2003 年 10 月 10 日 星期五 【綿綿細雨】

２００３１０１１　　　星期六　　　　細雨，間晴

Ａｍｙ，生日快樂～

經過左咁多日的勞碌，今日終於都訓到十二點至醒喇～
一醒就收到鈺姐ｍｓｇ問我出唔出去打機，咁我就約埋阿ｓａ一齊同鈺姐出去喇～
我真係越來越欣賞廣州地鐵的車票呀～好鬼得意～
我地去左中華廣場同流行前線～入左去機鋪打左陣機，嘩鈺姐真係所向無敵呀～
打完機就去左行街，途中見到個ＢＢ，唔知點解一見我就喊囉，勁無奈．．．．．．

跟住就約返阿宜佢地去左中信廣場食自助餐～有人請呢今日～呵呵～～～
估唔到我同阿ｓａ兩個一去到即時空肚隊左一杯啤酒，真係．．．．．．
所以跟住我都即時塊面紅晒，有少少ｗｉｎｇ　ｗｉｎｇ　地喇～
後尾係咁食魚生果陣我就清醒，呵呵～

返到暨南果頭，我同阿ｓａ又諗住再隊過，咁結果我地搵埋Ｊｕｌｉ，三條友叫左十二枝大啤～
沖完涼呢，阿ｓａ、阿宜就落埋黎，先一路隊酒一路睇”戀上你的床”～
我果時已經ｗｉｎｇ緊，所以都唔係好控制到自己做咩～
咁我就順手捉住阿宜隻手唔放，明顯地阿ｓａ呢個時候已經ｗｉｎｇ左喇～
差唔多完果時鈺姐都落埋黎～

一放完呢，阿ｓａ就開始攻擊，係咁掀我件衫，我又ｗｉｎｇ喎，就不停咁反抗～
結果兩條友都好似癲左咁～我仲係咁撞個頭落牆度，後尾阿宜睇唔過眼，就用隻手擋住～
果時都兩點幾喇，我地仲嘈到爆～
最後阿ｓａ俾鈺姐制服左，跟住冇耐就訓左喇～
我地就仲有下一場．．．．．．就係打麻雀～呵呵～

今次呢鋪麻雀冇上次咁好玩，可能係我有少少醉啦，完全唔識點打～
結果一圈都未打完就散，我先至記得自己仲有一機衫未洗囉～三點半喇果陣～
晾完衫就上左阿宜房訓（死人阿ｓａ訓左我張床，搞到我冇得訓～）
上到去傾左一陣，講左ｄ野～之後就訓喇～

真係．．．．．．第一次試過飲酒飲到咁ｗｉｎｇ架咋，唔通係心情影響？

>>October 15, 2003 at 5:05:05 PM GMT+8

2003 年 10 月 9 日 星期四 【綿綿細雨】

２００３１０１０　　　　星期五　　　晴，間有陣雨

今日其實都冇咩特別，只係呢～
尋日果個大四的師姐唔順氣，約左我地日出黎挑波喎～
咁我今日上完ＰＥ堂呢，就快快手咁去食飯，跟住一點就去返體育館喇～

入到去，師姐一早已經到左～咁我地就打波啦～
但今日有兩個師姐（大三的）去左燒烤唔黎得，咁就得返三個同佢挑～
佢又要死唔服氣喎．．．．．．係都想挑晒五個人～
俾你挑晒又點？人都選左喇～何必咁執著呢～
都好～等佢地可以正式咁睇到我的實力～

之後去左搞上網～又話要星期一至上得喎～～～
出返黎又落雨喎～真是他媽的～

今晚又係在１０１６蒲到好夜至走～晚晚都係咁真係唔得掂～呵呵～

>>October 15, 2003 at 5:04:11 PM GMT+8

2003 年 10 月 8 日 星期三 【晴】

２００３１００９　　　　星期四　　晴

哈哈～～～今日又係打波日～～～
返黎咁耐都未試過有一日早得過兩點訓架～～～
一返黎就係咁開會出通告搞僑生盃，晚晚都要捱夜，仲要爭落老師們一大堆功課，唉～～～
咁今日呢～我就尋日三點幾至訓，今朝返八點堂，仲要上完堂下午要有排球羽毛球訓練囉～

咁我今朝為左醒神ｄ，就著到成個斯文ｌｏｏｋ出去喇～
上堂照舊又係眼訓架啦，偏偏而家個英文ｍｉｓｓ又當正我地係小學生咁～
又寫晒座位表又堂堂都點名咁喎．．．．．．想走一堂都唔得啦～～～
真是他媽的．．．．．．

英文堂之後係新聞評析～都有聽書架我～
上完堂就搵阿宜食飯，跟住就返去換衫打波喇～～～

咁兩點左右呢，我就同阿宜出左去影印，跟住就陪佢去籃球場等阿頭借波拎場～
點知大家又係遲到架囉～仲要死到唔記得左買羽毛球同乒乓波～
咁結果我係又要出去買架～但果時已經兩點半有多，我三點要練排球囉～趕爆呀～

買完返黎拿拿聲趕過去排球場，得Ｇｏｒｄａｎ一個睇住個場，阿宜都仲未到～
咁我就好抵死咁在排球場拎晒ｄ羽毛球出黎寫返ＨＫＳＵ字樣落去～費事唔見啦～
之後就同班隊友熱身，搓搓波咁～基本上都係我同阿青搓囉～呵呵～

練得果半個鐘，我又要快快手咁趕去羽毛球場～
因為原本話今日有教練架，點知而家冇囉～阿頭仲要搵左我去做教頭囉～
咁冇計啦，惟有頂硬上啦～好在仲有阿ｓａ幫手咋～

去到果陣，基本上都幾順利，係時間唔多夠，變左選人有少少麻煩～
又有個大四的師姐係咁問點解會選左ｄ咁o既人出黎喎～
又係咁話個選人機制有問題．．．．．．煩足一個鐘呀～
好在係阿ｓａ同佢講咋～最後佢都係唔服，約左我地一班女仔聽日出黎打波～好很煩～哈～

近排心情都唔錯，有ｄ野話左唔講唔諗唔聽真係會好好多～
希望果然係無處不在架～呵呵呵～

>>October 15, 2003 at 5:00:19 PM GMT+8

2003 年 10 月 4 日 星期六 【晴】

尋日全日都留左o係屋企.........冇野做~呵呵~
今日就好喇~~~有得出街,仲有得打波tim~~~

話說尋晚我同阿宜傾緊電話,咁我忽然間興起就打俾細佬 H ,約佢出黎打波~
呀佢又話好喎~咁我地就約左今日出黎喇~~~
但係就約唔到人今晚睇煙花囉.......

咁今日我呢就成兩點先至到球場,點知原來佢都係o岩o岩到囉..............
呵呵~~~咁我地就去打波喇~~~
打到三點幾,我地就坐o係場邊傾偈喇.........死楊露又要係咁拎我個電話去打囉........
傾左一陣就走喇~~~o係石硤尾度四周圍行,仲俾我地見到翠賢miss o係架巴士度tim~~~
結果我地行左去深水 土步 撘車出尖咀睇煙花囉.........

咁呢我地出到尖咀呢~諗住買野飲去海傍傾啦~
點知度度都勁多人.......連買野都多人到爆.........結果我地決定行去紅磡碼頭睇煙花~
一路行都一路傾左唔少野架~~~仲飲左唔少野......呃.........
咁行到去黃埔,我地就諗住去 M 記買野食過去睇啦~
點知最後係o係度食埋囉.........仲要傾偈傾到差d錯過左睇煙花........
好在最後都趕得切~~~不過太遲去,俾人迫左o係中間囉.......

走果陣又俾差佬玩死.........一時又話唔俾就咁行過馬路,一定要去安全島度過~
到我地行到去勁多人的馬路口,佢又話叫d人快d行過去喎....我頂~
最後我地撘左架都幾多人的 3B 走~~~

一路撘車一路傾電話.......好快就返到屋企喇~
返到黎,睇到細佬 K 的日記............嗯~俾d信心自己,你地得架~
夜晚再打俾細佬 H ~同佢傾返d問題........希望佢真係明啦~

長情深情不代表甚麼,只要他是愛著你的,你已經一早勝出了~

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

地方仍是過去曾經到過的地方
但這刻
不論是我的性格
我所追求的,所珍惜的,所重視的
都已經與過去不再一樣了

>>October 6, 2003 at 3:53:44 AM GMT+8

2003 年 10 月 2 日 星期四 【晴】

嗯嗯~~~今日高潮所在o係晒下午呢~~~

今朝都係無無聊聊咁上網打日記.....睇日記咁~
兩點幾就出門口喇~因為要去做採訪呀~~~
阿妹約左我三點半,但我因為預錯時間,所以遲左囉.......唔好意思呀~
咁我地人齊就撘車過香港仔喇.........文匯報呀~~~

咁過到去呢........果個人似乎唔多好人囉........成日話趕時間~
我地問問題問晒就似想趕我地走咁.........
咁我地咪只好問完快快手走囉.......橫掂跟住我地都要去大球場架喇~
點知咁就出事喇~~~

我約左 Astor 五點半o係銅鑼灣等,點知我o係香港仔出黎果陣塞車囉........
終於搞到六點先至出到去........死人楊露又話今日唔俾出街,唔黎喎~
何文倩又要o係旺角買野,趕唔切又唔黎,最後得返我同 tor tor~~~
咁我地兩個就好快咁行去大球場喇~~~

去到......嘩.......好多人喎~
我同 tor tor 坐左o係 133 區,隔離有個小朋友極度好玩呀~~~
我同佢係咁玩......搞到 tor tor 都忍唔住玩埋一份~
個小朋友個阿媽仲勁....由頭都尾都係話...."唔好搞住哥哥啦"....我諗佢以為我同 tor tor拍緊拖囉...
勁無奈..........臨走佢都仲要同個小朋友講...."快d同哥哥講bye bye 啦......"
呃.........我尋日已經突晒個胸出黎架喇喎..........
但d節目都真係唔錯.....幾好睇架......隔離果個o靚仔又好玩~整體都算係咁啦~

睇完走果陣都係九點幾,咁我就諗住打俾阿宜啦~
原來佢o係尖咀喎,咁我就出返尖咀去搵佢喇~~~
出到去,忽然間好想飲酒,咁就先去打左鋪機,再去買酒,順便買檸茶俾佢~
等左一陣就見到佢同佢d fd 出現喇~~~

我地行左去海傍傾偈......呵~我成日都窒到阿宜無聲出,嘩好耐未試過咁爽喇~~~
有幾可我把口可以窒到人無聲出架你話? 有佢o係度真係令我好開心呀~~~
傾到十二點左右.....我地走左去玩狗....玩左一陣就返屋企喇~
呢個時候基本上我係已經冇車返去架喇~所以我決定送埋阿宜返屋企~危險呀佢果度(我覺得)

咁我地就撘尾班(係咪尾班呢?)地鐵返歸..........
但出左地鐵佢好似趕唔到尾班小巴囉.......好在仲有巴士....(又係尾班~!!!今日撘左好多尾班車~)
因為已經係點幾鐘......真係唔放心佢一個人返去~
咁我送完佢返屋企呢.......就發現佢果度得一樣野可以返到我屋企.....果樣野叫做 的士 .........
結果我冇得揀啦.........撘左 $50 的士返屋企........呵~全身又得返十蚊,唔駛出街喇跟住~

不過.........嗯..........無所謂啦,開心~^__^~

>>October 4, 2003 at 5:16:38 AM GMT+8

2003 年 10 月 1 日 星期三 【晴】

哇哈哈~~~

今日好開心呢~~~因為今日約左成班舊同學去飲茶啊~~~
今朝九點幾起身,十一點九出到去~~~撘車仲撞o岩同胡宇一班~~~
去到沛沛已經o係度喇~~~但係個個都遲到囉........
約人果個仲要係遲最多果個~呵~
咁今日沛沛、我、胡宇、Hawa、Juli、Eric、袁斌、小妖、余sir 就一齊飲茶喇~
跟住肥巧好遲咁都黎埋喇~~~

飲完茶,原本諗住叫 Juli 一齊返勞校架,個死野忽然間拎疊戲飛出黎喎~
結果一大班人就走左去睇戲,得返我一個返勞校~~~
返到去......呵~同d阿姨哈拉左一陣..........
又見到靚靚o既麗如miss啦~~~傾左一陣就等到佢地放學喇~
見到好多人啦.........尋日一齊睇煙花果兩個都見到喇~
勞校d細路..........真係越來越.......咳嗯.........

咁搵到楊露之後呢,屈佢陪我等翠賢miss,傾左一陣就走喇~~~
我地兩個行左去真光,相信大家都知咩事啦~呵呵呵~~~
咁o岩俾我地o係門口撞到細佬 K 喎~
之後搵埋 Queenin 同埋 Winnie 就一齊走~
佢地陪左我去買車飛囉........買左 6 號 14:30 走...........
係呀,我會早一日走架........橫掂香港都冇咩一定要留咁耐至走丫...........

之後我地o係波鞋街行,因為我要睇羽毛球波衫嘛......
我都特登飛甩佢地一條友行架啦,諗住俾多d機會佢地架嘛~
點知都係撞返囉........結果唔知幾時細佬 K 同 Queenie 走左.......
得返楊露同我........咁大家繼續行啦........終於都俾我搵到件藍色波衫...$100 yy 架~
買完就撘車返屋企喇......楊露又話想傾偈,結果陪我撘車返去~

上到車咪又係講埋d無聊野.........呵~
最後送佢去車站,食左個雪糕,咁就送左佢走喇~
老豆的奪命追魂call 又係咁黎,咁就梗係返屋企啦~~~

食完飯,Astor約左我、二拎同阿念去食糖水,難得的見面啊~~~
我地由開始見面就一直笑,笑到走為止~
食完糖水就過左公園影相.......呵~好耐冇咁玩過呢.........開心~

返黎約左佢地聽日去大球場.........不過阿念又要走喇..........
一路順風啦~~~^+++^~~~

>>October 3, 2003 at 6:36:43 AM GMT+8

2003 年 9 月 30 日 星期二 【晴】

我發現呢..........原來返香港之後我都唔係冇野做架喎~

咁今日呢.........經歷完前幾日連續通三晚頂之後呢~
我今日訓到十一點幾至起身~~~嘩,好耐未試過咁正喇~~~
之後上上網,睇睇報紙,三左右呢我就出左去剪頭髮~
今次都冇乜點剪短.........係修返少少咋~同埋"偷"薄左少少囉~
剪完就出左旺角 join Astor去 cyber 打機~
打左一陣就出返黎.........何小倩打俾約我去睇煙花喎~
咁我就諗住出尖咀霸定位啦..........

點知我出到去,佢地話o係樂富睇喎...........頂,等我仲六點幾去到霸左個靚位tim...........
之後我又拿拿聲坐車返樂富,佢又遲到囉..........
跟住我地 (倩、我、嘉僖) 快快手咁行上山,好在都仲趕得切......不過條路勁黑......好玩呀~
d煙花.........唔錯丫,不過我地似乎係傾偈多過睇囉.........

睇完.........坐左一陣...........就返去喇~
何小倩要我揹佢落山囉..........我又肯果下先至抵死喎~
落返樂富.........我地三個去 M 記借廁所.......嘉僖走先~
我就同佢行左陣屈臣氏.......之後就送佢返屋企~~~
點知去到佢樓下,俾佢扯埋我上佢屋企囉.......呵呵~
咁我又o係佢屋企坐到差唔多十一點半至走.......

都真係幾忙...................

>>October 2, 2003 at 4:39:58 PM GMT+8

2003 年 9 月 29 日 星期一 【綿綿細雨】

今朝五點幾果陣好大雨架...........幾驚又要拎遮返黎呀~
好在九點幾起身果陣左雨咋.........

七幾果時聽到阿宜走的關門聲,但我實在冇力起身~
去到九點幾........有返d力,就覺得成身痛.....明顯係尋日選拔賽d衰野~
send左個msg 俾阿然叫佢幫我請假.........真係多謝你呀~

之後執晒行李,就等返香港喇.........
趕到一點班車.........成車都係暨大人囉...........呵呵呵~~~

終於返到香港...............好開心呀~~~yeah~~~

>>September 30, 2003 at 4:38:44 PM GMT+8

2003 年 9 月 28 日 星期日 【晴】

話說尋日我七點至訓...........但今日我仲係要搞僑生盃選拔賽架~
我自己仲要參加左羽毛球同排球兩樣tim~~~

咁今日我十二點就同阿sa去左同特招生開會~
之後我地就出左去買僑生盃的用品同埋影印~
再返黎果陣阿宜就話兩點半開緊急會..........咁我地就落去開啦~
開會講果d野其實我同阿sa尋晚已經諗過晒........我地亦都準備好晒~
所以我同阿sa兩個好快就走得喇~

我地又走左出去幫佢地訂水,佢地又講到唔清唔楚咁~
搞到氣氛唔太好~
送水果度又唔通知阿sa...........結果搞到sa無端端食左死貓.........

好喇~到四點半選拔賽開始喇~
咁因為羽毛球係五點至開始,咁我就諗住去左排球果度先啦~排球開四點半嘛~
點知去到五點個教練至黎,仲要一開波就搵我落場,打左四十分鐘都唔放我走~
最後我五點四十五分至返返去羽毛球場.......佢地都就黎打晒喇........
本來我係呢邊負責人黎架嘛.....而家真係辛苦晒阿sa喇.........
佢一個人要頂起成個場...........
最後我同一班遲黎的男仔一齊打..........我諗我應該入到掛~~~

夜晚就一條友食飯,因為實在係好累.........
再夜d阿sa同hide落黎傾左一陣~
跟住阿宜又落黎喇~~~

佢一落黎就話眼訓,仲霸埋我張床~
咁我當然唔會俾佢訓得咁爽啦~我就拎住枝筆o係佢個身度玩"人體穴道圖",係咁點黎點去~
跟住又玩"面相觀測圖".........係咁搞住佢,搞到佢冇得訓為止~~~
最後玩到兩點幾三點,我就放過佢俾佢訓 Juli 張床啦~
點知佢五點幾無端端起身話訓夠........係咁嘈我唔俾我訓..............
跟住仲上埋我張床度玩孖鋪...........都真係幾..........迫架~呵呵~

好在佢玩左一陣肯俾我訓..........如果唔係我就慘喇............

>>September 30, 2003 at 4:29:49 PM GMT+8

2003 年 9 月 27 日 星期六 【晴】

２００３０９２８　　　　星期日　　晴

今日就真係慘喇～

點解咁講呢～因為我地的靚女阿頭（體育部長）有事唔o係學校，僑生盃ｄ野繼續一餅野咁～
咁兩個副部就要搞晒ｄ野，我呢就幫阿爹手啦～
出告示、寫細則，諸如此類咁啦～
唉，雖然唔係辛苦，但係莫名其妙咁緊張囉～應該受左某ｄ野影響喇我估～

由朝到晚都要上堂，中間食飯都用埋黎打野～
今日真忙呀～
之後今晚十點阿頭返黎就又開緊急會議，就將之前ｄ野交待返俾我地聽～
因為其實我地唔知頭唔知路咁，人地問我地野又答唔到，都真係幾麻煩架～
但個會．．．．．．好亂囉我自己覺得～
講果班講得唔清楚，聽果班又聽到一頭霧水咁～
成個僑生盃我地可以乜都唔清唔楚咁．．．．．．
最後就係知道聽日要一次過搞四樣選拔賽囉～

今晚返左房都冇訓過，因為開完會都夜晚十二點喇～
咁我仲要同阿ｓａ、阿爹搞埋羽毛球呀排球呀果ｄ手尾～
之後兩點幾阿爹上返房，我同阿ｓａ就自己繼續度埋羽毛球ｄ野～
度到四點幾，都講得差唔多喇，我地又講左體育部個計劃書，又吹吹水咁～
一直去到朝早七點～～～
實在係太勁喇～

>>September 30, 2003 at 9:11:24 AM GMT+8