2003 年 7 月 29 日 星期二 【晴】

今日又係6:00 起身.........

咁今朝呢~地第一站係去參觀雷鋒紀念館~
本來好多紀念館都唔俾影相的,唔知係咪我地有工聯會頭銜,所以佢地冇阻我地影相喎.......
返香港我可能會做一個雷鋒的專題報道架~~~

如果唔係去呢個館,我都真係唔清楚雷鋒其實係咩事~
o係呢度睇到好多野囉.......原本覺得雷鋒好似好大陸,好老土咁~
原來完全唔係果回事~係一種無私的自我奉獻精神~~~
我仲訪問到雷鋒的舊戰友tim~~~

跟住就去食飯啦~~~
食完就去左另一個地方---撫順
我地參觀左撫順的萬人坑...無錯,係近代史入面"平頂山慘案"發生的地點~
萬人坑 就係果條村的原址.......即係屠殺的現場........
我地見到成條坑都係白骨......個心真係好痛~
點解日本仔以殘酷到咁架..........三千人,三千人都係無辜百姓黎架.........

我地一路上都幾沉重,大家去到都冇笑過~
臨走果陣仲落左一陣雨tim.......

之後撘車返左瀋陽,食完飯就去左韓國一條街~
大家買左五十五串串燒囉,我地又係咁食,好明顯聽日一定會爆大瘡呀~
但一路行其實我都佢地冇咩野講咁~
可能仲係未太熟啦,佢地本身自己o係香港都識開,玩得放好多架~

今晚,依然係玩到兩點幾三點喇~~~
我地晚晚都玩UNO~~~仲選出 "屎后" 阿妹~~~
冇計啦,鬼叫佢玩親都輸咩.......輸左要罰o係車表演痾屎架....都幾變態,呵呵~

>>August 5, 2003 at 4:03:01 AM GMT+8

2003 年 7 月 28 日 星期一 【晴】

尋晚剛黎到,我地就開始玩喇~~~

一玩就玩晒d賤格野出黎~~~成日都講屎尿屁~~~
咁就玩到兩點幾先至訓.........今朝仲要係6:30 morning call 囉~~~

今日行程就係撘車去遼寧省的省會---瀋陽
我地原本係話撘六至七個鐘車就到的,但因為高速公路修路,所以..........
最後我地撘左成十個鐘車至到呀........十個鐘呀~~~
朝早8:00 至夜晚 18:00 呀...........真係坐到 pat pat 痛呀~

不過都好~咁樣坐一坐,成班人o係車冇野做,就開始玩好多遊戲~
咁成班人就無形中熟左好多喇~~~

去到瀋陽~我地一落車就去食餃子宴........嘩勁好味啊~~~

今晚,又不停咁玩玩玩喇~~~

>>August 5, 2003 at 3:33:28 AM GMT+8

2003 年 7 月 27 日 星期日 【晴】

哈哈~

今日係我去東北行的第一天呀~~~
今朝一早就搞掂晒d野,十二點就去機場~~~

點知架機 delay 囉..........本來四點幾走的,拖到五點半至飛............
咁o係機場呢~好多人打黎喎~
首先我!打左俾細佬 H 同埋 tor tor 啦~~~
之後 Beaker又打黎喎~~~都傾左幾耐架~~~
好左咋~如果唔係都幾悶呀,果時同班人又唔熟~~~

去到大連都成十點喇~~~我地一去到酒店就開飯~~~
食宵夜喎~~~都ok啦~~~食完就返房喇~~~咁就冇左一日喇~~~

不過咁~~~今次呢團真係一團豪華團黎架~
住親都係四五星級酒店.........第一次跟工聯去旅行去得咁豪咋~~~
真係抵到爆呀~~~

>>August 5, 2003 at 3:21:50 AM GMT+8

2003 年 7 月 26 日 星期六 【晴】

就黎去旅行呢...........點解一d興奮心情都冇o既?

今日一早老豆就話出去同阿 女麻 食飯慶祝生日~
咁我出去啦........
但而家......硬係好似唔知搵咩話題講咁~~~
好有隔膜,冇晒以前果種氣氛咁~~~

最慘係.......一去到不停咁俾人叫我~
"乖孫,你扮到成個男仔咁做咩呀?要似返個女仔先至得架~~~"
呢句說話我成餐飯左唔知聽左幾多次,唉.........
我都留長緊頭髮架啦...........俾d時間我啦~~~

食完飯就上返阿 女麻 屋企坐左陣,食埋個蛋糕,咁就走喇~
諗住搵楊露,點知佢兩點先至去南華打波~仲諗住搵佢出黎tim~
咁我就返屋企喇...............

聽日去旅行喇..........8日冇得寫日記喎~~~慘~~~
遼寧8日行,睇o下學到d咩啦~~~
順便平伏o下我 GPA 過低的心情.........唉~~~

仲要放開一d野,唔好俾自己再陷落去喇~
除左讀書,唔好再諗其他野喇~~~

>>July 27, 2003 at 9:47:06 AM GMT+8

2003 年 7 月 25 日 星期五 【晴】

無聊又驚嚇的一天~

今朝九點幾至起身~~~本來諗住應細佬 H 之邀九點去藍田~
但最後十點幾至出門口......
撘15A 由總站撘去總站......坐到把幾火,實在係繞路繞到我暈~~~
好不容易十二點左右去到(撘左個半鐘車有多呀撞鬼)......死人頭楊露仲未到囉~~~
枉佢仲約我九點鐘黎,好在我冇聽佢講o者~~~
等到一點,我就同龍嘉敏,劉敏婷一齊去荷里活食飯~~~
o係藍田地鐵站口俾我地見到楊露......呵~
咁梗係捉佢去一齊食飯啦~~~(大家應該知 細佬 H = 楊露 喇掛~)
去到荷里活鬼死咁多人,最後我地去左 KFC 食~
食完上左黎我屋企借碟~~~

上到去都幾嘈~(原來我阿媽有不滿架,不過果時唔講出咋~)
吵吵鬧鬧又去到四點幾,又拿拿聲咁返藍田~~~
去到呢......好玩喇~~~有個o靚妹勁巴喳......又蠻不講理~
玩玩o下仲發爛渣打左我一巴......嘩我幾想一巴車返過去呀~
真係火都黎埋呀~~~

到八點幾個活動至完,咁楊露就黎左我屋企食飯同睇書~
十走果陣又見到我阿媽~~~
我覺得我阿媽係有d野架~~~

唉~~~成績又創新低~~~
gpa 越跌越低.......我已經讀多左書都係咁~
都係怪自己俾太多無聊事影響左自己~唉~
希望唔會俾人踼走啦......

唔想再煩無聊事想專心讀書~
專心讀書......
唔再諗其他野喇~~~由得我啦~~~

>>July 27, 2003 at 8:31:10 AM GMT+8

2003 年 7 月 24 日 星期四 【雨】

今日都精彩喇~~~

今朝一早照舊過左九龍東幫手,但上到去佢地搵唔到野俾我做囉~呵呵~
結果幫佢地排號碼牌~~~跟住十二點半左右就返去喇~
返到去諗住Beaker上黎,點知佢喉嚨痛唔上黎,咁我又搵左阿媽一齊食飯喇~~~

食完飯玩左陣腦又過九龍西~
今日好多人黎撐場呢~~~不過我地比平時早走喎~
因為我約左細佬 K ,Kitty,細佬 H 同埋Astor去食飯~~~

咁六點半呢我就走啦~
六點九過少少就去到地鐵站,見到Astor~
細佬 H 又一次遲大到,約佢咁多次冇一次係遲到少過三十分鐘架~
等到七點二十分至見佢出現~~~
細佬 K 同Kitty 就o係西九一路玩一路等~

齊人之後就行左西九一轉,發覺冇野好食~~~
出尖咀又貴......結果我地出左旺角食 "大X樂" ~~~
Astor 又走左去陪人~得返我地四個~~~
一路食又一路唔知笑咩......大家啤黎啤去~呵~呃......

去到九點幾我地就走喇~
Astor又返左黎,咁我同佢同細佬 H 就返去黃大仙食糖水~~~
一路又講返尋晚講果d 18禁 的東西~~~呵呵呵~~~
差唔多十一點我地至走~~~細佬 H 阿媽仲打俾我搵女(呃......)

返到屋企~我上左一陣網~
咁就返左房開始作我第二個小說喇~~~
篇名暫定為"命運之圓"~~~
都係講我愛你,你愛他,他又愛第二個,不停的圍著一個圈內追逐的故事~
希望作得完啦~~~呵呵呵~~~

好似......呢牌見一d人真係見得太多,有d唔知點咁~~~
今年冇得去書展......慘~~~

>>July 27, 2003 at 8:30:31 AM GMT+8

2003 年 7 月 23 日 星期三 【晴】

今日都幾得閒~~~

今朝依然冇返九龍東~
食完飯就同阿媽去左銅鑼灣~~~居然今日去行時代廣場~~~
睇唔中玻璃瓶,但又買左兩個bra~~~呵呵~~~

之後拿拿聲過返深水 土步...........
但白痴的我居然o係呢度迷路~!!!
我行左好耐都搵唔到深聯會o係邊~~~
結果我要打電話問阿媽囉.........失敗~~~

但上到去,又話落雨唔駛做喇喎.............
早知留o係銅鑼灣行多陣啦~

跟住返左屋企~又一日喇~~~

要開始執野喇........去旅行........要諗定帶咩去喇~~~
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
一切都好像來得太快
一切也好像走得太快
在我還來不及作出反應以前
一切已飄然遠去

>>July 24, 2003 at 1:17:08 PM GMT+8

2003 年 7 月 22 日 星期二 【雨】

打風喇打風喇~~~

今日一起身......嘩,勁痛~~~
結果我冇去到九龍東幫手...........
諗住o係屋企抖抖啦,阿媽又搵我陪佢出街~
咁我就無端端陪佢出左去又一城喇~

十一點幾出到去,個天仲鬼死咁好,一d都唔似打風~
阿媽拎左條褲俾人改,就四圍行o下啦~
行左好多地方喎~諗住睇玻璃瓶,但又冇收獲~
但睇到一隻鶴鶴蠟燭.........好想買黎送俾某人~
最後冇買到.........買左冇錢食飯呀~~~

行到G2000,見到d 恤衫減價喎......
呵~結果都係忍唔住,買左件深灰色恤衫~
一路行到後尾..........越來越痛,終於頂唔順返慈雲山食飯~
去左食粥........跟住就返屋企喇........

返左屋企冇耐,終於都有返d 打風feel 喇~~~
d風吹到 砰砰聲~~~我屋企又位處山腰......(仲要近山頂~)
大風到無倫......結果差唔多全屋關晒窗,變做密室咁滯~
但d雨都仲飛到入屋~~~
一下唔覺意,仲要玩"食泥".........

窗口盆花俾大風一吹.......d泥吹晒出黎..........
吹到間屋成地都係泥........我部腦腦個位都中左唔少~
我個keyboard 中晒招..........我自己都俾風吹到成身泥........
呵呵呵~~~結果又要掃掃掃......煩呀~~~

兩隻小龜龜又係咁爬黎爬去..........唔通知道打風覺得不安? 兩隻野幾時咁有靈性架?
今日都同阿媽傾左一d野~~~
我真係覺得...........我遲早會同佢講,但我一定唔會俾老豆知~~~
嗯.......一定唔會~~~

>>July 24, 2003 at 3:07:26 AM GMT+8

2003 年 7 月 21 日 星期一 【晴】

呢個星期最忙就係今日喇~~~

今朝依然去左九龍東幫手..........搞掂左德田喇~下個唔知係咩呢?
一路做野一又諗到好多名.....呵呵~~~
幫唔到細佬都可以俾我用黎寫小說呀~~~

做到一點幾就撘車出土瓜灣,阿媽約左我食飯喎~
去"好主意"...對面果間"阿妹小館"........d 雞飯好正架~~~
食完就上去工聯開果個旅行預備會喇~~~

上到去......見到一個好熟面口但唔知係咪真係見過的團友......
佢個樣真係好眼熟.........Alien? 又唔係丫.........
讀中五咋喎......好細架喎.........我有咩機會會識過一個咁o既人呢?
佢..........俾到一種感覺我........呵呵~~~志同道合的感覺~~~
或者我會估錯啦~~~呵呵~~~不過世事無絕對o既.........係咪?

個會幾悶........但都有用o既..........
好明顯我對全部人都唔可以話係熟囉........一個識開的fd都冇~~~
最估唔到係 周狄銘 做我地團的領隊~~~呵呵呵~~~

散會後,我俾埋團費呢,就拿拿聲諗住走喇......
點知覺得個肚仔有少少唔妥........冇幾耐就證實左喇~~~
好在下個星期一至出發,如果唔係就煩喇..........

搞掂呢單野呢,我就快快手咁走去撘巴士過九龍西~~~
點知都係遲左一步.........要我自己再撘車上富昌.........
上到去就即刻開工啦.......但狀態唔好囉........
個人十下十下咁......d笑容假到離晒譜,自己都睇唔過眼~~~
又驚會中招,結果七點唔到我就走喇.........

仲有~
今日條褲唔係好掂......唔知係咪心理作用呢.......
我覺得今日條褲特別吸汗......勁濕......個褲襠位濕到好似瀨左x咁........
今日我又勁出汗喎...........(esp下身......唔通太緊張~???)
搞到放工撘車果陣要特登揀個冇人位吹返乾條褲........
但坐熱狗車又點會有最佳效果丫.......所以唔多成功,只係乾左少少咋~
唉.........做女人真煩...........

今日勁熱,但天文台話聽朝會掛三號波喎~~~
聽晚仲有機會掛八號喎.........呵~真精彩.........即係唔駛開工啦?
又冇野做........可以寫小說喇~~~

>>July 22, 2003 at 1:54:59 PM GMT+8

2003 年 7 月 20 日 星期日 【晴】

嘩真係差唔多日日都有人生日呀.........今日係 傻妹怡~
生日快樂呀~~~

今日我正式投入我o既義工生涯喇~~~
今朝一早.......呵~我依然係好遲起身~~~八點半~~~
一路搞到差唔多十點半至捨得出門口~~~
去到都未到十一點........勁~

跟住我就幫手整理o下資料.........
其實咁樣的義工,我覺得似辦工室助理多d~~~

去到兩點左右我就返屋企........同阿媽去慈雲山中心大x樂食飯~
食完返黎唔夠半個鐘,又要去九龍西幫手~~~

今日又係去富昌.......不過今次擺果個位好多蚊........
我中左好多招.........起碼五粒.........
而且差唔多派晒果陣居然落大雨...........我頂~~~
好在我有帶遮咋........

返到黃大仙同Astor行左一陣黃大仙中心~
買左一樣野,希望好快完成啦~~~
諗住走果陣又落大雨...........
咁結果我遮住Astor去到小巴站就上左車,佢要淋雨返去~~~唔好意思呢........

今日做野果陣諗到好多個名.......我諗對某人會有d參考價值的~呵呵~

>>July 21, 2003 at 2:11:41 PM GMT+8