2003 年 7 月 9 日 星期三 【晴】

呢一日都真係勁喇我~~~

今日上午冇事~
只係有人打黎,問我去唔去東三省.......
工聯會搞俾係員工女的暨大學生的.........
玩8日.......$1000........7月28 ~ 8月4 ............
我問過高堂~~~佢地叫我去.......咁所以我就應承左喇~~~

下午就勁喇~~~

我同Astor打賭話我會由慈雲山行去浸大接佢放學,然後再出旺花墟睇玻璃瓶~
如果我唔行去就要請食tea~~~
咁我三點半至出門口,心諗死梗啦~實遲到喇~~~(約左四點等~)
想過撘車~但講過的事,就算冇人知我都唔想講大話~
所以我真係好乖咁明知好大機會遲到都要行過去~~~呵呵呵~~~

我行到去竹園已經3:45...........
點知我去到浸大門口都係4:05~~~
我都好佩服自己呀~~~

之後同tor tor行左一陣旺角,睇唔o岩玻璃瓶~~~
咁就去左遊地鐵河~~~本來打算遊東涌線,不過時間唔多夠~~~
最後遊左觀塘線~~~去到調景嶺再返藍田撘15A~~~

一路上我都唔知做左咩......搞到 tor tor 係咁笑..........
我講野太緊張???我唔覺o既???

跟住我地有左一個約定~~~
兩個人一個星期內都唔准講超過五句粗口~~~
如果邊個犯規就之後一個月都唔準出街...........
期限係2003-7-10 19:00 ~ 2003-7-17 19:00

一路講我地仲一路係咁笑唔停~~~都唔知佢笑咩...........
不過.............今日真係好開心~~~

努力搵錢.........我最終都係最想和某人去台灣呢~~~

>>July 11, 2003 at 2:35:40 AM GMT+8

2003 年 7 月 8 日 星期二 【晴】

好熱啊今日..........

今日一早同阿媽出左九龍城出電話卡........(又爭阿媽錢喇,爭左成千蚊喇~)
然後行左陣九龍城廣場........阿媽買左兩條褲俾我~~~(又係爭佢錢喇..........)

之後去左 "小店" 食野~~~冇去咁耐都一樣咁有水準呀~~~
食完野阿媽就去返工,我就準備行去撘巴士~~~
點知行左一個街口就撞到二拎媽咪~~~
我仲跟埋佢去左元祿tim~~~見到二拎啊~~~
不過我剛食完飯,所以乜都冇食到~~~
大家傾傾傾咁..........傾左一陣就走喇~~~

之後返左屋企........放低左d野.......上左一陣網~~~
咁樣呢.......我四點幾又出左街,去左九龍灣永安睇睇有冇玻璃瓶啦~~~
點知又係睇唔o岩..............
跟住由九龍灣行左去官塘.........呢條路我都成日行架喇~~~
每次都會經過一個我曾經感到快樂o既地方~~~
仲有一個每次行過我都會停低幾分鐘望o下的地方........希望會見到一個人~
不過咁耐都未試過撞到~~~唉~~~

其實返黎之後個人真係會開心返架~~~
起碼可以暫時唔面對一d貼身的問題..........
雖然問題依然未解決到..........但始終都比o係宿舍開心~~~

返到黎,可以話係再一次逃避現實~
逃避去見好多人,逃避去見好多事........

部電腦乜都洗晒.......icq的history都冇晒........
唔通咁就連你同我的友情都要隨之而去???
我好唔想出現而呢種局面........
係我o既問題???我太大細路,長不大,唔配做你朋友?
算啦........我又逃避緊問題喇~~~

等我有一日唔再逃避問題的時候,我至會真正長大.........
我會盡快努力去做到的~~~



>>July 9, 2003 at 3:10:04 PM GMT+8

2003 年 7 月 7 日 星期一 【晴】

呢一日呢............

我依然係努力咁搵工中.............(呃.......仲未搵到,慘喇~)
上晝睇左勞工署個網頁,但好似唔多適合我囉...............

下晝出左去.........諗住去宜家睇睇有冇合心水的玻璃瓶.........
但係又冇喎...........諗住順便睇埋工...........
結果都係o係 7-11 填左d 料........等通知..........
唉~~~睇怕都係冇多架喇.............

睇左一陣冇發現就返屋企喇~~~

返到黎~~~seb哥哥send icq msg 俾我~
話我知佢有fd o係 m 記做,可以請人咁話~~~
我唔係唔想做,但如果有揀我唔會做囉........

夜晚同人傾緊份工d野果陣又俾阿媽催我收機..........
唉~~~咁人地係夜晚至online咁點呀..........
唔通要人就我早d on 咩.......而家係人請我唔係我請人呀大佬...........

臨訓都搞到有d唔開心~~~

>>July 9, 2003 at 2:13:33 PM GMT+8

2003 年 7 月 6 日 星期日 【晴】

哇哈哈~~~大家都估唔到~~~今日我又返返黎香港喇~~~

尋晚訓得幾個鐘,今朝一起身個人都唔係好清醒~
但我知我一定要醒.........我專登早左 45 分鐘起身做讀書報告架......
我都勁喇.....臨考前先至做讀書報告~~~
仲要係手頭一本書都冇的情況下做喎~~~
我用左半個鐘就做左八份讀書報告........都算係咁啦~~~

之後就去考試.........
呢個死人試........真係抄書抄到手軟呀........
成份卷都要不停咁寫寫寫........想拎一個學分都咁難?
今日居然冇人早走,可見呢份卷真係唔係易呀~~~

考完返房,我就執埋最後的一d野,之後至記得自己冇拎錢喎......
咁又要拿拿聲落返去拎錢啦..........又想收埋 Julian 的袋錢,但最後都收唔到~~~
咁我又要等佢 cheak 房至走得喎........趕到我死咁滯呀~~~
好在都趕到兩點班船~~~仲遇到中文系的班長tim~~~

阿細佬 H 尋日又口口聲聲話黎接船,結果佢個電話今日打極都唔通,我完全搵唔到佢囉~~~
最後返黎都係見到 tor tor 先,同埋佢個fd~~~
之後至搵到細佬 H ........約左出尖咀碼頭見啦~~~

跟住佢同埋 tor tor 就同我一齊返屋企喇~~~
o係車度仲俾細佬睇左我篇小說~~~呵呵呵~~~
睇真d..........其實佢都幾可愛丫~~~哇哈哈~~~

去到屋企門口......我諗住冇人架嘛........佢地又怕我老豆返左喎~
咁我覺得佢應該未返架嘛~~~就講笑咁講~~~

"拿,你信唔信我一拎條鎖匙出呢,就會有人開門丫拿?"

點知我一拎條鎖匙出黎..........我老豆真係開門囉............
嘩笑到我地三個死咁滯呀~~~
之後我地睇左隻行運超人~~~佢兩個仲入左我房搞野..........搞我d野~~~
細佬今日都俾我抽左唔少水喇........呵呵呵~~~

佢地都返屋企食飯,所以我就同老豆食先~
食完仲行左去鳳德食糖水.........之後至返返上黎~~~

返到黎玩左一陣icq~~~
真係要快快快搵工呢..........我急需錢錢錢呀...........!!!

收左機後又o係間房執執執~~~執完都點幾兩點喇~~~

Beaker~
唔駛多謝喎~~~
你喎.........點都冇計啦~~~呵呵呵~~~
開心d,明天又是新的一天了~

終於.........終於真正的回家了..............開心~

>>July 8, 2003 at 4:00:49 AM GMT+8

2003 年 7 月 5 日 星期六 【晴】

今日做過d咩呢.........?

呀........今日我要返珠海...
但我今朝仲o係屋企填緊特區護照的申請表~~~
發現冇相喎............又要拿拿林走出去旺角影喇~~~

影完相返黎,都仲夠時間食埋個飯~
食完又上左一陣網,跟住三點半就撘船返去喇........

返到去.......嘩.........佢地真係報晒野囉.........成間房都係袋~~~
跟住首領問我好唔好聽日走......又話有野會俾學校搬~~~
搞到我都重新咁再定過要搬d咩走~~~
最後有兩袋俾學校搬,一gip書俾同學搬~~~

今日返到去........都係唔知點咁..........呵呵呵.............
好想快d返香港~~~返上黎o既感覺真係越來越怪.........
本來諗住今晚唔訓架喇........但係都係頂唔順,最後都係搬晒d行李埋一邊
空返個走廊位黎訓覺~~~

一路訓........個腦都仲未去返考試狀態~
仲係諗緊香港班師弟妹d事~~~
仲有香港的............極度費我心力的事.........
果五十份讀書報告我仲係一份都未做過........擺明係搏佢肥我啦~~~呵呵~~~
今個學期真係.........衰收尾~~~

最後一晚o係 4615 宿舍訓覺了..........

>>July 8, 2003 at 3:23:50 AM GMT+8

2003 年 7 月 4 日 星期五 【晴】

今日做過咩呢...........唔多記得tim.............

呀...........今日約左舊同學呢~~~
今朝十一點約左花姐o係 POLY 見面~~~
點知佢遲到囉...........呵呵呵
我地差唔多十一點半至去舊can ,我都係飲左杯奶茶,傾左一陣就走喇~~~
因為呢~~~我約左小白十二點半o係深水土步呀~~~

咁呢~~~我十二點半準時去到地鐵站,呵呵呵~~~
小白都到左喇~~~
原來佢有去果日的五十萬人大遊行呢........佢估我會去的~~~令佢失望tim..........
唔緊要啦........我會為新聞事業努力的,要寫多d文章至得~~~

我地等埋阿琳,就去左食米線..........食食o下 Hawa 都黎埋~~~呵呵呵~~~
大家傾傾講講.........一點半我去左長沙灣幫君拎影印文件
之後又傾左一陣~~~Hawa就走喇........我地三個人就行左一陣深水土步.......
之後行左去旺角........旺中勁迫人囉..........
見咁迫人.........我就決定去睇書喇~~~小白兩個就去行潮特~~~

睇左冇耐..........我又上左小鐵.........買左一本 "我的心裡只有妳沒她2" ~~~
之後去左陣榆林,就過左新蒲崗拎野喇~~~

拎完野返去........諗住落去食飯架嘛.........
點知一上網就唔想再出門口............呵呵呵~~~
結果食左兩個公仔麵搞掂~~~唔駛錢,仲好~~~

期待 13 號去石澳呢~~~

今晚同seb傾開........
我真係好想去.........但我真係冇乜錢...........
屋企唔會資助架喇一定,工又未搵到.............唉~~~
好想同你地一齊去呢...........好想...........和你一起~

tor~
多謝你呢幾日陪我呢~~~

Beaker~
我相信你已經為自己打算好喇~
你永遠都想令人放心~
記住要開心d~~~永遠撐你架我~~~^+++^~~~

細佬 H ~
你應該唔會睇到呢度,你都唔上網~
但我想話你知........
我同你講過我的感覺..........唔係假架~
我都怕有一日我會忍唔住~~~
走著瞧吧~~~

>>July 6, 2003 at 5:25:32 AM GMT+8

2003 年 7 月 3 日 星期四 【晴】

今日都算幾忙呢~~~

今朝本來諗住返去勞校睇佢地放榜的~~~
點知一醒已經八點半.........咁唔駛返啦..........
結果十點出左去尖咀同天行同seb哥哥,Kent 去唱k~~~
出到去Astor 同Betty 又黎埋~~~不過今日唱到一點半左右就冇得唱喇~~~

唱完呢~~~我地去左新港中心打機~~~
天行同seb,Kent 去左海傍.......
我陪Astor佢地行左一陣,就過返香港歷史博物館搵天行佢地喇~~~

行行睇睇~~~都幾開心~~~仲影左幾多相架~~~
跟住Astor黎左,我就同佢一齊返屋企喇~~~

咁我同Astor去左食糖水,途中發生左兩件超爆笑的事~~~
有個阿伯走入黎要食紅豆沙............
佢話......."要一個紅豆粥.........暖暖地丫唔該~"
咁阿嬸就o係熱同凍o既紅豆沙各盛一半落碗...........呵呵呵~~~
之後我地兩個唔知講開咩.........後面果桌人忽然有個人好大聲咁回氣.........
嘩..........食餐糖水都笑到我地死呀...........呵呵呵~~~

今日係A-level 放榜........但我收風收得好慢囉...........
想知道成績的又唔聽我電話..........呵呵呵~~~唉~~~
不過今年d人都好似考得幾好咁.........希望大家都搵到好出路啦~~~

我要搵錢.........我要去台灣..........同你地~~~^+++^~~~

>>July 5, 2003 at 1:11:57 AM GMT+8

2003 年 7 月 2 日 星期三 【晴】

呢日勁勁喇~~~
我同細佬去左打籃球呀~~~

我三點半去到球場,打到四點幾細佬至黎~~~
打左一陣又轉左場.......去左摩士公園打波~~~
之後仲入埋黃大仙下村打.........同埋何文倩同阿水~~~

打到七點幾至走~~~勁開心啦~~~

>>July 4, 2003 at 10:59:54 AM GMT+8

2003 年 7 月 1 日 星期二 【晴】

今日好熱呀~~~

今朝我九點又阿媽扯左我起身.........返到黎就係咁~~~
想遲少少起身都唔得............等我尋晚仲係房執書執到兩點幾至訓..............
食完早餐.........等左一陣,睇左一陣報紙,睇晒廿三條的報導.........跟住就出左去太空館喇~

出到尖咀,走左去商務睇左一陣書~
之後去左太空館,見到成大班人係度~~~
搵到倩同嘉僖呀........不過嘉僖要返勞校..........
咁我就打算同倩一班人去食飯~~~

點知就走時俾我撞到楊露............呵呵呵~兄弟喎~梗要陪下佢啦~~~
咁我地就一齊走左去碼頭.........再搵返倩,原來佢係大家樂食緊野~
咁我就同楊露去左隔離 M 記食野喇.......跟住仲順手打左鋪機~~~

因為我冇著校服,所以呢就以為唔返得勞校........
後尾至有人話返俾我知原來返得囉...........頂~
咁我就同楊露打完機,走左去飲酒........跟住佢就同我一齊去搵 Astor~
但係佢.......呵呵~~~好似醉醉地咁囉........行路搖搖下咁樣~~~

同 Astor 行左一陣又一城又行左一陣荷里活~
跟住就返屋企食飯喇~~~

返左屋企...........計畫緊作三篇關於遊行的文章.........詳情可睇我另一個日記~(新聞台)

http://mypaper4.ttimes.com.tw/user/yakult910/index.html

剛寫了三篇~~~有空去看看吧~~~呵呵呵~~~^+++^~~~

心情依然無法放鬆............點解呢?
飢不擇食 ???
想得太遠...................


>>July 3, 2003 at 6:01:53 AM GMT+8

2003 年 6 月 30 日 星期一 【晴】

今日考叫做要溫的最後一科...........中國新聞事業史~
呢次真係死喇.........死得好慘tim呀.........

我尋晚十一點至開始溫..........今朝早少少起身又溫.......但我考八點囉,早極有限啦.......
去到個腦一片空白..........

份卷........話難又唔係太難........偏偏都係我讀過而冇特別記果d........
我貼果d一條都唔中...........失手喇今次.........
我差唔多係交白卷咁滯.........
今次一定等重修啦............shit~

考完就拿拿聲趕船返香港.........
返到黎...............
原來老豆係屋企,咁我出去遊行的計畫就被取消喇~~~
唉佢一路睇遊行新聞就一路鬧........
不過今次佢鬧多左樣,我都覺得幾驚訝~驚訝會出自佢口~~~
佢居然識鬧政府無能........我第一次聽到咋~~~

不過咁今次都好明顯係一場政治 show 黎架喇~~~
政府當然唔值得幫,但發起遊行呢班人都唔係好野~~~
個個都係為自己的選票o者........
黑暗的政治遊戲.................唉~

幾時先有真正為人民的政府同議員?
政府都仲可以期望,議員呢個 post 一推出黎就係為自己架啦~
所有政客都唔係好人黎架.........
靠佢地不如靠自己啦香港人.............

今日勁熱...........去遊行果班真係辛苦喇~~~

>>July 1, 2003 at 9:53:44 AM GMT+8