2003 年 11 月 4 日 星期二 【晴】

太好喇...........仲有兩日就返香港喇~~~
不過呢幾日都好似冇寫日記呀可???呵呵呵~~~

其實係因為冇咩好寫.........而且而家晚晚都約左成班人出去,返到黎根本連電腦都冇時間開~
所以.........點打日記呢~~~

又冇晒錢喇........又要再借喇睇怕...........
今個星期唔知發咩神經,個個都唔返香港......等校運會?
結果好似係得我一個星期五返.......阿宜同sa星期四就走喇..........

呢幾日...........心青持續係低落丫~
會因為某d野而影響心情........好唔想再聽到某幾個字囉.........
尋晚打左俾細佬 H ...........呵~算係最開心的時候,同佢傾都好少會唔開心o既~
約左佢星期五返黎見面.......都幾期待架而家~

日日都混混噩噩咁過..........又回復返以前果段時間的日子..........
唔通我仲係要靠咁樣逃避現實???
明知對自己唔好都仲要係咁落去???
之前返黎開學果時許下的諾言都好似俾我破晒喇............唉~
唔可以咁樣架...........醒o下啦一流仔............

>>November 5, 2003 at 9:17:45 AM GMT+8

2003 年 11 月 1 日 星期六 【晴】

yeah~yeah~yo~~~

終於都打完晒我有份玩的球賽喇~~~
尋日係排球賽的決賽,香港VS澳門~~~最後係局數3:1......香港得到冠軍啊~呵呵~~~
諗返都真係緊張刺激呀......好在尋日澳門主將不在狀態咋,如果唔係都幾危險呀~
阿南仲勇戰受傷.......要聯五針........唔少野架...........
雖然我只係有份o係場邊睇,但我都好搏命嗌架~~~

羸左之後呢,我地就去華醫睇阿南喇........
之後就返房........今日玩到icq呢........呵呵呵~~~
玩左一陣就陪阿宜出去行書局,順便接埋教練去老地方慶功~~~
今晚呢場先至係高潮所在呀~~~

開頭我地都係好少飲酒架.........我都飲coke..........
後尾班人玩high左.......係咁叫酒.........見人就做........
阿宜俾人做啦.....阿青又係......阿文都俾人做,佢都有今日喇~~~
但好明顯佢冇wing過囉我覺得...........
我地保守估計都隊左四十枝啤酒.........係咁不停咁隊.........我自己都應該隊左差唔多十杯啦~
隊到我又開始有少少wing~~~呵呵呵~~~但其實我好清醒架~~~
別人笑我太瘋癲,我笑他人看不穿...........哇哈哈~~~
但係阿橙就真係好似醉左囉......同埋都有幾個人嘔過~~~

一班人飲到十二點幾差唔多一點,期間遇到劇社果班又黎老地方慶功.........
成間老地方俾暨大包場咁滯.........
咁我地食完飲完都點幾喇........送左阿橙返去呢,阿青果班又意猶未盡喎~
結果我地就仲有下一場......阿立、阿sa、我、阿宜、阿南、阿青、阿文、小布8個又出去~
原本話去再飲過架.......但大家都好似飲得差唔多咁樣........最後去左阿貞食糖水~~~
期間.........呵~又係咁講賤野囉.......阿宜同小布俾人玩~呵呵呵~
有一刻好想食煙,不過理智阻止左我咁做~
玩到兩點幾三點先返...都係要俾人記夜歸........

跟住.......阿宜黎左我房訓.......結果冇沖涼又訓天光喇~~~
僑生盃對我黎講已經完左喇....係時候諗o下練校運會d野喇~~~

而家至發現,原來好多我估唔到的人都係食煙架.......完全係好有驚喜囉.........唉~

>>November 2, 2003 at 8:20:44 AM GMT+8

2003 年 10 月 31 日 星期五 【晴】

終於上得返日記網喇~~~好開心呀~~~

呢幾日實在發生左太多太多事喇~~~
最重要的都係幾樣~~~

1.僑生盃羽毛球我拎左女單亞軍~
(如果唔係決賽果日隻右腳傷左,一定唔會輸架~~~)
2.因為傷左隻右腳,所以第二日要去睇跌打,痛到阿媽都唔認得呀~
3.因為睇到唔想睇到的事,所以又走去食煙~
4.知道左一d事,個人諗野的方向完全唔同左~好事定係壞事?
5.腳傷未好又要走左打僑生盃排球.......好在係後備
6.每次勝利都出去食飯+宵夜........搞到我又冇晒錢之餘仲要勁肥~
7.晚晚隊酒,希望整wing自己都唔成功......
8.知道左原來可以同某d人係咁夾同埋可以咁易睇到人~
9.勁食煙後即病,喉嚨勁痛.......尋晚仲要病住隊酒,而家搞到好唔掂~

基本上都係呢d.........而家..........戒煙~
唔再食喇.......希望~
食親都唔會有好事發生............

超級窮..........唉,借左阿sa好多錢喇.........好想返香港~
仲要等到七號啊.........天啊~

>>October 31, 2003 at 4:54:14 PM GMT+8

2003 年 10 月 21 日 星期二 【晴】

一日無事..........

尋晚鬼咁夜先至上到網.........一上網就見到Beaker~
嘩幾難得呀.......梗係傾得就傾啦..........結果就搞到三點幾都唔訓~
同佢傾完仲睇左一陣網.......成四點至收機......

今朝好在返十點,不過我一樣係一路上堂一路訓~
而家個生理時鐘真係掉轉晒......朝早勁眼訓,夜晚又鬼打咁精神......真係唔知點死~
上完堂就同阿青阿宜一齊食飯........之後又去上曾志偉堂喇.........

上完堂諗住去排球場搵阿宜啦.....點知佢話唔見左個排球喎~
咁又唔知係咪o係我房,但我條門匙又o係佢度,結果我係要去勁遠的草地足球場搵佢架~
去到.......無端端又做左搬運工人囉~今次係搬塊板...........
搬完又走返去排球場練波.......今日終於都親身見識到某人幾咁爭波打喇.........
打完波,一大班人走去老地方食飯........同我預想中有好大出入呀o下~
死喇........日日係咁食.............我破硬產啦............


>>October 22, 2003 at 2:07:33 PM GMT+8

2003 年 10 月 20 日 星期一 【晴】

今朝要返八點堂~差d就趕唔切喇我.....好在起到身咋~
返到課室都仲係極度眼訓.........結果又訓左四堂...........

食完飯要去上宣傳輿論學........我就趁呢兩堂寫回信俾小心心同埋細佬 H ~~~
上完堂諗住過去練波啦..........點知一行出教學樓冇耐就俾阿宜佢地捉左我去搬水.......
行出正門之後,佢地又話架車可以開入去..........頂,浪費我時間同腳力呀.........

幫佢地搬完水之後呢,我就手軟軟咁行返去體育館喇......今日完全冇心情打波囉.......
最後都係冇打到........o係場邊傾傾偈,派o下波衫咁又過左........
之後同左阿sa出佰家樂食飯..........嘩個魚腸焗蛋飯勁正呀,推薦呀~~~
食完又去左條條.........真係唔得喇.........呢樣都要戒埋呀........
僑生盃開始後我就唔會再食雪條架喇~~~

我一定會成功戒到架..........

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
昨晚臨睡前,躺在床上想事情,忽然間我明白了一些事~
為何我會變成這樣子,為何事情會發展得這樣快~
原來我從未發現,兩件事情竟是如此的相似~!!!

始終都是同一種東西.........是影子?注定一世影響著我?
難怪總有一種似曾相識的感覺..........

>>October 21, 2003 at 12:43:04 PM GMT+8

2003 年 10 月 19 日 星期日 【晴】

好犀利呀今日.........我又走堂喇...........

唔怪得我架,今日僑生盃排球練波嘛..........中新史........雖然阿sir會點相,但我都係照走架喇~
今朝訓到鬼咁晏至起身,十二點就過左體育館訂場,之後就去左金四樓下等佢地喇~
等左一陣,阿立同阿宜都黎左,我地一路行去搵埋阿斯,就出去體院訂波衫喇~

去到果邊.....一睇之下,果然係一堆屎之中最靚果一隻.......
咁搞掂左波衫呢,我地又去左麥記食........唉,窮呀.........

食完返去華師,o岩o岩好夠鐘練波~
今日唔齊人呢......得七個.......主力黎左五個~
咁我地練左一陣,就落場打比賽....教練一個對我地六個~
嘩都真係勁喎.........佢一條友仲好打過我地六個人.......
後尾佢要走先,就叫佢朋友打,一樣咁勁.........

練完波呢~我同阿青就約左阿恆出黎食飯~
咁但係阿sa又約左阿宜喎,咁結果就係一大班人一齊去左老地方食飯喇~~~
而家食野d消費真係高到爆........一餐閒閒地都十幾廿蚊........點搞呀咁.........唔駛食啦?

食完陪左阿宜去上堂........跟住就返宿舍喇~
部該死的腦腦又成日hang機,搞到我上唔到網,咩都做唔到~
夜晚就上左阿宜房吹水....之後就返黎訓喇~~~

我要戒一d野........一定要戒到架..........唔可以再咁沉迷落去架喇..........

>>October 21, 2003 at 12:23:17 PM GMT+8

2003 年 10 月 17 日 星期五 【晴】

哇哈哈~~~今日認真勁勁~~~

話說尋晚我地傾完野返房訓,咁訓前我打電話叫人通知乒乓球d人波衫的事~
點知今日十二點醒果陣打俾佢,佢話我知佢冇果班人的電話囉.......
結果我就同阿sa搵海燕拎班球員的波衫size.......
然後就約埋阿頭出去天河體育中心搵阿恆一齊睇衫喇~~~

出到去.......衫係多,但價錢都係貴囉.........結果我地睇左一輪都揀唔o岩~
後尾阿頭個fd黎左,話沙河果邊有服裝批發市場,咁我地就打的過去喇~
去到........嘩,真係成個街市咁,乜都有囉...........
但主要都係足球同籃球衫,羽毛球就唔多覺有.......
我同阿sa行足全場都唔覺有時,阿頭話發現左一間有喎,咁我地又拿拿聲去睇啦~
揀中左架喇......但果隻款冇咁多碼........間店的sales真係要拎去再教育呀~
今時今日咁o既服務態度等仆街啦...........唔喝都唔做野.........
最後就買左一隻仿 yy 乳牛衫..........呵呵~d 花紋真係勁似乳牛架...........

跟住撘的返黎...........今日用左好多車錢呢~~~
返到黎........夜晚發生左d事.......搞到個人好興........塞左個頭落被度大叫.........
好想食煙......但一拎出黎就成包俾阿sa搶左,唔俾我食.......
最後仲鎖埋o係佢十樓個櫃度..........
o係我房都傾左一陣偈,知道左一d野.......唉.......
咁佢因為想上網,咁我就拎埋部腦上去佢度.........順便訓~
期間阿宜好似打過俾我.......但......我訓到得返0 k......完全唔識應佢......呵~

好似係六點左右阿宜返左黎,咁我就落返去我房訓喇.............

>>October 19, 2003 at 12:00:40 PM GMT+8

2003 年 10 月 16 日 星期四 【乍暖還寒】

今日都認真勁喇~~~

咁尋晚呢阿宜同阿sa落左黎我房開戲喎..........佢地睇到兩點幾,仲食埋外賣宵夜~
我就一早走左去訓~~~但今朝一樣走堂.........呵~
之後上PE..........今日又有波波打...........一星期打左四日波.......又排球又羽毛球,都真係幾行架~

之後......去左食飯,跟住就跟排球隊去華師練波喇~
其實我都覺得自己幾對唔住排球隊架~
成日掛住練羽毛球,我自己又係羽毛球隊隊長兼半個教頭.......佢地練波我又唔走得~
但我其實又要去排球隊架喎.......但佢練習d時間又同羽毛球撞晒,搞到我成日都去唔到~
好在今日終於都有得去喇~~~

過到去華師........練左陣扣波、一陣下手、一陣上手同埋開波........
有得同阿青搓波喎.........呵呵~~~勁開心啦~~~
不過都睇到一d唔想睇到的事.........唉..............對某d野有d心淡囉..........
後尾教練主力練六個人........我就走左去做執波仔~~~
又睇到一d野............唔想講喇.........

練完波呢.........我就同阿青、阿宜去返西門搵阿恆一齊食野~~~
我地去左食冷麵..........嘩今晚又隊酒囉......飲得多真係唔掂,好傷身呀~
咁o係間野度傾左差唔多三個幾鐘......我地先至肯走~呵~
之後去返暨花果邊搵阿頭傾返d野........
點知一傾之下就勁喇.........

我地一路上已經係咁講賤野.......見到阿頭果時又撞到排球隊的人,大家又一齊傾,越講d野就越賤~
呵呵呵~~~我地可以一路傾正經事一路講賤野架囉.........
o係條街度又傾左差唔多一粒鐘,我地又出過去買雪條........
食完就返房喇~好在冇俾人捉夜歸o者~~~

返房之後我就沖涼啦........跟住至發現我今日打波果陣中左果個波餅原來令我流過鼻血囉........

>>October 17, 2003 at 5:52:35 PM GMT+8

2003 年 10 月 15 日 星期三 【颳風】

呢幾日......都算係咁啦~
而家日日都忙住搞僑生盃d野,搞到晚晚都鬼咁夜訓~
當然......夜訓都總會係有第二d原因o既~~~

每晚三四點訓,朝朝七點起身......仲要下午去打波~
唔知頂唔頂得到僑生盃完呢........
而家咁樣,搞到冇晒心機上堂,日日上堂都o係度訓~
咁落去我d成績一定跌到仆x 啦~~~

點算?

呢牌都真係凍左呀~大家要小心身體呀~
我就慘喇~~~十幾度都仲係沖緊凍水涼...........呢間學校而都未有熱水囉.........
睇怕我都真係要挑戰十二月沖凍水涼架喇...........唉~

>>October 16, 2003 at 6:26:21 AM GMT+8

2003 年 10 月 11 日 星期六 【晴】

２００３１０１２　　　　星期日　　　　晴

今日都勁喇～
尋晚我上左去１０樓訓，今朝六點幾自己醒左喎！後尾訓返，但八點幾阿ｓａ就返左黎～
換左衫佢又出去，我就訓到十一點幾至走～

一醒左就約鈺姐同ｓａ食飯～仲要講返ｓａ在公車被非禮事件～
跟住同佢地行左陣超市，返黎又見到阿宜落街俾野人，咁我就陪佢去啦～
咁之後又陪左佢出去行超市～呵～

返黎果陣佢黎左我房，Ｊｕｌｉ　o係度喎～結果我地又開片～今次係”夕陽天使”
睇完仲睇多一集網劇版”百份百感覺”第五集～
之後我同宜就落飯堂食飯喇～返黎就精彩喇～

是關我今日唔知發咩神經，心情唔多好，咁就想試試食煙喎～
點知Ｊｕｌｉ真係有包煙（佢朋友的）～結果我今日就食左生平第一枝煙喇～
食完我都唔敢上去１０樓，洗晒手食晒香口膠仲係勁大陣味～

上到去，我自己投案～阿宜唔理我囉～嘩心情即時再勁ｄｏｗｎ無限倍呀～
咁我就唔出聲坐o係床度，後尾直情坐左出露台諗野～
今日係少有地上去唔講野架～因為真係冇乜心情～
係咁坐．．．．．．由十一點半一路坐到差唔多一點我都係冇乜出過聲架～
跟住就落返自己房做野喇～

嗯～我諗我實在係都幾被動果ｄ人黎～
對某ｄ事，我真係冇信心再先行第一步～
實在係一件壞事．．．．．．

>>October 15, 2003 at 5:06:29 PM GMT+8