2003 年 8 月 31 日 星期日 【晴】

2003年9月1日 晴,間有大雨

今日好勁呀～～～我去左暨大華文學院幫香港學生會招新呀～～～
尋晚阿青同阿碧十點幾殺上黎宿舍，問我聽日得唔得閒去幫手～
咁我見今日得一堂重修的新聞史，咁好爽快就應承左喇，跟住阿青話我知要朝早六點半集合～
嘩我真係驚囉．．．．．．驚自己唔知醒架嘛～～～
佢地都有問阿妹，Ｊｕｌｉ地去唔去，不過最後都係得我一個人去～～～

好喇～尋晚又熱到爆喎，我差唔多一個鐘熱醒一次，結果未到五點半我就起左身（十二點幾訓架～）
準時去到金４等佢地，點知～呵～都係七點幾至走得～～～
咁去到華文呢，發現其實環境都唔錯喎～行到去辦工樓就見到勁多學生已經排緊隊喇～
（正式開係８點，但果時只係七點半過少少咋～）
我係個攤位度無所事事同四圍搞左一陣之後左呢，就集中力量去行李寄存果度喇～

咁結果呢，我由朝早８點到下午５點都係不停咁搬搬抬抬架～
ｄ汗好似擰毛巾咁係咁流出黎，件衫滴水咁滯呀～
個頭係咁出水，都幾搞笑架，不過真係有少少辛苦，今日運動量好大呀～呵呵～
阿青就慘ｄ．．．．．．佢把聲搞到沙晒，出唔到聲咁滯～
但佢聽日仲要過去喎，副主席真係唔易做呀～～～

一路做野果陣，個天都勁晒，一滴風都冇～點知話落雨就落雨～
十一點左右忽然個天黑晒，跟住就落狗屎咁落左場大雨～唔係過雲雨喎，落左都幾耐架～
嘩～搞到個個都濕晒，排緊隊果班學生同家長就最慘喇～～～
落完又要出返個勁大太陽囉．．．．．．我頂～～～
之後一路去到收工都冇再落雨喇～～～

返到本部，真係好累呀～
同阿青一齊去睇佢朋友練功夫（國家一級運動員，勁～）之後呢～
我就上左十樓諗住開飯喇～點知未煮喎～咁我就決定落去沖個靚涼再食飯～
唔知係咪因為今日晒得太多，我冇乜胃口喎～～～
又狂灌左一包蒙牛在先～搞到我食完飯即刻肚痛～～～
結果我拿拿聲幫佢地洗左碗就返落黎 " 辦工 " 喇～

呢牌識左唔少師兄師姐呢～～～呵呵～～～好開心～～～
阿青要小心身體啊～呵呵～

兩個細佬今日都開學喇～祝佢地事事順利啦～

影子～生日快樂～

ｔｏｒ　ｔｏｒ～
最愛是你～
ｍｉｓｓ　ｙｏｕ　ｓｏ　ｍｕｃｈ～

（今日收到風，原來而家內招生的宿舍原本係我地住架～！！！只係因為唔夠住，所以至將我地同內招生互換宿舍架咋！！！有冇搞錯呀．．．．．．）

>>September 13, 2003 at 12:52:58 PM GMT+8

2003 年 8 月 28 日 星期四 【晴】

2003年8月29日 晴

計起上黎,都好耐冇寫過日記喇~
鬼咩........呢間死人頭大學,年年都要玩我地一鋪~
舊年開學好亂,都仲叫做有宿舍住,今年仲衰.......

今年開學,諗住早d返去報到,拎間靚房啦~~~點知返到黎,連宿舍都未住得~!!!
都唔知咁早返黎為咩呀........
開學搞註冊呢,又好似上年咁亂.......真係勁嬲囉,有乜理由一間大學可以搞到咁樣架?
最後我同一班同學要o係出面住左兩晚酒店,間宿舍至叫做勉強可以入去住.......
男仔果d到而家仲未住得,要住臨時宿舍呀慘~~~我地報到果日得間吉房,連床都未整好呀撞鬼......
呢間大學已經唔係呢三兩年至係咁架喇,都唔明點解班死仆街管理層俾人投訴左咁多年都仲可以唔改架~
年年都要我日記開一篇出黎鬧.......唉,極無奈囉........

呀係~差d唔記得講~~~我而家係同Julian同房架!!!
本來住單人房架嘛我,後尾學校插左個唔熟的人同我同房,咁Julian先前又問過我一唔一齊住~
結果我就搬去同Julian住喇~
間房勁多泥同埋比珠海細好多囉.......又話有冷氣,又要比以前交多左一千蚊~
結果係乜都冇囉......貨不對版呀!!!
住十樓果班仲要冇 lift 撘~架 lift 都仲未整......真係辛苦佢地喇~~~
聽聞內招生果邊宿舍都唔好得幾多,今次暨南真係好失敗呀!!!

好喇~到上堂喇~
課室同預期中差唔多,都係比珠海殘好多......話晒都俾人用左咁多年,有返咁上下歷史架嘛~
但又係果句......比預期中更亂......
d選修科好複雜,又話必修但又爆晒人數......我地好似有d人修唔到~~~
PE 堂又係班太少,人太多........唉,舊年已經知架啦,今年都仲唔識改,真係冇腦架~
好在都俾我揀得返修羽毛球~~~咁打橋生盃都有d把握~~~

仲有,呢幾日我都用左好多錢呢~
要買電話卡啦,一要打返香港,張卡就用得勁快......
又買左好多日用品,仲要夾錢買雪櫃(好在一早買左洗衣機咋~~~)
仲要預錢交書費......我怕會用晒老豆俾果一千蚊呢......死得啦咁.....

總之呢間學校俾我的感覺就係越來越差......行政果班全部都係食屎大架~~~
唔識安排,唔識做野,淨係識講野講到唔清唔楚咁之後再話人地做乜唔跟佢做野~
永遠有佢地講冇人講,而佢地講的唔係廢話就係d冇人聽得明佢講咩o既野~
真係.........又再次好掛住香港.......

好掛住 tor tor~
好掛住兩個細佬,掛住一大班朋友~
好掛住.......你~

而家入左暨大香港學生會,9月可能返唔到香港呢~唉,冇得見喇~~~

>>September 13, 2003 at 12:51:00 PM GMT+8

2003 年 8 月 19 日 星期二 【晴】

今日又係時晴時雨呢~~~
唉..........原本今日預左全日黎執野架嘛..........

今朝一早七點半我就醒左........鬼叫我應承左楊露今朝出去咩........
但最後我都係遲到架........
佢地又話改去石硤尾打喎.........勁無奈囉~~~果陣又未訓醒......心情勁差~

去到喇~~~今日都冇乜射過波~~~
今日狀態真係唔係好得,全程都好眼訓........太陽又勁晒......
而且........某d原因啦~~~
我其實唔太想見到某d場面囉~~~但佢又要係咁講..........唉~
一早就話左唔想黎架啦...........又自討苦吃喇~呵~

十一點左啦.........打完波,諗住返屋企喇~結果又去左又一城食野~~~
o係又一城 KFC 又傾傾坐坐去到一點.............
出現左好多我自己唔太想見到的場面同對話.........
咁紫云約左佢的fd 三點去打羽毛球.......楊露又話跟住去囉~
佢追緊紫云嘛...........呵~
我費事睇咁多呢d場面,終於決定先走一步喇~~~

返到屋企,執晒d衫出黎放入 gip ...........好似少左好多野帶上去咁~~~
一開電腦就搵到 Beaker........仲要問佢拎返d書同埋俾手信佢呢~~~
咁又即刻約時間出黎拎........三點出去,四點見到佢~拎左書就快快手返黎再執野喇~~~
但係返黎果陣落大雨囉............
打完呢篇日記呢,我又會再投入我堆雜物入面架喇~呵呵呵~~~

聽日就要再返上去喇........唉~呢個暑假改變的事實在係太多喇............
人同人之間的關係原來可以轉得咁快............
而且身邊原來玩熟的同學差不多全都退了學............真的有點不是味兒..........
心中也多了一個人.......一個超級煩但極重要的人~^___^~

預祝自己回去順利~~~yeah~~~

>>August 20, 2003 at 9:28:57 AM GMT+8

2003 年 8 月 18 日 星期一 【陰】

難得的一天~~~

今日原本話下午出黎同班舊同學聚舊的~
點知佢地改左去食夜晚喎~~~咁只好後 join 啦~~~
咁我原本諗住下午出書局的,咁搞一搞我都冇出去,一路去到五點幾就出門口搵楊露~

咁呢~~~其實就係今晚我約左佢我一齊去 AC HALL 睇何x倩教會那套劇~~~ 4-1=4 ~~~
咁我地去到........時間太早,咁就行左一陣浸大新校~~~
KUBI 打黎話俾地址我,但最後到而家都未俾架係~
七點左右呢我地就去到喇~~~入場見到伯母~~~仲有傾有講架~~~呵呵呵~~~

套戲劇都唔錯丫~~~以一班非專業演員黎講都算係咁架喇~~~
係過場果陣可以再好d~~~同埋動作聲線可以駛咁誇張同生硬~~~
整體黎講算幾好呀~~~

睇完套劇呢~就同楊露一齊撘車走~佢返紅磡,我出旺角~
咁我出到旺角呢就拿拿聲去 pizza hut join 返佢地喇~
不過影左幾張相之後呢大家就話散喇~呵~
結果得返 Julian ,我 , Hawa 同埋沛沛四個去飲野~

但去到仙跡岩呢, Hawa 又話想食糖水喎~
咁我地又拿拿聲出返黎~勁好笑呀~最後去左黑布街果間"石磨坊"~~~
d糖水都真係幾好食喎~呵呵呵~~~
臨走果陣仲撞到大孖一班做完戲的人黎食糖水喎~哈~

返到屋企又十一點幾喇..............暨大果班又冇打黎~
但係咁叫我聽晚出去唱k.........但我冇錢,又要執野~明顯係去唔到啦~~~唉~~~
但又冇即刻沖涼喎.......因為楊露打黎喎~
呵~識佢咁耐第一次係佢打俾我咋~~~真係幾開心架~~~

一路傾.......就係拖o下拖o下唔肯收線咁又傾到一點~~~
跟住佢仲要話我知聽朝八點半約左紫云打波,要我去囉.......
咁我地一點就收線一齊走去沖涼~我一路摺紙鶴一路等頭乾.......
去到兩點終於都訓得覺喇~~~超眼訓..........呵~~~

>>August 20, 2003 at 9:02:38 AM GMT+8

2003 年 8 月 17 日 星期日 【晴】

今日楊露同紫云兄弟黎左我屋企呢~~~

今朝十一點出左旺角俾菲林小妖~
好耐冇見佢呢~~~都傾左d野架~~~
但佢病囉.......所以........呵呵~

俾完野佢就上左榆林睇書,順便等紫云~
咁十二點半就同佢一齊行波鞋街~
買左對波鞋呢~就一齊返黃大仙食飯喇~
咁約左 tor tor 落黎食飯~~~順便催楊露快d上黎~~~

食完飯就上黎我度~楊露當然例遲啦...........約兩點半三點至到....算早喇今次~
上黎大家都冇野做.....睇睇有線電影,玩玩電腦.........咁又去到五點~
咁大家見冇野做呢,就去左慈雲閣隔離個場打波喇~

打打o下.............呵~變左楊露教波囉~~~
咁無可否認佢又真係有d料o既.........
原本諗住打到六點半,最後都係七點至走~~~
話時話~今日我同細佬 H 都好波左~~~一射就入~~~仲有唔少穿針tim~~~
唔通呢個場旺我地???

今日........呵~楊露係咁話追阿邊個喎~~~
呵呵~~~又睇o下最後會點~~~
不過自己個心聽到...........呵~都唔知點咁喎又真係~

>>August 18, 2003 at 3:11:44 PM GMT+8

2003 年 8 月 16 日 星期六 【晴】

時晴雨啊今日.........但真係好開心啊~~~

今日係我地大連團的人o係香港第一次搞活動的日子~
雖然有幾個人冇去,但都算齊人架喇~~~
今日係去清水灣bbq呢~~~

咁我地十點鐘等齊人,買齊野之後呢,就撘車入去清水灣喇~~~
睇佢地個個著d衫都冇預游水......我覺得自己帶果d野有少少多餘囉~
入到去阿妹同Rachel 已經到左,咁就一齊行去清水灣一灘喇~~~

去到搵到士多老闆全叔........佢已經ready晒所有野~
咁我地就即刻開始透爐燒野食喇~~~
但阿輝同佢個fd因為先前食左麥當勞~所以就去左游水~~~
我地就梗係大燒特燒啦~~~

一路燒.......一路發現好多大黃蜂o係我地周圍飛黎飛去.......又飲我地d cream soda~
Rachel 嚇到成日大叫~呵呵呵~開頭我地都好驚架.......
不過後尾唔知係咪睇慣左.........我地開始捉佢地黎玩........
後尾次子仲玩死左好多隻..........=_=

一路食一路玩........咁到左點幾鐘呢~Jacky同阿徽都黎埋喇~~~
我地又繼續玩......繼續食~~~多左人燒野食呢~~~
到左三點幾,我同Rachel去左玩水~咁已經玩濕左個下身喇~
仲o係海邊捉到條魚仔tim~~~(不過我唔記得左拎返個樽走........嗚...........)
咁跟住佢地落黎影相~~~玩玩o下次子換埋衫落黎玩tim........
結果我同Rachel 互潑之下,我地兩個都濕晒身......最後決定落水游喇~

咁原本次子諗住一齊游出浮台架,但我同Rachel都唔太熟水性,所以唔敢游出去~
我地就o係近岸差唔多離地的地方游黎游去,次子就自己一個游左出浮台~
話時話,都好似好耐冇游過水喇~~~
游到五點左右啦,佢地就話走喇~~~咁我地去左全叔間士多度沖身~~~

呵呵~~~同Rachel "赤誠相見"~~~我仲要.......呵呵~要佢幫手~~~都係唔講喇~~~
咁沖完身換完衫呢~我地就要行返落黎果陣果一條長命梯上去~
嘩都幾辛苦架你咪話~~~
咁出返黎鑽石山呢,大家就各自閃喇~~~

雖然係有點累,但今日真係好開心呢~~~
仲有4日就要返去喇........好唔捨得~

唔捨得 tor tor, Beaker , 細佬 H , 細佬 K , 九龍東地區服務處,青暉~
仲有我所有o係香港的朋友........又要離開你地喇~
有時真係唔想返去架~~~o係香港係最多開心時光的兩個月........

>>August 17, 2003 at 3:19:29 PM GMT+8

2003 年 8 月 15 日 星期五 【晴】

今日............

一朝早出左去剪頭髮~
今次叫師傅唔剪咁短喇.........試o下留返長佢.....
但偷薄左..........舒服左好多呀~~~
剪完頭髮..見冇乜野做,又唔想返九龍東喎~
咁呢.......呵~我又出左尖咀睇書喇~

今日睇左兩本書呢~~~一本係 " Time's up , pens down "~~~
一本係唔記得左咩名........田雞,如花同甜筒輝寫的.........
呵~兩本都唔錯,但我一定唔會買囉.........冇錢,唔值得呀~^+++^~
睇到四點左右我就撘車返屋企喇~~~


>>August 16, 2003 at 3:28:32 PM GMT+8

2003 年 8 月 14 日 星期四 【晴】

是日十分大洗..........

今朝約左阿心,玉姐佢地出黎唱k~
我又帶埋我個可愛的細佬去..........呃.......呵呵~
大家一見到面都好開心呢~~~
細佬同佢地都.........玩得好埋呀~哇哈哈~

唱完k........其實都幾晏喇~
咁我就同佢地另一個fd去左海港城睇野,之後就撘車返屋企喇~~~

撘到返黎慈雲山...........發生左件預計之外的事~
我落車果陣,有個阿婆叫住我....叫我幫佢拎野.......
咁我見佢d野好似好重咁,咪諗住幫佢拎到中心囉......
點知........佢去到中心門口,又叫我幫佢拎埋去中心下面慈樂村囉~
(完全係有d被騙o既感覺架.................)

行到入中心........個阿婆又話口渴,但冇錢買野飲..........
結果我用我最後的一張紙幣(10蚊~)買左杯可樂俾佢....
咁我今日全副身家50蚊就冇晒喇.........
行到尾,我見佢行得慢,就連佢自己拎開袋米都幫佢拎埋.......
一直拎到村入面至放低俾佢...........

講真,我真係覺得佢係有d想呃人架......
但......我心軟,對呢d請求我無法拒絕~
可能係咁俾人呃左去殺左都唔知咩事呀......呵~
而且佢d野真係好重~
(我有諗過佢入面果d係唔知咩.......嘩~恐怖~鬼節嘛而家,唔可以怪我咁諗架~)

佢個樣.................真係有少少似...........
呃....呵呵~不過算啦~幫人始終都一件好事黎o既~~~
當日行一善啦~

>>August 15, 2003 at 1:39:06 PM GMT+8

2003 年 8 月 13 日 星期三 【晴】

嘩哈哈~~~

今日都係幾無聊的一日~~~
今朝一早,我起左身就即刻出九龍中央圖書館啦~~~
結果今日到我遲到........要細佬等~(佢又早左o係學校走~~~冇計啦~~~)

上去就各有各做~~~佢睇書,我寫雷鋒~~~
寫寫o下......我寫左第二樣囉......呵呵~
寫左我自己的第二部小說.......不過都係寫多左少少咋~~~

寫到咁上下就去左食飯,之後..........呵~居然返左勞校喎~
見到好多人.....俾人問左好多野.........好煩~
返去打左一陣羽毛球......見都幾悶就同細佬一齊走~

諗住去巴士站撘車出尖咀~又o係巴士站見到小新同麗如兩夫妻行街街喎~呵呵~
咁同佢地傾左一陣就撘車出左尖咀喇~
出到去...........上左商務睇書~~~一睇就睇左兩個鐘~~~
六點左右就撘車返屋企喇~~~

今晚,做左一件想做好耐但又唔敢做的事~~~
呵呵~開心~~~

>>August 14, 2003 at 3:14:25 PM GMT+8

2003 年 8 月 12 日 星期二 【陰】

是日真係不利於我呀~~~

今朝一早就俾媽叫醒左........佢同老豆去旅行~澳門一日遊~~~
咁我諗住十點約左細佬打波,咁早少少起身冇所謂啦~~~
點知我十點落到去約定地點...........佢果然未黎~~~

等到十點二十分,我第三次打俾佢屋企(佢手提多次唔通~~~)
佢媽話佢八點出左門口..........十一點應該會到喎~~~
真係俾佢吹脹呀~~~
原來個死仔返左教會囉.........又唔打電話黎講聲.........
足足等左佢成鐘呀我.........勁嬲~~~

好喇~我十一點後返到屋企呢,佢就施施然咁打黎喇~~~
我頂~~~仲講到自己一d錯都冇.........冇d責任感~~~
最後波打唔成,佢就上左我屋企玩喇~~~

o係我屋企hea 到三點左右啦~佢fd 打黎~咁我又同左佢一齊去沙田
(都唔知點解要扯埋我去.........)
去左文化博物館........又勾起一d唔多想記起的回憶........去親果度都冇乜好事架~
行完就行左一陣新城市........之後送左佢fd 走,我地就走去食野~~~
食完又出返黃大仙搵 Astor 又食過.......呵呵~~~

出返黎.......咁食完野呢~我地一時興起,又話去打波喇喎~~~
咁就去左鳳德個場打喇~~~
o係我不情願的情況下同人鬥左場波........
跟住走左去買野飲..細佬居然話請客........呵呵,世間少有事呢~~~

返到屋企即刻就肚痛......真係抵死呀........
不過都o岩o既........先飲左杯咖啡,再一杯凍鴦,再一樽參蜜......想唔搞肚都幾難~~~

細佬 H ~
你可能睇唔到呢度,但我嚴重警告你~~~
唔該你唔好每次都遲到個幾鐘至出現~
再係咁我唔知自己幾時會忍唔住~
一個人容忍係有限度架~~~我唔知自己仲可以忍你忍到幾多次~
唔好再俾藉口自己啦.....風格........收皮啦,我諗冇人會鐘意你呢種風格囉~
我好少o係呢度咁樣鬧人架,你真係搞到我好嬲........
聽日如果你再遲到,咁就等住全日俾我鬧你仆街仔啦~!!!

>>August 13, 2003 at 3:00:49 PM GMT+8