2003 年 8 月 11 日 星期一 【雨】

哈~有得做野呢今日~~~

今朝又好懶~~~冇去九龍東~~~
不過落左街幫Beaker睇返d資料~~~
下晝先至出街~~~

四點o係地鐵站見到Astor~~~
佢拎湯俾阿田田兄.......但d 湯......我真係覺得好似某d嘔吐物囉..........哇哈哈~~~
咁佢去荔枝角,我就去美孚~~~

今日落大雨下做野呢~~~
仲要同果位..........Tommy一齊做........呃.........
真係有少少怪怪的感覺...........
成日話落雨唔做得....要收工......呵呵~

結果做到七點就走喇~~~返到屋企約左細佬 H 聽日出黎打波~~~
唔知佢會唔會又放我鴿子喇.............但我估會囉~
仲有九日就要返返去喇.......暑假真係過得快..........

>>August 13, 2003 at 3:01:19 AM GMT+8

2003 年 8 月 10 日 星期日 【晴】

今日好勁喇........

今朝又係無無聊聊咁,訓到十一點起身~返黎咁耐都係第一日可以訓到咁遲咋~
訓醒就睇報紙~而家真係好鐘意睇報紙呀~
咁等到兩點我先至施施然咁出去九龍東幫手.......呵~

出到去,見到勁多人喎~
一班可愛的老人家上晒喎~~~
我又將三叔公同孝叔搞亂左喇~~~呵呵呵~~~失敗呀~~~
咁之後我就幫手抄野啦~~~

抄抄o下周總理都上埋黎喇~~~
但我地唔係坐左好耐咋,就俾冰姐叫我地走上順天派野同埋幫人做登記喇~~~
呵~周總理仲買左碗龜苓膏都冇時間食tim~~~要上到去至有得食呀~~~
咁我地上到順天.......唉~等左成個鐘至有人上黎開檔囉.......
周總理原本話走架喇~~~好在佢好有義氣咁陪我做到六點半,咁我至冇咁悶咋~
同埋有人可以幫我收檔拎野返落九龍東~~~呵呵~~~

終於我地做到七點幾至收工~~~超出我預計之外呢~~~
聽日我會唔會有得去九龍西呢???好想去搵錢錢~~~呵呵呵~~~

>>August 12, 2003 at 3:44:44 AM GMT+8

2003 年 8 月 9 日 星期六 【晴】

麗如 miss..........生日快樂~~~

今日勁多節目呢~~~
一朝早就落左去鑽石山準備同家姐一行人行山........(雖然都係遲到左......呵呵~)
十點我地就開始行喇~飛鵝山行過獅子山~
結果同我上次行一樣........都係未上到去就迷左路.......=_=
好在今次遇到兩個行山人士同我地一齊行,帶返我地上正路咋~

之後就行馬路.....勁晒呀....一路都冇位遮太陽喎........晒到嘔~
而且今日家姐要我帶相俾佢睇,搞到我個袋勁重囉........
行左兩個鐘到啦~咁就行到獅子亭喇~~~即刻買野飲呀我地~~~
之後我又帶錯路......行遠左~本來落巴士總站的,結果行左去法藏寺...........
最後帶佢地落左慈雲山中心,咁我就拿拿聲返屋企食飯換衫出街喇~

點解要咁趕呢? 因為我俾人捉左出去陪佢行漫畫展囉.......呵呵~
咁我兩點幾先至返到屋企,又要沖涼又要食飯又要執野,都真係好趕架~
結果都係搞到三點幾至出到門口.....約左四點,即係遲硬到啦~
咁結果我四點半去到灣仔呢,佢地已經入左去喇~
咁我就自己買飛入去啦.......唉~真係有d想走架呢個時候~

入到去.......差d搵唔到佢~最後好爆笑咁"偶遇".....呵~
佢就o係個場度亂行......搞到我同佢另一個fd跟住佢亂行.....
入左幾次天下個位,但都搵唔到tor tor想要的野........
但就唔知點解會俾人屈(係咪應該叫屈呢?)左我買條手巾仔......
後尾佢行左去唔知邊度,買左個吹氣"爆樽"~~~
再行左冇幾耐,六點左右我地就走喇~~~

諗住以返屋企啦~~~結果又去左旺角睇野............呃~~~
一路搞到八點至走得.......仲要俾人捉去撘地鐵........呵呵~
返到黎真係成個人散晒呀.......行完又要迫........

沖涼果陣先發現,兩隻手真係 "黑白分明" 呀~~~
個膊頭位勁痛呀.........平時晒得少真係.........又冇搽到防晒.........失策呀~
沖完涼搵阿媽幫手搽藥膏......咁先至好少少咋~
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
友誼萬歲~又有幾多人可以真正做到?
或許我根本不應該出現吧?
我們的記念冊......我會記住你的
世事,永沒有想像中美好的~
估計錯了,是我對自己太有自信吧?

>>August 11, 2003 at 4:25:58 AM GMT+8

2003 年 8 月 8 日 星期五 【晴】

呢兩日..........都過得幾無聊~呵呵~

尋日呢,就出左去工聯開會~
上左二樓同七樓.......嘩........見返好多人呢~~~
忽然間覺得好親切啊~~~
個會..........都開左幾耐~三個鐘喎~
搞左個......工聯會暨大子女同學會(???) 無端端我做左聯絡...呵呵~~~
之後睇相.......大家影d相都.......好搞笑~哈哈~~~
去到六點左右至走呢~~~

今日呢..........都冇野做喎~~~
十一點左右約左周總理,買完午餐就上左九龍東喇~~~
呵呵呵~~~叫左佢上去入青動呢~~~
之後俾冰姐叫左我地加入助選團喎~呵呵~仲叫左我地星期一上去幫手~~~
咁我地兩條友就o係上面坐到兩點幾~~~
見到 Rachel 上黎上堂呢.......呵呵呵~~~

之後見冇乜野做,又唔想剪頭髮住,咁就撘車出左尖咀睇書喇~~~
今日撘巴士果陣有種唔知點的感覺.....好平靜,好似可以諗到好多野但又諗唔到野咁~
去到尖咀,睇左陣書,想買,但貴........決定出旺角買~呵~
咁落去星光行打左鋪機就出發喇~

出到旺角,梗係先上小鈇啦~~~
又有收獲喇~!!!今次買左兩本呢~~~但本鱷魚手記依然未有貨呢.....失望呀~
之後落去榆林.........終於都係買左本林詠琛的新書~口袋裡的雪球
家姐放心~~~我睇完會借俾你架喇~~~

之後就返屋企喇~~~

仲未有心情開我篇新小說tim.......點算好呢?
我寫左七個人物簡介架喇~~~
但真係唔想寫落去...........點解呢?

>>August 9, 2003 at 12:37:34 PM GMT+8

2003 年 8 月 6 日 星期三 【晴】

終於補晒旅行d日記喇...........

返到黎都係冇咩做,尋日出左去幫手派傳單.......去左拎相,冇喇~

今日呢.....下午出左去拎特區護照,起多人呢.......
我居然搵左十幾分鐘至搵到入境處o係邊........失敗呀~
等左半個幾鐘先拎到,之後就過左九龍東地區服務處喇~

上到去,今日見到好多人呢~
我仲快快手咁入埋青動tim~~~
同玉姐、miu 姐佢地傾傾o下,咁又傾到四點半~
之後拿拿聲咁返屋企,因為我左人五點去打波架~!!!

最後我都係五半至到.......彩虹道運動場,打羽毛球呀今日~yeah~~~
今日係同 Julian 同佢d fd 打.......終於有波打喇,開心~^__^~
打完就返屋企繼續作文喇~~~


>>August 7, 2003 at 5:33:03 PM GMT+8

2003 年 8 月 3 日 星期日 【晴】

今日係旅行的最後一day~

今朝起身,好明顯大家都係未訓醒的,呵呵~
食完早餐就去左俄羅斯風情街參觀喇~~~
真係勁靚呀......可惜我冇菲林,惟有借周總理果d喇~~~
仲o係果度同周總理一人買左一隻酒瓶.(呢~zip o係牛仔褲後袋細細個扁扁地果d呢~)
之後我地兩個又去買左幾個列寧章.......好型架~~~
不過時間唔多夠,所以好快就走左喇~~~

之後去左個市政府的唔知咩廣場.....唔記得左~~~
又影左幾張相~~~
之後就去機場返香港喇~~~

返到黎超忙呀~~~
未返屋企先去晒相,返到屋企又即刻出門口,因為約左細佬出尖咀呀~~~
出到去又落大雨喎,慘在我地兩個都冇帶遮.....呃~
返到屋企又忙過~~~
忙住問人野同俾人問野........呵呵~~~
同埋搵到阿徽的數碼相,要改名,搞到點幾鐘都未訓......
個人好累,但唔想訓囉~~~呵~~~

睇到一段文字~
我諗.........我明白的~
一切都係順其自然啦~~~唔再強求喇~~~

>>August 6, 2003 at 5:45:33 AM GMT+8

2003 年 8 月 2 日 星期六 【晴】

今日比較輕鬆喇~~~

個肚仔依然係痛,大家都鬥緊肚痾........唉~
食完個不知所謂的早餐呢,我地就上左去東雞冠山睇炮台~
睇完就再去左旅順日俄監獄~

去到監獄,睇到果時的日本你咁樣對待我地中國人,睇返我地對d日本戰犯咁好,真係..........
果度對我的衝擊都幾大.........好多平時只係當史料睇完就算的事今次俾到我好深印象~
睇到d刑具,我冇辦法再當佢只係一段普通的歷史........

食完飯,我地去左參觀旅順軍港,d風景超靚呢~~~
跟住就轉去大連港影集體相喇~~~
我部相機偏偏o係呢個時候冇晒菲林...........我頂~~~
惟有靠人打救啦~~~

影完相,終於有時間俾我地買野喇~
我地將人家商場入面果兩檔尤魚絲買清晒囉.........呵呵~~~
跟住又去睇小飾物,我忍唔住手都買左條銀手鏈玩下~~~

食完晚飯呢,我地就開左個分享會~
雖然平時大家都滿口屎尿屁,但其實我地個心都真係有得著架,唔係真係淨係黎玩架~
個會都開左幾耐,九點開到差唔多十二點至散喎~

開完會,我地仲有節目呢~就係出去打保齡球同桌球喇~~~
我同阿青,周總理一條line.........唉~耐冇打果然係唔同d......廿幾分都打得出........
好在第二局好返d o者~~~
打完保齡就過左隔離打桌球,估唔到我都打ok喎~~~呵呵~~~

打完波都三點幾喇~~~咁就返酒店訓喇~~~
勁開心呢~~~


>>August 6, 2003 at 5:05:13 AM GMT+8

2003 年 8 月 1 日 星期五 【晴】

唔知係咪食得太多同玩太勁,今日開始就黎料喇~~~
今朝遲左起身,差d就趕唔切食早餐呀~~~
但食完個肚就已經開始搞o下搞o下咁喇~~~
最慘係冇時間去,結果惟有忍啦......

跟住就去左大連造船廠參觀啦~~~
個廠真係好大....大到撘車都遊左好耐呢~~~
睇見d船又大又靚,真係開心~

睇完船廠,我地去左棒搥島參觀,但兩隻大脾都超痛,搞到我都唔知行好定唔行好喇~
匆匆睇完呢,我地就去左食飯啦~
食完就正喇.........食完去左大連女騎警基地呀~~~

女騎警基地呢~~~好好玩丫~~~我仲同Rachel同埋周總理一齊換埋衫影相tim~~~

今晚去打邊爐啊............呵呵~~~不過今晚呢圍d人實在太勁喇~~~
我甘拜下風呀~~~但戰鬥力都不咁上升呀~~~

食完飯呢,我地又去左行街街啦~~~呵呵~~~
但好似冇咩o岩睇咁........
返到去酒店,終於都頂唔順喇.......係咁痾.........
好多人都中招呢........唉..........

>>August 5, 2003 at 8:51:51 AM GMT+8

2003 年 7 月 31 日 星期四 【雨】

今日成日都落大雨呀.........

今朝由於冇訓過,加上落大雨,都真係冇咩心情~
咁一朝早我地就去左遊鴨綠江斷橋~~~落左去條橋下面睇個結構~~~
跟住又撘船o係鴨綠江度行~~~仲可以對面的朝鮮人打招呼呢~~~
雖然係落緊雨,但都ok開心喎~

遊完鴨綠江,我地就去左抗美援朝紀念館參觀~
個館整修,所以冇得入去~但去左出面個塔呢~
我仲一口氣同嘉嘉,周錦銘一齊行左上塔頂........十一層呀.......要我的命呀~~~
行完個大脾即刻勁痛.........呵~冇熱身係咁跑的後果呀~~~

午飯之後我地就撘車返大連,途中少不免都訓返三五七個鐘啦~~~
一落車我地又去食飯~(!?)黎左咁耐真係食左唔少特色野呢~~~
食完飯我地就去左行街街喇~~~
大連的夜景真係靚,好靚~~~靚到冇得頂呀~~~
我地o係大連街頭係咁影相,我都對自己冇帶部靚機上黎有d後悔架~
我地去左中央廣場影相,仲o係果度玩踢毽子tim~~~
玩到十一點至走呢~~~

今次呢團都真係勁正呀~~~日日都住四五星級酒店~~~
食得又正喎~~~完全係貴賓級招待呀~~~

>>August 5, 2003 at 6:15:28 AM GMT+8

2003 年 7 月 30 日 星期三 【雨】

今日呢~~~我地就告別瀋陽的五星級酒店,去返丹東市喇~~~
朝早6:00 起身~食完早餐呢就出發去瀋陽故宮~~~
但係呢個故宮似冇咩睇咁......

睇完呢,我地就去參觀左張學良的故居 少帥府~
睇左佢的生平~~~

跟住去左戰犯管理所~
呢度係中國收容二次大戰日本人同埋內戰戰犯的地方~
完全睇得到中國人對戰犯係好人道的~
對佢地好好,待遇比任何一個國家的戰犯更好~

食完午飯就去另一個重點地方參觀 --- "九．一八"事變紀念館
呢度展出的事件由甲午戰爭到日軍侵華都有~
好似上左一堂近代史咁~~~

參觀完就撘車去丹東,一路上都係訓喇.....成架車d人都係晚晚玩架喇~
不過訓到條頸好痛囉,呵呵~

去到丹東,我地o係酒店開左個 "中國近現代史" 座談會,開到十一點幾至放人~~~

今晚好勁呀......
我地一大班玩到三點左右就有人訓喇......剩返幾個人o係度講時事~
我地今晚都講左多野呢~~~講左廿三條,講左香港傳媒,講左政局........
成班人平時玩得咁癲,原來大家講呢d事都可以好認真好有自己一套~
都o岩丫~一個大學生為主的交流團應該有d咁o既話題架嘛~~~

傾o下又到五點幾~~~最後得返我,大汗,Rachel 同阿妹 四個全程冇訓到~
我地四個又傾傾講講一直到七點 morning call ~ 而且仲鬼打咁精神tim~~~

>>August 5, 2003 at 4:25:15 AM GMT+8