2003 年 7 月 19 日 星期六 【晴】

今日都幾悶.........

阿晃,生日快樂~^+++^~

全日都留左o係屋企~
上網對住部腦........對到而家個頭都有d痛~~~
全日都呆呆滯滯咁........好耐未試過咁喇........

唔緊要,聽日開始我就會全情投入義工行列~~~
加油呀~~~^+++^~~~
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
呢篇文幾有意思~~~

人生的十個秘密

1)當你愛上一個人而不被對方所愛，是一件很傷害的事。
但最痛苦的，莫過於你愛一個而卻沒有勇氣讓他知道你的感受。

2)最好的朋友是那一種能夠讓你坐在鞦韆上，不發一言，然後靜靜地一起離開，感覺是從來未有過最好的對話。

3)這是真實的～你永不知道你得到了什麼，真至你失去了的時候。
而更加真實的是，你永不會知道自己失去了什麼，直至他到達的時候。

4)要遇上一個人，只要用一分鐘的時間；要喜歡上一個人，只要用一句鐘的時間；
要愛上一個人，只要用一天的時間；但要忘記一人卻要用上一生的時間。

5)為自己的夢想而去想，到自己想到的地方，做自己想做的事，因為你只有一次的人生及一次的機會去做全部的事。

6) 嘗試把自己放在對方的立場，當你感覺受到傷害時，很有可能他也在是被傷害。

7)最快樂的人並沒有需要擁有世上所有最好的事，而只需要令到大部份的事能沿著自己的人生而來。

8)人生中一件傷心的事，是當你遇見一個對你充滿意義的人，但你卻在最後才發現。

9)一句不小心的說話，會令一場罵戰展開；一句殘酷的句子，會摧毀你一生；
一句愛的句子，卻會是無限的喜悅和祝福。

10)愛由一個笑容開始，用一個吻來成長，用一滴眼淚來結束。
當你出生時，你一個人在哭，而所有在旁的人在笑。
因此請活出你的生命，當你死的時候，圍繞你的人在哭，而你便是唯一個在笑。

※ 生命是寶貴的，千萬別讓它流走 ※

>>July 20, 2003 at 2:09:16 PM GMT+8

2003 年 7 月 18 日 星期五 【晴】

嗯..........今日..............

依舊的一大早要起身.....(阿媽的攻勢非常有效~@@)
起左身又係冇野做.......
一樣的將份報紙睇連汁都撈埋~~~
一樣的日日開電視就睇世界游泳錦標賽......跳水~~~
一樣的一路睇電視一路上網睇小說.......
老豆又唔俾我出街......留o係屋企都唔知做乜.......

到左三點左右,細佬 H 打黎,我又想出尖咀睇書,咁就約左佢四點半出尖咀喇~~~
(大家記住係四點半呀~~~)
咁我四點半出到去啦.........唔見人喎~~~
咁我都知佢一向都鍾意遲到架喇..........都冇太在意~
點知等到五點都未見佢........我就去打左鋪機,然後上商務睇陣書~

咁o岩做緊特價書展喎~~~我又買左兩本書喇~~~
返到去約定點......五點二十分.......我諗住佢應該都到啦......點知仲未黎~~~
到左五點半.........我正想走的時候,佢終於都出現喇.........
唉...........話就話遲咁多,但係我又唔覺自己嬲喎~~~呵呵~~~
都算佢識做啦~~~請食野~~~

食完野又同佢上返去商務睇書~~~
一路睇一路講笑........老豆又打黎催我返去~~~
抵死啦........自己又唔早d黎,又要我唔好咁早走~~~鬼叫你遲到咩.........

同佢撘巴士果陣.......傾開改名的問題.........
結論...........都幾好笑~~~呵呵呵~~~

星期一開始有排忙喇........早晚都要做~義~工~
都好...........終於有事可做~~~
覺得自己終於有返d用喇~~~真好~~~

>>July 19, 2003 at 2:40:20 PM GMT+8

2003 年 7 月 17 日 星期四 【晴】

今日勁喇..........

話說呢~Beaker話上黎上左耐都冇上到,今日終於都上左黎喇~
今朝一早就打左電話過黎~~~
咁我十點就落左去陪佢去毓華街做野喇........
一路做都晒住........佢又未食野~~~睇見都覺佢辛苦~~~

咁做到十二點左右就上返屋企~
阿媽見到佢呀~不過冇講咩........
咁順手地我地就o係屋企食飯......同埋佢借左我d書返去~~~
仲玩左一陣icq~

去到兩點幾,我地又再返落去開工~~~
一路做到五點左右就去我屋企拎書,然後佢就返屋企喇~
我就同佢一齊走,因為我要去九龍東地區服務處~~~

去到呢~~~見到好多人呢~~~
傾左一陣.........咁我之後就上下晝都有野做喇~~~不過係義工~~~
上晝去九龍東,下晝去九龍西......呵~~~成個九龍我玩晒~~~

終於再次感覺到自己有用.........能夠有野做,係一個好開始來的~~~
我要再努力d.........最好搵到工啦~~~搵唔到都希望幫多d人啦~~~
要再次重拾真心待人的感覺........

今日........好開心~~~呵呵呵~~~^+++^~~~

>>July 18, 2003 at 11:57:06 AM GMT+8

2003 年 7 月 16 日 星期三 【晴】

今日終於都有d野做喇~~~

今朝八點就醒左~~~不過唔願落床~~~
八點幾呢Beaker就打電話黎~~~
同佢傾左個幾鐘........都覺佢真係好辛苦~~~
你.....唔好太顧住人地忽略自己呀~!!!
最後陪佢打左電話去辭工..........已經有第二份等緊佢喇~~~

食完飯又上左一陣網....跟住三點半出去做義工喇~~~
出左深水土步.........跟住去富昌派傳單..........
又俾我見到梁健敏.........
我前兩日先至o係炮台山地鐵站見到佢.....估唔到今日又見到佢囉~呵呵~

一路去到七點幾至收工~~~
下個星期開始我就日日去幫手喇~~~
總算有返d野可以做喇.......好開心~~~
只有做野可以令我體會到人生的價值.........

唔想做社會的蛀米蟲~~~
完全不滿現狀.......可以做得更好~
要不斷咁向前行.........唔可以俾自己退後架~~~

聽日.......會點呢?呵呵~~~期待中~~~

>>July 17, 2003 at 1:25:55 PM GMT+8

2003 年 7 月 15 日 星期二 【晴】

呵呵呵~~~今日..........主題係 Eason 的"十面埋伏"~~~
點解咁講呢~~~

我今日一朝早又係o係屋企上網同埋睇世界游泳錦標賽~
咁下晝呢,我本來約左家姐出黎一齊上青暉的,咁就早少少出去啦~~~
兩點幾出到去,見時間咁早,就上去小鐵幫天行問左本書先~~~
但係本書冇貨囉.............可惜~要下個星期至有貨~~~

咁跟住就實係順手落去榆林架啦~~~
我呢又坐返我以前坐開的果個角落位~~~
睇睇o下書........忽然間覺得有d聲好熟喎~~~
原來細佬 H 同同學黎左囉~~~
佢仲要傻到o係我身邊行左三四次都唔知我坐左o係度囉.......呵呵~~~
最後係佢同學不停咁提佢佢都唔知,要我起身行過去佢先至知我o係度囉.......呵呵~~~

同佢地傾左一陣之後,佢地就走喇~
我就準備搵埋家姐上青暉~~~
點知家姐打黎話行緊街囉.........打俾佢又永世都唔聽.......
又俾人放我鴿子喇........
最後我自己一個上左青暉...聽日有野幫手喇~~~
四點半去深聯會幫手~~~

撘車返屋企果陣,架車經過蒲崗村運動場時,好似見到雯同司徒佢地~~~
咁我就即刻落車玩追蹤遊戲啦~~~
但落左車就見佢地過左馬路唔見左喇...........
一路行到返屋企我都有留意架,但都係唔見人~~~
真係緣慳一面呀~~~



>>July 16, 2003 at 11:47:40 AM GMT+8

2003 年 7 月 14 日 星期一 【晴】

今日有少少失望呀.........唔係,係非常失望至o岩~
好多人放左我鴿子........

今朝特登早左起身~~~諗住十二點要出到去真光搵細佬 K ~~~
點知佢十點打黎話今日要學結他,黎唔到........
咁今日第一個節目就冇左.........細佬 H 聽到之後都不知幾失望~~~

好喇,跟住諗住既然唔出去,就早d去陪Beaker返工~~~
咁打俾佢啦~~~佢o岩o岩去 in 完樹仁~~~狀態似乎唔多好~~~
咁傾左一陣,諗住佢黎會打俾我,咁我就o係屋企等喇~~~

就黎三點果陣收到佢電話,佢話唔上黎喇~~~
因為........慈雲山d人好忙同好惡~(呵~人多嘛,冇計~)
佢尋日上黎都俾人reject左好多次......做到好辛苦~
而且今日狀態唔好,所以今日唔上黎喇~~~

我都真係見佢心情唔多好都好幾日喇~~~
同佢傾左一個鐘左右,我就出去炮台山搵德哥拎返暨大d野~~~
拎完野順便就去左奧海城搵tor tor 食飯,同埋睇睇有冇地方請人~~~
同佢地行左一陣就去左食飯~~~之後就行去撘車返黎喇~~~

點解咁多人鍾意放我鴿子架呢???

我要改,改,改.........

>>July 15, 2003 at 1:08:34 PM GMT+8

2003 年 7 月 13 日 星期日 【晴】

呵呵呵~~~
今日好開心呀~又可以去打籃球喇~~~

話說今日我約左細佬 H 去石硤尾公園打波~~~
咁我地約左兩點半~~~我兩點就到左,咁講左先到先打,我就打住先啦~~~
點知等到三點幾佢都未黎........打去佢屋企又話佢出左門口~~~
結果差唔多三點半佢至到.......

打到就黎五點,我地就行左上去內運動場涼冷氣~~~順便上去換衫~~~
之後五點左右就行左去又一城~~~諗住穿大行過去會涼d(有冷氣嘛~)
點知我又一次o係城大入面迷路囉..........行左兩三次至出得返黎~~~
咁我地就去左 KFC 食野~~~順便傾o下偈~~~

之後老豆叫我返去.....細佬講左句第一次有人同我講的說話~~~
講真.........聽到都幾開心架~~~呵呵呵~~~不過我唔信佢係第一次講囉~~~
咁我地又行左一陣~~~去左m記買雪糕~~~行行傾傾咁~~~
跟住就返屋企喇~~~

返到黎........有d意外的事發生左~~~
老豆食飯果陣無端端鬧我.......仲要鬧足成餐飯~~~
鬧我日日掛住去打波,唔搵野做.......
又鬧我乜都唔講佢知,當佢唔存在咁,但又要問佢拎錢交學費~

我都知自己唔好........真係講得太少野俾佢知喇..........
難怪佢會嬲o既.........係我唔好~~~
但搵工呢樣真係唔到我話架嘛........
我每次出街都有留意所有招聘廣告架.......不過入去問左之後一份都冇回音咋........唉~~~
所以今次佢鬧我,我一句都冇駁到佢.....任佢鬧~
佢都真係背負左好大壓力架喇.........係我衰o者

bean(= "..........." ?)
多謝你的提點,我確實是不滿於現狀~
這些日子都只懂往悲觀的方向想~
往往消極的逃避現實........
我會嘗試去改變現狀的~~~
最希望是可以令自己不再為別人的希望而活~
而是擁有自己的一條路~
希望令自己能做到一杯好茶~~~

>>July 14, 2003 at 2:53:09 PM GMT+8

2003 年 7 月 12 日 星期六 【晴】

今日好平凡..........但又好值得記念~
因為今日係我呢塊版的一周年記念日~呵呵呵~~~

話咁快,咁就一年喇~~~
諗返上年呢一日.........我o岩o岩知道自己俾暨大收左~~~
放榜後的心情已經平伏不少~~~
仲係多得 Beaker 我先至會開呢塊版~呵呵呵~~~
原來都識左你年幾喇~~~

睇返以前的日記.......先至知自己曾經做過幾多傻事~
自己係幾咁唔成熟~
仲驚覺自己當時原來係咁樣諗一件事的~~~而家真係變左好多~~~

但,一年前...........我明顯開心好多~~~
睇返近期的日記.......十篇有八篇都係唔開心的~~~
以前煩的事邊有咁多呀..........(而且仲要唔係大事~)
點解?點解會咁樣?
都好..........唔係咁我就唔會驚覺自己幾咁幼稚無知~~~

呢一年,好多野都變左喇............
朋友.......原本貼心的,慢慢越走越遠.......仲要唔止一個係咁~
我諗都係我的問題.........果然是杯可樂沒錯..........唉~
原本有機會更上一層樓的,又被自己搞垮.......(大家別誤會,我指由好朋友變成知己啦~!)

一年下來,原本的悲觀主義性格從我潛意識中慢慢表現出來喇~
個人諗野越來越悲觀,凡事都向後望,只懂回望以前~
我知這現象不是好事,亦努力的使自己改變~~~
但.......好似返香港至會有情況改善囉.........

"............."~~~
我明白,我知道誠意不代表一切~
我也知道曾經有人一而再,再而三的給我機會~
但我自己沒有好好的珍惜~令人好失望~
每次我話改都係冇左尾~~~
今次.......我只係想講~
可樂變茶係唔容易,但我想再試......
為自己,為朋友,我應該改變~


>>July 14, 2003 at 4:04:31 AM GMT+8

2003 年 7 月 11 日 星期五 【晴】

今日,第一件事~

同細佬 K 同埋 Carman (此Carman非1116的Carman也~)講聲 生日快樂~~~^+++^~~~

今日朝早又係o係屋企上網,睇電視,搵工~
今晚要食自己呢~~~

所以我四點幾就諗住出去睇書兼食飯~~~
五點幾出到旺角,第一站去左洪葉~~~
睇左一陣書就諗住過榆林同小鐵喇~~~
我o係條樓梯落緊黎果陣,向下面望左一望~
忽然間有一種異樣的感覺~~~

覺得樓梯內外的世界好唔同~~~
樓梯入面好靜,出面好嘈~~~種感覺好得意~~~
但,好寂寞~~~

拿拿聲行過榆林~~~先上左小鐵先~~~
最想要果本書仲未出呢.........今次居然冇買書喎我~~~
睇左一陣又落返榆林.........不過冇乜心機睇...........可能人太多啦~~~

結果我又出左尖咀商務.........一樣咁多人~~~
睇到七點幾就返黃大仙搵 tor tor 食飯~~~
日日都見佢~~~呵呵~~~
食飯果陣隔離有班人係咁講粗口........
嘩我忍得好辛苦至冇爆粗咋.........真係想xx果班xx呀~~~
食完就快快咁返屋企幫阿媽錄 " 小孩不笨 " 喇~~~
咁就一day~~~

"..................." 仁兄~
多謝你的提點~
或許現在我真如你所言,只是一杯可樂~~~
但我亦不停在努力,希望自己能成為一杯茶~~~
或許,我在你眼中只不過是一杯只得一時之勇的可樂~
但其實我一直以來,都希望能成為別人的茶~~~
我會努力做好的,希望你都會看到我的誠意~~~


>>July 12, 2003 at 2:52:19 PM GMT+8

2003 年 7 月 10 日 星期四 【晴】

今日都冇乜特別事發生~~~

全朝就o係屋企上網搵工.............

四點幾果陣就落左慈雲山中心陪tor tor 行街~~~
返黎又上網喇~~~
今日都真係幾悶~~~

呢幾日都真係好多事發生,屯門那場事故更是在社會中原本已不太好的氣氛上雪上加霜~
唉.........香港再係咁落去,真係...............

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
茶與可樂....很棒的文章喔
◎作者不詳

做朋友，要細水長流，
不是來得快，去得也急。

清涼的可樂猛往杯子倒下去時， 浮出了許多泡沫，
總以為是滿滿的一杯，等到泡沫散去了，才明白原來半杯不到，
也才知道被泡沫的假象所蒙蔽了。

而茶，倒下去八分，就是實實在在的八分滿，而且真正解渴。

如果口渴與擇友都是無可厚非，
那麼，茶與可樂，你選擇何者？

我真心希望告訴我的每一個朋友：

請不要把我當作你生命中豪華宴席上的可樂，
歡樂過後，曲終人散；

我寧願是你獨處時，細細品茗的一杯茶，
喝到最後一口仍然甘醇。

而我的朋友，你知道嗎？
歲月流逝、年華老去，
美貌也逐漸衰老了。

當你我並不是以外表取勝時，
你一定會知道，
我才是你真正永遠的朋友。
因為，我一顆真實的心，永遠不會變。

你是否曾經想過什麼樣的友誼才是你所憧憬的嗎？

我想友誼這東西，
需要雙方用心的呵護經營，

倘若一方覺得這段友誼可有可無時，
那麼這段友誼就會有如流星般稍縱即逝的 ，

所以友誼應該是彼此用心灌溉，
它才會長成像大樹一樣哦 ！！

你覺得是嗎？


>>July 11, 2003 at 10:48:21 AM GMT+8