2003 年 9 月 26 日 星期五 【微雨】

２００３０９２７　　　　星期六　　　晴，間陰

今日雖然係星期六，但係都依然係要補課架～補返國慶假ｄ課～
尋日ＰＥ堂打羽毛球超正，終於搵到一個同我差唔多ｌｅｖｅｌ的人一齊打喇～
Ｍｉｓｓ仲搵左我地兩個做助教ｔｉｍ～～～
不過我唔知係咪太耐冇正式打波，所以係咁打都有少少頂唔順～
隻左小腿又就咁中招，拉傷左～～～勁痛～～～

咁今日呢，我依然係在準備僑生盃ｄ野同埋要補課架～
唉，講起呢個僑生盃就真係勁多無奈喇～～～
年年都搞到一鑊泡咁．．．．．．
港分內部問題實在係比較多，搞到連一個香港隊都唔可以順順利利咁組出黎～

下午去上中國新聞事業史，重修科我唔希望再衰，所以呢三堂我好乖，冇訓過呀～
隔離浩然同學又時不時同我傾偈，其實我真係覺得佢幾好人丫～下話？
上完堂又投入僑生盃無止境的準備工作～唉～～～

呢牌．．．．．．個人都係唔知點咁，不過而家有野搞，個心好似定返少少喇～


>>September 30, 2003 at 9:05:32 AM GMT+8

2003 年 9 月 24 日 星期三 【晴】

２００３０９２５　　　　星期四　　　晴

呢期實在都幾忙架，好多時都會忙住搞僑生盃的事～今日呢又要幫手喇～
咁我今日的心情又實在唔多好囉．．．．．．都係衰人班長的錯～
本來我今日好得閒架嘛，點知上完第三節果陣德哥過黎話我知，今日有辯論賽喎～
而且我仲係參賽者之一囉．．．．．．參賽的四個人都係剛知道要比賽，而時間只得返兩個鐘～
原來班長仲係一早就知今日比賽，但完全冇同我地講過囉～條辯題都係而家至知～

結果我落堂之後好快咁去左體育部幫手，又要好快咁ｊｏｉｎ返德哥傾辯論ｄ野～
我地大家都冇乜信心，惟有盡力去做啦～
條辯題係～和平手段是否能控制恐怖活動～
基本上我地都講得唔錯～施文程仲做埋最佳辯員ｔｉｍ～
結果我地果隊居然打敗左廣電喎～呵呵～完全估唔到呀～不過我表現勁差，下場都係唔好搵我喇～

辯論完又拿拿聲返去體育部開檔，之後食完飯就上左阿爹間房傾偈～
之後又返左房，抄抄筆記，睇睇報紙，跟住十一點幾阿爹開完會又上左黎～
傾左一陣我又陪佢返上十樓～跟住傾到兩點至返房～呵呵～
阿Ｓａ隻小龜真係爆可愛呀～～～

唔知係咪呢牌多野做左，個人好似冇咁ｄｏｗｎ喇喎～
定一話係．．．．．．都係唔諗咁多喇～
果日陪阿爹過華僑醫院探朋友果陣我都諗過架喇～
其實我次次都係咁講鍾意邊個邊個～但我可能未必真係有果一種感覺～
其實我可能一直都冇將個心再拎出黎．．．．．．我好怕會再黎多次重傷呀～
唔敢付出．．．．．．搞到我好似好唔定性咁～
都係收心養性讀返好ｄ書至算喇～

但係同Ｊｕｌｉ同房，晚晚都兩三點至訓，我都好懷疑自己會唔會讀得到書囉．．．．．．
呵呵．．．呵呵呵．．．呵呵呵呵呵．．．．．．

>>September 30, 2003 at 9:05:00 AM GMT+8

2003 年 9 月 23 日 星期二 【晴】

２００３－９－２４　　　　星期三　　晴

今日勁勁喇～～～是關今日係肥巧生日呀～～～生日快樂～～～
呢幾日入面，我地特登作左幾首歌俾佢，以表我地的誠意～
不過最好玩的都應該係今晚果單野～哈哈哈～～～

話說我地今晚十七條友約左肥巧落科學館果邊話同佢慶祝生日～
咁我地當然早有準備啦～買左三個蛋糕，一大兩細～
咁齊人之後我地就唱歌切蛋糕啦～估唔到肥巧食食o下首先發難～
一舊ｃｒｅａｍ飛落Ｊｕｌｉ度～之後就開始左我地的掟蛋糕大戰喇～

我好彩，一早拎左枝水槍在手，少左好多人攻擊我，不過都搞到件衫成件都係ｃｒｅａｍ～
佢地玩到衫褲都中晒招．．．．．．肥巧直情由頭到腳都係ｃｒｅａｍ～
玩完科學館，我地將戰場轉左返宿舍走廊～
差唔多係見人就攬．．．．．．ＳＡＲＳ仲俾我地夾攻，呵呵～

跟住大家就發現ｄ　ｃｒｅａｍ好鬼難洗～
Ｊｕｌｉ霸住個廁所勁耐都唔出黎，搞到我成身ｃｒｅａｍ都沖唔到涼～～～
我地沖完涼之後呢，就過左Ｃｈｅｒｒｙ房繼續玩～
仲唱左我地作俾肥巧果幾首歌ｔｉｍ～哈～
之後．．．．．．因為我要返八點堂，所以就返房訓喇～
都兩點幾喇～～～勁眼訓囉～～～

前幾日寄左封信返香港，唔知果個人收到未呢？呵呵～

>>September 30, 2003 at 9:04:31 AM GMT+8

2003 年 9 月 19 日 星期五 【晴】

Well..............I am in China now~
this web...........if I don write dairy more then 14 days ,it will delete my account~
so I must write down something here..............
I will back to Hong Kong on 30 September.........

so everybody,please wait for me~~~

>>September 20, 2003 at 6:44:28 AM GMT+8

2003 年 9 月 14 日 星期日 【雨】

今天又是一個要離開香港的日子..........

返黎三日...........遇正三日都落雨...............唉~
不過有得返香港始終都係一件好事黎o既..........

一返黎先至知道d野.........呵呵~
開心也好,難過也好,畢竟已經係事實~
都快一個月喇.........感情得來不易呀,要好好珍惜呀~
你兩個都要俾d信心自己至得架~!!!我呢個大佬會一直撐你地架嘛~

細佬 K ,你送俾我條頸鏈o岩o岩好喎~多謝晒呀~

今次返黎始終都見唔到tor tor一面,真係好可惜.........

我的廣州新手提~ 13711429941

我的地址~
中國廣州石牌暨南大學建陽苑 4 楝 414 室
新聞系 郭xx 收 郵政編碼:510632

得閒最好打電話上黎搵我~~~寫信都無任歡迎架~~~

好啦,今日寫住咁多先,國慶返黎再見喇各位~

>>September 15, 2003 at 3:22:49 AM GMT+8

2003 年 9 月 13 日 星期六 【颱風】

粟米~~~生日快樂~~~

尋晚真係唔得掂~俾細佬 H 捉住我傾電話~
仲要傾傾o下成點鐘果陣打俾細佬 K ~~~
想收線又收唔到~收左佢又話會打過黎~
不過終於都知左佢兩個拍拖,個心都好似鬆左口氣咁~
係有d唔知點咁架喇~不過我覺都係做佢地大佬好d~
起碼咁樣佢地會放心d講晒d野俾我知丫~
跟住約左佢兩個今日出黎~細佬 K 要先收線,細佬 H 就死扯住唔俾我收~
最後我地傾到四點左右先至肯收線,我訓覺佢去沖涼~

咁今朝呢~我 8:30 就俾部手機嘈醒,結果 9 :30 先起身~
諗住十點出去買飛啦,但我十點都仲係緊早餐上緊網~
上網見到紫云,傾左一陣~本來約左細佬 H 十一點,但兩個都未出門口,結果就推遲左~
咁我拿拿聲出去買完車票,就出左尖咀,但佢居然又遲到.........
約十二點半,又差唔多成一點至到囉...........想走架喇~又落大雨...........

最後去大x樂食飯,傾左一陣,佢就返去南華練波,我就上左 HMV 睇CD~
睇睇o下又走去商務睇書~~~睇左一陣紫云就打黎話搵我喇~
佢出左黎,我地就冒住大雨走去行無印~
因為大家都無錢,所以都係買唔到野架~
之後去出面citysuper買野飲傾偈~~~傾左一陣細佬 H 又打電話話過黎~~~
咁我地又行返去碼頭.........

之後見到佢........咁見佢兩個難得(係咪難得架其實?)有機會二人世界~
我又趕住返屋企食飯,所以...............
我同佢地講講o下笑果陣突然跑去撘車,就咁就閃左喇~呵呵~
但今日咁大雨,佢兩位又都唔似會帶遮...........都幾為佢地擔心~呵~
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
假如我們不曾遇見
假如我可以糊塗一點
一切可會不同?可惜時間已不可以重來了........
知道太多,是好事還是壞事?

>>September 14, 2003 at 2:42:47 PM GMT+8

2003 年 9 月 10 日 星期三 【晴】

2003-9-11　　　　晴

呵～今日都係有人生日架～
小新ｓｉｒ、達哥　生日快樂～

適逢中秋節，大家中秋節快樂呀～～～

今日一朝早上完四堂，鈺姐就約左我出去食飯，話補祝我生日～
呵～我地去左屋台食ｓｕｓｈｉ～都食左唔少野呢～～～多謝鈺姐～～～
食完飯就去左考ＢＥＣ個口試～
嘩真係．．．．．．唔可以話好易，但真係簡單左少少囉～
兩點半去考，三點唔到我就考完喇～考埋星期六個筆試就返香港～

返黎之後我睇左一陣三國演義，訓左一陣，阿妹就黎搵我～
話今晚一班大連黨同家長們一齊出去食飯，到時叫我出去～
咁我應左佢之後就順手做一做功課咁～
因為佢地都出得比較早，我諗住遲少少至ｊｏｉｎ佢地，點知咁就出事喇～～～

我地用果個電話網本身已經ｊａｍ線ｊａｍ左幾日架喇～
今日直情係全日打電話都打唔到，ｍｓｇ都ｓｅｎｄ唔到～
中國移動．．．．．．今次真係好失敗呀，連正宗神州行都打唔到～
結果我無辦法搵到佢地，只好自己去飯堂食野，再出去諗住轉台啦～
點知我行到一半，俾我見到阿恆喎～
原來佢地去左酒店門口等父母們，仲未食飯～
咁我結果又出去搵佢地喇～

可能因為中秋啦，全街ｄ人都講緊今日成日都打唔通電話～
我地幾個爆晒粗咁係咁鬧移動～呵呵～阿青仲好似剛剛轉左大眾卡～慘喇～
最後等齊人就上左黑天鵝食野～～～

食完返黎，諗住去睇睇Ｊｕｌｉ佢地個快閃行動～
點知佢地已經玩完喇～跳完結他他舞閃左返房～
咁我就上左去首領房傾偈喇～～～
途中又打左電話返屋企，打左俾ｔｏｒ　ｔｏｒ～
又睇左人放煙花喎～之後十二點幾就返返房喇～

一開房門～嘩原來佢地去左我個位煮湯圓囉～～～
間房變到勁熱，但係真係幾香喎～～～
佢地煮好之後話上去天台一路食一路賞月～
我就因為聽日仲有八點堂，所以冇上去，沖完涼睇左陣書就訓喇～

今年中秋～最冇氣氛～因為冇玩過蠟燭，冇點過燈籠，完全唔似過緊節囉～
不過都好開心丫～大家都出去玩野～呵～

>>September 13, 2003 at 12:55:55 PM GMT+8

2003 年 9 月 9 日 星期二 【晴】

2003-9-10　　　　晴

生日快樂～～～ｙｅａｈ～ｙｅａｈ～ｙｅａｈ～
９月呢牌好多人生日啊～尋日有阿恆～

今日呢～勁多人生日啊～～～

我、Ｊｕｌｉａｎ爸爸、風裡百合、Ｋｕｂｉ、讀真光的阿青、梁毅．．．．．．呵～開心～

今日係我正式告別一字頭，踏入二字頭的大日子～
原本諗住可以返香港架，點知撞晒上堂，唔可以搞大佢～
咁我今年居然係異常低調地過左我的二十歲生日架～

踏入二十歲頭一分鐘，鈺姐ｓｅｎｄ左短訊黎，我以為佢同我講生日快樂啦～
點知係話俾我知佢部電腦死左！！！之後ｊｕｌｉ部腦又死埋～
呵～我生日真係剋住好多人部腦啊～
最驚喜係小妖打上黎同我講生日快樂～哈～多謝你呀～

今日返學都冇咩～放食飯果陣德哥一句　生日快樂，佢地先知我生日～呵～
做人都係低調ｄ算喇～
跟住就同家姐，阿狗，昌昌出去夢娜食飯～呵～難得有人請呢～
佢地仲送左個馬來西亞月餅俾我做生日禮物，話好過生日蛋糕喎～應節嘛～

返黎繼續上堂～
今晚同首領佢地食～呵～都係請我食飯呢～好多謝你地呀～
夜晚返左房打俾細佬Ｈ～有時我覺得打俾佢真係幾浪費金錢～～～
但我又成日打喎～呵呵～
又打俾ｔｏｒ　ｔｏｒ，佢居然唔記得左今日我生日囉～心淡晒喇．．．．．．呵呵～

另一驚喜係夜晚Ｊｕｌｉ佢地買左個蛋糕仔俾我～
我做緊功課果陣佢地拎個蛋糕入黎，又唱晒歌咁，呵～
雖然係細ｄ，但係都好開心架！呵～唔駛過一個冇蛋糕食的生日～
許左個願～希望會實現啦～

話咁快就二十歲．．．．．．硬係覺得好似自己個腦襯唔起呢個歲數咁～
諗野一ｄ都唔似有二十歲咁．．．．．．
好在而家自己知咩應該做，咩唔應該做～
堂我唔會再走，書我會盡量聽、多ｄ睇，唔會再上堂訓覺訓到天昏地暗～
而家唔會再咁執著去諗拍拖喇～～～隨緣啦～～～

ａｎｙｗａｙ，多謝各位一直以黎都對我咁好，多謝～
～生日快樂～

>>September 13, 2003 at 12:55:07 PM GMT+8

2003 年 9 月 6 日 星期六 【綿綿細雨】

2003-9-7　　　雨

今日都係冇咩做～～～
本來以為今日會早早有迎新，點知原來係夜晚，早知就返左香港先啦～
尋晚印象中我係玩到好夜先至訓架～（好似係玩ＶＯＳ同埋Ｒｉａｎｂｏｗ６）
玩到今朝六點幾先至訓～～～咁今日就點幾兩點起身～～～

跟住．．．．．．四點幾去左五飯開會，傾新聞學院份學生報外招生版的內容～
最後決定我返香港果陣盡量搵人去做訪問～
之後食飯打底～因為我地估計今晚個迎新會都唔會食得飽我地架喇～
事實證明呢個行動非常正確～呵～

咁七點未到我地就到左學生活動中心附近喇～
去運動場轉左個圈，跟住就上去喇～

今晚個迎新會．．．．．．比我預期中少人黎囉～
我地個組爸．．．．．．Ｓｉｍｏｎ，呵～唔係好得喎～搞唔起個氣氛～
玩遊戲仲要輸埋，俾人罰食蠔油蕉．．．．．．
全晚都唔可以話唔好，但氣氛真係唔多夠～出動埋ｂａｎｄ隊都冇用～
結果去到抽獎果陣有一半人已經走左～阿ｓａ就等埋我一齊走～
走果陣仲要落大雨～呵～大家都淋到濕晒～

體育部長話想搵我去做佢秘書～呢次慘喇～
我最差果樣佢搵我做果樣～而且我覺得部長係果ｄ做野好ｓｍａｒｔ的人～
佢今日做司儀都做得勁好～
好驚自己會令佢失望啊～～～
仲有一個問題．．．．．．做左幹事，橋生盃係咪要幫手搞野而唔打得架喇？
係就仲死～我入港分好大程度上係因為想打橋生盃架咋～

點都好啦～我一定會盡力架～我唔可以咁快就認輸架～
做好ｄ～ｇｏ～ｇｏ～ｇｏ～

>>September 13, 2003 at 12:54:21 PM GMT+8

2003 年 9 月 4 日 星期四 【晴】

2003-9-5　　　　晴

今日勁勁喇～今日我做左學生代表，返左珠海見班師弟妹呢～
其實係咁～尋日阿德哥無端端同我講 "喂，思華，記得聽日返珠海喎！"
我就諗～做咩要返去呀？一問之下先至知原來自己做左新聞系的學生代表之一，返去同師弟妹交流喎～
班長又唔講我知喎，好在德哥問我咋～
咁我今日上完ＰＥ堂呢，拿拿聲食完飯就跟大隊撘車過珠海喇～

今日架車都算快，兩個鐘左右就到左，兩點半左右我地就同班師弟妹見面喇～
佢地今年就幸福啦，我地同佢地係咁傾，我果年除左見過ｄ師兄姐個樣之外，一句都傾唔到呀～
不過佢地今年分班分得好奇怪．．．．．．係新聞同廣電合班，但內招同外招生分左兩班～
廣告就自成一體，一樣係以內外招生黎分班～
今年真係多左好多人啊．．．．．．廣告外招生有８０幾人，新聞合班有７０幾人～
佢地．．．．．．都幾可愛丫～～～
聽聞廣告班有個外招生又高又靚仔，仲係香港打甲２籃球聯賽架喎～
哈～李菁係咁讚佢靚仔～呵呵呵～～～

咁我同班師弟妹傾左一陣，交換左幾個人的電話，咁大家又唔知點解咁落左去圖書館果邊～
阿德話想帶班細的爬過去圓明新園，我諗住如個靚廁返黎一齊去啦～
點知出返黎佢地就唔見左人喇～咁我就ｊｏｉｎ左阿浩同埋ｄ師兄姐果班人出拱北喇～

出到去，原本諗住賽車架～不過時間唔夠，搞唔成～
行街途中遇到思潔，原來布丁返左澳門，得返佢一個人行，最後佢返左學校先～
我地十幾條友食完飯呢，都撘巴士返學校喇～

返到去，第一時間梗係搵返我架愛車啦～奇蹟地架車仲在生喎～呵呵～
之不過後呔個ｂｒｅａｋ皮俾人偷左，前呔果塊又唔多得，架車變左冇ｂｒｅａｋ囉～
咁我都唔理咁多喇～問左司機大佬俾托上行李位，梗係托埋返廣州啦～
我架車居然仲早過阿德架車返到廣州囉～呵呵～

我地夜晚九點幾至走，返到本部都成十一點幾喇～
之後先至知原來阿青想搵我做後日迎新ｐａｒｔｙ的工作人員，但阿妹以為我返左香港，話俾佢知～
結果佢就冇搵到我喇～呵～可惜呀～

忽然覺得，我個頭日日係咁ｇｅｌ，真係都幾傷頭髮．．．．．．
呢牌成日都打電話返香港，用左唔少錢啊～～～
朋友啊～點解你地唔打俾我啊～～～

ｔｏｒ～
掛死你～呵呵～

細佬Ｈ～
尋求電話費贊助中．．．．．．求救～

>>September 13, 2003 at 12:53:44 PM GMT+8