題貼中兩條~~~連問的方式都完全一樣~~~

試析巴金 "家" 中 覺慧 的人物形象~~~
沈從文 "邊城" 的美學特色~~~
張愛玲 "金鎖記" 中 七巧 的人物形象~~~

呵~答得好快~~~不過我知自己冇溫足,所以個答案應該係唔夠完整的~
但係都好好架喇~~~
十一點左右已經答晒........見冇乜人走,又Cheak多次份卷~~~
跟住十一點半左右.......終於見到 Juli 走喇~就拿拿聲交卷走喇~~~

出左黎~大家傾傾o下試題,又傾返搬野走的問題~
之後一齊出左去食飯~~~

唉.......好多野煩~又要煩跟唔跟學校,又要煩搬去邊,仲有邊度搵貨車~
唔搬走的東西又要點算,又要計搬走幾多野方便人地計數~
仲要煩下年點分房.....同邊個住,幾時上黎霸房咁~

唉.........學校又唔出d明確少少的指引........我地唔知頭唔知路,又要我地考完即刻執野走喎~
真係想爆粗架你都咪話~~~
好在諗起聽日可以返香港,心情至靚返d咋~呵呵~

好期待聽日tim~~~快d到啦~~~
各位聽日記得著黑衫啊~~~有黑褲著埋就最好啦~~~

>>June 30, 2003 at 6:26:20 AM GMT+8

2003 年 6 月 28 日 星期六 【晴】

是日................懶~

尋晚睇尋秦記睇到今朝五點半至捨得收機~~~
今日十一點幾醒左...........又睇過~呵呵~

睇左一陣啦.........就去左溫書.......
不過唔知係咪呢兩日個人放鬆返,我個心又散左.......
溫唔到入腦喇~~~

跟住粟米同patt出左前山~
首領同 ii 又同內招生同學食飯~~~
我諗住自己一個搞掂架喇~好在阿patt打返黎幫我買外賣~~~

食完飯去左幫家姐搬水~~~
搬完順手買左枝雪條食~~~呵呵~~~跟住抬頭一望.........

嘩...........個天靚到呀..............
又多星星,又冇雲...........我企果度又夠黑~
真係爆正..........我企左差唔多十五分鐘至走啊.........實在係太靚喇~~~
我一路行都仲不時望上天.......都幾驚自己撞到野架~呵~

返到上黎.........我知自己心散,所以叫Beaker走黎串我~
我好犯賤架~呵呵~要俾人鬧至會專心讀書的~
果然有d效~佢一串我,我就頂住道氣........
道氣一頂呢~我就有心情溫書喇~
簡單d黎講..........我心情唔好溫書就會好d~~~奇怪~~~

溫左個幾鐘........真係有頗大收益~~~
不過都去到一點至訓~~~

>>June 30, 2003 at 6:08:11 AM GMT+8

2003 年 6 月 27 日 星期五 【陰】

今日一唔駛考試,我就鬼死咁遲至起身..............呵呵~

都冇乜特別事丫............又係溫溫書,上上網............
不過食完飯返黎開始又睇返尋秦記囉~~~
悶丫嘛.............

呢排好似個個都好忙咁...........
我..........好似成日都阻住人做野~
驚阻住同房同隔離房的人溫書~
連玩icq都驚阻住人做野.........
同一日俾三四個人叫我唔好煩佢........icq喎.......呵~

搞到........唔知點咁~
不過我知自己真係幾煩的~~~
好想返香港.....而家又悶又冇野做........
簡直完全埋沒左我o既潛能........鬱鬱不得志呀........會越來越鍾意發牢騷的~
咁唔得......一定唔可以咁架~

仲要處理好自己的情緒問題.......
究竟係我成日拎人做我出氣袋丫?
定一話係好多人成日拎我做佢地o既出氣袋呢?
定一話.........兩樣都有? 我搵緊人出氣時佢地又搵我出氣?
唔諗喇.....呢牌覺得自己存在冇乜價值........都係遲d至諗喇~~~

>>June 29, 2003 at 4:41:57 AM GMT+8

2003 年 6 月 26 日 星期四 【晴】

呵呵呵~~~
我o岩o岩考完 中國文化概論~~~即刻返黎寫日記喇~~~

今日.......由於尋晚兩點幾至訓,今朝訓到十一點至起身~~~
一訓醒..........冇溫書喎,走左去上網睇新聞~~~
睇完至再睇一睇尋晚抄份筆記.........之後就食飯喇...........

食完........睇多一次,咁就去考~
由於今日係 open book exam.......所以大家都唔太緊張~
但我都係做足準備.........點知佢會唔會忽然整條大難題出黎架~
去到....派卷.......好彩...........大部分識~~~我做的係A卷~~~

題目如下~
一.簡答題 (3條,每條10分)........呢三條我答左勁長......
1.簡述中封建社會政治結構的基本特徵.........我答左一版 F4 紙
2.龍作為中華民族的主要圖騰,具有甚麼文化學含義?.........答左半版 F4 紙
3.西周奠定了中國傳統文化的那些基本原則?..........答左大半版 F4 紙
二.論述題(2條,每條20分)..........死左一條,一條答左勁長
1.論述孟子仁政學說的主要內容..........勁長啦.寫到手斷咁滯........
2.作為土生土長的宗教,道教體現了中國文化的那些特徵?........呢條失策喇.....搵少左料,答得好差...
三.經典閱讀與分析(1條20分)
老子．第一章.........道可道,非常道.........玄之又玄,眾妙之門........(俾我睇之文章)
1.老子在此表達了甚麼思想?
2.你對此文有何見解?
我睇完呆左o係度..........呵~~~道家的我溫得唔夠..........
三條道家都答得唔好........睇黎份卷都好難高分了.........

好在.......仲有d開心返的事.......
終於都打破悶局喇........我間房終於有人聲喇~~~太好喇~~~希望可以再進一步啦~~~
尋晚 ii 問我借電腦......終於都肯同我講野喇.......開心爆~~~
個口一直都忍唔住陰陰咀笑......呵呵呵~
個心忽然間鬆左......考試都醒神d~~~

雖然條手繩仲係未搵返.....依然係唔開心,但比起之前好左好多喇~~~
我要努力d.........乖乖地溫多兩日書,考好之後的文學同新聞史........嗯嗯~
我答應過Beaker架嘛~~~呵呵呵~~~

女人的心真係可以變得好快........嗯,真係好難理解的生物..........呵~

>>June 27, 2003 at 9:07:11 AM GMT+8

2003 年 6 月 25 日 星期三 【陰】

好~今日係考 新聞消息寫作~~~

一朝早........由於尋晚四點半醒左,我係極眼訓的~~~
但十點半全間房都起左身........我無理由唔起o者~~~
結果又起身溫書........心情差爆~~~
成晚無訓.......個人狀態極差.........但都迫自己溫入腦...........
訓左三粒鐘咋.............
食左包餅,又飲奶茶..........今日居然有人煮飯~有得食~

但食飯果陣我依然係極少出聲.......硬係覺得自己有少少多餘..........
食完,洗碗......唔想對住本書.......好厭........
係咪我迫得自己太犀利呢???
但係真係.............唔知點咁............

之後兩點落樓........又去運動場睇左一次........冇,唔見~
跟住至去考試..........
題目都唔難......都係果句.........有讀書一定識~
我識架.........不過唔知答得夠唔夠長咋~~~
條作文題我作左兩次..........差d唔夠時間.........
因為我覺得第一篇作得唔好.........重新作過一次...........

考完見到 Juli 同 Chearry~
一齊去左士多飲野,之後 Juli 陪我再搵多一次條手繩~~~
諗住搵完返去同 ii 佢地食飯........
點知返到去,佢地成班一早出左去囉.........
唉...........點解唔send 個 msg 俾我喎............我實到架..........
忽然間一種強烈的被忽視的感覺湧上黎..........唉~

結果我去左 Juli 度食飯~~~"海鮮"餐~~~呵呵~~~
兩罐罐頭魚,海鮮忌廉湯,海鮮味担担麵~~~好"海鮮"呀呢餐..........
食完就同 Juli 去左運動場踩車........而家唔係咁想返宿舍囉...........
踩左一陣........入左球場中間訓草地.......勁舒服........傾左陣就返房喇.......

差唔多十點返到房,沖涼之後又係咁溫書.........
但係又點記得入腦丫...........後尾過左 11 房~
阿patt 提議上網搵資料........我就返黎上網喇........真係搵到幾多料喎~~~
希望聽日考好d啦.........心情唔好就要寄託成績好架喇............

心情依舊鬱悶.............

tor~
掛住你~

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
周圍的人都離我而去~
僅存的一點光也慢慢的消失........
難道我己沒資格擁有光了嗎?
我的世界就註定要黑暗一輩子?
終於,也是一個人~
就和那時一樣............

>>June 26, 2003 at 6:10:37 PM GMT+8

2003 年 6 月 25 日 星期三 【雨】

好喇...........終於都考試喇..........不過考得勁唔開心~~~

呢幾日我都好俾心機咁書架........
希望出黎d成績唔會太差啦~~~

尋日考英文...........都冇乜野~~~
考完我見有時間,就走左去同 Juli 打籃球...........點知就咁出事喇............
我打完籃球返房,一搵個袋............
唔見左 ii 織俾我果條手繩喎~~~!!!
我倒晒個袋d野出黎搵都唔見............

我己經即刻落返球場同埋士多搵...........但行左三四轉都搵唔到...........
果一刻真係好想好想喊囉..............而家我同佢d關已經唔知點解差左勁多架啦~
仲要搵件咁o既野黎玩我.........即係想我點呀........
條手繩對我黎講好大意義架.....點解偏偏要o係呢個時候唔見喎.........
點解個天係都要落井下石至開心架..........

跟住死人班長又乜都唔講俾我地知,時間表又收唔到,選科要去登記又唔講~
我都係問其他班至知咋............搞到d靚科俾人選晒..............妖~
點解呢牌會咁黑架...........咩事呀究竟.........我做錯左d咩呀..........
爆唔開心囉.....................

尋晚又訓唔到..........半夜四點幾熱醒左.........訓唔返~
個腦又o係度怪自己點解咁唔小心,整唔見條手繩.........
一路到今朝都訓唔返.........又落雨............唉~~~
咁o既狀態.........絕對影響考試啦~
anyway,我唔會俾自己受太大影響的~
我要兌現我的諾言,我唔會俾自己考得差架......

Beaker~
多謝你~
我會俾心機的~~~我話過的我一定會盡力去做,放心~
都係考完試至會搞其他問題架喇~有d野我都知急唔黎的~

tor~
心情爆差,返黎一定要搵你~
太多野要問你喇~~~

>>June 26, 2003 at 3:50:18 AM GMT+8

2003 年 6 月 23 日 星期一 【晴】

今日....終於知自己點解唔開心喇~~~

呢幾日我間房咁靜原來真係有原因架.......
又係我搞出黎o既禍囉..........
原來唔知幾時.......我激嬲左 ii 囉........失敗~~~

我諗係果日出去食飯,我同佢行返黎果陣我一條友好快咁行走左.........冇理佢..........
咁唔覺意的情況下我將情緒發洩左出黎........結果hurt到佢..........
對唔住呀......我唔係有心架...........sorry呀...........
不過,好在 ii 一句 "你有你o既脾氣,我都有架!" 啟發左我~
咁我先至大約估佢嬲我d咩咋........(我仲未知係咪........)

結果今日我又係咁溫溫溫.............
又係唔出聲............
連車都冇踩.........首領佢地一早落左去踩喇..........我冇份~~~
真係好怕自己冇人理............唉唉~~~

總之...........好對唔住~!!!

>>June 24, 2003 at 11:56:09 AM GMT+8

2003 年 6 月 22 日 星期日 【晴】

今日爆唔開心呢..............

今朝又死蛇咁訓到十二點至起身~~~
中午冇食野呀..........食左包麥維他餅餅(得四塊咋~)
同埋.............飲左杯奶茶囉.............冇喇~~~
而家對食晏真係覺得唔多需要...............日日都咁遲至醒~~~
就算早醒都一樣唔食.............@_@

搞到個胃越黎越細.........d食量~~~
不過都係好事黎o既..........起碼可以食少d,唔怕咁易再肥落去丫~~~
加埋我而家日日去踩單車............應該有少少效掛............
唔講唔覺,我個小腿而家行路開始明顯有一舊野突起喇...........有肌肉喇終於~~~
希望快d可以練埋上身...........個胸細d~~~隻手練返以前推鉛球飛鐵餅果時d肌肉出黎咁就好喇~~~
寫字都可以寫快d~~~呵呵呵~~~

點解今日唔開心呢~~~
因為我覺得而家d氣氛好怪...........
唔知係咪因為大都要準備考試的關係,每個人都唔多出聲~~~
我間房每日除左個別有人出街時會講句 " 我走喇~" 同埋夜晚熄燈我會同 ii 講 " 早抖喇~" 之外~
其餘時間係冇人出聲架..........係真係一粒聲都冇.........
三個人各自戴住個headphone聽歌溫書.........有一種充滿隔膜的感覺~~~
我呢兩日夾埋都唔知有冇講夠三十句說話..............
只係不停咁抄筆記.......睇書........抄筆記......

我而家變得越來越沉默.........以前唔講野會死o既我真係唔知去左邊~~~
就連出去食飯..........我都搵唔到話題同佢地講...........個腦淨係充滿晒書同筆記d野..........
我好驚自己會脫離左佢地的圈子..........我的自我認同功夫明顯係仲未得架~
我而家連同佢地食飯都有少少驚~~~

好在今日家姐搵我出去食飯~
不過我都係覺得怪怪地咁...........可能真係溫書溫到個人溫溫鈍鈍咁啦.......
我覺得自己完全不在狀態,好似要特登搵野黎講咁.........唔多想出聲~~~
希望佢地唔好介意我咁啦~~~

最最最令我唔開心的,係今日seb哥哥,樂哥哥同阿心返左黎~
但我居然見佢地唔到...........
我諗住去運動場踩三十圈單車,咁我踩到第廿四圈果時首領落黎踩~
佢話阿心o係宿舍樓下等我~~~咁我梗係即刻上去啦.........
點知上到去已經冇人喇.........咁我又諗住踩去士多睇睇佢地o係唔o係度啦~
中途又見到胡宇,Noel,Jess一大班人話見到阿心佢地去左北門撘的士~~~
我梗係踩行去追佢地啦...........點知出到北門...........人影都唔見一個..........
唉...........即時諗起 Eason 隻 十面埋伏 囉........天都幫你(們)去躲,躲開不見我.........
跟住冇晒心情.......一路面黑黑咁落返運動場..........踩完一圈已經冇心機再踩埋落去........
結果就返左房.........繼續不尋常的平靜生活............

幾時至可以打破隔膜呢...........

>>June 23, 2003 at 5:40:06 PM GMT+8

2003 年 6 月 22 日 星期日 【晴】

嗯...............呢幾日都冇乜特別事發生~~~

我呢~~~依然係每日都係溫書溫書溫書...............
好耐冇試過咁長時間溫書喇~~~
不過都真係幾難頂~~~

我好乖架喇.........朝朝十點早起..........一路溫到夜晚食完飯飯~~~
再溫多一陣至上網...........上完又去溫.........
溫到兩三點至訓架.....
仲日日都踩單車.........不過心口依然會痛........
返香港一定要睇睇咩事至得~~~

而家計落計落...........都唔知夠唔夠錢捱到返香港................
唉..........返到香港又係冇錢~~~
搵工..............又好似冇咩進展咁...............
呢幾日心情又無端端down左呢.........

順其自然...........真係好難做得到..........唉~~~

>>June 22, 2003 at 5:07:01 PM GMT+8

2003 年 6 月 19 日 星期四 【晴】

心情因為某d事受影響tim...............

尋日溫左成日書,做左四條eassy..............
都係谷唔返d狀態出黎..........
之後夜晚出左正門食餃,好耐冇去了~~~

食完返黎去左踩車...........勁喇..............
今次足足踩左三十圈運動場..........三十圈呀...........
踩到我兩個膝頭由痛變到麻木左.........冇晒感覺............

之後返房又再做eassy.............
跟住就上左陣網.........餓左好耐,終於有得上...........
不過..............

究竟咩為之有深度呢?

>>June 20, 2003 at 1:56:44 AM GMT+8